ڤِينْكَا

كل الآراء تحترم طبعا ودا رأي من شخص آخر . «أنا مش هعقب على أي كلام كل واحد وليه شخصيته ومعتقداته وموازنة أموره للمواقف ولازم نحترم ونقدر كل الآراء»

كل واحد بياخد الكلام زي ما هو عايز يعني زي حضرتك دلوقتي واخد الكلام بتحريف كل كلمة ومتمسك تطلع/ي انتقاد فيها . بس يؤسفني أقولك إن كل اللي في القناة هنا أو بصفة خاصة اللي بقولهم النصيحة فاهمين أنا عايزة أوصل إيه والمهم المضمون . أنا مببحبش أجادل مع حد كتير في حاجة والله بزهق😂 . القصد من النصيحة واضح + أنا فاهمة كويس قصدك إيه دي كانت نصيحتي ليك/ي أنت بالطريقة اللي تتعامل/ي بيها مع الآخرين ☺️ «ويا جماعة علشان لو حد فكر بنفس التفكير الممل دا؛ القصد من الجملة الأخيرة دي إن في ناس بنسبة كبيرة وأنا من ضمنهم عارفين كل حاجة محللة أو محرمة بس بيحتاجوا لنصيحة أو كلمة تعيد ليهم وعيهم ودي حقيقة مش هيفهمها اللي زي تفكيركم، اللي هيفهمها بس الناس اللي زينا إحنا وبناء على ذلك أنا بقدم نصيحتي بالطريقة دي علشان مبقاش مقفلة الأبواب في وش أي حد وألاقي أنا كمان أبواب تتفتحلي لما أحتاج مساعدة» .

ليه حاطة نفسك في دايرة اليأس؟ اطلعي من الدايرة دي وشوفي الحياة وتقبلي الوحش والحلو اللي فيها . ساعدي نفسك وطلعي كل الطاقة السلبية والخمول اللي جواكي دا وأبدأي من جديد وعيشي حياتك اهتمي بنفسك إذا كان من الناحية الشخصية أو العملية أو الاجتماعية . اكتشفي نفسك واشتغلي عليها هتلاقي كل الأبواب اتفتحت في وشك مستنية خطوة منك .

أنا مشفقة عليك/ي جدا والله بجد أنا مبتكلمش ولا بدي نصيحة في أي حاجة بالدين لأن القناة عاملة مزيج بين المسلمين والمسيحيين وأنا بدي النصيحة بوجه عام علشان معرفش دين اللي قدامي إيه . + لو حد مسلم ودا بيبان من الكلام بقوله النصيحة اللي أنا بعمل بيها وبتجيب معايا نتيجة أنت اللي بتفتي دلوقتي لأن لا أنا ولا غيري لينا الحق نتكلم في الدين وأحنا منعرفهوش بنسبة١٠٠٪ زيك بالظبط . وطالما أنت شخص بيفهم في الدين وعلم الشريعة يبقى وجودك في القناة غلط لأنه مش محتوى هادف ديني دا مجرد كلام بيوصف أغلب اللي جوانا وكدا في ضياع للوقت 😁😁 ف اللحظة اللي أنت كتبت/ي فيها الكلمتين دول كان ممكن تستغفر/ي أفضل 🤍

فانزاتي 😂🤍🤍🤍🤍

محدش صغير كلنا عارفين الحلال من الحرام وأنا مش ربنا علشان أفرض على حد حاجة بالاجبار هو عارفها ومش بيعمل بيها . + كل واحد بيقول مشكلته من طريقة كلامه أنا بعرف أديله النصيحة إزاي ربنا اللي بيحاسب مش أنا . لو رديت بمقياس الحلال والحرام محدش هيسمع ولا هيتقدم خطوة لأنهم بالفعل عارفين إيه التصرف الحلال أو لا هما ناقيصهم خيط يمشيوا وراه لحد ما يطلعوا نفسهم من المأزق اللي وقعوا فيه ودا مش هيحصل غير بالدعاء من ربنا ونصيحة من أي حد سواء مني أو من غيري . كلنا بشر وكلنا بنغلط ومفيش بني آدم على وش الأرض ميعرفش إيه الحلال والحرام وذمبه الشخص نفسه اللي هيشيله مش هاجي أنا يا حتت عبد هقفل في وش اللي محتاجني وأقوله دا حرام ماهو عارف فين الجديد بقى؟! «أنا والله مبعملش مقارنة وأسفة للشخص دا» صاحب المسدج اللي امتنع عن حاجة هو عارف أنها بتغضب ربنا منه وطلب نصيحتي وبالرغم أنه عارف أنها غلط كلامي معاه خلاه يتقدم خطوة . كلنا بنحتاج لحد يساعدنا أنا نفسي في حاجات كتير بعملها غلط وببقى عايزة اللي يوجهني أو يديني نصيحة . ونصيحتي ليك/ي إنك تبقى لين في نصيحتك مش غشيم ☺️

