❤❤የኪያ ደብዳቤዎች❤❤

በሲኒማ ታሪክ ውስጥ በጣም ሃያል ከሆኑ ንግግር አንደኛው የዚህን አለም እውነታ ያጠቃልላል። 🎬 The Godfather ዶን ቪቶ ኮርሊኒ ለልጁ ሚካኤል ኮርሊኒ እንዲህ ሲል ይመክረዋል፦ «እኔ ስሞት ካንተ ጋር የሰላም ውል ጠይቀው ስምምነት ላይ ይደርሳሉ። የምታምነውን አንድ ሰው ከእኛ ጉባኤ ወይም ከቤተሰብህ መካከል አንዱን መርጠው ወደአንተ ይልኩታል። የተላከው ሰውም ለሰላም ስምምነት እና ለአንተ የበለጠ ሹመት ልታገኝ እንደሆነ በመንገር ስብሰባው መች እንደሚከናወን የቀጠሮ ቀኑን ያሳውቅሃል። በዚህ ስብሰባ ወቅት ግን አንተ ትገደላለህ!። ለዛም ነው ይሄን የምልህ፤ ያ ለሰላም እና ለሹመት የሚልኩት ሰው ማንም ይሁን ማን አስወግደው ከሃዲ ነው!።»                   

"የድሮ ደብተሬን ስገለጥ፣ 'ፍቅር እያደር ወጣት ይሆናል እንጂ እንደ ሰው አያረጅም' የሚል ጽሁፍ አገኘሁ። የኔስ ፍቅር የት ደረሰ? እንደ እድሜ ጠገብ አዛውንት መቋሚያ ተደግፎ ይሆን ወይ? 'ገና አልሞትኩም' እያለ ለማትረፍ የሚታገል... አንዳንዴ በውስጥ ያለን ስሜት አለመናገር፣ ከልብ የማይጠፋ የዘወትር ጠባሳ ሆኖ ይቀራል። እናንተስ? የውስጣቹን ሳትናገሩ ግዜ የሸበለለባቹ ነገር አለ?" አኮብ(121)

ሬድዮ አዳምጬ ማቅባቸው ቀናቶች በጣት የሚቆጠሩ ትንሽ ናችው ዛሬ ግን መክፈት ፈለኩ መስማት ፈለኩ የሆነ ምስሉን የማላየው ድምጽ ፈለኩ እሱነቱን በለበሰው ጨርቅ ሳይሆን በንግግሩ መመዝን ፈለኩ አንዳንዴ ምናለ የዘመኑ social mediaዋች በድምጽ በሆኑ እላለሁ ብቻ ከፈትኩት አንድ ሰው በደስታ ተሞልቶ ዛሬ ታሪካዊ ቀን ነው ሲል ይደመጣል ታሪካዊ ቀን ማለት የማይረሳ በጥሩ ም በመጥፎም የሚታወስ አደል እንዲ ካልን ስንቱ በልቡ ከትቦ የያዘው ታሪካዊ ቀን አለው የማይረሳው. . . የማይዘክረው. . . የማይረግመው. . . ሊፍቀው ቢሞክር የማይፋቅ በልቡ የተነቀሰው ጥቁቁር የጠለሹ የህይወቱ ቅንጥብጣቢዋች ሆነው ለመንቀል ያዳገቱ ብቻ እግዜር መቶ ለሁሉም ብእር ወርቀት የታሪካዊ ቀናቹን ገጠመኝ አስፍሩ ቢል ወረቀቱ ይበቃቸዋል? እንጃ የኔዋ ታሪካዊ ቀን ግን ታሪከ ብዙ ናት ቢጨልፏት የማታልቅ ውቅያኖስ የናተስ? ስንት ታሪካዊ ቀን . . . አላቹ ? አኮብ(121)

