War News

مارک کاپوتۆ (ئاکسیۆس) بۆ ترەمپ : لە لوتکەی G7، چەندین سەرکردەی جیهانت بینی. کە چوویتە ژورەوە وتت: "من سەرۆکی لوتکەکەم." چەند کەسیان باوەڕیان پێکرد؟ ترەمپ: هەموویان. بەڵام تەنها گاڵتەم دەکرد... ئەوە وەک گاڵتەیەک کرا. ئەم قسەیە بە هەموو جیهاندا بڵاوبووەوە. بڕوام پێ ناکرێت. من تەنها قسەی خۆشم دەکرد. گاڵتە بوو. هەوڵم نەدەدا ببم بە سەرۆک. - ترەمپ ستایشی مۆدی سەرۆکوەزیرانی هیندستان دەکات: هەموو ژیانم چاودێری هیندستانم کردووە. ئەوان بەردەوام لە گۆڕاندا بوون. لەوێ کەسێک بۆ شەش مانگ دەبوو بە سەرۆک وەزیران ، دواتر بۆ ساڵێک، لەپڕێکدا مۆدی بوو بە سەرۆکوەزیران. زیاتر لە ١٢ ساڵە لەوێیە، زۆر جێگیرە. ئەو کارەکە بە جۆرێک دەکات، وەک بڵێیت هێمنییەکی گەورەی هەیە، بەڵام خۆی کەسێکی هێمن نییە. پیاوێکی زۆر توند و بەهێزە. زۆر باش دەیناسم. - ترەمپ لەسەر بەڕازیل: چاودێری بەڕازیل دەکەم، ئەو سەرکردەیەی کەمێک دەیناسم. کەسێکی زۆر ناجێگیرە. کاپوتۆ: ئەگەر هەڵە نەبم تۆ لایەنگری لولا نیت. ترەمپ: بە ڕاستی پێت بڵێم، بیر لەو ناکەمەوە. بەڕاستی بیری لێ ناکەمەوە. گوێم پێ نادات. بەڵام ئەو ئێستا جۆرێکی ترە لە مرۆڤ. زۆر ناجێگیرە. سەیری وتارەکیم کرد. زۆر ناجێگیر بوو، و کێشە نییە. -ترەمپ لەسەر ڤەنزوێلا: ئێمە چەندین و چەند جار پارەی ئەو جەنگەی ڤەنزوێلامان داوە. ئێمە ملیۆنان بەرمیل نەوت دەردەهێنین و زیاتر لە هەر کاتێکی تر پارە بۆ ئەوان پەیدا دەکەین. هەموو کۆمپانیا گەورەکانی نەوت ڕوو لەوێ دەکەن. شتێکی سەرسوڕهێنەرە. - ترەمپ شی جینپینگ و نارێندرا مۆدی بە دوو لە بەهێزترین سەرکردەکانی سەر گۆڕەپانی جیهان دەناسێنێت. - ترەمپ لەسەر پاکستان: لە پاکستان، فێڵد مارشاڵتان هەیە، کە زۆر باشە. سەرۆکوەزیرانیشتان هەیە، و ئەوان پێکەوە زۆر باش دەگونجێن. پیاوە سەربازییەکە تەواو ڕێز لە سەرۆکوەزیران دەگرێت. شتێکی جوانە بۆ بینین. - ترەمپ ستایشی ماکرۆن دەکات: ماکرۆن کارێکی نایابی کرد لە میوانداریکردنی G7. زۆر باش بوو. هیچ یارییەکی تێدا نەبوو. نزیکەی هەفتەیەک پێشتر بانگهێشتی کردم. وتی: "دەتوانیت خزمەتێکم بکەیت؟ دێیت بۆ پاریس؟ دەمانەوێت ڕێزت لێ بگرین." من وەک ڕێزگرتن لە نەتەوەکە تەماشام کرد. بەڵام ئەو وتی: "دەمەوێت ڕێز لە تۆ بگرم." هەندێک لە گەورەترین کەسایەتییەکانی ئەوروپا و دەرەوەی ئەوروپای لەوێ بوو. ئێمە لە ڤێرسای بووین، من کەمێک نەمدەویست بچم، بەڵام ئەو خاڵی لاوازی منی دەزانی. ئەوان لە ڤێرسای خوان ڕێک ناخەن. ئێمە نانی ئێوارەیەکی نایابمان خوارد. - ترەمپ لەسەر G7: دەبوو G8-یان بهێشتایە. ئەگەر وابوایە، ڕەنگە جەنگی ڕوسیا و ئۆکرانیامان نەبووایە،، بەڵام ئۆباما نەیویست پوتین لەوێ بێت. جاران G8 بوو. ئەگەر بەو شێوەیە بهێشتایەتەوە، زۆر باشتر دەبوو. - ترەمپ لەسەر موجتەبا خامنەیی: من ئایەتوڵاکەم کوشت، و بەداخەوە ئایەتوڵاکەی تریشم بریندار کرد. من نەمدیوە. قسەم لەگەڵی نەکردووە، بەڵام خەڵک باسیان دەکرد. بەڵام ئەو جۆرێک لە ئازایەتی هەیە چونکە بە سەختی بریندار بوو. - ترەمپ لەسەر ئێران: گەورەترین پردی ئەوانم لەناوبرد چونکە بە درەنگەوە گەیشتن بۆ کۆبوونەوەیەک. وتیان ئەوە زۆر باش نەبوو. ئەو پردە، پردی "جۆرج واشنتۆن"ـی ئەوانە. لە سێ خولەکدا تێکم ڕووخاند. کاپوتۆ:ئەمە چۆن گۆڕینی ڕژێمە؟ تۆ خامنەیی کوڕت لە ئێران هەیە. ترەمپ: خامنەیی کوڕ جیاوازە لە باوکی. ئەوان دوو مرۆڤی جیاوازن. ترەمپ لەسەر ئێران و هێزی پیادە: ئەگەر ئێستا لێیان بدەم، ئەگەر نەمانەوێت هێزی پیادە بنێرینە سەر زەوی، و تۆش ناتەوێت هێزی پیادە بنێرین، وایە؟ ئەگەر هێزی پیادە نەنێرین، ڕەنگە هەمان خەڵک بچنە قوڵایی ئەشکەوتەکانەوە. پێیان دەڵێن ئەشکەوتی گڕانیت. زۆر بەهێزن. دەچنە قوڵایی، و کاتێک ئێمە ڕادەوستین، ئەوان دێنە دەرەوە، و ڕەنگە هەمان سەرکردە بن. ئێستا گەروی هورمزمان بە تەواوی دادەخست. هەمووی پڕ دەبوو لە مین، و مووشەک بەسەر کەشتییە ملیار دۆلارییەکاندا دەفڕین. ئەو کەشتییانە هەرگیز نەدەچوونە دەریا. بۆ چەند مانگێک نەوتمان نەدەبوو. ترەمپ: ڕێزم بۆ هەندێک کەس لەدەست دا. کاپوتۆ: کێ؟ ترومپ:نامەوێت ناویان بهێنم. بەڵام، دەزانیت، "توندڕەوەکان. ئۆه، دەبێت لەناویان ببەیت." من بەدوای ئەوەدا نیم خەڵک بکوژم. ترەمپ لەسەر بایدن: پیاوێکمان هەبوو کە نەیدەتوانی بە پلیکانەکاندا سەربکەوێت، و نامەوێت باسی ئەمە بکەم چونکە ئەگەر من کەمێک پێم بخلیسکێت، دەڵێن: "ئۆه، ئەمە کارەساتە." باشە، دەکرێت ڕووبدات. بەڵام ناتوانیت هەر جارێک دەچیتە سەر ستەیج پێ بخلیسکێیت. مارک کاپوتۆ: ئایا تۆ "ئەنسرۆپیک" (Anthropic) و تا ڕادەیەک بەڕێوەبەری جێبەجێکارەکەی "داریۆ ئەمۆدی" بە هەڕەشە بۆ سەر ئاسایشی نیشتمانی دەبینیت؟ ترەمپ: ڕاستییەکەی، ئێستا نا، بەڵام ڕەنگە هەفتەیەک پێش ئێستا بەڵێ.