News Of Myanmar

မနေ့က ပြုလုပ်ခဲ့တဲ့ ဟွန်းဒူရပ်စ်အမျိုးသားကွန်ဂရက်အစည်းအဝေးမှာ လွှတ်တော်အမတ်တဦးဖြစ်သူ GLADYS AURORA LOPEZ ကို အမည်မသိ လုပ်ကြံသူတဦးက ပေါက်ကွဲစေတဲ့ ပစ္စည်းတခုနဲ့ ပစ်ပေါက်ခဲ့တာပါ။ ပေါက်ကွဲမှုကြောင့် Lopez ဟာ အသက်ဘေးမထိခိုက်ခဲ့ပေမယ့် ထိခိုက်ဒဏ်ရာတွေရရှိသွားခဲ့ပါတယ်။ NOM

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တပ်မတော်အကြီးစားစက်ရုံ(ဆင်တဲ)သို  သွားရောက်ကြည့်ရှုစစ်ဆေး NOM၊ဇ၀န်နဝါရီ၉၊၂၀၂၆ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် သည် တာဝန်ရှိသူများ လိုက်ပါ၍ ဇန်နဝါ ရီလ ၈ ရက် နံနက်ပိုင်းတွင် တပ်မတော်အကြီးစားစက်ရုံ (ဆင်တဲ)သို ‌ရောက်ရှိကြပြီး စက်ရုံမှထုတ်လုပ်ထားရှိသည့် လက်ဆွဲကောက်စိုက်စက်နှင့် Manual Drum Seeder များအား ကြည့်ရှုစစ်ဆေးခဲ့ ကြောင်း သိရသည်။

ဇန်နဝါရီလ၉ရက်နိုင်ငံတကာသတင်းတိုများ NOM ၁။ယူကရိန်းနိုင်ငံလာ့ဗ်မြို့ရှိရေနံမြေနှင့်မြေအောက်ရေနံလှောင်ကန်များကိုရုရှားကနံမည်ကြီးအိုရီရှစ်နစ်ဒုံးပျံဖြင့်ပစ်ခတ်တိုက်ခိုက်လိုက်သည်။(ဗီဒီယို) ၂။အမေရိကန်အထက်လွှတ်တော်သည်လွှတ်တော်၏ခွင့်ပြုချက်မရပဲဗင်နီဇွဲလားတွင်မည်သည့်စစ်ဆင် ရေးမှထပ်မံမပြုလုပ်ရန် (၅၂မဲ-၄၇မဲ) ဖြင့်တား မြစ်လိုက်သည်။ (ဓါတ်ပုံ) ၃။ ဆီးရီးယားစစ်တပ်သည်ဒီမိုကရက်တစ်သူပုန်များသိမ်းထားသည့်အလက်ပိုမြို့ကိုထိုးစစ်ဆင်နွှဲလျက်ရှိသည်။(ဗီဒီယို) ၄။အမေရိကန်နိုင်ငံမင်နီဆိုတာတွင်အသက် ၃၇နှစ်အရွယ်အမျိုး သမီးကိုICE (လူဝင်မှုကြီးကြတ်ရေးနှင့်အ ကောက်ခွန်)အရာရှိတစ်ဦးကပစ်သတ်ပြီးနောက် လမ်းများပေါ်တွင်လူအပြည့်ထွက်ပြီးဆန္ဒပြမှုများဖြစ်ပွားနေသည်။ ၅။ဂျာမနီအဓိပတိမာ့ဇ်ကယူကရိန်းလုံခြုံရေးအာမခံချက်အဖြစ်ယူကရိန်းမြေတွင်ဥရောပတပ်များချထားမည့်ကိစ္စသည်ရုရှားသဘောမတူကမဖြစ်နိုင်ဟုပြောလိုက်သည်။ရုရှားကယူကရိန်းတွင်တပ်စွဲမည့်ဥရောပတပ်များကိုတရားဝင် စစ်ရေးပစ်မှတ်အဖြစ်တိုက်ခိုက်မည်ဟုကြေညာထားသည်။

