هلوسات مفارق ٰـ₎❥┊⁽😴✍.

- الظلم من أبشع ما يقع للإنسان في دنيته، خصوصاً حن يكون الواحد ضعيف والا فقير، مغلوب على أمره والكل يِتْكالَبوا عليه كأنهم وحوش، وما بش معه ناصر ولا مَعين في ذي الدنيا إلا اللي خلقه. والخذلان؟ آهخخ من الخذلان حن يجي من أحب الناس وأقربهم للروح! غصة وسط الفؤاد تنخر العظم وما تنتسى مرارتها أبداً، وجرح بالقلب ما يبرأ ولا يندمل مهما طالت الأيام. ثمنه غالي وما ينتسى، لأن اللي خذلك كنت تراهن عليه وتتباها به قدام الخلق كلهم، وفجأة يخيب الظن ويهدك قدام الكل 💔. أما الفراق عمن تحب، فهذا هو الموت الحقيقي ويا قهر قلبي قهر! حن يفارقك إنسان غالي، وتأخذه المنية قدام عينك وأنت تدعي الله وتتوسل إليه يخليه جنبك. هانا الجسم ينهد وينحل من القهر والحزن، والصوت يبح وِيِيْبَس الريق من كثر البُكا، والروح تنوح من الألم، وما بش جابر له كسر إلا الله سبحانه. وفراق الأحبة الإجباري يوجع القلب، مثل فراق الأصحاب بسبب بعد المسافات والغربة، والا بين القلوب المتحابة حن يرفضوا الأهل ويوقفوا ضدهم وتعقد الظروف، والا بين الإخوة حن تشغلهم الدنيا وتفرقهم مشاق الحياة وهمومها. والندم.. يا قهر الندم بعد فوات الأوان وبعدما يطير الطير بأرزاقه! حن ينتهي كل شي وما عاد يبقاش إلا الحسرة، مثل النار الحارقة اللي تِلتَهِم قلوب النادمين وتكويهم كوي. والبعد عن الله، بعدما كان الواحد مرتاح البال ونفسه مطمئنة في طريق الخير، تجرفه الدنيا بمفاتنها، وتغويه النفس الأمارة بالسوء يلحق نزواتها العابرة. هانا لازم المحاولة للرجوع والفرار إلى الله بكل ما أوتي الواحد من قوة، ونلحق ركاب التوبة قبل يوم الرحيل المكتوب. ‏ㅤ نسأل الله طيب العيش وحسن الخاتمة 🤲🩵.