"ويبقىٰ الله حين لا يبقىٰ أحد.. ♡. •"

'' وقومت من جمبهم وروحت قعدت عالبار وطلبت ويسكي ، وقعدت أتابع الناس الموجودين ، وأبص علي ضحي ووليد ! ..باينة أوي غيرة وليد ! ..كلنا عارفين إنهم مرتبطين من سنتين وكل مايحصل بينهم حاجة ضحي تطلع في دور إنها بتحب واحد جديد عشان تغيظ وليد لحد مايرجعلها ويعتذر ، والمرادي الدور عليا ..بس الدور طوّل أوي ، معقول تكون بجد بتحبني ، ضحكت بسخرية ، وكملت شُرب وفُرجة علي الناس ..لحد ماشوفت منظر غريب ، شلة شباب وبنات داخلة المكان وفيه بينهم بنت محجبة ! ، كان شكلها مُلفت أوي عشان المكان دا مش للمحجبات ! ..مافيش محجبة موجودة هنا غيرها ، قعدت أتابعها بعنيا وكنت مركز معاها أوي ، باين عليها متوترة ومرتبكة ..بتحاول تتكيّف مع العالم اللي مش شبهها خالص ، صحابها كانوا بيشدوها عشان تقوم ترقص معاهم بس هي رفضت ، وفي الآخر سابوها وقاموا هما يرقصوا ..طلبت كاسين ويسكي وأخدتهم وروحتلها ، وقعدت قدامها علي الترابيزة وحاطيت الكاسين وقربت كاس منها وقولتلها ..'' - ويسكي ؟ '' بصتلي باستغراب ..'' = شكرًا مش عايزة - طب جربي ..يمكن تعوزي = قولتلك مش عايزة ، وبعدين إنتَ مين أصلًا عشان تيجي وتقعد معايا - عزيز ..إسمي عزيز ، وانتِ ؟ = ... - انتِ إيه اللي جابِك هنا ؟ ، مش غريبة واحدة محجبة تكون موجودة في المكان دا ؟ = وانتَ مالَك - أنا بس عايز أنصحِك نصيحة مش أكتر = بسخرية : والله ! نصيحة ؟ ..نصيحة إيه دي بقا إن شاء الله ؟ - ماتجيش هنا تاني ، المكان دا مش مكانك = باستغراب : ... '' قبل ماترد ، حد من صحابها الولاد جِه وبصلي وقال ..'' = فيه حاجة يافاتن ؟ - بابتسامة : فاتن ! ..إسمك حلو يافاتن '' قومت وقفت وأخدت الكاسين وقولتلها ..'' - مبسوط إننا اتقابلنا ..واتمني مانتقابِلش تاني '' ومشيت من قدامها ، رجعت قعدت عالبار تاني ..اتنهدت بضيق ، للحظة شوفت نفسي فيها أول ماجيت هنا البار ، كنت مرتبك ومذهول من المناظر اللي شوفتها ..كنت مُغيب ومسحوب ، بس كان عقلي واعي جدًا ! ، عارف أنا فين وعارف الطريق اللي انا ماشي فيه دا أخرته إيه ، كان نفسي أرجع بس ماكنتش عارف فين طريق الرجوع ..الطرق كلها كانت ضلمة ، ياريت حد وقتها كان شاورلي علي طريق الرجوع كنت رجعت ..بس مالقتش ، فامشيت في السكة دي ، سكة وليد وشلته عشان مالقتش غيرها .. رجعت كملت السهرة مع صحابي بس عيني كانت لسة بتراقب فاتن ..