አሁንኮ ድንገት ትዝ ብለኸኝ…እንዲሁ በኑሮ በኑሮ መሀል አንዳንዴ አስብሀለሁ።ትዝታ ግን አይገርምህም? . ትዝታ ጎበዝ የሒሳብ ሊቅ ነው። ይሔ ሲደመር ይሔ ..ሲደመር ይሔ…ነው እዚህ ያደረሳችሁ ይለኛል። እሺ እላለሁ። ይሔ ሲቀነስ ይሔ…ሲቀነስ ይሔ ነው…ልብሽን ባዶ ያደረገው ይለኛል። እሺ እላለሁ። ይሔ ሲባዛ ይሔ …ሲደመር ይሔ ..እኩል ይሆናል ይሔ መለያት ይለኛል። እሺ ነው መቼስ ለትዝታ ምን ይመልሱለታል? . ትዝታ የአለም አንደኛ ዲፕሎማትም ነው። ይሔ ሆኗል ይሔም ተደርጓል ቢሆንም ፍቅርን የሚያህል የታል? ይላል። ያኔ ልብም አዕምሮም ለዘብ ረገብ ይሉለታል። የተኩስ አቁም ስምምነት ይፈርሙለታል። እንዲያ እያሞኘ ድል ይረታል። እንጂ እኔ አሁን አንተን ላስብ ይገባል? በፍፁም! . ትዝታ እግዜር የጎበዝ ዕድሜ በደላችንን ያይደል የልጅነት የወተት ጥርሳችን እያሰበ ይቅር እንደሚለን ለማስታወስ በልብ ያስቀመጠው ህቡዕ ቋንቋም ይመስለኛል። ለዛ ነው መሰል ሰው ነፍሱ ስጋውን ስትሰናበት ለሰከንድ በህይወት ሳለ የሰራው ዋና ዋና ነገር summary ይቀርብለታል አሉ። ችግሩ ያኔ ‘take me back to the night we met’ን እየዘፈኑ መመለስ የለም። . ስለዚህ ዛሬ አስብሀለሁ። ስለማስብህም ብዙ አይደብረኝም። ወደተዋወቅንበት ፀደይ ዘመን እየሔድኩ ደግ ደግህን እደግማለሁ። አንተ ግን በቃ እረሳኸኝ እንደዛ የሰው limited edition ነሽ እንዳላልከኝ። እንግዲህ ምን አደርጋለሁ ከቴዲ ታደሰ ጋር ከመጮህ ውጪ ከተስማማህ ከደላህ ምን አለ ከደላህ ከሞላልህ ከደላህ ምን አለ ከደላህ…..🎧 ቤቴልም እንደ ከተበችው

«አንድ ሰው ይህ ያጋጥመዋል፤ ከእንቅልፉ ሲነሳ በጥልቅ ድንጋጤ ራሱን ይጠይቃል፦ እውነት ሃያ ሞላኝ? ሰላሳ፣ አርባ? እናስ ህይወት እንዴት አለፈች?!»                       ―ኢቫን ቶርጌኔቭ     

°°      እኛ የቀትር ህልሞች ነን ቀን የተፋነውን እንቅልፍ ማታ የምናላምጥ 🎈             

በወሬ መሀል እንደቀልድ በዋዛ ፈዛዛ ስምሽን ሲያነሱ ድንገት ነበር ሳቄ ከገፄ ላይ የተራገፈው... ድንገት ነበር ጨዋታ የጠፋብኝ... ድንገት ነበር በዝምታ ባህር ውስጥ የሰጠምኩት... ብቻ ከምሸሸው እኔነቴ ጋር ነው ያላተሙኝ.. አላወቁትም እንጂ ማባርያ ከሌለው ዶፍ ትዝታ ውስጥ ነበር የዘፈቁኝ... "!አንዳንዴ የተዳፈነ ትዝታ ሰው ፊት ሲነቃ አንገት ያስደፋል '' 121

አባት ሁሉ ወታደር ነው. .አንዳንዱ የገዛ ልጁን ሲገድል፤ አንዳንዱ ግን ልጁን ለማኖር እራሱን ያጠፋል!።     

«አንድ ሰው ይህ ያጋጥመዋል፤ ከእንቅልፉ ሲነሳ በጥልቅ ድንጋጤ ራሱን ይጠይቃል፦ እውነት ሃያ ሞላኝ? ሰላሳ፣ አርባ? እናስ ህይወት እንዴት አለፈች?!»                       ―ኢቫን ቶርጌኔቭ      

ራሴን ብሎም ማንነቴን ለምወደው ሰው ከፍቼ ነበር፤ የምወደው ሰው ግን በእኔ ክፍተት ውስጥ በፍጥነት እጁን ሰደደና ህመሜን ቆፈረው!።          

አንዳንድ ታሪኮችን ከህይወቴ መዝገብ አልሰረዝኳቸውም፤ ይልቅ ከመሃል ቀድጄ ጣልኳቸው!።                

Fight club 📽️ ላይ የምወዳት አንዲት አባባል አለች። በመከራ ላይ የተነገረች እውነተኛ ምክር፦ “ጠባሳው ባንተ ላይ ቢቀርም ህመሙ እንዲወስድህ አታድርግ። ካለስቃይ ካለ መስዋትነት ምንም ነገር አናገኝም ነበር። መጀመርያ ተስፋ መቁረጥ አለብህ። ይህ ፍርሃት አይደለም የሆነ ቀን ትሞታለህ በቃ። ሁሉንም ነገር ካጣን በኋላ ምንም ነገር ለማድረግ ነፃ እንሆናለን።”

