ڤِينْكَا

الماضي مش هو الحاضر؛ بس لو نسينا الماضي مش هيبقى لينا حاضر . كل خطوة جديدة بناخدها في حياتنا بتبقى نتيجة لكل اللي حصلنا في الخطوات اللي قبلها . محدش ليه الحق يتدخل في ماضيك . أنت اللي عيشت وقاومت ووقعت وقومت وغلط وأتعلمت وعديت صراعك مع الصح والغلط لوحدك . - أتحكم في الزمن قبل ما يعيد نفسه معاك ويبقى ماضيك هو حاضرك . - كل لحظة في عمرك هتتعلم فيها حاجة جديدة، الخبرة مش بتعتمد سن، طول ما فيك نفس هتفضل تتعلم وتطور من نفسك . بسنت سيد .

تخيلي تحبي واحد قبل ما كاوتش العربية يهوي يحس بيه ومش عارف يحس بقلبك! بسنت سيد .

أكتر فترة تعدي عليا وأنا تايهة بالشكل دا . مبقتش عارفة أفرق بين الحقيقة والحلم والخيال، بين الصدق والكدب، بين اللي بجد والمزيف . أنا حاسة إن العالم بيلف بيا! مش عارفة أثق في حد مش عارفة أشوف حد كويس! - أنا مش عارفة مين وليه وصلني لكدا بس أنا مش لاقية نفسي بجد . بسنت سيد .

أتذكر تلك الأيام التي كنتُ أخلد فيها للنومِ وأنا لا أحمل همًا . كيف كنت وكيف أصبحت وكيف مضىٰ كل ذلك وأنا بغفلةٍ كم من وقتٍ قضىٰ . - لا أريد أن أكون مسؤولًا عن الحد الطبيعي؛ فقط أريد أن أكون إنسانًا مسالمًا سويًا لا يبكي ليلًا من كثرة الأعباء . بسنت سيد .

الحياة دي مأوى مؤقت هنعيشلنا فيها كام يوم وهنتكل على الله فهنشيل الهم ليه حد ضامن بكرة فيه إيه! بسنت سيد .

لو قعدت مع نفسك هتلاقي حياتك ماشية بناء على رد فعلك أنت لأي حاجة بتحصلك . كل موقف بيعدي عليك حلو أو وحش بيأثر على حياتك بشكل كبير جدا من خلال رد فعلك للموقف دا . - طول ما أنت عندك القابلية توازن أمورك وواعي للتصرفات الصح اللي المفروض دي اللي تحصل مش غيرها حياتك هتمشي كويس جدا وبهدوء . - ركز في حياتك وتصرفاتك وخلي الحياة لعبتك تحركها براحتك مش أنت اللي لعبتها ترفعك في لحظة وتسخف بيك الأرض اللحظة اللي بعدها! بسنت سيد .

الفنان معندوش وقت يزعل علشان الهلكان واخد كل وقته والله يا عسل😂💔

حقيقي مخدتش بالي منها لأن أنا بفتح قليل بعتذرلك على التأخير🤍 - ياريت والله🌚 في الواقع لا دا ولا دا . أنا تقمصت الدور دا لوحدي في سن صغير جدا بدوافع كتير ودا كان غلط جدا جدا بس أتعلمت منه . حاليا أنا متطوعة في الجامعة ونطاقي محدود وأخترت أساهم علشان يبقى ورايا إسم بيساندني وفي نفس الوقت في سن أنضج . طبعا الغلوشة اللي أنا عملتها في كل السنين دي تمهيد للي أنا ناوية عليه بعدين بإذن الله كل حاجة بس مجرد وقت . الله أعلم ممكن في يوم وليلة تلاقوني فتحت عيادة ولا حاجة🌚

حاسة إن جالي انتكاسة كدا فجأة من الحياة . لوهلة انتابني شعور الأسف على نفسي . شريط فيلم بيمر قدامي بكل تفصيلة أذى أتعرضت ليه . أد إيه سذاجة قلبي اللي بينسى ويسامح ويعدي! - في ذهول تام من نفسي إزاي مريت بكل دا وأنا لسا متمسكة بصلابتي! كأن الحياة رافضة حالي علشان كدا فكرتني وأديتني على دماغي . بسنت سيد .

أنا أتعودت على خوازيق الحياة علشان كدا لا بقيت أشكي ولا أبكي . بسنت سيد .

كُل اللي يعجبك، وألبس اللي يعجبك، وروح المكان اللي يعجبك، وأشرب اللي يعجبك، وأعمل كل اللي يعجبك طالما صح وملكش دعوة بالناس لأنهم بيتكلموا في كل الحالات . بسنت سيد .