وهي كمان كانت بتراقبني .. كل يوم فاتن كانت بتيجي مع صحابها الnight club ، وكانت لسة بتراقبني بعنيها .. لحد ما في يوم كنت قاعد عالبار لوحدي ، لقيتها جاية وقفت جمبي وطلبت عصير لَمون ، ضِحِكْت ..بصتلي ، قولتلها ..'' - لَمون ! ..في بار ! = وإيه المشكلة في كدة ؟ - المشكلة إن دا مش المكان اللي تشربي فيه لَمون '' نزّلها الجرسون عصير لَمون ، قالتلي ..'' = طب ما اللَمون موجود أهو يبقي إزاي مش مكانه - لانه اللَمون الوحيد الموجود وِسط أزايز الويسكي = ... '' فضلت واقفة جمبي وهي بتشرب العصير بتاعها ، لحد ما قالت ..'' = قولتلي إسمك إيه ؟ - عزيز = إنتَ ليه قولتلي قبل كدة إن المكان دا مش مكاني ؟ - بصي حواليكِ وانتِ تعرفي '' بصت حواليها ..'' = قصدك عشان انا محجبة وكل اللي هنا مش محجبين ؟ '' ضِحكت ..'' - مش بس كدة ! ، كل الموجودين هنا غرقانين ..أما انتِ لسة عالبر ، علي الأقل لسة عندك مبادئ ولسة متمسكة بحجابك ، لسة ربنا موجود في قلبك ..لسة عندك خوف ، أما كل اللي هنا فقدوا الخوف والإيمان ..عشان كدة قولتلك دا مش مكانك ، بلاش تخسري الحاجة النضيفة فيكِ هنا ، بلاش عشان هتندمي = مش شايف إنها غربية ؟ - هي إيه دي ؟ = إنك انتَ اللي بتنصحني النصيحة دي ، يعني الأوْلي تنصح نفسك - بسخرية : نفسي ..وانا إيه اللي ضيعني غير نفسي = لو شايف اللي انتَ فيه دا ضياع مامشيتش ليه ؟ ، ليه بتيجي هنا ؟ - عشان بحب المكان وبحب كل حاجة هنا ، وعشان مش قادر ماجيش '' شِربت من الويسكي اللي قدامي ، وبعدين قولتلها ..'' - عارفة إيه مشكلتي ؟ = إيه ؟ - إن انا عقلي واعي وعارف كل حاجة كويس أوي ، عارف الحرام من الحلال ..عارف الصح من الغلط ، ودا اللي مضايقني ومخليني مش مرتاح = مضايقك ليه ؟ - بضيق : عشان مش عارف أدوق لذة الذنب من غير مافكر في حرمنيته ..ولا عارف أرجع للطاعة فارتاح ، ساعات كتير كنت بتمني ان ياريتي كنت جاهل بالحلال والحرام وعايش دنيتي دي من غير الاحساس بالذنب ، أو ياريتني ماعرفت الذنب من أصله ، ومسكت في أي قشاية تنجيني '' اتنهدت وكملت كلامي وقولتلها ..'' - أنا شوفت فيكِ نفسي ، عشان كدة بقولك إبعدي عن هنا ..ماتحاوليش تتأقلمي علي العالم دا ، كنت أتمني إن حد ينصحني ويقولي الكلام دا في البداية ، ماكنتش هوصل للي أنا وصلتله دا ! ..وعشان كدة أنا بقولهولِك

