MT News _ Myanmar Transparency

ဆန်စပါးအသင်းချုပ်အား SAC က ခေါ်ယူစစ်ဆေးပြီးနောက် ဧည့်မထဆန်အပြင် ပေါ်ဆန်းမွှေးဆန်များကိုပါ ရည်ညွှန်းဈေးဖြင့် မနက်ဖြန် စတင်ရောင်းချပေးမည် ၂၃. ၆. ၂၀၂၄ Written by Nyein Kyaw မြန်မာနိုင်ငံဆန်စပါးအသင်းချုပ်မှ တာဝန်ရှိသူများကို နိုင်ငံတော်စီမံအုပ်ချုပ်ရေးကောင်စီ (SAC) က ခေါ်ယူစစ်ဆေးပြီးနောက် ဧည့်မထဆန်အပြင် ပေါ်ဆန်းမွှေးဆန်များကိုပါ ရည်ညွှန်းဈေးဖြင့် ရောင်းချပေးမည်ဖြစ်ကြောင်း မြန်မာနိုင်ငံဆန်စပါးအသင်းချုပ်က ထုတ်ပြန်လာခဲ့သည်။ ပြည်တွင်း၌ ဆန်ဈေးနှုန်းအဆမတန်ကြီးမြင့်နေမှုနှင့် ပတ်သက်ပြီး သက်ဆိုင်ရာတာဝန်ရှိသူများက မြန်မာနိုင်ငံဆန်စပါးအသင်းချုပ်မှ တာဝန်ရှိသူများအား ခေါ်ယူ၍ လိုအပ်သည်များ မေးမြန်းဆွေးနွေး ဆောင်ရွက်လျက်ရှိကြောင်း SAC က ယမန်နေ့တွင် ထုတ်ပြန်ခဲ့ပြီးနောက် သင့်တင့်မျှတသော ရည်ညွှန်းဈေးဖြင့် ရွှေဘိုပေါ်ဆန်းများ၊ ဧရာဝတီပေါ်ဆန်းများနှင့် ဧည့်မထဆန်များကို ဇွန်လ ၂၄ ရက် (မနက်ဖြန်)တွင် စတင်ရောင်းချပေးမည်ဟု ထုတ်ပြန်ခဲ့ခြင်းဖြစ်သည်။ ယင်းကဲ့သို့ ရောင်းချပေးရာတွင် ရန်ကုန်တိုင်းဒေသကြီးအတွင်းရှိ စားသုံးသူပြည်သူများအတွက် ပေါ်ဆန်းဆန် တစ်ပြည်လျှင် ကျပ် ၅,၀၀၀၊ ဧည့်မထဆန် တစ်ပြည်လျှင် ကျပ် ၃,၀၀၀ နှင့် ပေါ်ဆန်းဆန် ၁၀ ကီလို (၅ ပြည်) တစ်အိတ် ကျပ် ၂၅,၀၀၀ ဖြင့် ရောင်းချပေးသွားမည်ဖြစ်ကြောင်း ထုတ်ပြန်ထားသည်။ ထို့ပြင် အိတ်လိုက်ဝယ်ယူလိုသူများအတွက် ရွှေဘိုပေါ်ဆန်း တစ်အိတ် ကျပ် ၁၃၅,၀၀၀ မှ ကျပ် ၁၄၅,၀၀၀ ကြား၊ ဧရာဝတီပေါ်ဆန်း တစ်အိတ် ကျပ် ၁၁၀,၀၀၀ မှ ကျပ် ၁၂၀,၀၀၀ ကြားနှင့် ဧည့်မထဆန် (၁၅%) တစ်အိတ် ကျပ် ၇၂,၀၀၀ မှ ၇၅,၀၀၀ ကြားဖြင့် ဘုရင့်နောင်ဆန်ကုန်စည်ဒိုင်နှင့် ဝါးတန်းဆန်ကုန်စည်ဒိုင်များတွင် နေ့စဉ် နံနက် ၉ နာရီခွဲမှ ညနေ ၃ နာရီခွဲအထိ .... ◾Website တွင် ဆက်လက်ဖတ်ရှုရန် https://www.mtnewstoday.com/?p=70843 #ဆန် #စပါး #ရည်ညွှန်းစျေး #MRF #MT #mtnews

CDM လုပ်သည်ဆိုသည့် ပြင်သစ်နိုင်ငံ၊ ပါရီမြို့ရှိ မြန်မာသံရုံးမှ သံရုံးစာရေးဒေါ်ဌေးဌေးဝင်းမှာ သားသမီးအရေးကြောင့် မြန်မာပြည်မပြန်လို၍ နိုင်ငံရေးအကာအကွယ်ရယူ ၂၃. ၆. ၂၀၂၄ Written by Nay Moe CDM လုပ်သည်ဆိုကာ လူမှုကွန်ရက်တွင် ပျံ့နှံ့လာသည့် ပြင်သစ်နိုင်ငံ၊ ပါရီမြို့ရှိ မြန်မာသံရုံးမှ သံရုံးစာရေးဒေါ်ဌေးဌေးဝင်းမှာ သားသမီးအရေးကြောင့် မြန်မာပြည်မပြန်လို၍ နိုင်ငံရေးအကာအကွယ်ရယူသွားခဲ့သည်ဟု သတင်းထုတ်ပြန်ထားသည်။ ဇွန်လ ၂၀ ရက်တွင် နိုင်ငံခြားရေးဝန်ကြီးဌာနမှ လုပ်သက် ၂၇ နှစ်ရှိ ပါရီမြို့ရှိ မြန်မာသံရုံးစာရေးဒေါ်ဌေးဌေးဝင်းက CDM လုပ်ကြောင်း၊ ရာထူးမှနုတ်ထွက်ခြင်းမဟုတ်ကြောင်း ကိုယ်ပိုင်အကောင့်တွင် ကြေညာခဲ့မှုနှင့်ပတ်သက်၍ ထုတ်ပြန်ရာတွင် ပြင်သစ်နိုင်ငံ၊ ပါရီမြို့ရှိ မြန်မာနိုင်ငံသံရုံး၌ သံရုံးစာရေး တာဝန်ထမ်းဆောင်လျက်ရှိသည့် ဒေါ်ဌေးဌေးဝင်းသည် ၂၀၂၄ ခုနှစ်၊ ဇွန်လ ၂၀ ရက်မှစ၍ ပါရီမြို့၊ မြန်မာသံရုံးမှ ခွင့်မဲ့ပျက်ကွက်လျက်ရှိသည်ဟု ဖော်ပြထားသည်။ ဒေါ်ဌေးဌေးဝင်းသည် ပြည်ပတာဝန်ထမ်းဆောင်မှုကာလ ပြည့်မြောက်သည့်အတွက် မြန်မာနိုင်ငံတွင် ပြန်လည်တာဝန်ထမ်းဆောင်ရန် နိုင်ငံခြားရေးဝန်ကြီးဌာနက ခေါ်ယူသည့် အမိန့်စာကို လက်ခံရရှိပြီးနောက် မြန်မာနိုင်ငံသို့ ပြန်လည်ထွက်ခွာရန် မိသားစုစာရင်းနှင့် ၎င်း၏သားဖြစ်သူအား ပြင်သစ်နိုင်ငံတွင် ပညာဆက်လက်သင်ကြားခွင့်ပြုရန် တင်ပြခြင်းတို့အား ဆောင်ရွက်ခဲ့ပြီး ၂၀၂၄ ခုနှစ်၊ ဇွန်လ ၁၈ ရက်အထိ ပုံမှန်ရုံးတက်၍ ရုံးလုပ်ငန်းတာဝန်များကို ထမ်းဆောင်ခဲ့သည်။ ယင်းနေ့တွင်ပင် ဒေါ်ဌေးဌေးဝင်းသည် ၎င်း၏သားဖြစ်သူ ဆက်လက်ပညာသင်ကြားမည့်တက္ကသိုလ်တွင် စုံစမ်းမှုများပြုလုပ်ရန်အတွက် ၂၀၂၄ ခုနှစ်၊ ဇွန်လ ၁၉ ရက်၌ ခွင့်(၁)ရက်ခံစားလိုကြောင်းနှင့် ၎င်းတို့မိသားစု၏ နိုင်ငံကူးလက်မှတ်များ ခေတ္တထုတ်ယူခွင့်ပြုရန် တင်ပြခဲ့သဖြင့် သံအမတ်ကြီးက ခွင့်ပြုပေးခဲ့သည်။ ဒေါ်ဌေးဌေးဝင်းသည် ၂၀၂၄ ခုနှစ်၊ ဇွန်လ ၂၀ ရက်၊ နံနက် ၁၀ နာရီချိန်ထိ သံရုံးသို့ ပြန်လည်သတင်းပို့မှုမရှိခြင်းကြောင့် သံရုံးတာဝန်ရှိသူများကစိစစ်ခဲ့ရာ ၎င်း၏နေအိမ်၌ မည်သည့်ကိုယ်ပိုင်ပစ္စည်းမျှမရှိတော့ဘဲ အပြီးအပိုင်ထွက်ခွာသွားသည့် အခြေအနေအား တွေ့ရှိခဲ့သည်။ ဒေါ်ဌေးဌေးဝင်းသည် ပါရီမြို့ရှိ မြန်မာသံရုံးတွင် တာဝန်ထမ်းဆောင်စဉ်ကာလအတွင်း လုပ်ငန်းတာဝန်များကို တက်ကြွစွာဖြင့် ကျေပွန်အောင်ထမ်းဆောင်ခဲ့ပြီး ၎င်းသည် ပြည်ပတာဝန်ထမ်းဆောင်မှုကာလ ပြည့်မြောက်၍ မြန်မာနိုင်ငံတွင် ပြန်လည်တာဝန်ထမ်းဆောင်ရမည့် ဝန်ထမ်းများအနက်မှ တစ်ဦးဖြစ်သည်။ သို့ရာတွင် ၎င်းသည် သားဖြစ်သူ ပြင်သစ်နိုင်ငံတွင် ဆက်လက်ပညာသင်ကြားနိုင်ရေးနှင့် သမီးဖြစ်သူဆေးကုသမှုခံယူနိုင်ရေးစသည့် ၎င်း၏ကိုယ်ရေးကိုယ်တာ လူမှုရေးအခက်အခဲများကြောင့် မြန်မာနိုင်ငံသို့မပြန်လိုသဖြင့် နိုင်ငံရေးအကာအကွယ်ရယူကာ ခင်ပွန်း၊ သား၊ သမီးနှင့်အတူ ခွင့်မဲ့ပျက်ကွက်ခဲ့ခြင်းဖြစ်သည်။ ယင်းသို့လုပ်ဆောင်မှုကို ပြည်တွင်း၊ ပြည်ပဆန့်ကျင်ဘက်အဖွဲ့အစည်းများက နိုင်ငံရေးအရအသုံးချကာ ဝါဒဖြန့်ချိမှုများ လုပ်ဆောင်လျက်ရှိကြောင်း သတင်းထုတ်ပြန်ချက်တွင် ဖော်ပြထားသည်။ ◾ Website တွင် ဆက်လက်ဖတ်ရှုရန် https://www.mtnewstoday.com/?p=70837 #cdm #ပြင်သစ် #နိုင်ငံရေး #အကာအကွယ်ယူ #mtnews

တိုးလာတဲ့ ခရီးသွား၊ တက်လာတော့မဲ့ မီတာခနဲ့ စစ်ဆေးခံရတဲ့ ဆန် ဖြိုးဝေ ၂၂. ၆. ၂၀၂၄ "မြန်မာနိုင်ငံမှာ ကိုဗစ်ကာလမတိုင်မီ ခရီးသွားဝင်ရောက်မှုဟာ ဦးသိန်းစိန်လက်ထက်မှာ အမြင့်ဆုံး ၅ သန်းနီးပါးလောက်ရှိရာက NLD အစိုးရဟောင်းလက်ထက်မှာ ၃ သန်းပတ်ခြာလည်ကျသွားပြီး ကိုဗစ်ကာလမှာ လုံး၀မဝင်သလောက်ဖြစ်သွားတာပါ။ ကိုဗစ်ပြီးဆုံးသွားလို့ တစ်ကမ္ဘာလုံး ခရီးသွားပြန်လည်မြှင့်တင်ချိန်မှာလည်း မြန်မာပြည်က ကံဆိုးပြီး နေရာအနှံ့ စစ်မြေပြင်ဖြစ်နေတာကြောင့် ပြည်တွင်းခရီးသွားတွေတောင်မှ နေပြည်တော်၊ ရှမ်းတောင်၊ ပုဂံ၊ ပြည်နဲ့ ဧရာ၀တီတိုင်းလောက်ပဲ သွားလို့ရတဲ့အခြေအနေဖြစ်သွားတာပါ။ ဘက်စုံဖျက်ဆီး တိုက်ခိုက်နေပြီး ကျားဖြန့်ကလည်း ဝင်နှောင့်ထားချိန်၊ တစ်နိုင်ငံလုံး စစ်မြေပြင်ဖြစ်နေပြီလို့ အနောက်နိုင်ငံမီဒီယာတွေက ပုံဖော်ခံနေရပြီး ထိုင်းကလည်း ရွှေတိဂုံ၊ ရွှေတိဂုံဘိုးဘိုးကြီး၊ အမတော်မြနန်းနွယ် ပုံတူတွေတုပပြီး မြန်မာပြည်မသွားအောင်လုပ်လာတယ်လို့ ပျံ့နှံ့လာတဲ့ ဒီလိုအခြေအနေမျိုးမှာ ကမ္ဘာလှည့်ခရီးသွား ၁ သန်းကျော်လာတယ်ဆိုတာကကို အများကြီးတိုးတက်လာတယ်ဆိုတဲ့အခြေအနေဖြစ်ပြီး ဒီအခြေအနေကို ဆက်ထိန်းထားမှ ငြိမ်းချမ်းတဲ့ ဒေသတွေ ပိုများလာမှလည်း ဦးသိန်းစိန်လက်ထက်က အခြေအနေပြန်ရောက်မှာ မီးခိုးမထွက်တဲ့ စက်ရုံကဏ္ဍ လှပနိုင်မှာလို့ ပြောရမှာဖြစ်ပေမဲ့ သဘာ၀အခြေခံခရီးသွားဒေသအကုန်လုံးလိုလိုကတော့ မြေမြှုပ်မိုင်းထောင်ရာတွေဖြစ်သွားလို့ ဒီလိုနေရာတွေကတော့ နောက် အနှစ် ၃၊ ၄၊ ၅၀ နဲ့ ခရီးသွားဝင်ငွေရတော့မှာမဟုတ်ဘဲ လက်နက်ကိုင်တွေမိုက်ပြစ်ဒဏ် ပြည်သူရင်စည်းခံ..." " လက်ရှိအချိန်မှာဆိုရင်လည်း နွေဦးတော်လှန်ရေးဆိုပြီး ဖျက်ဆီးတိုက်ခိုက်ကြလို့ လျှပ်စစ်အရင်းအမြစ်တွေက ပျက်စီးနေသလို တချို့ကလည်း လက်နက်ကိုင်တွေ ထိန်းချုပ်နယ်မြေမှာ ဖြစ်နေတာကြောင့် လျှပ်စစ်ကဏ္ဍအကျပ်အတည်းက ပေါ်လွင်နေတဲ့အပြင် တော်လှန်ရေးပြီးမှ မီတာခဆောင်မယ်ဆိုပြီး မီတာမဆောင်ဘဲ ခိုးသုံးနေတဲ့အုပ်စုကလည်း ရှိနေပြန်သေးတာပါ။ ဒီအခြေအနေဟာ ကိုင်တွယ်ဖို့မလွယ်သလို PDF တွေ ကြီးစိုးပြီး NUG နဲ့ တိုင်းရင်းသားလက်နက်ကိုင်တွေ ထိန်းချုပ်ထားတဲ့ မြို့ ၆၀ ကျော်မှာ လျှပ်စစ်မီးရနေသေးတယ်ဆိုရင် ဒီလျှပ်စစ်မီတာခတွေက တိုင်းရင်းသားလက်နက်ကိုင်တွေအဖို့ တိုက်ပွဲတွေ ဆက်တိုက်စရာ ဝင်ငွေလမ်းကြောင်းဖြစ်လာရင်တော့ ..." "ဒီလိုမျိုး ဆန်စျေးနှုန်းမြင့်တက်နေတာကို ထိန်းဖို့ဆိုပြီး ပြီးခဲ့တဲ့ မိုးစပါးရာသီမှာ တင်း ၁၀၀ ကို ၃၅ သိန်း၊ သိန်း ၄၀ လောက်ဖြစ်နေတဲ့ ရွေဘိုစပါးစျေးကို ရည်ညွှန်းစျေး သိန်း ၂၀ ထက် မပိုဖို့ သတ်မှတ်ခဲ့တာပါ။ ဒီလို သတ်မှတ်ခဲ့ပေမဲ့လည်း ဆန်စျေးက အကျဘက်မသွားဘဲ ထပ်ထပ်ပြီး တက်လာတာကြောင့် ရည်ညွှန်းစျေးသတ်မှတ်မှုဟာ တောင်သူလည်း အကျိုးမရှိ ပြည်သူလည်း နစ်နာပြီး ဆန်ကိုလက်ကြီးလှောင်ထားသူတွေနဲ့ စျေးကစားသူတွေသာ ချမ်းသာပြီးရင်း ချမ်းသာကုန်ကြသလို ဆန်စျေးမထိန်းနိုင်တဲ့ အစိုးရ...." ◾ Website တွင် ဆက်လက်ဖတ်ရှုရန် https://www.mtnewstoday.com/?p=70834 #mtnews #ပွင့်လင်းမြန်မာ #mtnews_review #mtnews_ဆောင်းပါး #myanmar_transparency_news

