ماذا بعد! 🖤

طيب ما ابليكشن تسميع حلو خالص، بتسمعي وبيصحح ليكي وتجويد وكله، هو المحفظه حلوه عشان هتشجعك، بس انا بقولك الحل دا مؤقت.

كان فيه واحده منزله ع الفيس بوك انها بتحفظ وبدون مقابل، ف لو لقيت البوست تاني او البيدج بتاعتها هنزلها، لكن انا مش معايا رقم حد والله.

طالما انتي ملكيش ذنب ولا هي كمان، كنتوا ممكن ترجعوا لو انتوا بجد صحاب، لو انتوا متمسكين ببعض، بس اللي حصل انكم بعدتوا، بس طالما هي جايبه الغلط عليكي بالشكل دا ومطلعه نفسها الملاك البريئ،يبقى ليه تزعلي نفسك، يبقى المشكله اللي حصلت دي سبب من الاسباب عشان ربنا يظهرلك شخصيتها الحقيقه، عشان محدش بيظهر شخصيته إلا ف الخلاف، ف انتي دلوقتي زي الشطاره، ترمي حكايتها وهي ورا ضهرك ولا تسمعيلها، المرايا اللي تطلعك وحشه متبصيش فيها فهماني ؟ لو غرضها عتاب، كانت عتبتك ورجعت وخلص الحوار، لكن انا حسيت غرضها انها تطلعك توكسيك لكن انتي مش كدا، يبقى فاكس ليها خالص.

لأ دا بيبقى درس لينا لبعدين، واغلب الناس ف حياتنا فترات، إلا القليل، القليل جداً كمان، الحكمه ف دا اننا لازم نتعلم م اللي حصل، ومن العلاقه دي، سواء كانت حلوه او وحشه.

معاناتي ف مسج ❤️‍🩹. مش عارفه بجد ليه بيحصل كدا، نفسي اسيب كل حاجه تيجي زي ما تيجي، بس Over thinking أوديه فين ؟ لولا ثقتي ف ربنا كانت حصلي حاجه دلوقتي.

‏«يُؤنسنِي مَجيئكَ إليَّ»♥

لأ مغلطتيش، ودا فعلاً ماضي ملكيش علاقه بيه، وخطيبك شخص كويس انه بيحكي بصدق وقالك ومخباش، وانتي ردك كويس جداً، والموقف دا هيخلق ما بينكم الثقه، طبيعي تدايقي، بس اللي مش طبيعي تخلي الماضي يأثر ع علاقتكم، واللي هو أصلاً انتي مكنتيش فيه.

لأ متكذبيش، انتي اعملي بلوكات واقفلي اي طريق، ولا تحسي بتأنبي ولا حاجه، وربنا يعينك ع ذكره،وعبادته، حاضر ادعيلك🤎.

أنا وصلت لدرجة اني بقيت كل ما أخسر حاجة أقول مش أغلى من اللي راح !

إلى الذى بيده الملك فَإِذَا فَرَغْتَ فَانصَبْ وَإِلَى رَبِّكَ فَارْغَبْ 🤍. ركعتين لله وادعي كتير، إحنا والله لا نملك شئ، ربنا يراضينا ويرضى عنا ويطلعنا منها ع خير ❤️‍🩹.

لأ مش حرام، ولا هما حبوكي ولا حاجه، واللي يطلب منك حاجه حرام زي كدا استحاله يكون حبك أبداً، ولازم تتوبي، بس انتي متحسبهاش كدا انه ربنا يعاقب وكدا، لأ ربنا رحيم، بس حقيقي لازم ف اسرع وقت تتوبي، يالا احنا ف ايام كبيره وخدي الفرصه دي💗.

أخفي أوجاعي بطريقةٍ تؤلمني أضعاف.

هو ربّ المستحيل وانت تبكى على الممكن.'❤️‍🩹

﴿‏فَمَنِ اتَّبَعَ هُدايَ فَلا يَضِلُّ وَلا يَشقى﴾ 💗

مُستَوحِشًا مِن جَميعِ النَّاسِ كُلِّهمِ، كأَنَّما النَّاسُ أَقْذاءٌ على بَصَري."

بتلاقي نفسك عاوز تعيط، بس لأ لأ مينفعش، دا انا اللي بواسي،أزاي اعيط ؟

بتقوله الكلام اللي انت نفسك تسمعه.

مفيش أصعب من إنك تواسي شخص من الحاجه اللي انت بتعاني منها.

كنت بقول إني مش بحبّ الـ Physical touch، بس افتكرت إن فيه ناس ممكن أحضنهم خمس مرات لو قعدت معاهم ساعة. وكنت بقول إني بتضايق من الكلام الكتير، لحد ما لقيتني ممكن أقعد ساعتين كاملين بسمع حد بيحكي في أي حاجة حتى لو مش هنوصل لفايدة. تقريبًا إحنا مش بنحب أو بنكره أفعال لذاتها بقدر ما بنقيسها على أشخاص مختلفة.. واللي نحبّه، نحبّ له كل حاجة، ونحبّ منه أي حاجة💗.

ياربّ عمرة ياربّ عمرة ياربّ عمرة ياربي دبِّر ليّ عُمرة بغير حول مِنّي ولا قوة."))💗