News Of Myanmar

နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင် (၈၁) နှစ်မြောက် တပ်မတော်နေ့ စစ်ရေးပြအခမ်းအနားတွင် ပြောကြားသည့်မိန့်ခွန်း။

အီရန်၏ခွင့်ပြုချက်မယူပဲဟော်မုဇ်ရေလက်ကြားကိုဖြတ်သောထိုင်းကွန်တိန်နာသင်္ဘောအီရန်ဒုံးကျည်ထိမှန်မီးလောင်နေ

. သင်္ကြန်ကာလအတွင်း မြို့တွင်း (YBS) ယာဉ်လိုင်ပုံမှန်ယာဉ်စီးခနှုန်းထားဖြင့် ပြေးဆွဲပေးသွားမည် NOM၊မတ်၂၇၊၂၀၂၆ သင်္ကြန်ကာလအတွင်း မြို့တွင်း (YBS) ယာဉ်လိုင်းကုမ္ပဏီ ၁၅ခု၊ယာဉ်လိုင်း ၇၁ လိုင်း၊ ယာဉ်စီးရေ ၁၁၇၆ စီးဖြင့် သင်္ကြန်ပွဲတော်ကာလ ဧပြီလ ၁၃ရက်နေ့မှ ၁၆ ရက်နေ့အတွင်း ပုံမှန်ယာဉ်စီးခနှုန်းထားဖြင့် ပြေးဆွဲပေးသွားဖြစ်‌ ကြောင်းရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC)မှသိရသည်။ "ကျွန်တော်တို့သင်္ကြန်ကာလအတွင်း လိုရာခရီးသို့ အဆင်ပြေချောမွေ့စွာ သွားလာနိုင်ရေး အတွက်အများပြည်သူသယ်ယူပို့ဆောင်ရေးယာဉ်များအားစက်သုံးဆီလုံလောက်ရေးနိုင်ငံတော်အကြီးအကဲကိုယ်တိုင်လမ်းညွှန်ထားပါတယ်၊ ခရီးသွားပြည်သူများ အနေဖြင့် မစိုးရိမ်ကြရန် မှာကြားထားပါတယ်"ဟုYRTCမှ တွဲဖက်အတွင်းရေးမှူး ဦးလျန်ကျင့်မန်က‌ ပြောသည်။ မဟာသင်္ကြန် ကာလအတွင်း ခရီးသွားပြည်သူများအဆင်ပြေချောမွေ့စွာသွားလာနိုင်ရေးအတွက် မော်တော်ယာဉ်များပြေးဆွဲနိုင်ရေး စီစဉ်ဆောင်ရွက်ပေးလျက်ရှိ‌ ကြောင်း၊ယာဉ်မတော်တဆမှုမဖြစ်စေရေး၊ လမ်းခရီးတွင် ယာဉ်ချို့ယွင်းမှုမရှိစေရေး၊ကြပ်မတ်ဆောင်ရွက်သွားမည်ဖြစ်‌ေကြာင်း၊မော်တော်ယာဉ်များ ပုံမှန်ယာဉ်စီးခနှုန်းထားများ၊ သင့်တင့်မျှတသောဈေးနှုန်းများဖြင့် ပြေးဆွဲနိုင်ရေး ကြပ်မတ်ဆောင်ရွက်သွားမည်ဖြစ်ကြောင်းသိရသည်။

အီရန်က ထရမ့် နဲ့ နေတန်ယာဟု တို့ 'အနိုင်ရနေပုံ' ကို LEGO ဗီဒီယိုအသစ်ဖြင့် လှောင်ပြောင်သရော် အီရန်အစိုးရနဲ့ နီးစပ်တဲ့ Tasnim News Agency နဲ့ Revayat-e Fath Institute တို့က AI နည်းပညာသုံးပြီး ဖန်တီးထားတဲ့ LEGO ကာတွန်းဗီဒီယိုတွေကို ထုတ်လွှင့်ခဲ့ပါတယ်။ ဒီဗီဒီယိုတွေထဲမှာ အမေရိကန်သမ္မတ ဒေါ်နယ်ထရမ့် နဲ့ အစ္စရေးဝန်ကြီးချုပ် နေတန်ယာဟု တို့ကို LEGO အရုပ်လေးတွေအဖြစ် သရုပ်ဖော်ပြီး ၎င်းတို့ဟာ စစ်ပွဲကို "အနိုင်ရနေသူများ" အဖြစ် ဟန်ဆောင်နေကြပေမဲ့ တကယ်တမ်းမှာတော့ အရှုံးနဲ့ ရင်ဆိုင်နေရသလိုမျိုး လှောင်ပြောင်ထားတာ ဖြစ်ပါတယ်။ NOM

အနာဂတ် ထွက်ရှိလာမည့် အမေရိကန် ဒေါ်လာ ငွေစက္ကူများပေါ်တွင် သမ္မတ ထရမ့်၏ လက်မှတ် ပါရှိလာမည် အမေရိကန်ပြည်ထောင်စု တည်ထောင်ခြင်း (၂၅၀) ပြည့် အထိမ်းအမှတ်အဖြစ် အနာဂတ် ထွက်ရှိလာမည့် အမေရိကန် ဒေါ်လာ ငွေစက္ကူများပေါ်တွင် သမ္မတ ထရမ့်၏ လက်မှတ် ပါရှိလာမည် ဖြစ်ကြောင်းသိရသည်။ "လက်ရှိ တာဝန်ထမ်းဆောင်ဆဲ သမ္မတတစ်ဦးအတွက် သမိုင်းတစ်လျှောက် ပထမဆုံးအကြိမ် ဖြစ်ရပ်" ဖြစ်သည်။ ပုံမှန်အားဖြင့် ငွေစက္ကူများပေါ်တွင် ဘဏ္ဍာရေးဝန်ကြီး၏ လက်မှတ်သာ ပါရှိလေ့ရှိသော်လည်း ယခုအခါ သမ္မတတစ်ဦး၏ လက်မှတ်ကို သမိုင်းတွင် ပထမဆုံးအကြိမ်အဖြစ် မြင်တွေ့ရမည် ဖြစ်သည်။ NOM

ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်း။ NOM

အစ္စရေး-အီရန် စစ်ပွဲသည် အဆုံးသတ်မည့်အရိပ်အယောင် မရှိသေးသဖြင့် အီရန်နိုင်ငံအတွင်းရှိ သဘောထားတင်းမာသူများအကြား နျူကလီးယားလက်နက် ပိုင်ဆိုင်ရန်နှင့် နျူကလီးယားလက်နက် မပြန့်ပွားရေးစာချုပ် (NPT) မှ နှုတ်ထွက်ရန် တောင်းဆိုမှုများ ပိုမိုကျယ်လောင်လာနေသည်။ — ရိုက်တာသတင်းဌာန NOM

"အစ္စရေးစစ်တပ်သည် အတွင်းပိုင်းမှ ပြိုလဲလုနီးပါး အခြေအနေသို့ ရောက်ရှိနေ" အစ္စရေးစစ်ဦးစီးအရာရှိချုပ် က မနေ့ညက ကျင်းပခဲ့သော အစိုးရအဖွဲ့အစည်းအဝေးတွင် အောက်ပါအတိုင်း သတိပေးပြောကြားခဲ့သည်။ အစ္စရေးစစ်တပ်သည် အတွင်းပိုင်းမှ ပြိုလဲလုနီးပါး အခြေအနေသို့ ရောက်ရှိနေပြီဖြစ်ကြောင်းပြောကြားခဲ့သည်။ လက်ရှိတွင် စစ်တပ်အတွက် စစ်မှုထမ်းဥပဒေ၊ အရန်တပ်ဖွဲ့ဥပဒေ နှင့် တာဝန်ထမ်းဆောင်မှုသက်တမ်း တိုးမြှင့်ရေးဥပဒေ များ အရေးပေါ်လိုအပ်နေပြီ ဖြစ်သည်။ လက်ရှိအတိုင်း ဆက်သွားနေပါက အရန်တပ်ဖွဲ့ဝင်များသည် ဆက်လက်တောင့်ခံနိုင်တော့မည်မဟုတ်ကြောင်း ၎င်းက ဆိုသည်။ ဤသတိပေးချက်ကို ဝန်ကြီးချုပ်၊ လုံခြုံရေးဆိုင်ရာ အကြီးအကဲများနှင့် ဝန်ကြီးများ၏ ရှေ့မှောက်တွင် တရားဝင် ထုတ်ဖော်ပြောကြားခဲ့ခြင်း ဖြစ်သည်။ NOM