ဇန်နဝါရီလ၈ရက်နိုင်ငံတကာသတင်းတိုများ NOM ၁။ကိုလံဘီယာသမ္မတပက်ထရိုကသူ့ကိုမူးယစ်ကုန်သည်နှင့်ရာဇဝတ်ကောင်ဟုစွပ်စွဲသည့်အမေရိကန်သမ္မတထရမ့်သည်စိတ်ပိုင်းဆိုင်ရာအားနည်းနေသူဟုတုန့်ပြန်လိုက်သည်။ ၂။ပိုလန်နိုင်ငံခြားရေးဝန်ကြီးကယူကရိန်းသည်ဒရုန်းနှင့် ဒုံးပျံထုတ်သည်စက်ရုံအချို့ကိုပိုလန်သို့ရွှေ့မည်ဟုပြောသည်။ ၃။ဆီးရီးယားနိုင်ငံအလက်ပိုမြို့တွင်အစိုရတပ်များနှင့်ဆီးရီးယားဒီမိုကရက်တစ်သူပုန်များကြားတိုက်ပွဲများပြင်းထန်နေသည်။(ဗီဒီယို) ၄။အမေရိကန်နိုင်ငံခြားရေးဝန်ကြီးရူဘီယိုကဗင်နီဇွဲလား၏ရေနံများကိုတရုတ်နှင့်ရုရှားကခိုးယူခဲ့သည်ဟုပြောသည်။ ၅။ဆီးရီးယားကကာ့ဒ်သူပုန်များကိုနှိမ်းရန်တောင်းဆိုလာပါကကူညီမည်ဟုတူရကီကပြောသည်။

ပြည်သူ့ပါတီ ကိုယ်စားလှယ်လောင်း ဦးလွင်မြင့်အား သင်္ဃန်း ကျွန်းမြို့နယ် တရားရုံးမှအလုပ်နှင့် ထောင်ဒဏ် တစ်နှစ်ချမှတ် NOM၊ဇန်နဝါရီ၈၊၂၀၂၅ ပြည်သူ့ပါတီကိုယ်စားလှယ်လောင်း ဦးလွင်မြင့်ကို သင်္ဃန်းကျွန်းမြို့နယ် တရားရုံးမှ ယနေ့ဇန်နဝါရီ ၈ရက်နေ့တွင်ပြည်သူ့ လွှတ် တော်ရွေးကောက်ပွဲ ဥပဒေ ပုဒ်မ ၅၈ ( ဂ ) အရ အလုပ်နှင့် ထောင်ဒဏ် တစ်နှစ် ချလိုက်ကြောင်း သိရသည်။ ပြည်သူ့ပါတီမှ သင်္ဃန်းကျွန်းမြို့နယ် ပြည်သူ့လွှတ်တော်ကိုယ်စားလှယ်လောင်းဦးလွင်မြင့်သည် နိုဝင်ဘာ ၁၆ ရက်ကမဲဆွယ်စည်းရုံးရာတွင်တော်လှန်ရေးဆိုသည့် စကား လုံး သုံးနှုန်းခဲ့ သည့်အတွက်သင်္ဃန်းကျွန်း မြို့နယ်ရဲစခန်းက ရွေးကောက်ပွဲ နည်းဥပဒေ ပုဒ်မ  ၅၈ (ဂ) ဖြင့်အမှုဖွင့်ကာ တရားစွဲဆို ခဲ့ကြောင်းသိရသည်။

