ماذا بعد! 🖤

- 282 يومًا.. - غَزَّة لا زالت تُباد. "نزوح يتلوه نزوح.. خيَم وحرّ، جوع، قصف، استهداف، نسف مربعات كاملة، أحزمة نارية، شهداء، جرحى وإصابات، فقد للأهل والأصحاب وكل شيء، بلاء عظيم والله، مستمرين في هذه الحرب، كأننا تحت ركام منزل مقصوف ننتظر ضوء الشمس من بين الركام للنجاة، أو الذهاب الى رحمة الله. يا ربّ هذا العالم لا يرانا ! توكلنا عليك يا الله لا ملجأ لنا إلاّ أنت، اللهمَّ مددًا من عندك إلى أوليائك المستضعفين في غَزَّة، تكفيهم وتؤيهم وتداويهم وتنصرهم.. يا حبيبنا يا الله بلغت القلوب الحناجر، وضاقت علينا الأرض بما رحبت، وضاقت علينا أنفسنا، تب علينا وارحمنا والطف بنا فقد ‏استطال الألم علينا، وزاد طغيان أعداؤنا، وكادت قلة حيلتنا تفتك بنا، ولا أملٌ ولا ملجأ لنا سواك.. اللهمَّ إنا نسألك أن تحيطنا بعنايتك، اللهمَّ بك نجتاز التعب، بك وحدك فأنت وحدك لوحدتنا."!

‏وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا♥. صلاة الفجر والدعاء يحبايب قلبي ♥.

"مُسْتَحيلُكَ، على اللهِ هَيِّنٌ." قيام الليل ومتنسوش الدعاء بالنصر القريب♥.

محدش يعرف اني عايشه غير امي أصلاً.. أنا بردو =

بتكتبت بعدك تدوسي ع الكلام كأنك هتنسخي بعد كدا هتجيلك تلات نقط تختاري كلمه Bold، بس دا حسب نوع الكيبورد.

لديكَ عائلة تُحبك، عدد قليلٌ من الأصدقاء الجيدين، طعام متوفر متى جعت، وسقف فوق رأسكَ، إذاً أنتَ أغنى مما تعتقد، وإن تعدوا نعمة اللّه لا تحصوها🦋.

♡.

‏و أرِحني مِن شَتات عقلي وأرزقني بِما فيه صلاح أمري🤍 .

فيه ناس خدت شمس وناس خدت فراشة طبعا مش محتاجه أقولك أنت خدت إيه يحبيب أخوك .

وَلي فُؤادٌ إِذا طالَ العَذابُ بِهِ طارَ اِشتِياقاً إِلى لُقيا مُعَذِّبِهِ يَفديكَ بِالنَفسِ صَبٌّ لَو يَكونُ لَهُ أَعَزُّ مِن نَفسِهِ شَيءٌ فَداكَ بِهِ🤎.

بس خلاص طالما انتي فهمانه وكدا تمام، وفكك منهم خالص بجد والله.

ناس محتاجه تتعالج والله، متديش اي حد مساحه ف حياتك وخلاص ومتبقيش ساذجه، انتي مش محتاجه م حد حاجه، ولا كمان ينفع حد يعاملك بمزاجه، فوقي كدا، سواء صديقه زميله، دول مينفعش ياخدوا ثانيه ف تفكيرك ولا حتى يستحقوا انك تدخليلي وتكلمي عنهم، لانهم بجد ولا حاجه.

عارفه انك مش بتتلزقي وكدا، بس خلاص ف داهيه، أي حد ممكن يشوف نفسه عليا، دا اي هو دا.

طيب معلش يعني طالما هي عملت كدا اكتر م مره وانتي عارفه انها قاصده لي تشاركيها ولا تديها مساحه انها حتى تجاهلك حتى لو انتي عارفه انها قاصده، لي ادي الناس المريضه حقها ؟ طالما بتشاركي اي حد م صحابك خلاص شوفي غيرها. ولي تقبلي تخوضي حاجات زي دي، سواء صحبتك دي او دي، فكك منهم، مفيش وقت للتعب او المدايقه بنسبة واحد ف الميه، انا كدينا بشوف حد كدا بختصره خالص، عشان معنديش وقت للحاجات الهبله دي، او اني اقعد استغرب واستعجب تصرفات ناس عندها نقص، ومحتاجه تكمله ف تيجي تكمله ع حسابي أنا ؟ لي يعني كل دا مش مجبوره والله انك تتعاملي مع ناس زي دي، خاصتا انك خلاص عرفتيهم.

دي عبيطه، ازاي تكدب كدا وبالشكل دا وعادي كدا ! أي كان السبب مينفعش تكدب ولا تطلع م كدبه تدخل التانيه، دا مرض دا والله، فكك منها خالص، هي باين عليها دماغها تعبانه بجد، ولا تدردشي معاها ولا حاجه، مش الكل سالك ولا صافي والله، دا انتي نضيفه يحبيبي ومتزعليش نفسك ولا تحسي بحاجه، سبيها مع نفسها خالص، دي بتكدب بشكل مش طبيعي والله، حتى لو غرض انها مش عاوزاكي تيجي وكدا، بس مينفعش تكدب كدا والله مينفع.

ف حاجه اسمها مرض الوهم، دا فعلاً بيأثر ع الانسان اكتر م المرض الفعلي الجسدي، انتي لو حطيتي ف نفسك هتهلكي نفسك وهتجيلك كمان الامراض، انتي بس متوهميش نفسك طبيعي تحسي كل حاجه زي دي لأنك ف ضغط نفسي ومذاكره ومدعكه، ف انتي تعملي اي، تروقي بالك خالص وتاخدي بالك م صحتك شويه لحد الامتحانات وبعد الامتحانات ان شاء تروحي تكشفي كشف كدا نضيف وتعرفي اي اللي عندك، هتلاقي انيميا وحاجات ناقصه فيتامين وكله دا م الضغط وانك مش واخده بالك بس بصحتك، دا انتي زي الفل وربنا يعافيكي ويعافي جسدك م أي مرض يبطل ♥.

حقيقي حسيت بقرأ تعويذه والله، اي الشورشار ودا، قعدت شويه لحد م عرفتي انك بتعملي دعايه للبط، معاكي انك تكرفي لتمريض، بس كنتي فكك م البط وكنتي اشتغلتي ف البلح هاااا ونفسي تجبيلؤ بلحع كلنا عارفينها ابن صهيانيه كدا، فهماني !😂

‏لا أشكو ولكن أرجو، أرجو رحمتك التي وسعت كل شيء أن تسعني❤️‍🩹. صلاة الفجر والدعاء لاخواتنا ف غزة وسوريا والسودان وكل المسلمين المستضعفين ف كل مكان واخوك أحمد رفعت 🤍.

أنا عارفه ان كل حاجه حواليك وقدامك بتقول مستحيل يحصل اللي أنا بتمناه، كل واجه بتبص فيها بتقولك لأ، بس نسيت تبص ع واجهة ربنا، نسيت قدرة ربنا ! نسيت أن ربنا اذا اراد شئ يقول له كن فيكون ؟ لعله اختبار صعب شويه، ولكنه سيمر بإذن الله تعالى، ف لازم تنجح ف الاختبار،وتعرف ان احنا نظرتنا ضيقه امام قدرة وحكمة الله ♥. -قيام الليل🤍.. والدعاء لاخواتنا ف غزة وسوريا والسودان وكل المسلمين المستضعفين ف كل مكان، والدعاء لاخوكم أحمد رفعت🤍.