لولا وجود الناس المؤذية في حياتنا مكناش هنبقى على القدر الكبير دا من الوعي وفهم الحياة وناسها صح . بسنت سيد .

زمان لما كان بيحصل بيني وبين أي حد بحبه خلاف كنت بقعد أعيط وأدخل في مود الزعل والاكتئاب . دلوقتي دموعي عرفت إن محدش يستاهل تنزل علشانه فكل ما بجاهد إني أنزل دمعة واحدة مبتنزلش مع إن عيوني مجفتش! بسنت سيد .

في شخص في حياتي عامل زي يوم التلات كدا مهما حاولت أحبه لازم يعمل تصرفات تكرهني فيه! بسنت سيد .

الخوف الوحيد اللي أنا بتمنى أنه يفضل ملازمني لآخر نفس في عمري هو خوفي من ربنا . - أكتر حاجة بتدخل في تصنيف النوادر وجود ربنا في حياتنا، إحنا بقينا وسط فئة بتدي النصيحة وتقول: بعيدًا عن الدين! - اللي هو أعرف الحلال والحرام من اتجاه الرياح بقى . - يارب أفضل دايما خايف من ربنا دي نعمة كبيرة أوي مش عند أي حد . بسنت سيد .

عارفين إيه الانجاز اللي بجد! - إنك تتغلب على نفسك وشيطانك وأي وسواس سلبي وتقول لأ . - إنك تسعىٰ علشان تبقى إنسان كويس بيرضي ربه . - الانجاز هو معافرتك في منافرة الكبائر اللي محاطة بيك من كل الاتجاهات وتمسكك بربك ودينك وتربيتك . «ياما ناس واصلة ومركز بس قليلة الرباية» . بسنت سيد .

لا تخافوا ولكن احذروا😂😂💔

بالمناسبة . لأي حد بيكتب خواطر أو شعر أو قصص أو روايات أو أي حاجة تخص الكتابة بكل فروعها عمتا . - بقدم ليكم المساعدة للكتابة بالطريقة الصحيحة ودي مساعدة للي محتاج بس أو اللي شايف نفسه ضعيف كتابةً وعايز يقوي كتابته . - ودي مساعدة مجانية من غير مقابل🤍 - أنا من سنتين ملقتش حد يوجهني وكنت ماشية بالكوسة كدا لأني مكنتش أعرف الضوابط اللي المفروض أمشي عليها وخسرت كتير ماديا ومعنويا في مسابقات فأكيد مش هحب حد يتعرض لكدا في سبيل إني أقدر أساعد🤍 @passantsayed اللي حابب يكلمني في أي وقت🤍

خزان أحزان 🌚 جميلة جدا🤍

معلش على التأخير أنا لسا فاتحة اللينك🤍 أول حاجة أنت مش هتكلميه إطلاقا مبدئيا كدا . الطرف التاني بيتعامل معانا بالطريقة اللي إحنا بنطبعه عليها بالتالي لما بنحتاج في وقت معين رد فعل معين ومش بنلاقيه بنزعل جدا وبنتأثر . أنت اللي عودتيه على المجان اللي هو كدا كدا أنا عارف آخرك إيه هتكلميني فهسيبك لحد ما تيجي، لكن أنت معودتهوش إن زعلك غالي ولما يغلط ييجي ويعتذر . العلاقات بتنجح علشان الطرفين بيقدروا بعض وقت ما حد بيغلط بيعذر ويعترف بغلطه مش اللي يعمل من بنها ويفضل الطرف الآخر بيراكم . «اللي يوحشك يفقرك» أنت موحشتهوش فميوحشكيش . أشغلي وقتك ويومك وصدقيني هتلاقي نفسك تلقائي بدل ما كان بياخد منك تفكير 20 ساعة هيبقى 10 ساعات بعدين خمسة بعدين مفيش أصلا . أما بالنسبة لإحساسك خديها قاعدة . - الراجل اللي يخلي الست اللي معاه تحس في لحظة أنه مش بيحبها بيبقى فعلا مش بيحبها . الراجل لما بيحب بيوصل للست مقدار حبه بالطريقة بالتالي لما بيحصل خلافات بتتعدى علشان في اطمئنان والأمان دا بيعدي أي حاجة في الدنيا . شباب بلدنا كتير ونصيبك هيجيلك لحد عندك متستعجليش احتفظي بمشاعرك للي يستاهلها بجد علشان متندميش بعد كدا🤍