Профессор Жахонгир Исмоилбекович Бобоев илмий-мотивация мактаби

#ибрат — Одам учта нарсанинг қадрини доим кечикиб билади. Ёшлик. Соғлиқ. Тинчлик. — Дўстни хўрлаш – гуноҳ. Умр йўлдошини хўрлаш – юз ҳисса гуноҳ. Ота-онани хўрлаш – минг ҳисса гуноҳ. Гўдакни хўрлаш – чексиз гуноҳ... — Иш кўплиги-ю, вақт йўқлигидан нолиманг. Вақт кўплиги-ю, иш йўқлигидан қўрқинг. Одамни абгор қиладиган нарса – бекорчилик. — Ҳатто, булбул ҳам бола очганидан кейин сайрашни бас қилиб, полапонларига емиш ташийди. — Эрталаб турганингда, кундузи юрганингда, кечаси ухлаганингда ҳеч қаеринг оғримаса шунинг ўзи бахт! — Ақл билан мансабга эришиш мумкин. Мансаб билан ақлга эришиб бўлмайди. — Дунёда мукаммал нарса йўқ. Ҳатто Муҳаббат деб аталмиш олий туйғуда ҳам адолатсизлик бор. Ким қаттиқроқ севса, ўша кўпроқ изтироб чекади. — Инсоннинг баҳоси бу дунёда ўзи олгани билан эмас, ўзидан қолгани билан белгиланади. ©️ Ўткир Ҳошимов

​​#Ибрат_соҳиллари «Агар фақат бахтли бўлишни ният қилсангиз, бунга жуда осон эришасиз. Лекин афсуски, одамлар кўпинча бошқалардан кўра бахтлироқ бўлишни истайдилар. Эсингизда бўлсинки, бунинг асло иложи йўқ. Чунки бизга ҳамиша бошқалар биздан кўра бахтлироқдек кўринади». Шарл Луи де Монтескё француз ёзувчиси •┈┈┈┈•❈••✾••❈•┈┈┈┈•

Мен бир нарсага ҳайрон бўлавераман, қачон қараманг, тўртта одам йиғилса, фарзанд тарбиясининг оғирлиги, уларни одам қилишнинг азоблиги тўғрисидаги ҳасратга дуч келамиз. Ў-ў-в биродарлар, бунинг энг осон, энг арзон, энг самарали йўли – усули шундоқ ёнингизда турибди-ку: болангизни китоб ўқишга ўргатинг, унинг кўнглида бадиий адабиётга меҳр ва муҳаббат уйғотинг, фарзандларингизга уч-тўрт сўмни қизғанмай мунтазам китоб олиб беринг! Ахир дунёда китобдан ҳам ақллироқ, ундан ҳам донороқ бирор устозни топиб бўладими? Ахир китобларда йўқ нарсанинг ўзи йўқ-ку! Одамни одам қиладиган жамики куч қудрат, ҳикмат, гўзаллик, ақл ва одоб китобларда “мана-ман” деб турибди-ку! Наҳотки, бу буюк неъматдан, бебаҳо бойликдан бебаҳра бўлиб ҳам одам бўлиш мумкин деб ўйласангиз?! ©️ Озод Шарофиддинов, Ўзбекистон қаҳрамони

​​ҚАДРИНГИЗ  БАЛАНД    БЎЛСИН!    Сизни танимаганлар ва кўрмаганга оладиганлар билан суҳбатлашишга ўзингизни мажбурламанг!    Ўзингизга хос бўлмаган жангларга киришманг!    Қадрингизни билмайдиган кишининг муҳаббати учун курашманг!    Шарафингизни ҳимояси учун ҳазил қиладиган ва қадрингизни билмайдиганлардан узоқроқ юринг    Баъзилар бу харакатингизни заифлик деб ўйлаши мумкин. Сиз уларга парво қилманг! •┈┈┈┈•❈••✾••❈•┈┈┈┈•

​​СЕВИМЛИ БЎЛИШНИ ХОҲЛАЙСИЗМИ? УНДА... – Бошқаларни тинглашни ўрганинг, суҳбатдошингизнинг гапириш эркинлигини чекламанг; – Камтар бўлинг. Чунки камтарлик севимли бўлишнинг энг таъсирли йўлидир; – Ҳадеб мақтов эшитиш истагингизни бир четга суриб, бошқаларни хам мақташни, руҳлантиришни ўрганинг, худбин бўлманг; – Доим хушчақчақ ҳолда юриш қийин. Бу тушунарли. Лекин қўлингиздан келганича ғам-ташвишларингизни яшира билинг; – Танқидни тўғри қабул қилишни ўрганинг; – Очиқ юз, гўзал калом кўнгиллар калитидир; – Қариндош-уруғлар билан борди-келди қилинг, қўни-қўшни, таниш-билишлар билан яхши муносабатда бўлинг. "Ҳадис ва ҳаёт" китобидан.

