Susambil24 rasmiy

29 январь куни Нукус шаҳридаги уйнинг тўртинчи қаватида жойлашган хонадонларнинг бирида ҳаво-газ аралашмасининг чақнаши натижасида содир бўлган портлашда ҳалок бўлганлар сони 5 нафарга етди. Воқеа жойида ҳодиса оқибатларини бартараф этиш ишлари давом этмоқда. https://t.me/Susambil24_rasmiy

Талабаларга янги стипендия таъсис этилади 2023/2024 ўқув йилидан ОТМ талабалари учун тарих ва география йўналишларида Заҳириддин Муҳаммад Бобур номидаги давлат стипендияси таъсис этилади. “Буюк шоир ва олим, машҳур давлат арбоби Заҳириддин Муҳаммад Бобур таваллудининг 540 йиллигини кенг нишонлаш тўғрисида”ги президент қарори имзоланган. Қарорга кўра: ▪️“Заҳириддин Муҳаммад Бобур меросининг Шарқ давлатчилиги ва маданияти ривожида тутган ўрни” мавзусида халқаро илмий-назарий анжуман ўтказилади; ▪️“Бобур мероси” халқаро сайёҳлик тарғибот дастури амалга оширилади; ▪️Бобурнинг болалик даврига бағишлаб суратга олинаётган “Йўлбарснинг туғилиши” бадиий фильми якунига етказилади; Шунингдек: ▪️ўзбек, рус ва инглиз тилларида Заҳириддин Муҳаммад Бобур ҳаёти ва ижодига доир “Бобур энциклопедияси”нинг тўлдирилган учинчи нашри; ▪️“Бобур” китоб-альбоми; ▪️Бобур асарлари луғати; ▪️Бобур девонининг мукаммал нашри чоп этилади. 2023 йил 1 августгача ўзбек, рус, инглиз тилларида фаолият юритадиган халқаро илмий бобуршунослик электрон платформаси ва унинг мобиль иловаси яратилади. https://t.me/Susambil24_rasmiy

Бош прокурор ўринбосари лавозимида ишлаб келган Эркин Тўрақулович Йўлдошев бугундан Тошкент шаҳар прокурори этиб тайинланибди. Эркин Йўлдошевни одамгарчилиги яхши ва тизимдаги адолатпарвар инсонлардан деб кўп эшитганман. Менимча, пойтахт прокурориликка муносиб танлов бўлган.

🇳🇵 Непал пойтхати Катмандудан учиб Похара шаҳри аэропортига учаётган, Yeti airlines авиакомпаниясиниг бортида 72 нафар йўловчи бўлган АТР-72-600 самолёти қўнаётган чоғда ҳалокатга учраган. 16 киши вафот этган. @gorizont_uz

Зангиотада йирик ёнғин чиқди Бугун, 11 январь куни Тошкент вилояти Зангиота тумани “Гулзор” МФЙ Ёшлик кўчасида жойлашган тўқимачилик цехида ёнғин содир бўлган. Ёнғин-қутқарув экипажлари соат 08:20 да воқеа жойига етиб борган, соат 11:05 да қуршаб олинган ва соат 15:05 да бартараф этилган. Ёнғинни бартараф этишга 37 та экипаж жалб этилган. Натижада бинонинг 2-3-қаватларидаги 2900 кв.м ишлаб чиқариш майдонлари, ускуналар ва унда сақланаётган тайёр ҳамда ярим тайёр трикотаж маҳсулотлари ёниб кетган. Айтилишича, ҳодиса оқибатида тан жароҳати олган ва ҳалок бўлганлар йўқ. Ҳозирда ёнғиннинг келиб чиқиш сабаби ва моддий зарар миқдори аниқланмоқда. https://t.me/Susambil24_rasmiy