CEIR Importer Portal အသုံးပြုခွင့် မှတ်ပုံတင်လျှောက်ထားခြင်းနှင့် ပတ်သက်၍ အသိပေးကြေညာချက်။ NOM

🇱🇧 💥 🇮🇱 "တစ်နေကုန် မရပ်မနား ဖြစ်နေတာပဲ။ ဟင်း... ငါတော့ လူကော စိတ်ကော ကုန်နေပြီ။ ကဲ... သုံး၊ လေး — ဝုန်း (BOOM)။" ဟစ်ဇ်ဘိုလာ (Hezbollah) လက်နက်ကိုင်အဖွဲ့​၏ ဒုံးကျည်များထိမှန်သည့် အခိုက်အတန့်ကို ကီယပ် ရှမိုနာ (Kiryat Shmona) မြို့ရှိ အခြေချနေထိုင်သူတစ်ဦးက မှတ်တမ်းတင်ထားခြင်းဖြစ်သည်။ အစ္စရေးတို့ သိမ်းပိုက်ထားသော ပါလက်စတိုင်း မြောက်ပိုင်းဒေသကို ဟစ်ဇ်ဘိုလာတို့​၏ ဗုံးကြဲတိုက်ခိုက်မှုများမှာ ဆက်လက်ဖြစ်ပွားနေဆဲဖြစ်သည်။ NOM

မိုဘိုင်းလက်ကိုင်ဖုန်း (Handset)များကို တင်သွင်းခြင်း၊ ပြည်ပမှ ဝယ်ယူ/သယ်ဆောင်လာခြင်းနှင့် ပြည်တွင်း၌ ဝယ်ယူခြင်းတို့နှင့်စပ်လျဉ်း၍ ပြည်သူသို့ အသိပေးကြေညာခြင်း။ NOM

ပင်တဂွန်စစ်ဌာနချုပ်သည် အရှေ့အလယ်ပိုင်းသို့ မြေပြင်တပ်ဖွဲ့ဝင် ၁၀,၀၀၀ အထိ ထပ်မံစေလွှတ်ရန် စီစဉ်နေ အီရန်နှင့် ငြိမ်းချမ်းရေးဆွေးနွေးမှုများ ပြုလုပ်ရန် လမ်းစရှာဖွေနေဆဲဖြစ်သော်လည်း၊ ထရမ့်အတွက် စစ်ရေးအရ ရွေးချယ်စရာများ ပိုမိုရရှိစေရန် ပင်တဂွန်စစ်ဌာနချုပ်သည် အရှေ့အလယ်ပိုင်းသို့ မြေပြင်တပ်ဖွဲ့ဝင် ၁၀,၀၀၀ အထိ ထပ်မံစေလွှတ်ရန် စီစဉ်နေသည်။ အီရန်၏ စွမ်းအင်အခြေခံအဆောက်အအုံများကို တိုက်ခိုက်မည့် နောက်ဆုံးသတ်မှတ်ရက်ကို ထရမ့်က ဧပြီလ ၆ ရက်နေ့အထိ ၁၀ ရက် ထပ်မံတိုးမြှင့်ပေးခဲ့ပြီး၊ ယင်းသို့ တိုးမြှင့်ပေးခြင်းမှာ အီရန်၏ တောင်းဆိုမှုကြောင့်ဖြစ်သည်ဟု ပြောကြားခဲ့သည်။ သို့သော် ငြိမ်းချမ်းရေးဆွေးနွေးပွဲ အကျိုးဆောင်များကမူ အီရန်ဘက်မှ အချိန်ပိုတောင်းဆိုခဲ့ခြင်းမရှိဟု ဆိုကြသည်။ NOM