روحنا لهم البيت علي المعاد المُتفق عليه ، استقبلونا بشكل كويس جدًا ، دخلنا وقعدنا واتكلمنا لحد ماجت فرح .. ياعيني عليا وعلي قلبي لما شوفت وشها في اللحظة دي ، دي طبعًا أول مرة أشوف وشها من يوم مانتقبِت ..كانت مكسوفة طول الوقت ، وانا كنت بابص عليها طول الوقت ، بعد شوية قاموا وسابونا لوحدنا عشان نتكلم براحتنا ..إتكلمت عن نفسي ، عن دراستي وعن شغلي وعن كل حاجة المفروض اتكلّم عنها دلوقتي ، لحد ماهي سألتني ..'' - إنتَ بتصّلي ؟ '' ارتبكت جدًا الحقيقة لما قالت كدة ..'' = أيوة بصلّي - بتصلّي فين ؟ = باستغراب : يعني إيه فين ؟ - يعني في الجامع ولّا في البيت ؟ = بارتباك : ااه ..لا أغلب الوقت بصلّي في البيت - وليه مش في الجامع ؟ = بحرج : ... - أنا ماعنديش مشكلة تصلّي في البيت بس الغريبة إن بابا قالّي إنك كنت دايمًا بتصلي في الجامع وكنت بتصلّي بالناس كمان لفترة كبيرة ، لحد ماختفيت تمامًا وقليل جدًا لما بابا بيشوفك بتصلّي في الجامع ..عشان كدة عايزة أفهم '' ماكنتش عارف أقول إيه أو أبرّر دا لها ازاي من غير ماكدب أو أتصنّع ، أخدت نفس عميق وبعدين قولتلها ..'' = أنا حاسس بفتور في العبادة ، بتشد لحاجات عارف إنها حرام وانها هتضرني وعلي قد ماقدر بحاول أمنع نفسي ، بحاول أجبر نفسي علي أداء الفروض واثبَت عليها ، أنا محتاج حد في الفترة دي يعينّي ويقويني ..وانا شايف انك الحد دا '' هزت راسها لما سمعت كلامي ، ماشوفتش أي مبشرات كويسة علي ملامحها ، قالت ..'' - كلنا محتاجين المساعدة ، ربنا يعينك = يارب - طيب بما إنك كنت إمام مسجد أكيد حافظ القرآن مش كدة ؟ = بحرج : ااه ..يعني - طيب تقدر تسمّعلي أول سورة الأنبياء ؟ '' مش فاكر ! ، كنت بحاول أفتكر لكن مافتكرتش حاجة ، اتحرجت وزعلت من نفسي أوي ..'' - طيب أنا خلّصت أسئلتي ، فيه حاجة إنتَ عايز تسألني فيها ؟ = لأ '' أخدت نفس عميق وبعدين قولتلها ..'' = بس عايز أقولّك حاجة - حاجة إيه ؟ = عايزك تبعدي عن الشلة الجديدة اللي انتِ تعرفيها ، شلة نرمين واللي معاها ..دول مش شبهك ، وخايف يأثّروا عليكِ - وتعرف منين نرمين وشلتها ولّا تعرف منين إنّي لسة عارفاهم قريب ؟ = عرفت بالصدفة ، مش لازم تعرفي تفاصيل مش مهمة المهم تبعدي عنهم - أولًا أنا مش شايفة إنهم مش كويسين عشان يأثّروا عليا بحاجة مش كويسة ، ثانيًا مابيتأثّرش غير ضعيف الإيمان ياأستاذ عزيز = بحرج : ... - وبعدين حتي لو مش كويسين مش يمكن انا اللي أأثّر عليهم ؟ عمومًا شكرًا علي كلامك ، ونصيحتك مقبولة = العفو '' بعد مالمقابلة خِلصت روّحت بابا وماما وبعد كدة روحت علي كورنيش النيل ، ماكنتش متفائل للي حصل ..'' - تفتكر هتوافق ؟ '' كنت بفكر ، بفكر لو ماوافقتش هعمل إيه ؟ .. روّحت البيت ونمت علي طول عشان مافكّرش ، تاني يوم الصبح ، لقيت ماما شكلها متغيّر وزعلان ..'' - خير يا ماما مالِك في إيه ؟ = بحزن : فرح رفضت - بتنهيدة : ... '' طب كانت تصبر شوية ، يوم ولّا اتنين تخليني عايش علي أمل إنها يمكن ، يمكن توافق .. دخلت في فترة إكتئاب ، كإني كنت موقّف حياتي عليها ..ولما رفضِت ماعرفتش أعمل إيه ، بس لأ مش لازم أسكت علي نفسي ..لازم أشغل نفسي عشان أنسي ، ولازم أقرب من ربنا من تاني ..لازم أحاول ماستسلمش ، أنا اللي هساعد نفسي .. وفعلًا حاولت أدفن نفسي في الشغل أكتر عشان مافكرش كتير واحاول أبعد عن وليد ، وبدأت أصلّي من تاني في المسجد ..وفضلت علي كدة ، أقرب شوية ..وابعد شوية ..'' '' عدا خمس سنين .. خمس سنين من التوهة واستحابة الذنب والوقوع فيه بشكل أكبر ، خمس سنين من البُعد عن ربنا وأي فرض كنت بأديه ..خمس سنين من النسيان والفتور ..ولسة ! كنت موجود في night club برقص مع صحابي ، منهم بنات ومنهم شباب ..بنحتفل بعيد ميلادي ال 30 ..'' - وليد : كل سنة وانتَ طيب يابرو = عزيز بابتسامة : وانتَ طيب ياليدو ..يلا كلها شهرين واتحصلني - ضحي : كل سنة وانتَ طيب ياحبيبي عقبال العمر كله واحنا مع بعض = عزيز : وانتِ طيبة ياضحي شكرًا '' بعد مارقصنا شوية ، روحنا قعدنا وتوالَت عليا الهدايا ..'' - ضحي بابتسامة : إتفضل هديتك ياحبيبي إفتحها '' أخدت الهدية منها وفتحتها ، كانت جايبالي برفيوم ..'' = عزيز : دا البرفيوم اللي انا بحبه ! - ضحي بابتسامة : أيوة = عزيز : تسلمي ياضحي تعبتي نفسك - تعبك راحة ياحبيبي '' إتنهدت بملل وقربت من ودنها وقولتلها ..'' = عزيز : ماكفاية بقا جو حبيبي وبحبك دا ياضحي - ضحي : وكفاية ليه ؟ ، مانتَ حبيبي وبحبك فعلًا = عزيز بضحك : ياشيخة قولي كلام غير دا ، يعني مش عشان تغيظي بيا وليد ؟ - ضحي : إنتَ لسة مصدق إنّي بحب وليد أو إنّي بغيظك بيه ؟ = عزيز : مش مهم أصدق أنا ، المهم انتِ تصدقي إنّي مابحبكيش ولا عمري هحبك ..وفكك مني ياضحي ومن سهوكتك دي عشان بقرف