ကြို့ပင်ကောက်မြို့နယ်၊ ရုံးချောင်းကျေးရွာအတွင်းသို့ PDF အကြမ်းဖက်အဖွဲ့က အများပြည်သူထိခိုက်စေရန်ရည်ရွယ်၍ ပစ်ခတ်လိုက်သည့် လက်နက်ကြီးဗုံးသီးတစ်လုံး ကျရောက်ပေါက်ကွဲခဲ့မှုကြောင့် အသက်ငါးနှစ်အရွယ် ကလေးငယ်တစ်ဦးထိခိုက်ဒဏ်ရာရ NOM ဇန်နဝါရီ ၈၊ ၂၀၂၆ ပဲခူးတိုင်းဒေသကြီး၊ ကြို့ပင်ကောက်မြို့နယ်၊ အလယ်ကုန်းတိုက်နယ်ဆေးရုံသို့ ဇန်နဝါရီလ ၇ ရက်နေ့ ညနေ ၅ နာရီ ၄၅ မိနစ်အချိန်၌ ဗုံးသီးပေါက်ကွဲ စထိမှန်ဒဏ်ရာဖြင့် ကလေးငယ်တစ်ဦးရောက်ရှိနေကြေင်းသတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ညနေ ၄ နာရီခွဲအချိန်၌ ကြို့ပင်ကောက်မြို့နယ်၊ ရုံးချောင်းကျေးရွာနေ မောင်စွမ်းထက်ပိုင် (၅) နှစ်သည် ၎င်း၏နေအိမ်ရှေ့တွင်တစ်ဦးတည်းရှိနေစဉ် ၎င်းအနီးသို့ PDF အကြမ်းဖက်အဖွဲ့က အများပြည်သူထိခိုက်စေရန်ရည်ရွယ်၍ ပစ်ခတ်လိုက်သည့် လက်နက်ကြီးဗုံးသီးတစ်လုံး ကျရောက်ပေါက်ကွဲခဲ့မှုကြောင့် ၎င်းတွင်ဗုံးသီးပေါက်ကွဲစ ထိမှန်ဒဏ်ရာရရှိခဲ့ခြင်းဖြစ်ကြောင်းသိရသည်။ News Of Myanmar NOM

ဆင်ဖြူကျွန်းမြို့၊ အမှတ် (၃) ရပ်ကွက်အတွင်း PDF အကြမ်းဖက်သမားများထောင်ထားသည့် နင်းမိုင်းများအား နင်းမိပေါက်ကွဲမှုကြောင့် နေအိမ်မှအလုပ်လုပ်ရန်ခြေလျင်ထွက်ခွာလာသည့် အပြစ်မဲ့အရပ်သားပြည်သူ ၈ ဦးမိုင်းစထိမှန်ဒဏ်ရာများရ NOM ဇန်နဝါရီ ၈၊ ၂၀၂၆ မကွေးတိုင်းဒေသကြီး၊ စလင်းမြို့နယ်ပြည်သူ့ဆေးရုံသို့ ဇန်နဝါရီလ ၇ ရက်နေ့ နံနက် ၁၁ နာရီ ၅ မိနစ်အချိန်၌ မိုင်းပေါက်ကွဲစထိမှန်ဒဏ်ရာများဖြင့် အမျိုးသားငါးဦးနှင့် အမျိုးသမီးသုံးဦးတို့ရောက်ရှိနေကြောင်းသတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၇ နာရီ ၅ မိနစ်အချိန်၌ စလင်းမြို့နယ်၊ ဆင်ဖြူကျွန်းမြို့၊ အမှတ် (၃) ရပ်ကွက်နေသူများဖြစ်ကြသည့် ဦးကျော်မင်း (၅၃) နှစ်၊ ဦးစိန်ကြည် (၇၀) နှစ်၊ ဦးမြင့်အောင် (၆၈) နှစ်၊ ဦးစောမောင်မြင့် (၅၉) နှစ်၊ ဦးကျော်ကျော်လင်း (၅၁) နှစ်၊ ဒေါ်အေမီဦး (၃၈) နှစ်၊ ဒေါ်စိုးစိုးထွေး (၅၅) နှစ်နှင့် ဒေါ်တင်တင်မိုး (၅၀) နှစ်တို့သည် ၎င်းတို့နေအိမ်အသီးသီးမှ အလုပ်လုပ်ရန်ခြေလျင်ထွက်ခွာလာစဉ် အဆိုပါရပ်ကွက်ရှိ လမ်းမပေါ်အရောက် PDF အကြမ်းဖက်အဖွဲ့ထောင်ထားသည့် နင်းမိုင်းလေးလုံးအား နင်းမိပေါက်ကွဲခဲ့မှုကြောင့် ၎င်းတို့ရှစ်ဦးတွင် မိုင်းပေါက်ကွဲစထိမှန်ဒဏ်ရာများအသီးသီးရရှိခဲ့ခြင်းဖြစ်ကြောင်းသိရသည်။ News Of Myanmar NOM