စီအင်န်ဂျီသုံး YBSယာဉ်များ သတ်မှတ်ခရီးစဉ်လမ်းကြောင်းအတိုင်းပြေးဆွဲခြင်းမရှိဘဲ ကြိုပို့ဆောင်ရွက်ပါကစီအင်န်ဂျီပိတ်သိမ်းအရေးယူသွားမည် NOM၊မတ် ၂၇၊၂၀၂၆ စီအင်န်ဂျီသုံး YBSယာဉ်များသတ်မှတ်ခရီးစဉ်လမ်းကြောင်းအတိုင်း ပြေးဆွဲခြင်းမရှိဘဲကြိုပို့ဆောင်ရွက်ပါက စီအင်န်ဂျီပိတ်သိမ်းအရေးယူသွားမည်ဖြစ်ကြောင်း ယမန်နေ့ မွန်းလွဲပိုင်းက ရန်ကုန်မြို့ တာမွေမြို့နယ်ရှိ ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ(YRTC)၌ပြုလုပ်သည့် မီဒီယာတွေ့ဆုံပွဲမှ သိရသည်။ “ရန်ကုန်တိုင်းဒေသကြီးဝန်ကြီးချုပ်ရဲ့ညွှန်ကြားချက်အရ YBS ယာဉ်ထွက်အင်အားတိုးတက်လာဖို့၊ ယာဉ်တွေများများပြေးဆွဲနိုင်ဖို့အတွက် စီအင်န်ဂျီသုံးYBSယာဉ်တွေ သတ်မှတ်ခရီးစဉ်လမ်းကြောင်းအတိုင်းမပြေးဆွဲဘဲ ကြိုပို့ယာဉ်းအဖြစ်ဆောင်ရွက်တာတို့၊ တခြားနည်းအသုံးပြုတာတို့လုပ်ခဲ့ရင် စီအင်န်ဂျီပိတ်သိမ်းတဲ့အထိအရေးယူသွားမှာဖြစ်ပါတယ်" ဟု YRTC တွဲဖက်အတွင်းရေးမှူး ဦးလျန်ကျင့်မန်က ပြောသည်။ ယခုနှစ် မတ်လဆန်းပိုင်းတွင် YBS ယာဉ်လိုင်း ၁၃၂ လိုင်း၊ ယာဉ်စီးရေ ၃၄ဝဝ ခန့် နေ့စဉ်ပြေးဆွဲပေးနေပြီး ခရီးသည် ၁ ဒသမ ၄၆ သန်းခန့်ရှိရာမှ စက်သုံးဆီကန့်သတ်ချက်ကြောင့် စုံ/မ စနစ်ကျင့်သုံးသည့်ကာလ လက်ရှိအချိန်တွင် ယာဉ်လိုင်းပေါင်း ၁၃၂ လိုင်း၊ ယာဉ်စီးရေ ၃၅ဝဝ ခန့် နေ့စဉ်ပြေးဆွဲပေးနေပြီး ခရီးသည် ၁ ဒသမ ၇ သန်းခန့်ထိရှိလာရာ ယခင်ထက် ခရီးသည်အရေအတွက်၂၅၀၀၀၀ ကျော် တိုးတက်စီးနင်းလာကြောင်း YRTCမှ သိရသည်။ ရန်ကုန်တိုင်းဒေသကြီးအစိုးရ အဖွဲ့၏ညွှန်ကြားချက်အရ ဒီဇယ်သုံး YBSယာဉ်များအားနေ့စဉ် လီတာ ၄၀ ကို ညဉ့်အချိန်တွင်ဆီဖြည့်ပြီး ခေါက်ရေပြည့်မီအောင်ပြေးဆွဲနိုင်ရေး စီစဉ်ပေးခြင်းကြောင့်ခရီးသွားပြည်သူများအတွက်ယာဉ်ထွက်စီးရေတိုးတက်လာမည်ဖြစ်ကြောင်း၊YRT C၏ ကြီးကြပ်မှုအောက်တွင် YBSယာဉ်လိုင်းကုမ္ပဏီ ၂၁ ခု၊ ယာဉ်လိုင်း ၁၄၅ လိုင်း၊ယာဉ်စီးရေ ၅၄၃၈ စီးရှိပြီး စီအင်န်ဂျီအသုံးပြုယာဉ်၅၀၁၃ စီး၊ ဒီဇယ်အသုံးပြုယာဉ် ၄၂၃ စီးရှိကြောင်းသိရသည်။

