"ليطمئن قلبك 🌼♥️"

أول ما تبدأ تهتم بنفسك، صدقني الدنيا كلها بتتظبط لوحدها كده، من غير ما تحس... تحس إنك خفيف كده.. مرتاح، شكلك أحلى، روحك أهدى، والمراية حتى تبتدي تبصلك بنظرة رضا. الاهتمام بالنفس مش رفاهية.. دي أولوية! يعني تبدأ تصحى لنفسك، تاكل كويس، تنام كويس، تلبس اللي يليق عليك ويريّحك، تبعد عن أي حاجة بتستنزفك.. سواء ناس أو مشاعر أو حتى أفكار. ولما تهتم بنفسك، الناس كمان بتحس بده.. يعني بتشدلك الحلو، بيجيلك الفرص، بتنجذبلك الراحة... ليه؟ عشان انت بقيت مصدر طاقة حلوة.. بقيت شخص عارف هو يستحق إيه، ورايحله. كل حاجة حلوة بتبدأ لما تقرر تحط نفسك في المرتبة الأولى، مش أنانية والله.. دي نجاة! فـ ابصملك بالعشرة إن أول خطوة للراحة والسعادة، هي إنك تصالح نفسك، وتدلّعها، وتديها حقها زي ما بتدي الناس كلها... ابدأ بنفسك.. والباقي هيجيلك لوحده