የሆነ ቀን ከአልጋ ጨዋታችን ቡኋላ ምርር ብሎት ጠየቀኝ " ለምንድነው ሁልጊዜ አድርገን ስንጨርስ ፊትሽን የምታዞሪው !? ከዛ ቡኋላ አቅፌሽ እንድተኛ የማትፈልጊው? " አለኝ " ከሰው ጋር ተቃቅፎ መተኛት አለመድኩም ። ከልጅነቴ ጀምሮ ሰው አብሮኝ ተኝቶ አያውቅም ። ይጨንቀኛል ለዛ መሰለኝ " አልኩት ። ግን አልነበረም። ይህን ሰው የወደድኩት አልመሰለኝም። ፍቅር ስንጀምር (እኔ አልጀመርኩም ምናልባት እሱ ተሰምቶት ከነበረ ) እንዲሁ እንደቀልድ እንደዋዛ ነው። ዝም ብሎ ወደድኩሽ ወደድኩህ የሌለው አይነት ነገር። በፊት በፊት ስላላከበረኝ በአገኘኝ በ 7ተኛው ቀን አብሮኝ ያደረ ይመስለኝ ነበር( አሁን ነው እሱ ሳይሆን እኔው ራሴን አለማክበሬ የተገለጠልኝ ) ሰዎች እግር ስር በገዛ እጃችን የጣልነውን ክብር አንስተው እንዲሰጡን ስንጠብቅ ነው የምናጠፋው ። ጥፋት 1 ይህ ሰው ደግነቱ ነው የሳበኝ። ትኩረት ስለሰጠኝ ነው ከስሬ አልጠፋም ሲለኝ ዝም ያልኩት። ለጥሩነቱ እና ለየዋህነቱ ሴትነቴን ነበር ያቀረብኩለት ። ሲስመኝ ስሜት ሳይሰጠኝ ዝም ብያለሁ ። (ደስታው ግን ያስደስተኝ ነበር ) ጭኖቼን ለመፈልቀቅ እስኪታገል አላስጠበቅኩትም ። ተው ይሄን ነገር አላልኩትም። የመወደድ ስሜት እንዲሰማው አድርግያለሁ ጥፋት 2 ልወደው ሞክሪያለሁ ። (በርግጥ እወድሃለሁ ያልኩት ከ 2 ጊዜ አይበልጥም) ግን ሞክሪያለሁ ። ለኔ ሲል የማይሆነውን ፤ ያለመደበትን ፤ የማይፈልገውን ሁሉ ሲሆን እያየሁ ዝም ማለት አልቻልኩም ወደራሴ ላቀርበው ጥርያለሁ። የኔን ፈገግታ ለማየት እሱን በማይመጥኑ ሰዎች ፊት ክብሩን ሲጥል እያየሁ ችላ አላልኩትም። አብሬው ለመቆየት ከስሜቴ ታግያለሁ ። ጥፋት 3 ብቻችንን ስንሆን ያለው እሱ ይጨንቀኝ ነበር። ሴትነቴ መሃል ሲገባ ከወንድነቱ ያንስብኛል። ሳቅፈው የስድስት አመት ህፃን ልጄን እያባበልኩ ያለው ይመስለኛል ። እሱ ከላዬ ላይ ሆኖ እየተደሰተ እኔ ምሳ ሰዓት ላይ ስላናደደኝ ሰውዬ አስቤ አውቃለሁ ። "የኔ ፍቅር ጨረስኩ.. ጨረስሽ ?" ሲለኝ ' ምኑን ነው' ብዬ ተደነባብሬ አውቃለሁ ። "አሳፍሬሽ ነው አይደል ? ይቅርታ " ብሎ ግንባሬን ሲሰመኝ በዝምታ ተስሜ አውቃለሁ። ጥፋት 4 እንለያይ አልኩት። አልደበረውም ፤ አልተከፋም ፤ ምንም የተለየ ስሜት አልተሰማውም ። ቀለል አርጎ "እሺ " አለኝ። ምናልባት እሱም እንደኔ ቀን እየጠበቀ የነበረ መሰለኝ። የመለያያ ጊዜያችንን አብሮ ከመፍጀት በቀር ምንም የጋራ ነገር ሳይኖረን እንዲሁ በሰውኛ ባህሪያችን ብቻ እየተሳሳቅን የቆየን መሰለኝ። የመጨረሻ ጥፋት ልክ እንደዚህ እንደፃፍኩት ቀሽም ፅሁፍ ቀሽም የሆነ ትዝታ አልፎ አልፎ እየመጣ ይረብሸኛል....!🖤 ፊያሜታ አፈወርቅ