KK Park နယ်မြေအတွင်း အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုသည့် တရားမဝင်အဆောက်အအုံ ၆၃၃ လုံး စနစ်တကျဖြိုချဖျက်ဆီးပြီးဖြစ် နေပြည်တော်၊ ၂၀၂၆ ဇန်နဝါရီ ၈

ပြည်ထောင်စုသမ္မတမြန်မာနိုင်ငံတော် ပြည်ထောင်စုရွေးကောက်ပွဲကော်မရှင် ကြေညာချက်အမှတ်( ၁၁ /၂၀၂၆ ) ၁၃၈၇ ခုနှစ်၊ ပြာသိုလပြည့်ကျော် ၆ ရက် ၂၀၂၆ ခုနှစ်၊ ဇန်နဝါရီလ ၈ ရက် အမျိုးသားလွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရသူများ အမည်စာရင်း ကြေညာခြင်း

၇၈ နှစ်မြောက် ကချင်ပြည်နယ်နေ့ဘောလုံးပြိုင်ပွဲဗိုလ်လုပွဲကျင်းပ NOM ဇန်နဝါရီ ၈၊ ၂၀၂၆ ၇၈ နှစ်မြောက်ကချင်ပြည်နယ်နေ့အထိမ်းအမှတ် ဘောလုံးပြိုင်ပွဲဗိုလ်လုပွဲကို ဇန်နဝါရီလ ၈ ရက်နေ့ညနေက ခရိုင်အားကစားကွင်းတွင် ယှဉ်ပြိုင်ကစားရာ Kachin Youth အသင်းက Du Du Sharaw အသင်းကို ၁-၀ ဖြင့်အနိုင်ရဗိုလ်စွဲသွားသည်။ ဆုများကိုကချင်ပြည်နယ်အစိုးရအဖွဲ့ဝန်ကြီးချုပ်ဦးခက်ထိန်နန်၊ ဝန်ကြီးများ နှင့် တာဝန်ရှိသူများက ဆုများချီးမြှင့်ခဲ့ကြောင်းသိရသည်။ News Of Myanmar NOM

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်  ဆင်တဲနှင့် ထုံးဘို တို့ရှိ တပ်မတော်အကြီးစားစက်ရုံများ၌ လယ်ယာသုံးစက်ကိရိယာများနှင့် မော်တော်ယာဉ်များ ထုတ်လုပ်နေမှုအား သွားရောက်ကြည့်ရှုစစ်ဆေး နေပြည်တော်၊ ဇန်နဝါရီ - ၈

ပြည်ထောင်စုသမ္မတမြန်မာနိုင်ငံတော် ယာယီသမ္မတနိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ပန်းတောင်း မြို့ရှိ မြို့နယ်အဆင့်ဌာနဆိုင်ရာတာဝန်ရှိသူများ၊ မြို့မိမြို့ဖများနှင့်တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများဆွေးနွေး နေပြည်တော်၊ ဇန်နဝါရီ - ၈