၂၀၂၄ ခရီးသွားရာသီသိမ်းချိန် မေလအထိ ပြည်တွင်းခရီးသွားဝန်ဆောင်မှုလုပ်ငန်းတွေ အလုပ်အကိုင်ကောင်းခဲ့ပြီး အိမ်နီးချင်း ကိုးကွယ်ယုံကြည်သူတွေကလည်း ပူဇော်ပသဖို့အတွက် မဖြစ်မနေပြည်တွင်းဝင်ရောက်လာတာမျိုးရှိနေတယ်လို့ ဆို ၂၂.၆.၂၀၂၄ Written by Hey Mar ၂၀၂၃-၂၀၂၄ ခုနှစ် ခရီးသွားရာသီအစဖြစ်တဲ့ စက်တင်ဘာလကနေ ခရီးသွားရာသီကုန်ချိန် မေလကုန်ပိုင်းအထိ ပြည်တွင်းခရီးသွားအေဂျင်စီတချို့ ခရီးသွားလုပ်ငန်းအ‌ခြေအနေ အရင်နှစ်တွေကထက် ပိုမိုကောင်းမွန်လာခဲ့တယ်လို့ ပြည်တွင်းခရီးသွားအေဂျင်စီတချို့ထံကနေ သိရပါတယ်။ အခုနှစ်အတွင်း ပြည်တွင်းခရီးစဉ်ဖော်ဆောင်ရာဒေသတဝိုက်မှာ မတည်ငြိမ်မှုအခြေအနေတချို့လည်း ရှိခဲ့ပေမယ့် ခရီးသွားပြည်သူတွေကို အကောင်းဆုံးဝန်ဆောင်မှုတွေပေးနိုင်ခဲ့ပြီး ဒေသခံသက်ဆိုင်ရာအဖွဲ့အစည်းတွေရဲ့ ညွှန်ကြားချက်တွေကို လိုက်နာကာ အေဂျင်စီဘက်ကရော ခရီးသွားပြည်သူတွေဘက်ကပါ ဆောင်ရွက်ခဲ့တာမို့ ကောင်းမွန်တဲ့ ခရီးသွားရာသီနှစ်တစ်နှစ်အဖြစ်ရှိခဲ့တယ်လို့ ပြည်တွင်းပြည်ပ ခရီးသွားဝန်ဆောင်မှု ကုမ္မဏီ တစ်ခုဖြစ်တဲ့ A.M Star ခရီးသွားလုပ်ငန်းဝန်ဆောင်မှုအေဂျင်စီမှ တာဝန်ရှိသူက ဆိုပါတယ်။ A.M Star ခရီးသွားလုပ်ငန်းဝန်ဆောင်မှုအေဂျင်စီမှ တာဝန်ရှိသူက “’အခုနှစ်ရာသီအစမှာ ဝန်ဆောင်ပြီးပေးရတဲ့ ခရီးစဉ် စိတ်ကျေနပ်လောက်အောင် မဟုတ်ပေမယ့် ၂၀၂၄ နှစ်ဆန်း ဇန်နဝါရီလောက်ကနေ စပြီးကောင်းလာပါတယ်။ ဒီကြားထဲတော့တိုင်းရေးပြည်ရေး အခြေအနေ နည်းနည်းအသံထွက်လာရင် ခဏတော့တန့်သွားတယ်ပေါ့နော်။ အသံရပ်သွားတာနဲ့ ခရီးသွားတွေကတော့ ပြန်ပြီးသွားလာလည်ပတ်နေကြတာပါပဲ။ အများဆုံးက ပုဂံဒေသ ၊ ရှမ်းပြည်တောင်ပိုင်းနဲ့ ၊ အမြဲတမ်းဝန်ဆောင်မှုမပြတ်ခဲ့တဲ့နေရာ ကမ်းခြေတွေထဲမှာမှ ဒီနှစ်ထဲ ချောင်းသာဘက်က ကမ်းခြေအသစ် ရွှေသောင်ယံကို ခရီးသွားဧည့်သည်တွေ ပိုကြိုက်ကြပါတယ်” လို့ ပြောပါတယ်။ ပဋိပက္ခတွေဖြစ်ပွားနေပေမယ့် ခရီးသွားလာချင်တဲ့ ခရီးသွားဧည့်တွေကလည်း ပြည်တွင်းခရီးစဉ်တွေနိုင်ငံရေး အ‌ခြေအနေကြောင့် တန့်နေပြီဆိုရင် အိမ်နီချင်းနိုင်ငံဖြစ်တဲ့ ထိုင်းနိုင်ငံဘက်ကို အများဆုံးသွားရောက်လည်ပတ်ကြပြီး ဒီနှစ်မှာ အေဂျင်စီ အတော်များများ အများဆုံး ချိတ်ဆက်ပို့ဆောင်ရတာက ချင်းမိုင်နဲ့ ဘန်ကောက်လို့လည်း သိရပါတယ်။ ပြည်ပခရီးသွားဝန်ဆောင်မှုလုပ်ငန်းကို လုပ်ကိုင်နေတဲ့ ချင်းမိုင်အခြေစိုက် မြန်မာပြည်လည်ပတ်ရေးခရီးစဉ်တွေ ဝန်ဆောင်မှုပေးနေသူ တစ်ဦးကလည်း"ထိုင်းဘက်က ကိုးကွယ်ယုံကြည်သူတွေက သူတို့ ပူဇော်ပသမယ့် ကတိကဝတ်အချိန်.... ◾ Website တွင် ဆက်လက်ဖတ်ရှုရန် https://www.mtnewstoday.com/?p=70829 #ခရီးသွား #ပုဂံ #နေပြည်တော် #ငွေဆောင် #mtnews

MT News သတင်းဌာနရဲ့ တစ်နေ့တာအတွင်း ထူးခြားသတင်း ၂၂. ၆. ၂၀၂၄ တင်ဆက်/တည်းဖြတ် MT News ဒီနေ့အတွက် MT News သတင်းဌာနရဲ့  ၂၄ နာရီ သတင်းအစီအစဉ်မှာ တင်ဆက်ပေးမယ့် သတင်းတွေကတော့ ◾️ ပြည်တွင်းဆန်ဈေး အဆမတန်မြင့်တက်မှုနဲ့ ပတ်သက်ပြီး မြန်မာနိုင်ငံဆန်စပါးအသင်းချုပ်ရဲ့ တာဝန်ရှိသူတွေကို ခေါ်ယူစစ်ဆေးနေတဲ့သတင်း ◾️ ဝင်းနိမ္မိတာရုံကျောင်းတိုက်ဆရာတော် ပျံလွန်တော်မူရခြင်းမှာ ကမ္မကျေးရွာအနီး နယ်မြေရှင်းလင်းရေး ချီတက်နေချိန် အရပ်နံပါတ်တပ် SURF ကားနဲ့ ဝင်ရောက်လာပြီး