✅የሄድሽ ቀንኮ አደለም!!! ልትሄጂ እንደሆን ያሰብኩ ቀን ራሱ እጨነቅ ነበር።ስትሄጂ ምን እንደምሆን ሳስብ እፈራ ነበር።ተደግፌሽ እንደቆምኩ ያላንቺ ማንም እንደሌለኝ ስለማስብ ይሆን???እኔንጃ!! ✅ብዙ ቀን ግን ስሜቴ ትሄዳለች እያለኝ አልቅሻለሁ ብዙ ቀን ልቆጣሽ ብዬ እንዳትተዪኝ ፈርቼ ትቼዋለሁ ኩርፊያሽ አለም ያኮረፈኝን ያህል እንዲሰማኝ ስለሚያደርግ ኩርፊያሽን እፈራዋለሁ ካንቺ ጋ የተገናኘሁበትን ቀን እስክረግመው ተጨንቄያለሁ ✅የሌላ ሆነሽ አስቤ ብዙ ቀን ብቻዬን አብጃለሁ ምን እያሰበች ይሆን??ደብሬያት ይሆን??እንደድሮ ትወደኝ ይሆን??ልቧ ውስጥ ሌላ ሰው አለ ይሆን እያልኩ ተብሰልስያለሁ.. ፈርቻለሁ ምድር ላይ ሰው እንዳልተፈጠረ ያህል ሁሉን ረስቼ አንቺን ብቻ አስቤሻሁ አንቺን ብቻ አፍቅሬሻለሁ ...ካንቺ ከመለየት ሞቴን መርጫለሁ ግን አንድ ቀን ደወልሽልኝና ፈጥኜ አነሳሁት..ደና እንደሆንኩኝ እንኳ አልጠየቅሺኝም "መለያየት አለብን" አልሺኝ ያን ቀን ፍሪጅ እንደከረመ ውሀ በረዶ ሆንኩኝ እንደሬሳ ቀዘቀዝኩኝ ቀጥሎ የሚፈጠረውን ሳስብ መብራት እንደጨበጠ ደርቄ ቀረሁኝ ለምን?እንዴት?አላልኩሽም።ዝም እንዳልኩሽ ስልኩ ተዘጋ።በቀናት ውስጥ አዲሱ ፍቅረኛሽን እየሳምሽው እኔን እንደተውሺኝ ለማሳበቅ ለህዝቡ አወጅሽ ✅አሁን ሲያይ ምን ይሰማዋል?? አላልሽም!!!ይከፋው ይሆን??አላልሽም!!ለሚጠይቁት ሰወች ያስጨንቁት ይሆን??አላልሽም!!ብዙ በሳሳውልሽ ልክ ጨከንሽብን!!ባከበርኩሽ ልክ አዋረድሺኝ!!የት ሄደች እያሉ የሚጠይቁኝን ለመሸሽ ቤቴን ትቼ ወጣሁ።ሰፈሩ ደበረኝ ።አንድ ቀን ሰበብ ፈልጌ መንገድ ዳር አደርኩኝ ።እኔ ብቻ ሳወራ ደስ አለኝ ..ነፃነቴን ያገኘሁ መሰለኝ... በሁለተኛው ቀን እሳት አነደድኩኝ ሰው ሁሉ እየመጣ ሲያየኝ አብዶ ነው የሚል ስያሜ ተሰጠኝ አልደበረኝም ማህበረሰብ ተስማምቶ ስም ሲለጥፍ በኔ አልተጀመረ እኔም አመንኳቸው መሰል ✅ጥልቅ ፍርሀት እብደት ይወልድ የለ የፈራሁት ሲደርስ ቬሎ ለብሰሽ ስታገቢ እኔ ድሪቶዬን ለብሼ አበድኩልሽ ታድለሽ አንድ እብድ አለሽ 🌐@Enmare1988 🌐@Enmare1988

በድድብናችን ምክንያት መከራ ውስጥ ገብተናል። ነገር ግን ህመሙ አይሰማንም ምክንያቱም ደደብ ነን!🤝🏼☹

“የሌሎችን ሰቆቃ እና ስብራት ስትመለከት አትሳቅ፤ ቁስል በሚኖርበት ጊዜ መነጋገር መዳኒት ነውና በቁስሎች መካከል ሰው መሆን ወይም ለመሆን እየሞከርህ ሙት..”                      ፦ሊዮ ቶልስቶይ                     ✔️@Enmare1988 ✅️@Enmare1988

‹‹My plan was that we sit here for a while. talk about old times. drink some whiskey 🥃. then I was gonna tell you. I hadn't spent a day without thinking about you!.›› “እቅዴ ለትንሽ ግዜ እዚህ መቀመጥ ነው። ጥቂት ውስኪ እየተጎነጨው ስለድሮ ግዜ ማውራት። ከዚያም እነግርሽ ነበር፤ አንድም ቀን ስላንቺ ሳላስብ አልፎ አያውቅም”          📽️ Peaky blinders