Тошкентдаги айрим олийгоҳларда дарс вақтлари ўзгармоқда 11 январдан пойтахтдаги метро бекатларига яқин жойлашган 16 та олий таълим муассасасининг иш графиги 9:30 га ўзгаради. Бу ўзгариш тиғиз вақтларда метрополитенда йўловчи оқимини мақбуллаштириш билан боғлиқ. Рўйхат. Ўзбекистон миллий университети ва Тошкент давлат шарқшунослик университетида дарслар 8:00 дан, “Тошкент ирригация ва қишлоқ хўжалиги механизациялаш муҳандислари институти” Миллий тадқиқот университетида эса 8:30 дан бошланади. https://t.me/Susambil24_rasmiy

Роналду Ан-Наср жамоасига ўтгач, клубнинг обуначилари сони 6 млн.га қараб кетяпти @kattatrend

2023 йил 1 январдан нималар ўзгаради? ▪️“Тиббиёт бригадалари”га қўшимча 4 900 та штат берилади. ▪️Фуқарони шахсини аниқлаш учун ички ишлар бўлимига олиб бориш амалиётидан воз кечилади. ▪️Адвокатлик фаолияти электрон тизим орқали лицензияланади. ▪️Қоракўлчилик маҳсулотлари етиштирувчилар учун солиқ ва божхона имтиёзлари узайтирилади. ▪️Фахрий донорларга бериладиган мукофот пули кўпайтирилади. ▪️Тошкентда жамоат транспортида молиялаштиришнинг янги тизими жорий этилади. ▪️Кўп квартирали уйларни чиқинди тўплаш жойларисиз лойиҳалаштиришга йўл қўйилмайди. ▪️Давлат ижтимоий буюртмасига оид маълумотлар мажбурий тартибда эълон қилиб борилади. ▪️Наркологик касалликларга чалинган шахсларни мажбурий даволашга юбориш бўйича барча тиббий текширувлар наркология диспансерларининг ўзида ўтказилади. ▪️Фуқароларга юридик ёрдам кўрсатиш жараёнлари рақамлаштирилади. ▪️Пойабзал ишлаб чиқарувчилар фойда солиғидан озод қилинади. ▪️Саудия Арабистони фуқароларига визасиз режим жорий қилинади. ▪️Хўжалик жамиятларининг кузатув кенгаши мажлиси баёнлари электрон тизимга жойлаштирилади. ▪️Айрим фаолиятлар билан ўз томорқасида шуғулланганлар расмий банд бўлган аҳоли тоифасига киритилади. ▪️UZKAD кафолатланган ягона ахборот тизими этиб белгиланади. ▪️ЯТТлар учун ижтимоий солиқ суммасининг миқдори камайтирилади. ▪️Субсидия асосида олинган уй-жой кредити учун йўналтирилган маблағдан даромад солиғи олинмайди. ▪️Ҳокимларнинг кадастр органлари ишига аралашиши тақиқланади. ▪️Мактабларда ўзбек имо-ишора тили ва Брайл алифбоси ўргатилади. https://t.me/Susambil24_rasmiy

Ўзбекистон Республикаси Президентининг қарори билан: - Улугбек Ахмадович Азамов Ўзбекистон Республикаси маданият ва туризм вазирининг биринчи ўринбосари лавозимига; - Алишер Зафар ўғли Саъдуллаев Ўзбекистон Республикаси ёшлар сиёсати ва спорт вазирининг биринчи ўринбосари – Ёшлар ишлари агентлиги директори лавозимига; - Шерзод Саиджанович Хидоятов Ўзбекистон Республикаси қурилиш ва уй-жой коммунал хўжалиги вазирининг биринчи ўринбосари лавозимига; - Нозим Бахтиёрович Хусанов Ўзбекистон Республикаси камбағалликни қисқартириш ва бандлик вазирининг биринчи ўринбосари лавозимига; - Агриппина Васильевна Шин Ўзбекистон Республикаси мактабгача ва мактаб таълими вазирининг биринчи ўринбосари лавозимига; - Нарзулло Наимович Обломурадов Ўзбекистон Республикаси табиат ресурслари вазирининг ўринбосари лавозимига тайинланди. https://t.me/Susambil24_rasmiy

Марказий сайлов комиссиясининг маълум қилишича, депутат Расул Кушербаевнинг депутатлик ваколати ўз хоҳишига кўра муддатидан олдин тугатилди. https://t.me/Susambil24_rasmiy