ڤِينْكَا

صدقني ربنا مبيجيبش حاجة وحشة للإنسان ودايما بيجي على كل حد مننا وقت بيبقى مغيب ودا كلام علمي جدا لما بيحب حد أو بالمعنى الأدق لما العقل والقلب بيبقوا متفقين على شخص واحد مش واحد منهم بس هو اللي متقبل الشخص . هيجي عليك لحظة وتلاقي إن كل دا في حياتك مجرد فترة كلنا بنعيشها هيا لو بتحبك هتقولك صراحة أنا بحبك بس لما تبقى جاهز تعالى اتقدملي وأنا هستناك من غير أي تجريح في الكلام وبلاش معاشرة الناس الغدارة اللي تبقى معاك كويس وهوب تتحول أصبر على رزقك واهتم بنفسك ودراستك وحياتك وصحابك وكاريرك واسعى علشان تبني نفسك هتلاقي ربنا كرمك ووقع في طريقك اللي هتقدر تكمل معاك باقي المشوار للنهاية حتى لو هتمشوها حافيين 🤍

تعرف تندم ؟! أكتر حاجة بتهز الإنسان وبتمنعه عن أي حاجة مضرة مهما كانت هيا أي وبتخليه بني آدم كويس ضميره! طول ما ضميرك عالي الندم دا عندك هيبقى زي ظلك بالظبط منين ما روحت وراك وراك مش هتقدر تهرب منه . اشتغل على نفسك في كل حاجة غير نفسك للاحسن شوف إيه ناقصك واسعى علشان تكمله . شوف أي محروم منه وأنت اسعى علشان تاخده بالرضا . أسجد ساجدة بخشوع وكلم ربنا قوله ينجيك علشان أنت مش عايز تغضبه ومش عارف تعمل إيه متكتمش الكلام جواك وتقول هو حاسس بيا وسامعني ربنا عايز يسمع صوتك وأنت مقهور من الزعل علشان بتغضبه . هينجيك وهيديلك الحل وهيصلح حالك طول ما أنت عايز إن حالك يتصلح 🤍

تاني دعوة في اليوم حقيقي بالدنيا عندي شكرا أوي بجد ليك أوي ❤️❤️❤️❤️

طول ما أنت حاطة كرامتك قبل منك شخصيا هتلاقي كل حاجة تحت رجليك. كرامتنا الدراع بالنسبة للرجالة لما بتتهزر أو يتكسر بنبقى مهزلة في الرايحة والجاية لو بيحبك هيقولك . أهدي يختي على نفسك ونامي تبات نار تصبح رماد 😂🤍

العمر في إيه علشان الواحد يفضل عايش في حزن طول عمره ؟! سيبك من أي حاجة اهرب/ي من أي حاجة لنفسك مش للنوم ولا للضحك أو الهزار . اشتغل/ي على نفسك طور/ي منها شوف/ي الحياة بطريقة إيجابية وقول/ي الحمدلله. والله طول ما دايما معاك/ي قول الحمدلله هتلاقي كل حاجة بتتفتح قدامك . أي حاجة فيها وجع دماغ ابعد/ي عنها 🤍

ربنا يشفهولك يارب ويعفو عنه ويحفظه من أي مكروه ويحفظكم جميعا ويبعد عنكم أي حاجة وحشة . ادعوله فضلا يا جماعة ربنا يحفظكم من أي مكروه جميعا 🤲🏻🤍

والله أنا هاين عليا أنزل الشارع دلوقتي هو في أحلى من الجو دا . خد نفس الشروق واستمتع براحته النفسية وأبدأ يومك بكل صفاء وأمل هتلاقي ربنا ميسرلك اليوم على طول 🌸

أكيد اللي باعت المسدج حد جديد علشان فانزيني القدام عارفيني😂🤍 أنا بسنت سيد عندي ٢٠سنة وشهر معلش الشهر أهم من السنة😂 بدرس في كلية حقوق جامعة القاهرة فرقة تانية . عايشة في القاهرة . وأنا بكتب والقناة دي بداية خطوتي علشان أوصل لمنى الشاذلي وأكيد هظهر معاها في يوم بس ادعولي 😂🤍

بخصوص ختام القرآن . خليها في نيتكم جميعا مع قفلة المصحف يبقى الختام بنية إن ربنا يفكها عليكم ويريح قلوبكم ومتبطلوش الدعوة دي علشان بجد فيها سحر رهيب من عند ربنا ❤️❤️❤️

والله هيا ضاقت بينا كلنا بس ادينا بنعافر لحد ما ربنا ياخدنا بقى 😂😂

ماشي يا حبيبتى ابعتي . بس خلي الفويز ما بين ال ١٥ و ال ٣٠ ثانية علشان أنا للأسف عندي عقدة ومبستحملش فويزات أكتر من ٣٠🤦🏻‍♀️ أكيد هرد عليكي على طول متقلقيش 🤍

ربنا يريح قلوبنا جميعا وقلب كل واحد شايل ألم محدش يعرفه غير ربنا 🤲🏻

دا أنا بسميه الخلل التفكيري . الشخص مبيبقاش في إتزان في عقله . عايز كل حاجة شايفها كويسة وفي نفس الوقت يختار هو اللي هو عايزه بشرط إن كل حاجة تبقى معاه ودا غالبا بيبقى في فترة المراهقة أكتر بنسبة عالية يعني سواء ولد أو بنت . بس أنت بقى تنسحب أي حاجة فيها وجع دماغ تنسحب منها ونصيحة من أخت مجهولة معارف الجامعة بنسبة كبيرة مبتبقاش كويسة ومليانة حوارات ملهاش لازمة .

أنا توهت منك سيكا . كان في بينكم علاقة يعني وهيا اتغيرت فجأة ولا إيه ؟

أكيد طبعا . لو حابة تتكلمي هنا مفيش أي مشكلة أنا في مسدجات بمسح كلامها احتراما للخصوصية اللي أنت عايزاه 🤍

أنا قرأت كل الكلام . لو أنت متابع كان في واحدة شبيها لنفس المشكلة دي بالظبط وأنا قلتلها ثقة أهلك ثم سعادة أهلك ثم أنتِ . فأنا كلامي ليك هيبقى زيها مهما كان درجة حبك ليها خليك محافظ عليها من بعيد لبعيد وأحلامك تدي إشارة كويسة أنت متعرفش نصيبك فين ولا الخير ليك فين . بس أنا معرفش الكلام اللي وصلك دا إنها شخص مش كويس مثلا أو مصادقة شخص آخر ولا إيه بالظبط علشان أعرف أفيدك أكتر .

المشكلة بقى إن ال٤ رسايل مجوش أصلا والعيب عندك تقريبا فحاول تبعت تاني .

اللهجة دي أنا شاكة فيها حد مش غريب🤔 بس أيا كان يعني أنا قولت قبل كدا إن - لا مأوى في الحياة للضعفاء .

علشان عايزة القناة تبقى خاصة بيا أنا مفيهاش حاجة مقتبسة من أي جهة تانية بس مؤخرا بدأت أفكر في الموضوع مش عارفة هعمله ولا لا .

🤍🤍🤍🤍🤍