СОЛИХА АЁЛ🧕🧕🧕

Ўнта кароматга ноил бўлинг. Имом ибн Жавзий раҳимаҳуллоҳ “Бустанул орифийн” асарида шундай дейди: “Аллоҳ сизларни раҳм қилсин, билингларки, саййидимиз Муҳаммад соллаллоҳу алайҳи васалламга саловот йўллашда ўнта каромат бордир: “Биринчиси; Маликул Жаббор зотнинг ва малоикаларнинг сизга саловот айтиши: Иккинчиси; Набиййул Мухтор Пайғамбаримиз Соллалоҳу алайҳи васалламнинг шафоат қилишлари: Учинчиси; аброр зотлар - малоикаларга эргашиш, иқтидо; Тўртинчиси; кофир ва мунофиқларга хилоф қилиш; Бешинчиси; хато ва гуноҳларнинг ўчирилиши; Олтинчиси; ҳожат ва эҳтиёжларнинг равон бўлиши; Еттинчиси; ошкора ва махфий ишларда нурга тўлиш, баракот; Саккизинчиси; жаҳаннам диёридаги азобдан нажот; Тўққизинчиси; роҳат ва қарор топиш диёри (жаннат)га кириш; Ўнинчиси; Маликул Ғаффор зотнинг саломига эришиш имкони бордир. Роббим жума кунининг хайри билан ризқлантирсин! Амийн! Vardatul_jannah @soliha_ayollarga

Инсонлар сенга турлича муносабат кўрсатишини кузатиш қизиқ а? Кимдир сени севади, кимдир эса сендан нафратланади. Кимдир сен учун дуо қилса, бошқаси бунинг акси.. Кимдир сен билан учрашувга интилади, яна кимдир сендан, сенинг суҳбатингдан ўзини олиб қочади. Кимдир сендаги яхши сифатларни кўрса, кимдир фақат ёмонларини кўради. Сен ҳаммани бирданига рози қилолмайсан, шу сабаб, Роббинг билан ўртангиздаги алоқани яхшила. Одамларга эътиборингни камайтир. @soliha_ayollarga

Аёллардаги энг катта ташвиш бу организмдаги ўзгариш бўлиб, тана вазнининг кўтарилиши билан боғлиқ бўлади. Масалан ёш 30-35 га етганда хаводан тўйиб нафас олсангиз ҳам тўлишаверасиз). 40 ёшни асло гапирмай. Ҳар куни бир ўзимизга қулоқ солиб, қаеримиздадир оғриқ бўлаётганини кашф этмасак кунимиз ўтмайди)) 41-43 да эса ростмона «қарилик»ни бўйинга олиб,  буви бўлишлик мақомини ила, бутунлай ўз парваришимиз ёддан  чиқади. Чет эл, нари борса ўша бемаза турк киноларини кузатсангиз айни бизни ёшимиздаги аёллар дуркун, қоматини сақлаган, кайфияти аъло, ҳаётдан хурсанд бўлиб яшайдиган ёшда бўлади. Ҳа бу кино-да.. дейишга шошманг. Ҳар куни ойнага қараб, биқин, қорин ёғларини ушлаб (узрку) «обоооо» деб кайфиятсизланиш бўлиши табиий. Айни ҳолатдан чиқиб кетишга эса.. Шу эртадан диетани бошлайман дейишизи биламан)), ҳар куни бир кун олдин ўзимизга яна ваъда ҳам берамиз))   Турмуш ўртоғиздан бир мартагина сўрангчи, унга озғинми, ё тўлишган аёл маъқулмикан? Ишонинг чиройли қомат керак, шарт. Тажрибадан айтаманки, диета бахонасида рухиятингизда кўтаринкилик бўларкан. Парҳез деганим бу фақат таомдан эмас. Қўшимчасига машқлар, югуриш, сакраш, тез юриш, мушаклар ривожланиб кетмаслиги аммо билакларни озиши учун килограмми кичик тошларни кўтариш.. буларни ҳаммасини уддалаш кераш. Шундагина ойнада қомати келишган, исталган кийимни кийиб кўришга муваффақ бўлувчи гўзални кўрасиз)). Қишлоққа борсам, қари бувиларни ҳам кетмон чопиб, дадил юришларини кўриб хайрон қоламан), танасида қон айланиб турибтида)) Азиз муҳтарамалар. Шифокор кўригида айтилаётган ўзгаришларни фақат дори дармон тузатади десангиз, бу хатодир. Энг олди руҳиятни даволанг, табиий йўллар билан вазн йўқотинг. Ирода кучингизни аяманг. Миянгизга бошлиқлардек буйруқ беринг: « Мен ёшман ва гўзалман») Эринманг. Тўқ қоринга овқат еманг.  Ўзингизни бир кунда 25 дақиқалик машққа мажбурланг. Хатто юзларингиз таранглашиб, унга қон югуриб, биноийдек ёшаради. Э ҳаая энг асосий гапим қоб кетмасин. Йиғиниб тўплаган пулиз бўлса, уйдагилардан «қарз» га бўлсаям пул олиб қўшиб,  битта «беговая дорожка» сотиб олинг, йўўў керак, ишонинг керак. Маҳалла бўйлаб югуриб юролмаймизку ахир.. ашинчун бу темирни сотволинг, икки ойдан сўнг раҳмат дейишизга ,  мен кафил..! Сиз кимлар учундир эмас, ўзингиз учун соғ бўлишингиз керак..! Сиз бировларнинг кўзига бахтлидек кўриниш учун эмас, ўзингиз ўша бахтни ҳис қилишингиз керак. Сиз ҳар куни эртадан уринишни бошлайман деб эмас, бошлаган кунингизни эртаси куни натижани кўришингиз керак..!   Меҳрдаги () асосий туйғу бу - гўзал Аёлликдир..! Мадина Муминова @soliha_ayollarga