လက်ပြတာ၊ သေနတ်မိုးပေါ်ထောင်ပစ် တားဆီးတာတွေ ဆောင်ရွက်ခဲ့ပေမဲ့ အတင်းဖြတ်ကျော်မောင်းနှင်လို့ အနောက်မှ ပစ်ခတ်ခဲ့တာကြောင့်ဖြစ်တယ်လို့  ဗိုလ်ချုပ်ဇော်မင်းထွန်း ပြောကြားတဲ့သတင်း ◾️ အမြွှာပူးကိုယ်ဝန်လွယ်ထားရတဲ့ ဆင်းရဲနွမ်းပါးတဲ့မိခင်မှာ အရပ်လက်သည်နဲ့ မွေးဖွားရာ ကလေးတစ်ဦး သေဆုံးပြီး ကျန်တစ်ဦးမှာ ဆေးရုံမှာ အောက်ဆီဂျင်နဲ့ အသက်ကယ်ထားရတာကြောင့် ငွေကြေးအခက်အခဲ ဖြစ်ပေါ်တဲ့သတင်း ◾️ တာချီလိတ်မှာ တရုတ်နိုင်ငံသား လေးဦးထံမှ ကျား၊ ခြင်္သေ့၊ ဝက်ဝံ ၂ ကောင်နဲ့ လက်နက်၊ မူးယစ်ဆေးဝါးတွေ ဖမ်းမိတဲ့သတင်း ◾️ ကျည်ဆံတွေ ဆက်လက်ကျရောက်မယ်ဆိုရင် လက်တုံ့ပြန်မယ်လို့ မြန်မာအစိုးရနဲ့ ရခိုင်လက်နက်ကိုင်အဖွဲ့ကို ဘင်္ဂလားဒေ့ရှ်အစိုးရ ထပ်မံသတိပေးတဲ့သတင်း ◾️YGEA ရဲ့ တာဝန်ရှိသူတွေကို ခေါ်ယူစစ်ဆေးပြီးနောက် နှစ်ပတ်အတွင်း သတ်မှတ်ရွှေဈေး ကျပ် ၄၅ သိန်းခွဲအောက် ကျဆင်းလာတဲ့သတင်း ◾️ထိုင်းနိုင်ငံမှာ အသတ်ခံရတဲ့ မထက်ထက်ဇော်ကို သတ်ဖြတ်သူ ၀ဠာကို ထိုင်းရဲထံ လွှဲပေးဖို့ Sister to Sister အဖွဲ့ စာပို့၊ ၀ဠာကို လက်ခံထိန်းသိမ်းထားသူ Lion Batallion စစ်ကြောင်းက မထက်ထက်ဇော်အလောင်း မြေမကျရတဲ့အပေါ် စိတ်မကောင်းကြောင်းနဲ့ တရားခံကို သက်ဆိုင်ရာအပ်ဖို့ ကြိုးပမ်းနေတယ်လို့ အကြောင်းပြန်တဲ့သတင်း ◾️လှိုင်သာယာမှာ အသက် ၇ နှစ် အရွယ်နဲ့ ၉ နှစ်အရွယ် ကလေးငယ်နှစ်ဦးကို ဓမ္မတာနဲ့ဆန့်ကျင်ပြီး ကာမစပ်ယှက်ဖို့ ကြိုးပမ်းသူ လူငယ်တစ်ဦး အဖမ်းခံရတဲ့သတင်း ◾️ပြည်သူတွေနဲ့ ဘင်္ဂါလီတွေအပေါ် သတ်ဖြတ်မှုကျူးလွန်နေတဲ့ AA၊ PDF နဲ့ တိုင်းရင်းသား လက်နက်ကိုင်တွေအပေါ်  ပိုမိုအာရုံစိုက်ဖို့နဲ့ မြန်မာနိုင်ငံရှိ “ရိုဟင်ဂျာ” ဆိုသူ မွတ်ဆလင်တွေနဲ့ အခြားလူနည်းစုဆိုင်ရာ လူ့အခွင့်အရေးအခြေအနေ”ကို ကုလသမဂ္ဂဆွေးနွေးမှု ပယ်ချတယ်လို့ ကြေညာတဲ့ သတင်းတို့ကို တင်ဆက်ပေးသွားမှာဖြစ်ပြီး MT News သတင်းဌာနရဲ့ ဒီရုပ်သံမှာ နားဆင်နိုင်မှာဖြစ်ပါတယ်။ #ပွင့်လင်းမြန်မာ #mtnews_entertainment #mtnews #myanmar_transparency_news #myanmar_transparency_news_ရုပ်သံ

ပေါ်တူဂီနဲ့ တူရကီ၊ ဘယ်လ်ဂျီယံနဲ့ ရိုမေးနီးယား၊ ချက်နှင့်ဂျော်ဂျီယာတို့ ကစားကြမဲ့ ယူရိုပွဲစဥ်များ ပွဲကြိုသုံးသပ်ချက် ၂၂ . ၆ .၂၀၂၄ Written by MMAK ◾ချက် Vs ဂျော်ဂျီယာ ချက်အသင်းက ပေါ်တူဂီကိုရှုံးခဲ့ပြီး ဂျော်ဂျီယာအသင်းက တူရကီကို ရှုံးခဲ့တာကြောင့် ရှုံးပွဲတွေ့ထားတဲ့ နှစ်သင်းထိပ်တိုက်တွေ့နေတာ ဖြစ်ပါတယ်။ တူရကီကို ဂိုးပြတ်ရှုံးခဲ့ပေမဲ့ ဂျော်ဂျီယာအသင်းရဲ့ကစားပုံ တော်တော်လေး ကောင်းခဲ့တာ တွေ့ရသလို နောက်ဆုံးမိနစ်အထိ တူရကီကို ဖိအားပေးကစားပြခဲ့ပြီး အပိုင်အခွင့်အရေးတွေကို အသုံးမချနိုင်ခဲ့တာကြောင့် ရှုံးခဲ့ရပေမဲ့ ခြေစွမ်းအရ မညံ့ခဲ့ပါဘူး။ တူရကီတောင် ဘော်ဒီကြေး တစ်လုံးလေးဆယ်စား ပေးခဲ့တဲ့ ဂျော်ဂျီယာကို တူရကီထက် ကမ္ဘာ့အဆင့်ပိုမြင့်တဲ့  ချက်အသင်းအနေနနဲ့ တူရကီပေးခဲ့သလို