ဟစ်ဇ်ဘိုလာအဖွဲ့က အစ္စရေးတို့ သိမ်းပိုက်ထားသော နယ်မြေများသို့ တာဝေးပစ်ဒုံးကျည်များဖြင့် ပစ်ခတ်တိုက်ခိုက်ခဲ့သည်။ NOM

အစ္စရေးနိုင်ငံမြောက်ပိုင်း နာဟာယီရာမြို့တွင် ဟဇ်ဘိုလာဒုံးကျည်ထိပြီး တစ်ဦးသေကာ သုံးဦးပြင်းထန်စွာ ဒဏ်ရာရသည်။ NOM

အီရန်ဒုံးကျည်ဆယ်စင်းတွင်ရှစ်စင်းကအစ္စရေးကိုထိမှန်နေဟုအစ္စရေးသတင်းစာဖော်ပြ NOM အီရန်ကပစ်လွှတ်သောဒုံးကျည်များနှင့်လက်ဘနွန်မှရာနှင့်ချီပြီးပစ်လွှတ်နေသောဒုံးကျည်များဆယ်စင်းပသ်တိုင်းအစ္စရေးကိုရှစ်စင်းထိမှန်နေသည်ဟုအစ္စရေးသတင်းစာ”ဟာအာရက်ဇ်”ကရေးသားလိုက်သည်။အမေရိကန်၏လေကြောင်းရန်သတိပေးရေဒါများကိုအီရန်ကတိုက်ခိုက်ဖျက်ဆီးခြင်းနှင့် အကြိမ်တိုင်းတွင်ဒုံးကျည်ရာနှင့်ချီပြီးပစ်နေခြင်းကြောင့်အစ္စရေးလေကြောင်းရန်ကါကွယ်ရေးသည်မနိုင်ဝန်ထမ်းနေရကြောင်း၊အီရန်ကလည်းထိုအချက်ကိုသိသဖြင့်လာမည့်ရက်များတွင်အီရန်၏တိုက်ခိုက်မှုပိုမိုလာမည်ဟုရေးသားထားသည်။လက်ရှိတွင်အစ္စရေး၏လေကြောင်းရန်ကါကွယ်ရေးဒုံးခွင်းဒုံးများမှာ၂၄နာရီစာသာကျန်တော့သည်။

အစ္စရေးနိုင်ငံမြောက်ပိုင်းနာဟာယီရာမြို့တွင်ဟဇ်ဘိုလာဒုံးကျည်ထိပြီးတစ်ဦးသေကါသုံးဦးပြင်းထန်စွာဒဏ်ရာရသည်။

အစ္စရေးနိုင်ငံကက်ဖ်ကါဆင်မြို့တွင်အီရန်ဒုံးကျည်ထိသွားသောကါးတစ်စီးလေထဲလွင့်သွားစဉ်

နိုင်ငံတော်နှင့် တပ်မတော်၏ ငြိမ်းချမ်းရေးလုပ်ငန်းစဉ်များကို လက်ခံယုံကြည်သည့်  PDF အဖွဲ့ဝင် ၈ ဦး နှင့် AA အဖွဲ့ဝင် ၁၀ ဦးတို့သည် လက်နက်၊ ခဲယမ်းများနှင့်အတူ ဥပဒေဘောင်အတွင်းသို့ ဝင်ရောက် မတ် ၂၆၊ ၂၀၂၆ NOM

