ڤِينْكَا

وإني ما رأيت في عينك ما يحمله قلبك لي فرحلت خوفًا من أن تقُل لي أن أرحل . بسنت سيد .

علشان السمك مش إنسان وفي الحساب رقم ٢ قبل رقم ٣ معروفة يعني مش محتاجة 😂😂 «إجابات مخي المتواضع»

..

أد إيه بتصعب عليا نفسي أوي لما أفتكر أي كلام قاسي اتقالي من أشخاص عمري في حياتي ما كنت أتوقع إنه يطلع منهم . - إحساسي بالعجز بإني فضلت أستقبل الكلام في صمت بيقتلني أكتر من صدمتي في الشخص نفسه . بسنت سيد .

😂😂😂😂😂😂 شارك/ي بأغنية لمحمود الليثي مفيش وقت للتفسير 😂😂😂

شكرا جدا 🤍🤍 شوفوا والله مش أنا بكتب أهو والمفروض أقرأ وأسمع لكتاب وشعراء بس والله ما حد بيمذجني غير محمود الليثي 😂😂🤍🤍🤍🤍🤍

شكرا بجد 🤍🤍🤍🤍 كلكم ناس جميلة ولطيفة جدا 🤍🤍🤍

مين اللي بيبعت طيب؟!😂 والله أنا كنت قاعدة حزينة جدا والمسدج بسطتني أوي بجد 😂😂😂 حقيقي أيا كان مين بعتها ف شكرا جدا🤍

يا الله 😂😂😂😂❤️❤️❤️❤️❤️❤️❤️❤️❤️❤️❤️❤️❤️❤️❤️ المسدج دي كفيلة أنها تغير مودي ٣٦٠ درجة بجد😂😂❤️❤️❤️❤️❤️❤️❤️❤️❤️❤️❤️❤️❤️❤️❤️ أنا نقطة ضعفي محمود الليثي 😂😂❤️❤️❤️❤️❤️❤️❤️❤️

لو كنت بعت/ي حاجة لمحمود الليثي كنت هتبسط أكتر والله 🙂😂 🤍🤍🤍

يبدو أن هذا مؤسف حقا . يمكن علشان إحنا بنتعلق من غير ما ندرس الشخصية اللي قدامنا . أو يمكن علشان بنعمد مسح لمخنا وبنمشي بقلبنا بس اللي بيسطر على كل الخلايا فيجبرنا نعيش حاجة مش بتاعتنا . فلما بناخد الصدمة بنكشتف إزاي كل دا حصل وميفضلش غير السؤال المهم وهو دا ليه مش بيحبونا، ودا علشان إحنا محبيناش نفسينا لما قررنا نرميها في أيد ناس مبتحسش . هو كدا كدا أي حد مش بيحب حد مستحيل يحس بيه لو إيه حصل فيبقى الوضع كما هو عليه . الندم على التقرب وعلى كل اللي قدمناه والزعل على أننا متحبيناش بالطريقة اللي عوزناها والغلط في النهاية مننا إحنا حقيقي 🤷‍♀

..

ثم أنّ قلبي ذاقَ الكثير من الألمِ فلا مكانة لِأحد يؤلمهُ ثانيتًا . بسنت سيد .

وإني كلما ميلت لن أجِد سواكِ يحتمِل رأسي كما أُريد . فكيف تهزمُني الدنيا وينصُرني فؤادِك! بسنت سيد .

لقدْ فعلتْ كل ما بِوسعي حتىٰ لا نعود كما كُنا . ولكن عُدنا . وأصبحنا غُرباء . بسنت سيد .

لو مكنتش بتذاكر أول بأول مكنش ربنا أداك من كرمه كدا لأن لكل مجتهد نصيب والكلية اللي أنت فيها في نفس رينج الكلية اللي أنت عايزها وفي تخصص كليات علمي يعني مش حاجة تضيع مجهودك . طول ما كل واحد بيعمل اللي عليه ربنا هيكافؤه وهيديله من وسع حقيقي 🤍 حتى لو مكنش دا اختياركم بس أكيد ربنا شايل لكل واحد الخير في الكلية الصالحة ليه . أنا أريد وأنت تريد والله يفعل ما يريد علشان هو اللي عالم بكل حاجة 🤍

افصلي يوم كامل عن السوشيال وعن أي حاجة وابعدي أي ملازم أو كتب عن وشك نهائي ونامي كويس وأصحي أشربي عصيرك المفضل وكلي وجبتك المفضلة أو أخرجي واقعدي في مكان هادي يقلل كل الضغط اللي عندك ولازم أهلك يساعدوكي على كدا . نفسيتك هتتغير وحالك كله هيتغير علشان اديتي لنفسك حماس وأشبعتي رغباتك المفضلة هتتفتح نفسك وهتقدري تكملي وعن تجربة 🤍 لو سمعتي أو قرأتي سورة يس الموضوع هيختلف أكتر وأكتر والمجهود مش هيروح على الفاضي أبدا اجمدى أنت أدها🤍