'' فتنةُ العزيز ..💛! '' '' ماحدش كبير علي المعصية مهما وصلت درجة إيمانه ، كلنا معرضين نقع ، معرضين للإنتكاسة ، معرضين نبقي أسوأ دايمًا ، معرضين للفتنة في كل وقت ..'' - حسين : تفتكر إنتَ صح ؟ - وليد : أنا مش عايز أكون صح أو غلط ، أنا عايز أكون مرتاح - إبراهيم : وانتَ بجد مرتاح ؟ - وليد : مرتاح جدًا - إبراهيم : لا إنتَ مش مرتاح ياوليد إنتَ مفتون ! ، إنتَ وصلت لمرحلة إنك استبحت الذنب وشايف إنه عادي وبتجهر بيه كمان - وليد بتنهيدة ملل : طب ممكن كل واحد يخليه في حاله ومايدّخلش في حاجة ماتخصوش ! ، ماظنش إن هيجرالكوا حاجة لو كل واحد خلّاه في حاله ونفسه وبس - حسين بسخرية : ماحنا في حالنا ، هو كلامنا يعني هيمنعك من إنك تبطّل شرب أو صياعة مع البنات ، كلامنا ليك عبارة عن نصيحة عشان مانتحاسِبش عليك وإننا كنا شايفينك بتعمل الغلط وساكتين ، وانتَ حر - إبراهيم : خلاص ياحسين هو كبير كفاية وعارف هو بيعمل إيه كويس ..خلونا نغير الموضوع '' بصلي وقال ..'' - إبراهيم : إنتَ ساكت ليه ياعزيز ؟ ماتتكلم = عزيز : ماعنديش كلام أقوله ..فابسمعكوا - حسين : يعني إنتَ مقتنع بكلامنا ولّا بكلام وليد ؟ '' كنت قاعد في النُص تقريبًا ، حسين وابراهيم علي يميني ووليد علي شمالي ..كذلك حالي بالظبط ، متعلق في النُص مابين إقتناعي بكلام حسين وابراهيم ..وراحتي وانجذابي لكلام وليد وأفعاله ..حاسس وفاهم كل كلمة الطرفين بيقولولها ، وعارف كل واحد بيتكلم من أنهي مُنطلق ومنطق ، حسين وابراهيم بيتكلموا من مُنطلق الدين ..أي حاجة قبل مانعملها لازم أساسها يبقي ديني ، لازم الرجوع للدين في كل شئ ، واستشعار مراقبة ربنا دايمًا في أفعالنا ..أما وليد ماشي ورا هوي نفسه ، سايقاه وهو راضي ومبسوط ..بيتمتع بحياته وبيعمل اللي علي كيفه من غير تفكير إذا كان اللي بيعمله دا صح ولا غلط ، حلال ولّا حرام ..ودي متعة ، حياة بدون قيود .. أنا وحسين وابراهيم صحاب من أيام ثانوي ، وكنا مع بعض في الجامعة واتعرفنا هناك علي وليد بس ماكُناش صحاب أوي ..معرفة بسيطة وسطحية .. صحابي كانوا بيقولولي إن انا صوتي حلو وانا بقرأ قرآن ، عشان كدة كان بعد كُل صلاة في المسجد يخلوني أقرأ قرآن وهما يعملوا حلقة حواليا ويسمعوني ، ولما الناس كلها سمعوا صوتي في القراءة قرروا يخلوني أصلي بيهم إمام علي طول ..وفعلًا ! ، قعدت تلت سنين بصلي بالناس ..لحد من سنة كدة اشتغلت في شركة جمعتني بوليد وبدأنا نتعرف علي بعض بشكل أكبر عن أيام الجامعة ، وبقا بيخرج معايا انا وحسين وابراهيم ، في الوقت دا بدأ إحساس الملل والفتور من العبادة يوصلّي وبدأت أزهق ، وبقيت بصلّي بالناس يوم واسبوع لأ ، وواحدة واحدة بقيت بقطّع في الصلاة ، والصلاة اللي بصليها بتبقي في البيت مش الجامع ! ، بقيت بتشد لوليد وحياته وخروجاته والعالم بتاعه ، كان عالم جديد عليا وعمري ماشوفته او احتكيت بيه ..صحوبية البنات والخروج معاهم ، السهر لوِش الفجر ..السفر مع بعض شباب وبنات ، كل الحاجات دي كانت عاجباني ونِفسي أجربها لكن كنت علي قد ماقدر بقيّد نفسي واحجّم هواها لاني عارف ان دا حرام ..عايز أرجع لربنا زي ماكنت بس قلبي مش جايبني وخايف نفسي تسوقني ، خايف أقع واتسِحب للعالم دا والجو دا وانا مش واخِد بالي .. بعد ماقعدتنا خِلصت روحت أقعد علي كورنيش النيل ، بحب المكان دا أوي ، بسرح فيه وبعرف أفكر هنا ..قاطع تفكيري صوت الموبايل ، كانت أمي بترن عليا ..'' - ألو ..أيوة ياماما ؟ = أيوة ياعزيز إنتَ فين ؟ - بتنهيدة : قاعد علي الكورنيش هروح فين يعني ؟ = بفرحة : طب ارجع البيت بسرعة ، فرح وافقِت - بصدمة : إيه ؟ ، بتهزري ؟ = والله بجد ، أبوها لسة قافل مع ابوك وبلّغه إنها موافقة وعايزة تقعد معاك ، وحدد معاه نروحلهم بعد يومين - بفرحة : يالله الحمد لله ، الواحد كان حاطط إيده علي قلبه وخايف ترفض ..الحمد لله '' فرح دي حُب عمري ، بحبها من زمان أوي وكنت مستني تخلص جامعة واتقدملها عشان وصلّي كلام إنها عايزة تخلّص تعليم الأول وبعدين تتجوز ..إتقدمتلها من أسبوع ، وكنت خايف ترفضني .. فرح خريجة شريعة إسلامية ومُنتقبة ، مثال للأخلاق وسيرتها حلوة علي كل لسان ..حاسس هي دي اللي هتساعدني ، هتِبقالي الطريق اللي هلاقي فيه نفسي ..هتقدر تساعدني ، الواحد لما بيبقي فيه حد في ضهره بيساعده وبيشجعه بيفضل ماشي دايمًا صح ، والحد دي فرح إن شاء الله .. من فترة كدة عِرفت إنها مصاحبة شلة جديدة ، شلة لها علاقة بشلة وليد ، ودا قلقني شوية .. كنت مستني اليوم دا بفارغ الصبر ، اليوم اللي أروح اخطب فيه فرح ..كل حتة فيا فرحانة ، كل حاجة حواليا حاسسها بتزغرط ..