والله أنا نفسي 😂😂 أنا أصلا بتبسط أوي بموضوع صراحة دا أنا مكنتش بحبه في البداية علشان بحسه مخادع بس حبيته دلوقتي علشان أنا بحس براحة نفسية لما بقول نصيحة لحد في أي حاجة لأن أنا صامتة جدا فمبصدق أتكلم وأرغي 😂

طبعا أنا مش هقولك بقى الناس من جواها مش بالمظاهر ولا الكلام دا علشان أنت أكيد عارفاه كويس وأبوكي هو اللي محتاج حد يفهمه ويقف قصاده ويعرفه إن سعادة بنته أهم من الراجل الغني بصراحة مش عارفة أفيدك إزاي الغلط من أبوكي بس اللي أقدر أقوله إن لازم حد كبير يقف قصاده مقصدش بالمشاجرة أو أسلوب العنف أو التحدي لا إطلاقا بس يفهمه أن الفلوس والتعليم مش هما اللي بيجيبوا السعادة

تتخلصي مني أنا ليه يبنتي 🥲😂! *بهزر* اعملي كنترول على مخك كل م تيجي تفكري قولي لا مش هفكر وسمعي نفسك علشان تدي الإشارة لعقلك إن كل ما هتيجي السيرة دي أنت هتوقفيه ومع الوقت مش هتفتكري ولو افتكتري هتحسي بقرف والموضوع بالنسبالك هيبقى عادي بالعكس وكمان لما تفتكري الكلام هتذمي في الشخص نفسه علشان هتلاقيه ولا أي حاجة إحنا اللي بنسستم مخنا على الحاجة لو شغلتي تفكيرك بنفسك أو بحياتك هتلاقي إن مفيش وقت أصلا تفكري في أي حاجة حصلت في الماضي مهما كان قسوة الكلام .

حقيقي أنا فخورة بيك جدا جدا واستمر في معافرتك مع نفسك والوقت اللي هتنتظم فيه في الصلاة هتدوق فعلا طعم الراحة النفسية اللي بجد برضا ربنا عليك💪🏻💪🏻 أفضل حاجة إنك تحط سجادة الصلاة في ركن متتشالش منه يعني مثلا جمب كدا في أوضتك أو في أي أوضة مبيبقاش فيها رجل كتير بحيث أنها تفضل موجودة قدامك على طول وتلفت انتباهك علشان في أي صلاة تروح للركن دا . كل ما تدخل الحمام أتوضى حتى لو بتغسل وشك وسستم عقلك أن أنت على طول متوضي ف أي أذان هتبقى مستعد ليه . الانتظام في الصلاة بياخد وقت هي أبسط حاجة بس بالنسبة لحد مبيصليش أو بيصلي متقطع الموضوع معاه بياخد وقت . وربنا يهديك ويصلح حالك دايما يارب 🤲🏻

كان نفسي أفيدك بس للأسف مش هعرف لأن أنا مبقتنعش وشايفة أن معرفة السوشيال دي مجرد سد احتياج أو سد فراغ مش أكتر ودا في كل الأعمار مش بس في سن المراهقة . يمكن اللي أقدر أقولهولك إنك تركزي في حياتك الواقعية لأن معارف السوشيال عامل زي عالم الخيال هتفضلي غرقانة فيه ومش هيتحول لواقع وإن كان باحتمال نص٪ مش واحد كمان .

السؤال المهم بقى في دا كله . هل فعلا أنت مقتنعة إن في حب سوشيال أصلا من غير مقابلات فيس تو فيس أو معاملة شخصية ؟!