ЭРКАКНИНГ АЙБИ • Эркак ўзининг эркаклигини унутгандагина аёл “эркаклашади”. • Эркак ўз аёлини аёллик мақомида тутиб тура олмагандан кейингина аёл унинг “хўжайини”га айланади. • Эркак уйда талаб қилинганидек эркак бўлолмагач, аёл ҳам талаб қилинганидек аёл бўлолмайди. Аёл ушбу уч турдаги эркакни сева олмайди: 1. Ҳар қандай аёлга қизиқиб кетадиган эркакни. 2. Аёлнинг туйғуларини риоя қилмай, унинг бўйи, ранги, ориқ-семизлигини танқид қиладиган эркакни. 3. Ўзида кўп нуқсонлар бўла туриб, аёлдан мукаммалликни талаб қиладиган эркакни. АЁЛ ТАБИАТИ •Аёл ўзи бемор бўлса ҳам эрининг дори ичишига кўмаклашади. •Аёл ўзи ғамга ботган бўлса ҳам эрига тасалли беради. •Аёл ўзи чарчаган бўлса ҳам эри учун бедор бўлади. •Аёл танимаган кишисининг мусибати учун ҳам қайғуриб, йиғлайди. Шундай экан, жуфтларингизга мулойимроқ бўлинглар, эркаклар. 👉🏻@soliha_ayollarga

Бугун Мадинада ёққан ёмғир натижасида келган сел. Мадина Ислом Университети ёнидан ўтган сел йўли. عَنْ أَبِي هُرَيْرَةَ رَضِيَ اللهُ عَنْهُ، قَالَ: قَالَ رَسُولُ اللهِ صَلَّى اللهُ عَلَيْهِ وَ سَلَّمَ: لَا تَقُومُ السَّاعَةُ حَتَّى يَكْثُرَ الْمَالُ وَيَفِيضَ، حَتَّى يَخْرُجَ الرَّجُلُ بزَكَاةِ مَالِهِ فَلَا يَجِدُ أَحَدًا يَقْبَلُهَا مِنْهُ، وَحَتَّى تَعُودَ أَرْضُ الْعَرَبِ مُرُوجًا وَأَنْهَارًا Абу Ҳурайра розияллоҳу анҳунинг ҳадиси: "Росулуллоҳ соллаллоҳу алайҳи ва саллам: "Мол-дунё кўпайиб, тўлиб-тошиб кетиб, бир киши молининг закотини олиб чиқиб, уни оладиган одам топа олмагунича ва араб ерлари ўтлоқ (яйлов) ва дарёларга қайтмагунича (араб саҳролари ўтлоқлар билан қопланиб, дарёлар оқадиган бўлмагунича) Қиёмат бўлмайди", дедилар". Муслим (157/2228).

Қайси аёлнинг турмуш ўртоғи унинг ҳаққига дуо қилмоқда? Эрини Раҳмоннинг бандаси бўлишини истаган аёл, турмуш ўртоғига юқоридаги саволни бериб кўриши керак! Чунки Аллоҳ таоло Фурқон сурасида РАҲМОННИНГ БАНДАЛАРИ сифатларидан 10 дан ортиқ сифатни зикр қилиб, танбеҳ бериб айтади: "Ва улар: <<Эй Роббимиз, бизга жуфтларимиз ва зурриётларимиздан кўз қувончлари ато этгин! Ва бизни тақводорларга имом қилгин>> дейишади!" (Фурқон: 74) Киши аҳли оиласи ва зурриёти ҳаққига дуо қилмасдан туриб "РАҲМОННИНГ БАНДАЛАРИ" сифатига эга бўла олмайди. @soliha_ayollarga

اللهمَّ صَلِّ وَ سَلِّمْ علَى نَبِيِّنَا مُحَمَّدٍ ﷺ Allohumma solli va sallim ʼalaa Nabiyyinaa Muhammad ﷺ @soliha_ayollarga