ليبتون❌ شاي العروسه - أحمد تى - شاى الكابوس - الربيع كلهم حلوين ✅ بيبسى و سفن و ميرندا و فانتا و كوكاكولا و شويبس❌ فيروز - سبورت ✅ كارفور ❌ هايبر - فتح الله - جملة ماركت - كازيون أحسن كتير ✅ نسكافيه ❌ مصر كافية - على كافيه - كوفي مكس - بريك ✅ ليز ودوريتوس و شيبسي ❌ فى بدائل كتير زى بيج شيبس - تايجر - ناتشوز ماكدونالدز - ستارباكس - كنتاكي - بيتزا هات ❌ محلات الأكل السورى والفرايد تشكن ✅ دانون ❌ زبادى جهينه و لبنيتا و مزارع دينا ✅ نسكويك ❌ كاكاو دريم و ماى واى ✅ سيريلاك ❌ هيرو بيبي ✅ بامبرز ❌ مولفيكس فاين بيبي بييى جوى ✅ تايد - ڤانيش ❌ اوكسي ✅ مياه ديساني - اكوافينا ❌ مياه الحياه - بركه ✅ لوريال - لاروش بوزيه - سيراڤي - ڤيشي ❌ بايودراما - منتجات فارم ستاي ✅ #مقاطعه_المنتجات_الاSرائي ليه #مقاطعه_المنتجات_الداعمه_لإSرائيل #فلسطين_حره