أنا دفعة 2020 بداية الكورونا . ملحقتش حظي في الدروس غير من شهر ٩ ل ١٢ في بعض المواد فقط . جت الكورونا وأنا يعتبر لسا في البداية معرفش حاجة عن التاريخ والانجلش إطلاقا، وعلشان السناتر اتشمعت وأهلي كانوا خايفين عليا زيادة لا كنت بروح بيت حد أو أخلي مدرس يجي عندي . فضلت كل الشهور معتمدة على نفسي حرفيا بمعنى الكلمة في كل المواد باستثناء مادتين مثلا . طبعا أنا واحدة مبتحبش التعليم أساسا ومفيش طريق أفهم منه لأن أنا بطبيعتي مبفهمش عن طريق النت لازم يبقى المدرس قدامي مباشر علشان أفهم، فمحطوطة قدام الأمر الواقع إني اذاكر ٧ مواد لوحدي مع نفسي من غير ما يكون عندي معلومات كافية فيهم دا غير إن التاريخ لا أفقه فيه أي شيء . للأسف الظروف البشعة مقتصرتش على كدا . بابا جاله كورونا في شهر ٦ قبل امتحاناتي بكام أسبوع وأختي كانت في حالة اشتباه كورونا ونظرا لحالتهم الصحية قعدوا عند عمتي في انعزال تام متابعين مع دكاترة متخصصين كلنا عارفين الحالات في البداية كانت عالمة إزاي . وضعي أنا بقى قعدت لمدة أسبوعين لوحدي في البيت وأنا كنت لسا ١٨ سنة والمفروض كمان أيام همتحن😄 ناس هتسأل ليه مقعدتش عند حد . " الحقيقة إن في ناس كتير خافت على نفسها بحكم إني اختلطت بوالدي وأختي✌️🏻 - دي بالنسبالي كانت صدمة علشان محدش راعى إني ثانوية عامة ولوحدي . - قررت إني هتولى مسؤولية نفسي وبالفعل شيلت البيت كله من فرش وغيره وعقمته وطلعت مذاكرتي وعملت أكلي فطار غدا عشاء علشان أنا بعرف أعمل أكل مبقتش محتاجة لأي حد . قررت اتحدى وأواجه الوضع لأن دا مستقبلي ومفيش قدامي حل تاني، على مدار الوقت اللي عدى وأنا عايشة ومش عايشة . كل يوم كنت بصحى على كوابيس وخنقة وكل يوم عياط الوحدة والضغط وحشين برضو . الوحيد اللي فتحلي بيته هو جدي الله يرحمه والد مامتي . أنا كنت رافضة أروح عنده علشان هو سنه كبير وكنت خايفة عليه بس هو كل يوم كان بيكلمني كل شوية يقولي ابعتلك أكل طب تعالي اقعدي معايا هو مخافش على نفسه أد ما كان خايف عليا . جي عليا وقت الساعة ١١ بليل كنت في حالة انهيار مقدرتش أقاوم أكتر لميت حاجتي وهدومي وروحتله قعدت في أوضة لوحدي خبط عليا قالي تعالي اقعدي معايا متقعديش لوحدك وفضل يهون عليا الأيام اللي فاتت ويديني نصايح للي جاي . الراجل دا أنا لحد دلوقتي مشوفتش ولا هشوف في حنيته عليا ياريت تدعوله بالرحمة🤍 المهم بقى عدت الأيام وأهلي جم البيت وأنا فضلت أقاوم علشان أدخل جامعة القاهرة ودا كان الهدف ورغم كل اللي كنت فيه دا مرضتش استسلم أبدا لأجل حلم القبة . وجبت في الآخر ٨٠٪ وراضية بيهم جدا جدا . أعتقد إن لو حد مكاني بكل اللي مر بيه دا لو كان نجح بس من غير أي مجموع كان هيبقى إنجاز بالنسباله . «أنا أسفة إني طولت عليكم بجد، بس العبرة من دا كله إن مهما كان اللي بتمر بيه خلي قدامك هدف هو دا سلاحك اللي هتحارب بيه أي حاجة سلبية قدامك، وربنا شايف وعارف وعمره أبدا ما يخذل عبده ولا يضيع مجهوده، لكل مجتهد نصيب يمكن أنا مخدتش نصيبي في كلية معينة بس خدت نصيبي في حلمي وأتحقق وحلم أهلي اللي كان نفسهم أجيب مجموع كويس» . الظروف بتعدي إنما السنة اللي بتروح مبترجعش . أسفة إني طولت عليكم تاني 🤍🤍🤍.

تجربتي كانت أسوأ تجربة والله موردتش على حد 😂🙂💔 ربنا معاك ويوفقك يارب أنت وكل اللي زيك اللهم آمين 🤲🏻🤍

..