၈-၁-၂၀၂၆ ရက်နေ့ ယနေ့နံနက် ဧရာဝတီတိုင်းဒေသကြီး စက်စက်ယိုကျေးရွာမြောက်ဘက်ရှိ စောပြာကျေူရွာအနီး အကြမ်းဖက် AA+PDF ရောက်ရှိနေကြောင်း ဒေသခံပြည်သူများက သတင်းပေးသည့်အတွက် တပ်မတော်စစ်ကြောင်းများက သွားရောက်ချေမှုန်းရှင်းလင်းခဲ့ရာ - အကြမ်းဖက် AYA PDF အဖွဲ့မှ တပ်ခွဲမှူးအဆင့်ရှိ ရေသရဲအပါအဝင် အလောင်း ၂ လောင်း - Type81 သေနတ် ၂ လက် - Type81 ကျည် ၂၃၀ တောင့် - Type81 ကျည်အိမ် ၅ ခု - AATR လက်ကိုင်ဆက်သွယ်ရေးစက် ၁ လုံး - ကြိုးဆွဲလက်ပစ်ဗုံး ၁ လုံး - ကျည်ကာဦးထုပ် ၂ လုံး တို့အား သိမ်းဆည်းရရှိခဲ့ပါသည်။ တိုက်ပွဲသတင်းစုံ

လှိုင်မြိုနယ်တွင် မဲရုံများ စနစ်တကျဖြစ်စေရေးအတွက် စံနမူနာပြမဲရုံပုံစံ ခင်းကျင်းမှု သရုပ်ပြအခမ်းအနားကျင်းပ ဇန်နဝါရီ ၈၊ ၂၀၂၆ ရန်ကုန်တိုင်းဒေသကြီး၊ မရမ်းကုန်းခရိုင်၊ လှိုင်မြို့နယ်တွင် ၂၀၂၆ ခုနှစ် ဇန်နဝါရီ ၁၁ ရက်နေ့တွင် ကျင်းပပြုလုပ်မည့် ပါတီစုံဒီမိုကရေစီအထွေထွေရွေးကောက်ပွဲကာလတွင် ဆန္ဒမဲပေးဆောင်ရွက်မည့် မဲရုံများ စနစ်တကျဖြစ်စေရေးအတွက် စံနမူနာပြမဲရုံပုံစံခင်းကျင်းမှု သရုပ်ပြအခမ်းအနားကို ယနေ့ မွန်းလွဲ (၂) နာရီအချိန်က လှိုင်တက္ကသိုလ်နယ်မြေ၊ အမျိုးသားအားကစားရုံတွင် ကျင်းပခဲ့ကြောင်း သိရသည်။ အခမ်းအနားတွင် မရမ်းကုန်းခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကျော်သက်ခိုင်က အဖွင့်အမှာစကားပြောကြားခဲ့သည်။ ဆက်လက်၍ အနောက်ပိုင်းခရိုင် ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးတင်မျိုးအောင်က ဆန္ဒမဲပေးဆောင်ရွက်မည့် မဲရုံများ စနစ်တကျဖြစ်စေရေးအတွက် စံနမူနာပြမဲရုံပုံစံ ခင်းကျင်းမှုအား ရှင်းလင်းပြောကြားခြင်း၊ အနောက်ပိုင်းခရိုင်ရွေးကောက်ပွဲကော်မရှင်အဖွဲ့ခွဲ အတွင်းရေးမှူး ဦးစောထက်လင်းဦး၊ အလုံခရိုင်ရွေးကောက်ပွဲကော်မရှင်အဖွဲ့ခွဲအတွင်းရေးမှူး ဒေါ်ရင်ဝင်းဟန်တို့က ဆန္ဒမဲပေးပုံများကို လက်‌တွေ့သရုပ်ပြရှင်းလင်းပြောကြားခဲ့သည်။ အဆိုပါအခမ်းအနားသို့ မရမ်းကုန်းခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကျော်သက်ခိုင်နှင့် အဖွဲ့ဝင်များ၊ ခရိုင်ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးတင်မျိုးအောင်၊ လှိုင်မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးမြင့်စိုးနှင့် အဖွဲ့ဝင်များ၊ မြို့နယ်‌ရွေးကောက်ပွဲကော်မရှင်အဖွဲ့ခွဲဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာအသီးသီးမှ တာဝန်ရှိသူများ၊ မြောက်ဥက္ကလာပမြို့နယ်၊ လှိုင်မြို့နယ်တို့မှ မဲရုံမှူးများနှင့် ရပ်ကွက်အုပ်ချုပ်ရေးမှူးများ တက်ရောက်ခဲ့ကြောင်း သိရသည်။