‏الأغاني رديئة يا صديقي، تميـتُ القلب وتُكسِب الذّنب.. هي سيئةٌ جدًا، لا تهديها لأحد، فالذي يُحبُّ شخصًا؛ لا يُهديه ذنوبًا☁️🩵

*"لا نملُك سوى الدّعاء والكلام.. عسى أن يصِل دعاؤنا للسماءِ فيرفعُ اللهُ عنهم يد العدو وأن يصِل كلامنا عنهُم للعالم فيلتفتُ إليهم، صلّوا لغزّة سرًا وتكلّموا عنها جهرًا."*

لا تَصِحُ صَلاة المَرْأة غَير السّاتِرة لقَدَمَيها، فَإن لَم يَعْلَمن يُعلّمن، فَإن عُلمْن وتَسَاهْلْن فَصَلَاتُهن بَاطِلَة.☁️🩵

عملت اللي عليا والباقي على ربنا ❎❎ عملت اللي عليا والتوفيق من الله ✅✅ ليه يا ربي كدا ❎❎ الحمد لله الذي أبدلني شر ما أتمنى بخير ما يعلم ✅✅ ربنا أحن عليا من أي حد ❎❎ ربنا مش حنين .. ربنا رحيم اسمها ربنا أرحم بيا من أي حد ✅✅ بحس إن ربنا بيطبطب عليا ❎❎ اسمها ربنا بيربط على قلبى ✅✅ ربنا عارف كل حاجة ❎❎ لأن المعرفة لابد أن تأتي بعد جهل وحاشاه تعالى ، اسمها ربنا عليم بكل حاجة ✅✅ ربنا يأذي المؤذي ❎❎ ربنا مبيإذيش حد ، اسمها ربنا ينتقم من المؤذي ✅✅ ربنا يقرفك ❎❎ ربنا مبيقرفش حد حاشا لله ✅✅ ربنا عايز كده ❎❎ ربنا أراد كده ✅✅ ربنا يخرب بيتك ❎❎ الله يجازيك بعملك ✅✅ #صحح_عقيدتك

*‏﴿وَعَجِلْتُ إِلَيْكَ رَبِّ لِتَرْضَىٰ﴾* *كُلُّ سيرٍ لك موفق لا يضل ..* *وكُلُّ اعتمادٍ عليك قوة لا تُقهر ..* *وكُلُّ اعتزاز بكَ نصرة لا تنتهي ..* *وكُلُّ استغناءٍ بك غنيمة لا تقارن ..* *فاللهُمَّ لا تجعل خُطانا إلا إليك🤍.*

*المجاهرون في المعاصي* قال الرسول :" كل أمتي معافي إلا المجاهرون " من هم المجاهرون ؟ - أنا مرتبط . - أدخن . - أستمع للموسيقى . - لا أرتدي الحجاب. - لا أصوم . - أنا أشتم و أسب . - أنا أتنمر . - التباهي بالمعاصي .. - زنيت أو لمست فتاة / رجل . - كذبت على فلان. - سرقت كدا وكدا. - غششت فالامتحان - تنزل اغاني و تقترح افلام / مسلسلات للآخرين . - تنشر صور عارية او رجل يحضن إمرأة، الخ ... لا أخشى إلا من شيئين : - يكتب في صحيفتك ) مجاهر ) - يكتب في صحيفتي ) كانوا لا يتناهون عن منكر) قال تعالى : { وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ} لن نتحاسب على أنفسنا فقط، بل سنحاسب و نكون مسؤولین عن كل شخص رأى او فعل منكر / معصية بسببنا . - تذكر : صفحاتك على المواقع، إما صدقة جارية لك أو آثام جارية باقية بعد موتك .!"☁️🩵

*‏التوكّل قوّة، ولو جُمعت للمرء أشكال المواساة وألوانها فلن يجد شيئًا يمسح على قلبه ويقوّي أركان طمأنينته مثل تفويض أمره لله واستشعاره أنه في ظلال معيّة الله وأن الله كافيه أمره.☁️🩵*

*عـزيـزتـﻲ الـفـتـاة🖤🌸 ••* *مـن قـال أن الـجـمـال هـي أرجـل عـاريـة🖤🌸؟* *مـن قـال أن الأنـوثـة هـي شـعـر مـسـرح؟🖤🌸* *مـن قـال أن سـحـر الـفـتـاة فـي عـيـونـهـا الـمـلـونـة والـمـصـبـوﻏـة بـڪل أنـواع الـمـڪـيـاج؟*🖤🌸 *مـن قـال أن الـفـتـاة جـمـال فـقـط؟*🖤🌸 *الـفـتـاة عـفـة • طـه‍ـارة • شـرف • جـمـال داخـلـي • مـشـيـة مـحـتـشـمـة* *فـڪـونـي أمـيـرة بـحـجـابـڪ مـلـڪـة بـأخـلاقـڪ • إمـبـراطـورة بـإسـلامـڪ🖤🖤🌸* *ولا تـڪونـي لـقـمـة سـهـلـة لــڪـل مـن هـب ودب*🖤🖤🌸 *ڪـونـي " فـتـاة " ڪـمـا أمـر الله و الإسـلام ..*🖤🖤🌸 *المرأة الجميلـة تجذب الرجـل لساعـات..♡* *لكـن المرأة العفيفة تـأسره مدى الحيـاة..* 🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷🩷🌸🖤..