أنت معملتيش جريمة استمتعي بحياتك ربنا أراد ليكي السترة متجيش أنت وتخربي على نفسك بإيدك كلنا بنغلط المهم نتعلم من الغلط ومنفضلش ماشيين في نفس السكة أفرحي واتهني بحاجتك وببيتك الجديد وخلي عندك ثقة في نفسك قوية حتى لو عرف دافعي عن نفسك وأوعي تلومي نفسك قدامه علشان ميحطش عليكي أكتر ويشيلك ذنب حصل منك غصب عنك عيشي وقتك الجاي وأنت رامية الماضي ورا ضهرك بناسه وتفاصيله وأبدأي حياتك الجديدة بعيد عن أي توتر أو خوف ربنا معاكي ويهنيكي يارب🤍

الراجل اللي بيحب بجد بيسامح مش بس الراجل الإنسان بطبعه لما بيحب بيسامح وهو وقدرته مرة أو اتنين أو غيره . والكلام بتاعه دا ينطبق لو أنت خونتيه أو كلمتي حد معاه كنت هلتمس العذر إنما دا أصلا مكنش موجود . حتى لو كان جوزك مش خطيبك حتى لو أبوكي أو أمك متسمحيش لأي حد يلومك ويحطك تحت ضغط نفسي ولوم في حاجة غير إيرادتك لأن دا قلة وعي وجهل . المفروض الإنسان يتبصله باللي هو عليه دلوقتي هل فضل زي ماهو في خرابه ولا بيسعى علشان يحسن من نفسه . كلنا لازملنا فرصة تانية علشان يبقى في تعايش ومعاشرة مهما كان الغلط إيه . متلوميش نفسك على حاجة وأعرفي كويس إن المفروض هو يطمنك ويبقى واعي أن ملوش الحق يعرف حياتك كانت إيه «وطبعا في حاجات معينة لازم تتقال بس أنا بتكلم في الوجه العام» أتاكدي إن لو ربنا بعد خطيبك عنك لقدر الله يبقى ربنا شايلك الراجل الأفضل اللي يحبك ويلتمسلك العذر مش اللي عايز واحدة بيرفكت ويحبها 👌🏻

أنا بقالي ٢٠ سنة عايشة مشوفتش ولد أو بنت ممروش بمرحلة الاضطراب النفسي دا أنا نفسي مريت بيه ودا ملوش علاقة بالتربية خالص علشان الصياح بس مش مهم أنت عملتي إيه المهم أنت هتعملي إيه؛ خطيبك ملوش الحق يعرف ماضيكي لأنه مكنش موجود فيه زي م أنت برضو مينفعش تدخلي في ماضيه طالما في نطاق معين . «مش كل حاجة ينفع تستخبى طبعا» طالما أنت ندمانة يبقى تعيشي مع خطيبك في أيام كويسة محترمة تصونيه وتسعي علشان تحافظي على العلاقة دي وربنا عارف نوايا كل واحد وبيديله على أدها وطول ما ضميرك شغال أنسي إن ربنا يسيبك أو يجيبلك أي حاجة وحشة .

هو ماسك على أمها ذلة ولا إيه في إيه 😂!! الأم بتحرض بنتها على الغلط !! المفروض البنت توقف حد جامد في صفها ضد أمها ويحاولوا يتفاهموا . مقدرش أقول رأيي الشخصي علشان مثيرش الجدل

http://passant213.sarhne.com هيا بنا يا رفاق😂🤍🤍

https://www.thatsbooks.com/competition/list.jspx اللينك أهو يا شباب محدش يطنش فضلا ممكن صوتك يكون سبب في سعادة مصير غيرك🤍

ياريت فضلا ندعم الكاتب أحمد السعدني ونديله صوتنا علشان يكسب . أكيد مش هتخذلوني صح🥲🤍! كل اللي هتعملوه هتفتحوا اللينك هتدوسوا على نمبر 2 هتظهر باقي الأسامي وأحمد رقم ٦ أهو تدوسوا على كلمة تصويت . هيظهر كلمة تسجيل أدخلوا بالفيس أو الچيميل مفيش أي ضرر خالص 🤍 كلنا لازم ندعم أحمد علشان يستحق💪🏻

عمر ما كان الجمال جمال شكل ولون ولبس وعطور الجمال جمال الروح والنفس والعاطفة وصفاء نفوس حبيبة عرفة