ရန်ကုန်- မော်လမြိုင်လမ်းတွင် ကုန်တင်ယာဥ်နှင့်Probox ယာဥ်တိုက်မိ သုံးဦး သေဆုံး တစ်ဦး ဒဏ်ရာရ NOM၊ဇန်နဝါရီ၈၊၂၀၂၆ ပဲခူးတိုင်းဒေသကြီး၊ ပဲခူးခရိုင်၊ ဝေါမြို့နယ်၊ ရန်ကုန်- မော်လမြိုင် လမ်းမကြီး၊ မိုင်တိုင်အမှတ် (၆/၄) ဖာလုံနေရာတွင်လမ်းဘေးတွင်ရပ်ထားသည့် (၂၂)ဘီးကုန်တင်ယာဉ်ကို Probox ယာဉ်တစ်စီးက ဝင်ရောက်တိုက်မိမှုဖြစ်ပွါးခဲ့ကြောင်းလူမှုကူညီရေးအသင်းမှသိရသည်။ ဖြစ်စဉ်မှာဇန်နဝါရီ၇ရက်ည ၁၁နာရီကျော်က အဆိုပါဖြစ်စဉ်ကြောင့် Probox ယာဉ်ပေါ်ပါ အမျိုးသားနှစ်ဦး၊ အမျိုးသမီးနှစ်ဦး စုစုပေါင်း‌ လေးဦးအနက် အမျိုးသားနှစ်ဦး(‌သေဆုံး)၊ အမျိုးသမီးတစ်ဦး (သေဆုံး)၊ အမျိုးသမီးတစ်ဦး ထိခိုက်ဒဏ်ရာ (စိုးရိမ်ရ)ဒဏ်ရာရရှိပြီး‌ ဝေါမြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့‌ ကြောင်းသိရသည်။

ဗင်နီဇွဲလားဟာ အမေရိကန်ထုတ် ထုတ်ကုန်တွေသာ ဝယ်ယူရမယ်လို့ ဧကရာဇ်ထရမ့်က အမိန့်ပေးလိုက်ပါတယ်။ “ဗင်နီဇွဲလားဟာ အမေရိကန်ထုတ် ထုတ်ကန်တွေကိုသာ ဝယ်ယူတော့မှာဖြစ်ပါတယ်” လို့ ထရမ့်က သူ့ရဲ့ ဆိုရှယ်မီဒီယာမှာ ရေးသားခဲ့ပါတယ်။ “တနည်းအားဖြင့် ဗင်နီဇွဲလားဟာ အမေရိကန်ပြည်ထောင်စုရဲ့ အဓိကမိတ်ဖက်အဖြစ် စီးပွားရေးလုပ်ကိုင်ဖို့ ကတိပြုထားပါတယ်” လို့လည်း သူက ပြောဆိုခဲ့ကာ အမြော်အမြင်ရှိတဲ့ ရွေးချယ်မှုဖြစ်တယ်လို့လည်း ထရမ့်က ထည့်သွင်းရေးသားခဲ့ပါတယ်။ NOM