​​​​ГУМОН  ҲАҚИДА  Агар  яхшилик  ўн  қисмдан  иборат  бўлса,  тўққизтаси  сукут  қилишдадир. Агар  яхшиликка  буришнинг  биронта  йўли  бўлса,  мўмин  биродаринг  ҳақида  фақат  яхши  гумон  қил... Умар ибн Хаттоб ////////////////////////// Сизни ёқтирмайдиган кимсалардан қўрқманг (чунки, у кимсаларнинг зарари аниқ ва равшандир) аксинча, сизнинг муҳаббатингизни қозонишни даъво қиладиган кимсалардан эҳтиёт бўлинг! (Аслида, хиёнат шулардан содир бўлади. Бунга тарих гувохдир!) /////////////////////////// Қалб мамлакати Ашраф Али Таҳонавий айтадилар: «Дунёнинг энг буюк подшоҳи бирон мамлакатга бостириб кирса, аввал ўша давлатнинг энг киборларини хор қилиб ташлайди. Қалб ҳам жуда кенг бир мамлакат. Унинг ҳам ичида Кибр, Бахиллик, Ҳасислик, Ёмон гумон деган ифлос киборлари бор. Шу мамлакатга шоҳларнинг Шоҳи кириб келса борми, уларнинг ҳаммаси ювилиб кетади. Бас, қалбни зийнатлантириш учун кўп зикр қилинг». Гумон қилишдан кўра сукут қил. Зеъро, гумон қилиб гапиришлик – сўзларнинг энг ёлғонидир. •┈┈┈┈•❈••✾••❈•┈┈┈┈•

Али розияллоҳу анҳу айтдилар: “1. Илм – меросларнинг яхшиси. 2. Одоб – касбларнинг яхшиси. 3. Тақво – тўпланадиган нарсаларнинг яхшиси. 4. Ибодат – буюмларнинг яхшиси. 5. Солиҳ амал – йўлбошчиларнинг яхшиси. 6. Яхши хулқ – яқинларинг яхшиси. 7. Ҳалимлик – вазирларнинг яхшиси. 8. Қаноат – бойликларнинг яхшиси. 9. Тавфиқ – ёрдамларнинг яхшиси. 10. Ўлим – одоб берувчиларнинг яхшиси”. •┈┈┈┈•❈••✾••❈•┈┈┈┈•

Инсондаги энг ноёб, қимматли нарсани тан олиш – унинг ташаббусини қўзғатишдир     Америкалик машҳур психолог Дейл Карнегининг айтишича, XX аср бошида йилига бир миллион АҚШ  долларидан кўп даромад топадиган бошқарувчиларнинг сони икки нафарни ташкил қилган. Улардан бири Уолтер Перси Крайслер бўлса иккинчиси Чарльз Майкл Швеб бўлган.     Америка металлургия саноатининг етакчиларидан бири бўлган Эндрю Карнеги Швэбга одамларни яхши ишлатиб, корхона даромадини кескин ошириб юборишда кўрсатган хизмати учун кунига уч минг доллар, йилига бир миллион доллар ҳақ тўлаган. Лекин ана шу миллионернинг ўз эсдаликларида қолдирган қуйидаги сўзлари эътиборга лойиқдир: “Мен чўян қуйиш борасида энг оддий ишчидан ҳам нўноқ эдим, асосий ютуғим мен ўзгаларни бошқаришни билганман.     Мендаги энг ноёб сифат - одамларда ташаббусни уйғотиш қобилияти эди. Чунки инсондаги энг ноёб, қимматли нарсани тан олиш – унинг ташаббусини қўзғатишдир”.     Эндрю Карнеги эса умрининг охирида ўзининг қабр тошига “Бу ерда бир умр ўзидан ақллироқ бўлганларни ўзига бўйсундира олган инсон ётибди” деб ёзиб қўйинглар деб васият қилган.     Демак, Швэбнинг раҳбари ҳам ўз йўлида ходимлар психологиясини яхши билган ва уларга ўз вақтида ташаббус кўрсатиш имконини бера олган камтар инсон бўлган.    Бозор иқтисодиёти шароитида ходимлар нима ҳисобига самарага эришиш мумкинлиги-ю, ўзидан нима талаб қилинишини аниқ билса, улар учун мустақил ишлаш, ишга креатив (ижодий) ёндашиш имконияти кўпроқ бўлади.    Шунинг учун инсонлар ўзлари учун эркин фаолият қонунан кафолатланишини маъқул кўрадилар.

Нимани фидо қилсангиз ўша сизга эҳсон қилинади. Нимани  қизғонсангиз  ўша  билан имтиҳон  қилинасиз... ✍️Мавлоно Румий