ڤِينْكَا

ياريت بعد اذنكم تصبروا لما أنزل اللينك ونعمل فقرة صراحة اللي واخد اللينك ميبعتش تاني علشان أنا جوايا شغف كبير للكتابة ومش عايزة أدخل المسدجات في الكتابات وكله يبقى على بعضه . لينا فقرتنا وعمرها ما هتنتهي علشان خاطر حد وأسلوب نصيحتي مش هيتغير ولا مساعدتي ليكم بأي شكل إحنا زي ما إحنا 🤍 - حته كدا زي بتوع البلوجر😂: - بحبكوا أوي أوي أوي وقلوب حمرا كمان مش بيضة😂❤️❤️❤️❤️

أنا نسيت من كتر اللغبطة أرد على المسدج دي . المسدج دي كانت رد على المسدج بتاع الشخص اللي قال هيقفلي القناة . مش دا المهم بقى المهم هنا أنه مقفلش القناة وأنا مستنياه علشان أكد على كلام حضرتك وأقوله أنا كمان أنت راجل وأحييه على موقفه النبيل . المشكلة إن الشخص اللي قال كدا مفكر إن دا بالنسبالي نهاية العالم 😂 أحب أقولك إن كل كتاباتي محفوظة+ كل الناس اللي هنا بما فيهم حضرتك أنا يعتبر اللي مدخلاكم بطريقة غير مباشرة فزي ما عملت دي هعرف اوصلكم تاني خصوصا بقى إن نص القناة أنا أتعاملت معاهم شخصي فلو مفكر إني هخسرهم بالعكس دول معايا وبيساعدوني كمان حبايب قلبي والله😂🤍 أنا عادي والله خد راحتك ووقتك كدا كدا أنا أكتيڤ على طول هتقفل من هنا الجديدة هتشتغل كويكلي من هنا هتقفلها هعمل واحدة تالتة مش علشان أنا فاضية ل لعب العيال دا لأ والله علشان أنا قدامي هدف ومش هتنازل عنه لا علشان حضرتك ولا حضرته ولا حضرت أي حد 😉🤍

حوارات العلاقات دي كترت أوي وأنا مليش خلق😂🙂 هتعملي زي البنت اللي قالت مشكلتها مع أبوها وأثارت الجدل وخلعت . أنا مش هقدر أقولك رأيي علشان لا أنت هتحبيه ولا حد هيستفاد منه . كل اللي أقدر أقولهولك إن مفيش حاجة بترجع زي الأول واللي بيتكسر مبيتصلحش . وخلي عندك كرامة هو اللي أتغير يبقى باي باي على طول على رأي رضوى الشربيني وبوسة كبيرة للعيلة كلها 😅

لا أنا قلتلك الحل أنا فاكرة كويس . مموتيش ليه طيب؟! هقولك الإجابة: حضرتك وحضرته عايشين في جو المرقعة إحنا مجرد في تيم واحد بس أنا بمزاجي وقت م توحشيني أكلمك وأجرجرك ليا ووقت م يبقى مليش مزاج أنا بحب واحدة أنا مش عارف إيه وطبعا بيبقى في لغة حوار . كل دا ضياع وقت وفراغ عالفاضي ومحدش بيموت ورا حد ولما تبقى في رابعة أو تتخرجي هتقتلي نفسك ندم على كل الكلام الفاضي دا . التيمات بتاعة الكلية دي معمولة علشان دراستك مصلحتك مش علشان يبقى في لغة حوار بينك وبين حد وحتى لو في يبقى نطاق التخصص . وأنا برضو مش هتكلم في الدين علشان أنت عارفة الإجابة إيه والمفروض من نفسك تعملي بيها أنت معملتيش يبقى تعملي بالنصيحة لنفسك أنت . صدقيني أنت لو ركزتي على حياتك ودراستك ونفسك مش هتلاقي وقت تفكري فيه هو أصلا. ومتخديش نصيحة من حد قريب منك أو صحابك أو غيره علشان هيطبلولك ويقعدوا يعملوا بلان أد كدا ويعملوا من البحر طحينة ويقولولك أتقلي بكرة يبقى في جيبك والهري دا كله، خدي رأي حد بعيد عنك أو معرفة سطحية هيقولك الصح مش هيجاملك علشان بيحبك . ابعدي عن أي حد من كليتك واصبري على رزقك اللي يفضل باقي عمره معاكي مش وقت وخلاص .

هي بندانة واحدة تقعد معانا العمر كله لو اتغيرت الوش والملامح وكل حاجة بتتغير معاها . بسنت سيد .