အမေရိကန်စွမ်းအင်ဌာနရဲ့အဆိုအရ ဝါရှင်တန်ဟာ ဗင်နီဇွဲလားရေနံကို ကမ္ဘာ့ဈေးကွက်ထဲ စတင်ရောင်းချနေပြီလို့ သိရပါတယ်။ ဒါဟာ အမေရိကန်၊ဗင်နီဇွဲလားနဲ့ မိတ်ဆွေမဟာမိတ်နိုင်ငံတွေအတွက် အကျိုးစီးပွားဖြစ်ထွန်းလိမ့်မယ်လို့လည်း ဆိုပါတယ်။ ရေနံရောင်းရငွေတွေဟာ အမေရိကန်ဘဏ်အကောင့်ထဲကိုသာ တိုက်ရိုက်စီးဆင်းမှာလည်း ဖြစ်ပါတယ်။ NOM

Minneapolis မြိုမှာ အသက် ၃၇ နှစ်အရွယ် လူဖြူအမျိုးသမီးတဦးကို လူဝင်မှုကြီးကြပ်ရေး အရာရှိတွေက သေနတ်နဲ့ ပစ်ခတ်ခဲ့တဲ့ ဗီဒီယိုဖိုင်ဖြစ်ပါတယ်။ NOM

အညာနဲ့ ပတ်သက်ရင်၊ ဒါမှမဟုတ် စစ်ရေးအရ ထိတွေ့မှု အများဆုံး ခပ်စိတ်စိတ် ဖြစ်လာတဲ့ ဒေသတွေက ကချင်နဲ့ စစ်ကိုင်း ခါးဆက်ဖြတ်ဖို့ အရေးပါတဲ့ မြို့တွေရယ်၊ စစ်တောင်းမြစ် အရှေ့ဘက်ခြမ်းနဲ့ နီးတဲ့ ဒေသတွေရယ်၊ ပဲခူးရိုးမကို အခြေပြုပြီး အရှေ့ဘက် အမြန်လမ်းနဲ့ အနောက်ဘက် ကပစ အခြေစိုက် ပြည်-မင်းလှ တကြောကို စိုးမိုးဖို့ ကြိုးစားနေတာ တွေ့ရလိမ့်မယ်။ ------ မနေ့က ဖြစ်သွားတဲ့ ပြည်ကားလမ်းပေါ်က ဖြစ်စဉ်ဟာ သာမန်အားဖြင့် အသေးအမွှား ကိစ္စပဲ ရှိသေးတယ်။ လက်ရှိ ပဲခူးရိုးမ အနောက်ခြမ်းက PDF အများစုဟာ သာယာဝတီ၊ ကြို့ပင်ကောက်၊ ဇီးကုန်း တဝိုက်က ဒေသခံ အင်အားစုတွေပဲ ဖြစ်တယ်။ တပ်က ဒီဒေသ တွေကို စစ်ကြောင်းထိုး နယ်မြေရှင်းတယ်ဆိုပေမယ့် လက်ချင်းချိတ်နိုင်တဲ့ တပ်တွေ ပါဖို့လိုတယ်။ နောက်တခုက စစ်ကြောင်း သတင်းလုံခြုံမှုက အမြဲလိုလို သတင်းကြိုပေါက်နေပုံလည်းရတယ်။ ဒါက စစ်ကြောင်းရဲ့ အားနည်းချက်ဆိုတာထက် ဒေသအခြေပြု PDF တွေဖြစ်နေတဲ့အခါ စစ်ကြောင်း လှုပ်ရှားမှုကို ကျေးရွာကျန်အမျိုးအနွယ်တွေဆီကနေ ဖုန်း သတင်းနဲ့ ကျိုးပေါက်ပုံရတယ်။ တပ်ဟာ ဘယ်မှာ အခြေပြုနေတယ် ဆိုတဲ့ တပ်တည်လှုပ်ရှားမှုကို မထိန်းနိုင်တဲ့အခါ ကြားဖြတ်တိုက်ခိုက်ခံရတာ၊ ရန်သူက