ميثاق غليظ

المؤنسات الغاليات ❤️💋

والله الإنسان قلبه حزين للغاية💔 انا لله و انا اليه راجعون اللهم ارزقنا الهدى والتقى والعفاف والغنى والستر واجعل تحت الستر ماترضى به عنا وارزق شباب وبنات المسلمين الزواج الطيب المبارك ❤️

اسمعي كلام زوجك سواء بدافع الشرع او الغيره ومتختلطيش بالرجال ومتطلعيش من بيتك الا عند الضرورة واللى تلاقيها عنيدة معاك ف الأمر ده من البداية متتجوزهاش وانتى كمان دوري على راجل شهم عنده دين ومروءة وغيره ويخاف على صوتك حتى مش بس لبسك وظهورك وتعاملك مع الناس ، اللى متأمنيش على نفسك وعرضك ودينك معاه متتجوزيهوش

يا بنات الله الله فى حجباكم الحجاب فرض على كل مسلمة لو مش دلوقتي هنلتزم بالحجاب الشرعى ونستر نفسنا ونعف الشباب ونعينهم على غض البصر هيبقى امتى بس💔

ف التمرين يروحوا مع والدهم مش موجود تتعاملى مع مدربات نساء فقط، مش موجودين غيرى التمرين كله ، أى حاجه عاوزة تتصلح فى بيتك متظهريش اصلا ولا ليكى تتكلمى مع عامل ولا غيره ، زوجك أو حد من محارمك أو تسبيها بايظة اكرملك ي جماعة كفااااية تهاااون بالاختلاط ع الحاجه اللى مستاهله واللى مش مستاهله أقسم بالله الإختلاط كله شر وعواقبه وخيمة

ي جماعه إحنا بقينا فى زمن سُغار شهوانى فى كل تليفون وصوره ومقطع وشارع وشغل هتلاقوا ما يهيج غرائز الإنسان وببلاش من غير ماهو حد يدور عليه ، محدش يقولى أصل أى وفصل أى ف زمن الرجاله اغتصبت فيه الأطفال والكلاب والحمير والحيوانات انتوا متخيلين وصلنا لفين !!

كمية خيانات وانتشار الزنا خاااصة بين الرجال والنساء المتجوزين مرعبة والله العظيم ، قصص تشيب من رعبها 💔 خاصة إن البداية كانت نظرة أو كلمة ومن ناس والله نحتسبهم على خير مش أهل فسق خالص وف الآخر نتفاجأ بالكارثة دى حصلت 💔

وموضوع الكشف والولادة عند دكاترة رجالة ده مش هعلق عليه كتير علشان مندخلش ف جدال بس اللى مش متابع السوشيال ميديا يبحث عن فضائح مستشفي الشاطبى كفيلة لوحدها اصلا تخلى الواحده تولد فى بيتها ولا تدخل مستشفيات من الرعب اللى بقينا بنشوفه ونسمعه والله المستعان 💔

وبردو على لسان معارف شخصية من الرجالة الصنايعية اللى بيدخلوا البيت لو اللى بتقف معاهم الست دايما والبيه بتاعها مالوش وجود علشان مشغول ف لو الست دى عجبت الصنايعى بيرمى لها ده بالكلام والنظرات لحد ما تيجى معاه ف الكلام وكل يوم والتانى تطلبه يصلح لها حاجه 😕 أو فى ستات كتييير اصلا هى اللى بتعرض نفسها ع العامل ده وكتير منهم بيقع فى الفتنة إلا ما رحم ربى

أعرف واحدة أم ل ٤ أطفال وطبعاً راحه جاية بيهم من التمرين والولد داخل بطولة وخلافه والكابتن بتاعه يوم يقولها تسلم ايدك ع حاجه أكلها من أكل الولد ويوم يسألوا عن مستوى الولد والكلام جاب بعضه لأرقام للشات للرغى بالساعات وجوزها فعلاً كان جاف ناحيتها بس ده مش مبرر للخيانة ودخلها الكابتن ده من نقطه ضعفها واحتياجها للونس والحب والاهتمام لحد ما خانت زوجها معاه ورجعت تعيطلى ومنهارة من الإحساس بالذنب بس بعد أى 😐💔

أنا عارفه ان كتير منكم شايفين الكلام ده صعب ومبالغ فيه وإن الراجل طول الوقت ف الشغل والظروف والضغط ومفيش بديل غير الأم تعمل كل ده بس والله العظيم لو تسمعوا وتشوفوا كمية القصص اللى تحزن 💔 هتقولوا لأ عنهم ما اتعلموا ولا اتمرنوا ولا حاجة تمت خالص بس نبعد عن مواضع الفتن والشبهات (اياك إن تفتحه فإنك إن تفتحه تلجه)

و ده الطبيعى فى زمن مبقاش طبيعى للأسف😕

https://chat.whatsapp.com/LHGoMrH3Typ2YhCUz8Ovax انضموا ي بنات قبل ما أنزل الكولكشن الجديد (: الجروب للبنات فقط💕