အမေရိကန်၏လုပ်ရပ်သည် ဒုတိယကမ္ဘာစစ်မတိုင်မီ နာဇီဂျာမနီလုပ်ရပ်နှင့် တစ်ထပ်တည်းဖြစ် အမေရိကန်သည် အချုပ်အချာအာဏာပိုင် နိုင်ငံများဖြစ်သော ဗင်နီဇွဲလားကိုကျူးကျော်ခြင်း၊ အီရန်ကိုကျူးကျော်တိုက်ခိုက်ခြင်း၊ ကျူးဘားကို ဝိုင်းပတ်ပိတ်ဆို့ခြင်းများသည် ဒုတိယကမ္ဘာစစ်မဖြစ်မီ နာဇီဂျာမနီ၏ လုပ်ရပ်နှင့် တစ်ထပ်တည်းဖြစ်နေသည်။ နာဇီဂျာမနီက နယ်ပယ်ချဲ့ထွင်ရန် တိုက်ခိုက်ခြင်းဖြစ်ပြီး အမေရိကန်ကရေနံကို လက် ဝါးကြီးအုပ်ရန် ရေနံထွက်နိုင်ငံများကိုကျူးကျော်ခြင်းဖြစ်သည်။ ဟစ်တလာ၏ နာဇီဂျာမနီသည် ထိုစဉ်က နိုင်ငံပေါင်းချုပ်အသင်းကြီးရှိပါလျက် ထင်ရာစိုင်းသလို ထရမ့်၏အမေရိကန်သည်လည်း ကုလသမဂ္ဂကိုဘေးချိတ်ပြီး ထင်ရာစိုင်လျက်ရှိသည်။ အထူးသဖြင့်အနောက်နိုင်ငံများက ဦးဆောင်ရေးဆွဲထားသော အပြည်ပြည်ဆိုင်ရာ ဥပဒေများကို ဘေးချိတ်ပြီး ထင်ရာစိုင်းလျက်ရှိသည်။ ငြိမ်းချမ်းရေးကိုလိုလားသောသမ္မတဟု မဲဆွယ်စည်းရုံးခဲ့သော်လည်း တစ်နှစ်အတွင်းနိုင်ငံပေါင်း ၇ နိုင်ငံကို ဗုံးကြဲတိုက်ခိုက်ခဲ့သည့်ပထမဆုံးသော အမေရိကန်သမ္မတအဖြစ် ထရမ့်သည်စံချိန်တင်ခဲ့သည်။ ဟစ်တလာက ဂျူးများကိုသတ်သလို အမေရိကန်သမ္မတထရမ့်က မူဆလင်များကိုသတ်နေသည်။ ဟစ်တလာကြောင့် ဒုတိယကမ္ဘာစစ်ဖြစ်ပေါ်လာသလို ထရမ့်ကြောင့်တတိယကမ္ဘာစစ်ဖြစ်အံ့ဆဲဆဲအခြေအနေရောက်နေသည်။ ကုလအထွေထွေအတွင်းရေးမှူးချုပ်ကပင် ကမ္ဘာကြီးသည် အလွန်ကြီးမားသော စစ်ပွဲကြီးအနီးရောက်နေပြီဟု ယနေ့သတိပေးရသည့် အခြေအနေရောက်လာသည်။ ထရမ့်၏စစ်ပွဲသည် အီရန်ကိုသာမက မူဆလင်ကမ္ဘာကိုသာမက ကမ္ဘာကြီးတစ်ခုလုံးကိုထိခိုက်ပျက်စီးစေသဖြင့်အနောက်အုပ်စု၏ ဒီမိုကရေစီစနစ်ဖြင့် အစိုးရရွေးချယ်သည့်စနစ်သည်မှန်ပါ၏လောဟု မေးမြန်းစရာဖြစ်နေပြီဖြစ်သည်။ NOM