တစ်လုံးလေးဆယ်စားဆိုတဲ့ ခပ်မာမာကြေးမျိုး မပေးထားနိုင်ဘဲ ဘော်ဒီကြေးတစ်လုံးကို ခုနှစ်ဆယ်စားဆိုတဲ့ ပေါက်ကြေးပေးထားတာ တွေ့ရပါတယ်။ ချက်အသင်းက ဂျော်ဂျီယာအသင်းထက် ကမ္ဘာ့အဆင့် သတ်မှတ်ချက် ၃၉ ဆင့်လောက်ပိုမြင့်ပေမဲ့ ခြေစွမ်းအရ သိပ်မကွာဘူးလို့ ယူဆထားပြီး ချက်အသင်းရဲ့ ခြေစွမ်းထက် ဂျော်ဂျီယာအသင်းရဲ့ ခြေစွမ်းကို ပိုသဘောကျနေပါတယ်။ ဘော်ဒီကြေး တစ်လုံးခုနှစ်ဆယ်စားဆိုတဲ့ ပေါက်ကြေးမှာ သရေတစ်ပေါက် ရှိနေသလို ချက်အသင်း နှစ်ဂိုးပြတ်နိုင်ဖို့ဆိုတာ တော်တော်မလွယ်တာပါ။ ဂျော်ဂျီယာအသင်းက နောက်ဆုံးပွဲမှာ ပေါ်တူဂီအသင်းနဲ့ ကန်ရမှာကြောင့် အနိုင်ရဖို့ရာ မဖြစ်နိုင်ဘဲ ဒီပွဲကိုသာ အားသွန်ခွန်စိုက် ကစားလာမဲ့ အနေအထားဖြစ်ပါတယ်။ အထက်ကြေးအသင်းတွေနဲ့ ဂိုးပေါ်တွေ ခဏခဏ အောင်နေတာကြောင့် ဒီနေ့ညမှာတော့ ဘွတ်ကီစားမဲ့ ပွဲစဥ်တွေ ရှိလာနိုင်ပါတယ်။ ဒီအတွက်ကြောင့် .... ◾ Website တွင် ဆက်လက်ဖတ်ရှုရန် https://www.mtnewstoday.com/?p=70822 #belgium #czech #portugal #cr7 #Georgia #EURO2024 #MTsport #MTEntertainment

သန်လျင်မြို့ရှိ တည်းခိုခန်းတစ်ခုတွင် အမျိုးသားတစ်ဦး မိမိကိုယ်ကိုယ် ဆွဲကြိုးချသေဆုံးမှု ဖြစ်ပွား ၂၂.၆.၂၀၂၄ Written by TZ ရန်ကုန်တိုင်းဒေသကြီး၊ သန်လျင်မြို့ရှိ တည်းခိုခန်းတစ်ခုတွင် အမျိုးသားတစ်ဦး မိမိကိုယ်ကိုယ် ဆွဲကြိုးချသေဆုံးမှု ယနေ့ဖြစ်ပွားခဲ့ကြောင်း သိရသည်။ ဖြစ်စဥ်မှာ ယနေ့ ဇွန်လ ၂၂ ရက်နေ့လယ်ပိုင်းတွင် အမျိုးသားတစ်ဦး မိမိကိုယ်ကိုယ် ဆွဲကြိုးချ (ကြိုးဆွဲချ)၍ သေဆုံးသောကြောင့် ရုပ်အလောင်းကို သယ်ယူပေးပါရန် အကူအညီတောင်းလာသောကြောင့် လောကအလင်းလူမှုကူညီကယ်ဆယ်ရေးအသင်းမှ သွားရောက်ကူညီကာ ရုပ်နလောက်းကို သန်လျင်ပြည်သူ့ဆေးရုံကြီး ရင်ခွဲရုံသို့ ပို့ဆောင်လိုက်ကြောင်း သိရသည်။ "အကြောင်းရင်း ကိစ္စတော့မသိဘူး။ ကောင်လေးက အသက်က ( ၂၃) နှစ်ရှိပြီ" ဟု လောကအလင်းလူမှုကူညီရေးအသင်းမှ တာဝန်ရှိသူတစ်ဦးက MT News သို့ ပြောသည်။ ဆွဲကြိုးချသေဆုံးသည့် အမျိုးသားမှာ သုံးခွမြို့၊ ကွင်းကြီးကျေးရွာတွင် နေထိုင်သူဖြစ်ကြောင်း၊ ရုပ်အလောင်းကို သန်လျင်ဆေးရုံကြီး ရင်ခွဲရုံမှတစ်ဆင့် နေအိမ်သို့ ပို့ဆောင်လိုက်ကြောင်း သိရသည်။ ◾ Website တွင် ဖတ်ရှုရန် https://www.mtnewstoday.com/?p=70819 Photo - Steven Thanlyn Steven Thanlyn #သန်လျင် #ဆွဲကြိုးချ #ကြိုးဆွဲချ #MT #mtnews

အနုပညာကနတ်ကြီးတော့ အရမ်းကြီးပဲ မျှော်လင့်ပြီးတော့မှ ထင်သလိုဖြစ်မလာတာတစ်ပုံကြီးပဲဆိုတဲ့ လှမျိုးသဉ္ဇာနွယ် ၂၂.၆.၂၀၂၄ ရိုက်ကူး / တည်းဖြတ် - သန္တာ၊ အနိုင် "အမတို့က ကာရိုက်တာကို ရွေးချယ်ခွင့်မရှိတော့ဘူး။ အမတို့ဆီလာသမျှကို ရိုက်ရတာပဲလေ။ အမကလည်း ရိုက်ချင်နေတဲ့အခါကြတော့ ဘာပဲလာလာ အမတို့ရိုက်ရတာပေါ့နော်။ အမတို့လုပ်ကွက်လေးတွေရတယ်ဆိုရင် အမတို့ ကျေးဇူးတင်တာပေါ့။ တစ်ခါတလေကားတွေသာများတယ် လုပ်ကွက်ကရချင်မှရတယ်ပေါ့။ အနုပညာကနတ်ကြီးတယ်လေ။ ညီမလေးတို့သိတဲ့အတိုင်းပဲ။ အရမ်းကြီးပဲ မျှော်လင့် အရမ်းကြီးထင်ပြီးတော့မှ ထင်သလိုဖြစ်မလာတာတစ်ပုံကြီးပဲ" လှမျိုးသဉ္ဇာနွယ် #လှမျိုးသဉ္ဇာနွယ် #အလိုတော်ပြည့်ကျောင်း #HlaMyoThinZarNwe #ရေနံ့သားခင်ခင်ကြီး #ဦးဟိန်းစိုး #MTEntertainment

