𝚂𝚘𝚔𝚒𝚗𝚕𝚒𝚔 𝚂𝚊𝚛𝚒

Бу кийик чеккан азоб ва машаққат миқдорини тасаввур қиляпсизми? У икки қоя орасига қисилганча, қимир этолмай ўлимни кутган. Қабримиз сиққанида ҳолимиз нима кечади? Қанчалик азоб ва машаққат ичра қолишимизни ўйлаб кўрайлик! 🥹

" Robbingiz faqat uning o'zigagina ibodat qilishingni va ota - onaga yaxshilik qilishni amr etdi. Agar ularning biri yoki har ikkisi huzuringda keksalik yoshiga yetsalar, ularga " Uff " dema va ularni jerkima ! Ularga yoqimli so'z ayt ! Ularga mehribonlik bilan, xorlik qanotingni past tut va ayt "Ey Robbim ! Meni (ular) go'daklik chog'imda tarbiyalaganlaridek , Sen ham ularga rahm qilgin ! " Isro surasi 23-24 oyatlar

ФАРОҒАТ Фақир ўзи ХОҲЛАГАН нарсага эга бўла олмасада, ўзи эга бўлган нарсаси ила ХОҲЛАГАНИЧА хурсанд бўла олади.

Xadicha bintu Xuvaylid Urugʻi: Banu Asad Otasi: Xuvaylid ibn Asadibn Abduluzzoibn Qusay Onasi: Fotima bintu zoida Laqabi: Tohira Kunyasi: Ummul Qosim Tugʻilgan yili: Fil voqeasidan 15yil oldin Hijratdan esa 68yil oldin Manba: 📚Paygʻambarmiz sollallohu alayhi vasallamning axli ayollari

ИСЛОМДАГИ САККИЗ АМАЛ Исломда ҳаммаси бўлиб банданинг амали саккиз қисмга бўлинади: Биринчиси – фарз. Иккинчиси – вожиб. Учинчиси – суннат. Тўртинчиси – мустаҳаб. Бешинчиси – мубоҳ. Олтинчиси – ҳаром. Еттинчиси – макруҳ. Саккизинчиси – мустакраҳ. Ушбу саккиз қисм амалнинг баъзиларини бажариш шарт, баъзиларини бажармаслик шарт. Яна айримларини қилиш-қилмаслик ихтиёрий. - Фарз қандай амал? - Фарз Аллоҳ таоло буюрган амалдир. Уни қилган киши савоб топади. Узрсиз бажармаган киши гуноҳкор бўлади. Унинг зарурлигига ишонмаган киши эса кофир ва имонсиз саналади. Фарз амали қайси ҳолатларда кўринади? - Аллоҳ таолога имон келтириш, Ислом динидаги беш вақт намозни ўқиш, рамазон ойида ҳар куни рўза тутиш, закот бериш ва ҳаж қилиш. - Вожиб қандай амал? - Вожиб Ислом динида бажарилиши шарт бўлган амалдир. Уни бажарган киши савоб олади, бажармаганлар гуноҳкор бўлади. Вожиб амалга ишонмаган киши кофир ва имонсиз бўлмаса ҳам, катта гуноҳга ботади. Қандай амаллар вожиб амалга киради? - Витр намозини ўқиш, ҳайит намозларини ўқиш, садақа ва фитр бериш, қурбонлик сўйиш, Қуръондан сажда оятлари ўқилган пайтда сажда қилиш кабилар. - Суннат қандай амал? - Пайғамбаримиз Муҳаммад алайҳиссаломнинг қилган амаллари. Суннат амалини қилган киши савоб топади. Қилмаган киши гуноҳкор бўлмаса-да, қиёмат куни маломатга қолади, Пайғамбаримиз шафоатларига лойиқ бўлмайди. Суннат амали нималарда кўринади? - Яхши ишларни «Бисмиллаҳир роҳманир роҳим», дея бошлаш, мўмин кишиларга салом бериш, Қуръон ўқишни «Аъузу биллаҳи минаш шайтонир рожим» сўзлари билан бошлаш сингари амаллардир. - Мустаҳаб қандай амал? - Мустаҳаб Пайғамбаримиз Муҳаммад алайҳиссалом баъзан бажарган ва баъзан бажаришни лозим кўрмаган амалдир. Уни қилган киши савоб топади. Аммо қилмаса, гуноҳкор бўлмайди. Қиёмат куни азоб ва маломатга ҳам қолмайди. Мустаҳаб амалига қандай юмушлар киради? - Нафл намоз ўқиш ва нафл рўза тутиш, нафл садақа бериш ва доим таҳоратли юриш кабилар. - Мубоҳ қандай амал? - Мубоҳ шундай амалки, қилинса ҳам, қилинмаса ҳам дуруст бўлаверади. Ундан киши савоб ҳам, гуноҳ ҳам топмайди. Қилиш-қилмаслик банданинг ихтиёридадир. Қанақа амаллар мубоҳга мисол бўлади? - Ҳалол таомларни ейиш, ҳалол ичимликларни ичиш, ўтириш, туриш, юриш ва зарарсиз сўзларни сўзлаш. - Ҳаром қандай амалдир? - Ҳаром Ислом динида қатъий таъқиқланган амалдир. Уни қилган киши қаттиқ гуноҳга ботади, уни ҳалол, дегувчилар кофир ва имонсиз ҳисобланади. Қандай ишлар ҳаром қилинган? - Ноҳақ одам ўлдириш, одамзотга ва ҳайвонотга зулм қилиш, ғийбат қилиш, ўғирлик, ёлғончилик, ароқхўрлик ва зинокорлик каби ишлар. - Макруҳ қандай амал? - Макруҳ Ислом дини таъқиқлаган амал. Макруҳни қилмаган киши савобга қолади, қилган киши эса азобланиши мумкин. Уни қилган киши кофир бўлмаса-да, гуноҳга ботади. Макруҳ амали нималарда кўринади? - Масжидга туфлаш, (фаҳш) нағмаларга қулоқ солиш, одобсиз шеърларни куйлаб ҳофизлик қилиш, одамлар ичида масхарабозлик қилиш, уятсиз шеърларни битиш кабилар макруҳ амаллардир. - Мустакраҳ қандай амал? - Мустакраҳ шундай амалки, уни қилгандан кўра қилмаган яхшироқдир. Қилган киши гуноҳкор саналмаса-да, одобсиз бўлади. Қиёматда азобга қолиши мумкин. Мустакраҳга қандай амаллар киради? - Таомни катта-катта ейиш, бозорда, кўчада овқатланиш, баланд овоз билан кекириш ва ҳайқириб эснаш кабилар. • ''Ибодати исломия'' китобидан Эслатинг! Албатта, эслатиш мўминларга манфаат берур. • Зарият сураси, 55-оят.