ХакикаТ (Истина)

ДРялъул хlукуматалъул нухмалъулев Гlабдулмуслим Гlабдулмуслимов дандчlвана Индонезиялъул дипломатияв вакилгун. Экономикаялъул, дармил, маданияталъул ва туризмалъул рахъалъ цадахъ хlалтlиялъул хlакъалъулъ суалал дандралел руго гьез. https://t.me/pravitelstvord/17466

🤝Ассаламу гlалайкум! Рорчlами, хириял магlарулал! Къо баракатаб батаги. Баркат бугел дандчlваги. Гьабулеб дандебилълъаги. Хабар лъикlаб рагlаги.

ХIурматияв цIалдолев, «ХIакъикъаталъул» I7-абилеб номералда дуда ратила гьадинал макъалаби: 3 гьумер - ГIабдулрашид СагIадулаевасда хурхун кинаб хIукмудай МОКалъ къотIилеб, щвелебдай гьесие Парижалде ине рес? 4 гьумер - санайилго «ХIакъикъаталъ» тIобитIулеб «ЧIагояб классика» машгьурлъиялъул балъголъи сундулъ бугеб? 7 гьумер - Ункъо вас рагъда хутIарал ЧIохъа Шайхамировазул мисалалдалъун рагъул заманалда гIадамазул букIараб къваридаб къисматалъул хIакъалъулъ 8-9 гьурмал - «МагIарул большевикалда» хIалтIулел рукIун рагъде арал журналистазул хIакъалъулъ кIудияб материал. Гьезул цояв, масала, Ражаб ДинмухIамаев - газеталъул бетIерав редактор - рагъда хутIана. 12 гьумер - жиндирго кIудияв инсул эбелалъул хIакъалъулъ Паху ХIайбулаевалъ хъвараб ракIунтулеб хабар. 12 лъимер хун буго гьелъул, гьезда гьоркьоса кIиго вас рагъул коронивги хутIун вуго.

... Рогьалилъ, росдал гIадамалги кIкIалал рагIалде ракIарун, гьезда цере фашистаз советиял солдатал чIвана. ИчIго солдатасул гIицIго цояв гурони чIаго хутIичIо. СССРалъул Верховный Советалъул президиумалъул, 1944 соналъул 16 маялда бахъараб указалда рекъон, рагъда бихьизабураб бахIарчилъиялъухъ МухIамад-Загьид ГIабдулманаповасе ва гьесул гьалмагъзабазе (хун хадуб) кьуна Совет Союзалъул БахIарзазул цIарал ва Меседил ЦIваби. Гьезул бахIарчилъиялъул хIурмат гьабун, гьеб росдада цIарги лъуна «БахIарзазул» абун. #ВОВ

МАГIАРУЛ БАХIАРЗАЛ МухIамад-Загьид ГIабдулманапов (1924-1944) Совет Союзалъул БахIарчи, КIудияб ВатIанияб рагъул гIахьалчи. Гьавуна ГIахьвахъ районалъул КIаратIа росулъ. МухIамад-Загьидица «Двигательстрой» посёлокалда лъугIизабуна анцIгосонилаб школалъул анкьго класс ва хадуб ФЗУялъул школа. 1942 соналда ана БагIараб Армиялде ва, 1943 соналдаса байбихьун, жигараб гIахьаллъи гьабуна КIудияб ВатIанияб рагъда. 1944 соналъул 12 апрелалда БагIараб Армиялъ Крымалде гьужум гьабулаго, 91-абилеб мотоциклазул батальоналъул рагъухъабазул къокъаялъ, сержант Николай Поддубныясул нухмалъиялда, танкалдаги рекIун, халгьабулеб букIана тушманасул аскарал ругеб бакIалъухъ. Ашага-Жамин абулеб росдада аскIоб гьел ккана фашистазул гъоркьчIалиде тIаде ва гьезул танк кьвагьизабуна. Гулла-хер лъугIидал, гьез хучдул къазарун чIвана жеги 13 фашист. Амма тушманасул къуват цIикIкIараб букIиналъ, гьез нилъер рагъухъаби кверде росана. Росулъеги рачун, гьезие гIакъуба кьолеб букIана. Гьезин абуни хвел тIасабищана. ...

#пословицыХакикат

🏔🏕🌲ТIабигIаталъул рахъалъ гIажаибго гьайбатаб бакI буго лъебелазул ракь. Зодире рахарал, кидаго цо кьер ккурал накIкIил гъутIбиги, полпихарал хъахIал гIоралги - гьанир. ГIадлуги цIунарал, гIелму-лъайги ва ВатIаналде рокьи умумулъанго чорхолъ бессарал гIадамалги - гьанир. Лъебелазул росабазул жамагlатаз цадахъ тlобитlараб Оцбай байрамалдаса цо-цо лахlзатал. 📹Автор Мухlамадрасул Муxlамадрасулов

ТIогьиллъарал тIанчаздаса ГIагарал васазе кумек ЛъаратIа районалъул Хадиял росдал Советалъул НикIар ва Хадиял росдал колхозниказ Красная Армиялъул рагъухъабазе гьоркьоса къотIичIого ратIлил рахъалъан кумек гьабулеб буго. Росолъ цониги колхозник хутIичIо жидеда хIалкIвараб жо кьун гIагарал васазе кумек гьабиялде гIахьаллъи гьабичIел. Хадиял росдал тIубачIеб гьоркьохъеб школалъул директор ГIалиев Баширица тIимугъ, хинал щватаби, квердахелал, гурде ва гь.ц. кьуна. НикIар росдал байбихьул школалъул зав. ХIамзатов МухIамадица 1 одиял, 1 гурде ва 1 хинал щватабиги кьуна, 70 сон барав колхозник Олоев ХIажияс жинда тIад ретIун букIараб гурде ва тIагъурги кьун кумек гьабуна. Гьединго кумек гьабуна ГIалиев Сайпудиница ва гь.ц. ХIамзатов МухIамад 1 ноябрь 1941 сон, "МагIарул большевик"

⛰Бежтlа росулъ Оцбаялъул байрам.