ڤِينْكَا

🤍🤍

بصيت على أحلامي لقيتها بتطير في السماء، ملقتش معايا فلوس علشان أقدر أوصلها، ففضلت قاعد مكاني لحد ما أموت وأبقى عندها . بسنت سيد .

عمرو دياب كان عنده حق لما قال إنه مغرور ومعدوم الشعور بس أنا اللي شوحت بإيدي كدا وقولت لأ دي أغنية . محتاجة الدرامز تسقفوا بيه على وشي . بسنت سيد .

والله يا أم كلثوم أنا عملت زي ما قولتي واختارت أبعد وقدرت أعند وكنت فاكرة إني هقدر أهجر بس أنا بقالي ٤ سنين بموڤ أون ومش عارفة! بسنت سيد .

إن كانت الأجواء مليئة بالعتمة فعليك المقاومة لتصنع مخرجًا مليء بالأنوار، وتبني حياةً مليئة بالأمل والتفاؤل، وسيكون ذلك بداية المستقبل ونهاية الماضي . بسنت سيد .

لن أصمد مجددًا؛ سأشعل حنيني وأبوح عمّا أحمله بداخلي لك . أذابني حُبك، أسرتني عيونك، اختطفني بريق قلبك، مازلت بانتظار الأيام لأراك ثانيتًا؛ - فأنا حقًا أحبك . بسنت سيد .

في كل يوم تشرق فيه الشمس من جديد يولد إنسان جديد، بتفكير جديد، بعقل جديد، شخصية جديدة! - لطالما تتجدد الأيام فعليّ تجديدي أيضًا إلىٰ أن تفنىٰ الحياة . بسنت سيد .

عليك أن تجتهد وتتمتع بلحظات الانتصار حتىٰ لا تصيبك لعنة الشعور بالندم لأنك لم تفعل . بسنت سيد .

أنا صابني الحزن وقولت للكل ومحدش أخد بإيدي! بسنت سيد .

لا يمكنني نسيان ما حدث بيننا . لا يمكنني التخلص من الذكريات الجميلة المؤلمة . لا يمكنني قضاء الأيام على هذا الأمر . لا استطيع الهروب من الواقع واستيعاب أنك لم تعد هنا وأنا أسير بمفردي! بسنت سيد .

أنا من حقي أعرف هتجوزه امتا!! بسنت سيد .

لو كل واحد أتربى على وجود ضمير حي مكنش هيبقى في مشاكل في الحياة . الضمير والذمة هما اللي بيكونوا الإنسان، لو عندك ضمير هتتقن في عملك أيا كان نوعه، كل الناس هتتساوى حسب مجهودها، كل واحد هياخد المكانة اللي يستحقها . - التربية محتاجة وجود ضمير وخوف من ربنا، مش أعمل الصح علشان كلام الناس، وأعلى على حساب غيرك علشان ابن خالتك معاه أكتر! بسنت سيد .

وأنا صغيرة كنت بستغرب أوي الناس اللي بتبقى قاعدة لوحدها وبتكلم نفسها! اللي هو إزاي حد يقدر يعمل كدا رغم إن هيئته شخص عاقل مش مجنون! كنت متأكدة إنهم مش مجانين وهييجي وقت وأعرف السبب . - لحد ما اللعنة حلت عليا، وكبرت وعرفت . - الظروف السيئة والضغوطات والهموم والابتلاءات والفراق، والحياة كلها حاجات تخلي الواحد يمشي يرقع بالصوت مش يتكلم بس!

خلينا متفقين إن الشخص اللي فاقد الأمان في بيت أهله عمره ما هيقدر يحس بالأمان في أي مكان تاني مهما حاول يلاقي . بسنت سيد .

السعادة شعور بسيط مبيجيش غير بالوسائل البسيطة الدافية التلقائية مش بالصور اللي في مطعم واو وبلد غير و ....إلخ، كل دي مظاهر كدابة فكسانة . - السعادة شعور والشعور عمره ما يتوصف في لقطات، دي لحظة بتتعاش فالحال من غير أي ترتيبات . بسنت سيد .

محتاجين نرجع التربية القديمة بتاعة زمان ونعلم البنات إزاي يبقوا ستات بيوت شاطرين في البيت وفي نفسيهم علشان بقوا شايفين إن المكرونة والبانيه هما أكبر إنجاز فالحياة والأهم تحافظ على نضارة ضوافرها والمواعين يعملها جوزها تحت باند المساعدة! بسنت سيد .

قرار الاكتفاء بشخص دا صعب جدا . يعني حياتك كلها وتفكيرك ودنيتك في شخص معين بس حتى لو مش معاك! ساعات بيفضل جوانا شعور الإيمان بالصدفة اللي هو أنا متأكد إن هييجي يوم ونتقابل تاني . ومهما حاولت تموڤ أون تلاقي كل حاجة بتشجعك تفضل تحبه وتكتفي بيه مش تساعدك تتخلص منه لأ . بس السؤال المهم هنا، هل يا ترى اللي بنكتفي بيهم هما كمان بيكتفوا بينا ؟! بسنت سيد .

13 أغسطس . النهاردة الذكرى السنوية الثالثة على وفاة أعز وأقرب أصدقائي وعشرة عمري . بتمنى تدعوا ل نسمة محمد بالرحمة والمغفرة فضلا محدش يتجاهل 🤍 ...... نفسيتي مش في أفضل حال بسبب كدا مختفية شوية علشان ميأثرش على كتاباتي ويتحول لتعبير شخصي فاعذروني 🤍🤍

متنسوش . من دلوقتي لبكرة متسبوش ذكر الله . قراءة الأذكار . قراءة سورة البقرة ويس والزلزلة . كل حاجة فيها شياطين نخلي بالنا منها ونسمي الله في كل حركة . حصنوا نفسكم كويس ادعوا لأنفسكم . متبطلوش دعاء واستغفار . صلوا كل الفروض حتى اللي مش بيصلي يصلي ويقاوم الشيطان على الأقل اليومين دول . متبطلوش دعاء واستغفار تاااني . ربنا يئذي المؤذي بأذاه وحسبي الله ونعم الوكيل في كل شخص بيسعى لأذية غيره، حافظوا على نفسكم وحصنوا نفسكم كويس أوي ربنا يحفظكم جميعا ويبعد عنكم أي حاجة وحشة يارب 🤍🤍

صباح الخير🤍! - اللي جاي أحلى . - اللي جاي أسهل . - اللي جاي خير .