*لا تغادروا المَجموعات الخيّرة و النَافعة والدينية* *فلرُبما تصِلك رسَالة من هَذه المجموعات* *" تنِير لك حسن الطَريق* *وتدلك على خير الصُحبة"* *فلا تغادروا و ابقوا فيها* *بنية التقرب إلى الله للنفع والاستفادة وهداَية* *الناس  فخَير النَاس أنفَعهم للنَاس...🤍*

*لن يتزوجكِ ذاك الذي يُريدُكِ أن تُرسلي له صُوركِ ! ✅* *لن يتزوجكِ ذاكَ الذي يُريد أن يتكلم معكِ في أواخر الليل عن أشياء ذاتِ سوءٍ وقلة حياء ! ✅* *لن يتزوجكِ ذاكَ الذي لا يجد سوى التلاعُب بمشاعركِ وإلاستهانة بها ..!✅* *" سيتزوجكِ فقط من يكتُم حُبه لكِ في قلبه خوفً عليكِ من الفتنة و معصية الله.."✅* *" لا تجري وراء الحُب بِحجةِ أنّكِ مُحتاجة الإحتواء إياكِ أن تخسري قيمتكِ كوني قوية واثبتي واقتربي من ربكِ، لا يوجد شيء يستحق أن تخسري نفسكِ والدُنيا والآخرة لأجلهِ ارجعي إلى الله وعفّي قلبكِ" ✅* *من استعجلَ شيءً قبل أوانهُ عوقِبَ بحرمانهُ..!!*

*اللَّهُمَّ صَلِّ عَلَى مُحَمَّدٍ وَعَلَى آلِ مُحمَّد، كَمَا صَلَّيْتَ عَلَى إِبْرَاهِيمَ وَعَلَى آلِ إبْرَاهِيمَ، إِنَّكَ حَميدٌ مَجِيدٌ، اللَّهُمَّ بَارِكْ عَلَى مُحمَّدٌ وَعَلَى آلِ مُحَمَّدٍ، كَمَا بَارَكْتَ عَلَى إبْرَاهِيمَ وَعَلَى آلِ إبْرَاهِيمَ، إِنَّكَ حَمِيدٌ مَجِيدٌ*

لِـ ڪُـل الناس اللى هنا 🥹💛. - سـقَـاڪـم الله مـن فـيض أمَـانـيـڪـم حـتـي ترتووو، 🥺💛💛💛💛💛💛💛💛💛💛💛💛💛💛💛💛💛💛💛💛💛💛💛💛🌻')

اللهم قربني اليك قرب المحب لا المحتاج 🤲🏻❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️🥹🫧"".

اللهُم لطُف الحّياة ، وجَنّة الآخِره .♡゙

اللهم ارزقنا الاستعانة بك 🤲🏻🫶🏻..

- الاختلاط بالصالحين ولو حتىٰ علىٰ المواقع فهو يُصلحك شئت أم أبيت! الشاب إللى شايف صحابُه حريصين على صلاة الجماعى و مُحاولة الأبتعاد عن الحرام بيربى جواه حُب الالتزام و بيبقا عايز يقلدهم! البنت إللى شايفه بنات حواليها بيسعوا للستر باللبس الشرعى الواسع الفضفاض و البُعد عن الإختلاط بأشكاله المحرمه بيربى جُواها المبادئ دى و بتبقا عايزه تقلدهُم! لو الطريق صعب ومش عارفين تبدأُوا منين حطوا نفسكُم وسط الصالحين'). العين بتتعود و النفس بتميل للتقليد و الخطوه تجاه الطاعه وسط صُحبه هى أسهل ١٠٠ مره من إنك تاخُدها لوحدك! "واصبر نفسَك مع الذينَ يدعون ربهم بالغداةِ و العشيِ يريدون وجهَهُ ولا تعدُ عيناكَ عنهُم"