KIO/KIA က ငြိမ်းချမ်းရေးရယူထားသော ကချင်ပြည်နယ် လော်ဝေါ်၊ လာချိဒ်၊ ငေါ့ချန်း စသော ဒေသများကိုဖျက်ဆီးနေကြောင်း ဦးဇခုန်တိန့်ယိန်း ပြော ၂၂.၆.၂၀၂၄ Written By Zun KIO/KIA က ငြိမ်းချမ်းရေးရယူထားသော ကချင် ပြည်နယ် လော်ဝေါ်၊ လာချိဒ်၊ ငေါ့ချန်း စသော ဒေသများကို ဖျက်ဆီးနေကြောင်း ဦးဇခုန်တိန့်ယိန်းက ပြောကြားလိုက်သည်။ ယမန်နေ့ ဇွန်လ ၂၁ ရက်က ကချင်ပြည်နယ်ကို ငြိမ်းချမ်းရေး ဖော်ဆောင်ပေးကြရန် ကချင်ပြည်နယ်အထူး ဒေသ (၁) ဥက္ကဋ္ဌ ဦးဇခုန်တိန့်ယိန်းက ပန်ကြားသည့် ထုတ်ပြန်ပြန်ချက်တွင် အထက်ပါအတိုင်း ထည့်သွင်း ပြောကြားလိုက်ခြင်း ဖြစ်သည်။ ကချင်အထူးဒေသ (၁) တွင် ပြီးခဲ့သည့် ဧပြီလကတည်းကပင် တပ်မတော်နှင့် KIA တို့ တိုက်ပွဲများ ဖြစ်ပွားနေခြင်းဖြစ်ကြောင်းနှင့် လက်ရှိတွင် စစ်ရေးတင်းမာနေကြောင်းလည်း သိရသည်။ ကချင်ပြည်နယ်အထူးဒေသ(၁) တွင် ဆော့လော်မြို့နယ်၊ ချီဖွေမြို့နယ်၊ ဝိုင်းမော်မြို့နယ်နှင့် ကန်ပိုင်တည်ဒေသတို့ ပါဝင်ကြောင်း သိရည်။ “KIO/KIA လူကြီးမင်းတို့က ကျွန်တော်တို့ငြိမ်းချမ်းရေးရ ယူ ထားတဲ့ လော်ဝေါ်၊ လာချိဒ်၊ ငေါ့ချန်းနဲ့ အတူပူး ပေါင်းနေထိုင်တဲ့ ဒေသကိုဖျက်ဆီးလာပါတယ်။ ကျွန်တော်တို့ က အဖျက်မခံ ခုခံကြပါသဖြင့် နှစ်ဖက်နစ်နာတာသေချာပါတယ်။ ကျွန်တော်တို့ကို ဖျက်ဖို့ ခင်ဗျားတို့ကြိုးစား တိုင်း ခင်ဗျားတို့လည်း ထိခိုက်နစ်နာကြမယ်ဆိုတာ အသိစိတ်ကောင်းဝင်ကြပါစေ။ ကျွန်တော်တို့လူမျိုးများ အကြား အဖွဲ့အစည်းများအကြား တရားမဲ့ ဥပဒေမဲ့ပြုမူဆက်ဆံတဲ့ အကျင့်ဆိုးများ၊ စရိုက်ဆိုးများ ကင်းရှင်းနိုင် ကြပါစေ”ဟု ဦးဇခုန်တိန့်ယိန်းက ပန်ကြားလွှာတွင် ထည့်သွင်းပြောဆိုရေးသားထားသည်။ မိမိတို့အနေဖြင့် ပြည်ထောင်စုမြန်မာနိုင်ငံတော်၊ ကချင် ပြည်နယ်မှ တိုင်းရင်းသားလူမျိုးစုများဖြစ်ကာ မေခမြစ်ရိုးနှင့် ရှန်ငေါ်တောင်တန်းဒေသရှိ ဆော့လော်မြို့နယ်၊ ချီဖွေမြို့နယ်၊ ဝိုင်းမော်မြို့နယ်၊ မြစ်ကြီးနားမြို့နယ်၊ အင်ဂျန်းယန်မြို့နယ်များမှ ဒေသခံများဖြစ်ကြပြီး ငြိမ်းချမ်းသာယာသော ဘဝကို တန်ဖိုးထားမြတ်နိုးကြသူများဖြစ်သောကြောင့် ပြည်သူလူထု ငြိမ်းချမ်းသာယာသောဘဝရရှိရေးအတွက် ကူညီပေးကြစေလိုပါကြောင်း အဆိုပါပန်ကြားလွှာတွင် ဖော်ပြထားသည်။ ယင်းအပြင် ပညာရေး၊ ကျန်းမာရေး၊ လူမှုရေးနှင့်စားဝတ်နေထိုင်သည့် ဘဝအာမခံချက်ရရှိသူများ အလွန်ဖြစ်လိုသည့်အတွက် ကူညီပေးကြရန်၊ ပြည်သူများ ကြောက်ရွံ့စိုးရိမ်ရသည့်ဘဝ မခံစားကြစေရန်၊ ငြိမ်းချမ်းသောပတ်ဝန်းကျင် ငြိမ်းချမ်းသောဘဝရရှိမှသာ တိုင်းရင်းသားလူမျိုးများ ဘဝဖွံ့ဖြိုးတိုးတက်နိုင်မည်ဖြစ်သောကြောင့် ကူညီပေးကြရန်လည်း