عبارات تحفيزيه✍️💜💜

اللَّهُمَ شعُور هذهِ الآية قريباً : ‏فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ‏ .

والله إني أخاف أن يفنى عمري في إنجازات وهمية لا وزن لها عند الله اللهم إنّي أعوذ بك من ضياع السعي وقلة الإخلاص وفقدان الدليل

‏يعيني عليك وانت كل شويه يسألوك مالك وانت مش بتقول حاجه غير مفيش وانت وصلت لدرجه انك بقيت بتفكر وانت نايم

‏ليه محدش بيتكلم عن الصراع النفسي بين إنك بتحاول تكون شخص طيّب وتخلي الدنيا أخف على اللي حواليك وما بين صعوبة الحياه والناس وآذاها اللي بيخلوك عايز تطلع أسوأ نسخه منك ؟

علمتُ أن البطل سيموت في نهاية الرواية فَأغلقتُها حينَ كان مبتسمًا..

أنا بطبعي مش بحب أحرج حد ، ولا أفصْح حد ، وبحب أعدي الأمور بكرامة وستر.. بس لو فهمت سكوتي غلط ، أو حاولت تستغل هدوئي ، ساعتها هتشوف مني وشّ تاني خالص..! إحترامي للناس مش ضعف ، ومش كل ساكت سايب.

أكتر حد لازم تاخد بالك منه هو الشخص اللي وشّه بيتغيّر فجأة.. اللي في لحظة يبقى قريب ، ومن غير سبب مفهوم تلاقيه قلب عليك وكأنك ماكنتش موجود..! ينسى كل عشرة ومواقف ، ويخلّيك قاعد تراجع نفسك وتسأل : أنا عملت إيه؟ قصّرت في إيه؟ وليه المعاملة اتبدّلت كده؟ النوع ده وجوده متعب ، وربنا بيكشفه في الوقت المناسب ، يمكن تفهم السبب ساعتها ويمكن بعدين ، بس الأهم إنك تحمد ربنا إنه شاله من طريقك.. اللي وده متقلّب ، ما يتأمنش ولا يتراهن عليه.

دعواتكم لى بالشفاء فضلا.. 🙏❤️‍🩹

سعات الواحد عاوز يرجع طفل تاني كل همه اللعبة بتاعته و هيجيب بكرة حليب بالفراولة ولة بالشوكولاتة 🥲 كان اخري وقتها ازعل عشان فوتت معاد الكرتون 😂

هي الناس ليه مبتصدقش ان فعلا مش هيكون في فرصة تانية وان فعلا في نقطة انت بعدها مش هتسامح وانك هتتغير وانك قادر تاخد موقف ف دقيقة ومترجعش بعدها نفس الشخص تاني .

فين تفاعل ي شباب

عاوزة أغمض أفتح ألاقيني متوفقه في عملي وحياتي و مستقرة نفسيًا مع شريك حياة رائع و كونت بيت مسلم و أسرة هادية و أهلي و أصحابي و حبايبي كلهم بخير و حواليا و لا ينقصنا شيء وعنينا بتلمع من الفرحة احلامي بسيطة وجميلة يارب انالها يارب في عفو وعافية':)💗

الهندسه ليست مجرد دراسه ، هيا معركه وانتصرت في جوله جديده منها الحمدلله نجح (البشمهندس )👷🏻❤❤❤

عاوز اعيش واموت والدنيا متلوثش قلبي وتفقده شوية الرحمة واللين والعفو اللى فيه ، كدا كدا مخالطة الناس واذاهم طايل الواحد بس عاوز مخالطتى للناس متغيرنيش وافضل بنفس القلب إلي ان اقابل رب العالمين ، لعل ربنا يرحمنى ويدخلنى الجنة لكونى دايما بختار اللين والعفو قبل اي حاجه وفي اي موقف .

‏كل يوم أقول لنفسي الهدف مش الوصول، ولا المحاولة في ذاتها؛ الهدف أجر المحاولة! يا ربّ اجعل مُحاولاتي دي كلها شفيعة ليَّ يوم القيامة.

قد اي الواحد مرهق نفسيا، حتى مش قادر ولا عارف يقول ماله، الحياه عمرها ما كانت منصفه معايا لأبعد درجه ممكن تتخيلها، حاسس اني فاضي، تعبان، مخنوق، انا نفسي مش فاهم حاله من الزعل بتسيطر على المكان وعليا، وحقيقي مش لاقي اي مخرج غير الصبر بس مش عايز اوصل لآخر نقطه صبر ليا في الدنيا.. بس

حد نصحني وقالي قبل كده، خلي رجلك خضرة في أي مكان تدخله، يعني إيه! يعني تساعد بدون ما تنتظر مقابل أو تنتظر الناس هتقول إيه ولا تفكر إزاي! هتتردلك.. يمكن مش النهاردة، ويمكن مش بكرة، بس الأكيد إنها بتتردلك أو لذريتك. ربنا يجعل كل نوايانا خالصة لوجه الله : ))

بتوع تالته ثانوي طمنوني عملتوا اي 🥹🫶🏻

مفيش حد بيعافر وبيحاول وبيطلع جايب صفر في الآخر: نتيجة تعبك وسعيك دايمًا هتبقي حاجة من تلاثة: إما إنك هتنجح وتوصل من أوّل مرة لو لقدر الله منجحتش هتطلع بخبرة كبيرة تِفيدك وتنوّر لك طريقك في اللِّي جاي يا هتكتشف إن السكّة دي مش بتاعتك ومتستاهلش مجهودك ده كله، فتغيّر اتجاهك وتشوف طريق تاني يبقي أنسب ليك الخلاصة، إن مفيش مجهود بيضيع علي الأرض أبدًا، خلّي ثقتك في ربنا دايمًا ملهاش حدود، وافتكر طول الوقت إنك مطلوب منك السعي والمُعافره، لكن النتيجة دي بتاعت ربنا بس.

الشخص الضعيف مش هو اللي بيغلط… الضعيف هو اللي يفضل يكرر نفس الغلط وهو عارف إنه بيكسره من جواه. الضعيف مش اللي يعيط… الضعيف هو اللي يكتم وجعه لحد ما يتحول لقسوة على نفسه وعلى اللي حواليه. الضعيف مش اللي يطلب مساعدة… الضعيف هو اللي يفضل عايش دور الضحية ومش عايز يغيّر حاجة. القوة الحقيقية إنك تعترف بضعفك، وتقرر كل يوم إنك تبقى نسخة أقوى من نفسك 💪✨