-

أهوجس فيه وأضرب خطوط الخيال وأسافر بالتفكير وأنا محلي محلي

‏يارب وأنت تشوف ماتنشاف ‏وأقرب لي مْن أنفاسي لصدري ‏أحطك بعيني عشان أخاف ‏يومٍ يجي ويِحط من .. قدري ‏وإذا اجحدوني سادة الإجحاف ‏ما ألحقتهم عقب الوفا ، غدري ‏مدري عن الناس وعن الإنصاف ‏وبتحقق أحلامي .. أنا أدري

"ما ورا عوج الضلوع إلا محلّك ذي مرابيك القدام وذاك دارك"

واليوم خمس سنين والهم مازاح ‏هم الفراق الي بلا عذر مشروع ‏أستغفر الله تسعة شهور ياصاح ‏في غيبته قمت احسب اليوم بأسبوع

"لبيه يا الراحه وذعذاع الصباح ‏وأنا مصلي الفجر في توقيتها ‏أحس في صدري سكينة وانشراح ‏من يوم أذن للصلاة وجيتها ‏مذنب وأحب الخير وأسعى للصلاح ‏وأندم على الغلطه ليا سويتها"

بعض العرب حبّه يوردك الجنون ‏ولا يوصف له غلاه حكاك له ‏ما يقنعه وصف الغلا لو وش يكون ‏لو كل حرف بالحرير إيحاك له ‏الموت جاك وهو تقلبه الظنون ‏ولا لك إلا الصّبر وش وداك له ‏إن قلت ضايق قال هونها تهون ‏ما يدري إن ضيقتك له وإبكاك له

المحبوب مُستثنى حنى وإن كان في الجراح مدغم أبو شيبة قال: "أعذريني يوم أقابل طعونك بـ إرتياح! كيف لأ؟ والجرح مملوح والجارح مليح" وضيدان بن قضعان قال: "تحاليت الجروح اللي تجيني من يدينك لين دريت إن كل جرحٍ في حشاي أغلى من الثاني" ‏و سلطان الهاجري أكد ذلك يومه يتفدّى: ‏"فديتك انت وكل طعنه من يدك فديتها"

‏نهبّ قلبي غلاه ‏وصار حبه فالضلوع لحال ‏غدى له فالحشا وكرّ ‏وعروق القلب ترخا له

‏ماكان للشِّعر طاري .. لين ثار الشعور ‏وما صرت كلّي عذوبه ، لين ذقت العذاب