လက်ဦးမှုရပြီး ကြိုရှောင်နိုင်တာမျိုး ဖြစ်လာစေတော့တယ်။ သေချာပေါက် လှည့်စားမှု လုပ်မှ အဆင်ပြေနိုင်မယ့် သဘောပဲ။ ----- တစ်ခါ.... ဒီPDF အစုအဖွဲ့တွေကို ရိုးမ ကျော်ပြီး ကြည့်တဲ့အခါ ဖြူး၊ ပဲနွယ်ကုန်း၊ ညောင်လေးပင် ဆိုတာနဲ့ ဆက်စပ်နေပြန်တယ်။ သေချာတာကတော့ ရိုးမအနောက်ခြမ်း လက်နက်ကိုင်တွေအတွက် လက်နက်ခဲယမ်းသယ်ဆောင်မှုအတွက် ပထမ ဦးစားပေးက ဒီလမ်း ဖြစ်နိုင်သလို ၊ ဒုတိယ ဦးစားပေးလမ်းက ဇီးကုန်းအနောက်ဘက်က ဧရာဝတီမြစ်ကို ကျော်၊ မြန်အောင်ကိုဖြတ်ပြီး ရခိုင်ဘက်က လာနိုင်တယ်လို့ သုံးသပ်ရတယ်။ ------ နောက်ဆုံး စစ်ရေး‌ ဖော်ဆောင်ထားတဲ့ ဒေသဟာ စစ်ကိုင်းနဲ့ကချင်အစပ်မှာရှိတဲ့ - ကသာ၊ အင်းတော်၊ ဗန်းမောက်နဲ့ ထီးချိုင့် ၊ တကောင်းတို့ ဖြစ်နေလိမ့်မယ်။ ရွေးကောက်ပွဲအလွန်ကာလ ပထမဆုံး ထိပ်တိုက်တွေ့နိုင်တာဟာ တကောင်းပဲ။ ကချင်ပြည်နယ်ဆီ တပ်ရဲ့ ထိုးစစ်တွေကြန့်ကြာစေဖို့ နောက်ကွယ်က KIA အထောက်အပံ့နဲ့ ဒီဒေသတွေကို စစ်ပွဲဇုန်အနေနဲ့ ဖန်တီးထားတာ တွေ့ရတယ်။ ----- အချုပ်အနေနဲ့ကြည့်ရင် ကချင်- စစ်ကိုင်း အစပ်က ဒီဒေသတွေရယ်၊ ချင်းတွင်း မြစ်ကမ်းဘေး အခြေပြု နေရာတွေကို ထိန်းချုပ်နိုင်မှပဲ ပြည်မထဲက လက်နက်ကိုင် အင်အားစုတွေအပေါ် လက်နက်ခဲယမ်း ထောက်ပံ့တဲ့ ရေသောက်မြစ်ကို ဖြတ်နိုင်သလို ဖြစ်လိမ့်မယ်။ ရွေးကောက်ပွဲ မပြီးဆုံးခင်ကာလအထိတော့ အစိုးရဟာ မြေပြင် မထိန်းချုပ်နိုင်ဘူးဆိုတဲ့ နိုင်ငံရေး သိက္ခာ ကျစေဖို့အတွက် မြို့သိမ်းတိုက်ပွဲ မဟုတ်တောင် ဒီဖြစ်စဉ်မျိုး နီးနီးအထိ အကောင်အထည်ဖော်လာနိုင်ကြလောက်သေးတယ်။ (နရီမိုး)

ကျောက်ဖြူမြို့နယ် ချောင်းမြောင်ရွာအနီးမှာရှိတဲ့ အကြမ်းဖက်AA များကို တပ်မတော်ဒရုန်းတပ်ဖွဲ့က ချေမှုန်းရှင်းလင်း။ VD- AA အလောင်းတွေကို တပ်မတော်ကတက်ဆွဲနေခြင်းဖြစ်ပါတယ်။ တိုက်ပွဲသတင်းစုံ