ထပ်လောင်း ပန်ကြားထားသည်။ ထို့အပြင် လူသားအချင်းချင်း အနိုင်ကျင့်ချုပ်ချယ်ခြင်းကို လုံးဝမလိုလား၊ လုံးဝမခံယူလိုကြောင်း၊ မိမိတို့ဘက်မှ လူမျိုးများ ညီနောင်တိုင်းရင်းသားပြည်သူများအပေါ်ပြစ်မှားသည့် ဆန္ဒသဘောထားလုံးဝမရှိစေချင်သူများ ဖြစ်ကြောင်း၊ သေနတ်သံ၊ ဗုံးသံ၊ တိုက်ခိုက်သံများ ၊ ဒုက္ခရောက်ရသည့် ငိုကြွေးသံများ စသည်တို့ကို လုံးဝမကြားလိုကြောင်းနှင့် မတရားမှုကိုလည်း မမြင်လိုသောကြောင့် လူကြီးမင်းတို့၏ ကူညီမှုနှင့်ချစ်ခြင်းမေတ္တာကို ခံစားနိုင်ရန်မျှော်လင့် တောင်းတလျက်ရှိနေသူများဖြစ်ကြောင်းလည်း ယင်းတွင် ဖော်ပြထားသည်။ “မင်းတို့အခု လူစု၊ စစ်ချီပြီး သူတစ်ပါးကို တိုက်ခိုက်သတ်ဖြတ် လုယက် ဖျက်ဆီး ရန်ဖြစ်နေတယ်။ မင်းတို့လည်း ထိခိုက်ကျဆုံးမှုတွေ ကြုံရမယ်။ မင်းတို့ကို ခုခံတိုက်ခိုက်လိမ့်မယ်။ မင်းတို့လည်းကျဆုံးမှုဖြစ်မယ်ဆိုတာသိပြီးပြီလား။ သူများကိုဖျက်ဆီးခြင်းဖြင့် မင်းကိုယ်တိုင်ပျက်စီးနေပါတယ်။ ဖျက်ဆီးခံရသူ ကျူးလွန်ဖျက်ဆီးသူ နှစ်ဦးနှစ်ဖက်ပျက်စီးသွားရတာဖြစ်ပါတယ်။ နှစ်ဖက်စလုံးဖျက်ဆီးခံရတာ ဖြစ်တယ်ဆိုတာ လူတွေဘာဖြစ်လို့ မသိကြတာလဲ။ အဖြေက ငြိမ်းချမ်းရေးရရှိရေးဘဲဖြစ်ပါတယ်”ဟု ၎င်းက ထည့်သွင်းရေးသားထားသည်။ ကချင်ပြည်နယ်အတွင်းတွင် ဂျိန်းဖောများ၊ ခခူးဒူလျင်၊ ဂေါင်ရီ၊ လဘန်အင်ဘွန်ပီးဆားနှင့် လော်ဝေါ်၊ လချိဒ်၊ ငေါ့ချန်း၊ ဇိုင်ဝါ၊ လီဆူ ၊ ဗမာ၊ ရှမ်းနှင့်တရုတ်အနွယ်ဝင်၊ အိန္ဒိယအနွယ်ဝင်များ နေထိုင်လျက်ရှိကြကြောင်းလည်း သိရသည်။ ⏹ Website တွင် ဖတ်ရှုရန် https://www.mtnewstoday.com/?p=70810 #ကချင် #KIOKIA #ဇခုန်တိန့်ယိန်း #MT #mtnews

၂၀၂၄ ခုနှစ် ပထမငါးလအတွင်း မြန်မာနိုင်ငံသို့ ကမ္ဘာလှည့်ခရီးသွား ငါးသိန်းကျော် လာရောက်ခဲ့ ၂၂.၆.၂၀၂၄. Translated by Htwe Ko Tun မြန်မာနိုင်ငံသို့ ၂၀၂၄ ခုနှစ်၏ ပထမငါးလအတွင်းလာရောက်သူ ကမ္ဘာလှည့်ခရီးသွားဦးရေမှာ ၅၂၀,၀၀၀ ဦးအထိရှိခဲ့ကြောင်း အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ၏ပြောကြားချက်ကို ကိုးကားလျက် ရှင်ဟွာသတင်းဌာနက ဇွန်လ ၂၁ ရက်တွင် ဖော်ပြခဲ့သည်။ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီက ယခင်နှစ်အလားတူကာလက မြန်မာနိုင်ငံသို့ လာရောက်လည်ပတ်သူ ကမ္ဘာလှည့်ခရီးသွား ၃၁၀,၀၀၀ ကျော်သာရှိခဲ့၍ ၂၀၂၄ ခုနှစ်တွင် တိုးတက်လာခဲ့ကြောင်း သတင်းထုတ်ပြန်ခဲ့သည်။ ယခုနှစ်တွင် ဇန်နဝါရီလ၌ ခရီးသွား ၁၄၀,၀၀၀ နှင့် ဖေဖော်ဝါရီလ၌ ၁၂၀,၀၀၀ လာရောက်ခဲ့ကြရာ ထိုနှစ်လတွင် ၂၆၀,၀၀၀ ဦးကျော် လာရောက်လည်ပတ်ခဲ့ခြင်းဟု ဟိုတယ်နှင့်ခရီးသွားလာရေးဝန်ကြီးဌာနမှ တာဝန်ရှိသူတစ်ဦးကပြောခဲ့သည်။ အများဆုံးလာရောက်ကြသည့်ခရီးသည်များမှာ တရုတ်နိုင်ငံနှင့် ထိုင်းနိုင်ငံတို့မှဖြစ်ကြောင်း... ◾️ Website တွင် ဆက်လက်ဖတ်ရှုရန် https://www.mtnewstoday.com/?p=70803 #ကမ္ဘာလှည့်ခရီးသွား #ငါးသိန်းကျော်လာရောက် #MT #mtnews