الحياة دي مليانة وجع دماغ كتير بس الشاطر اللي يوجع الدماغ مش اللي تتوجع دماغه! . بسنت سيد .

اكتشفت مؤخرًا إن لما حد بيزعلني أوي مبقدرش أبص في وشه مع إن هو اللي مزعلني بس بيبقى جوايا خجل؛ أنا مش هحط عيني في عينك علشان مكسرش نفسك من اللي أنت عامله معايا وحقيقي الموضوع دا مقرف جدا لأن في ناس معندهاش دم ومش بيبفرق معاها وأحنا بنديلهم قيمة وخلاص . بسنت سيد .

متغيرش نفسك علشان كلام الناس طول ما أنت ماشي في الطريق الصح . الناس كدا كدا هتتكلم؛ هترضيهم وتبقى الإنسان اللي هما عايزينه ولا هتكمل في طريقك وتبقى الإنسان اللي أنت عايزه؟! . بسنت سيد .

كل يوم بتأكد إن الصمت هو الحل الوحيد الأمثل والأحسن والأسلم والأفضل لتكملة الحياة . بسنت سيد .

حلاوة العالم كلها تغور لو ركنك بعيد عني . بسنت سيد .

أنا حابة أشكر الخمسة ستة اللي مش عاملين ميوت للقناة وعايزة أقولهم: - ليكم هدايا من مشروعي الجديد ببلاش أما الباقي بفلوس ودا اعتبروه رشوة أو إغراء عادي😂🤍

تمنيت لو كان بإمكاني أتحكم في البشر؛ لجعلت جميعهم أسوياء . بسنت سيد .

..

أيا حبٍ لقد تركت على بابُك قلبي أهل من أحدٍ يأخذه يصونه بداخله؟! . بسنت سيد .

أسوأ شعور أن تحلم بشيء وأنت تعجز عن تحقيقه . بسنت سيد .

مازلت أخشى البشر . مازال قلبي ينبض خوف . مازلت أعاني . بسنت سيد .

ربنا يشفي كل مريض مفكر إن كلامه يفرق معايا . بسنت سيد .

أسوا حاجة منتشرة بقالها فترة وبحزن جدا لما بشوفها لما ألاقي البنات بتتقارن بسلع! - يعني إيه مثلا واحد ينزل صورة مصاصة عليها نمل ومصاصة مقفولة ويقول لو كنتي محتشمة مش متاحة للي رايح واللي جاي كنا نبصلك؟! - أو صورة واحدة بشعرها وواحدة منتقبة ويقول إحنا يوم ما هنبص هنبص على اللي مش باين ليها عين!! - أو الصورة المتداولة أخيرا البطيخة المفتوحة المباحة للكل اللي الذباب هراها والمقفولة اللي مبتتفتحش غير في البيت على نضافة!! «أد كدا بجد شايفين الأنثى ينفع تتقارن بسلع! هل أنتم مقتنعين إن كل البنات اللي بشعرها مش كويسين؟! طب عارفين إن بنسبة ٥٠٪ من المختمرات والمنتقبات بيداروا نفسهم ورا اللبس دا!! طب واعيين إنكم بتسيئوا لفقة من الإناث اللي عددهم يتخطى ال٧٠٪ من الشعب مزيج من المحجبات واللي بشعرهم!!» . «حضرتك بتنزل أي بوست من النوعية دي ومش واخد بالك إنك بتسيء لنفسك قبلينا ك إناث؛ بمعنى إن حضرتك ناقص رباية لما تمشي مع البنات اللي مش عاجبينك دول وتقول هتجوز واحدة محدش كشفها غيري على أساس إنك تستاهل واحدة كويسة أصلا؟! أنت متخيل إنك تبقى شخص لعبي ومبهدل بنات الناس معاك وربنا يرزقك بواحدة تصونك!! ربنا عادل وكما تدين تدان» . - أتقوا ربنا في البنات لو عايز واحدة محترمة خليك أنت الأول محترم ومتستضعفش اللي قدامك لأن ببساطة لو كنتم رجال في حالهم من غير الحك والتلزيق بتاعكم دا مكنش حد من الإناث غلطت . - المحترم محترم بشخصه ومبادؤه وقيمه مش بلبسه ومظهره ياما ناس لابسة ومتغطية بس قليلة الرباية . - بلاش جهل، بلاش تخلف، بلاش ناخد أي كلام ونردده زي الببغاء وخلاص، وأفتكر وأنت بتنزل البوست أن أختك بشعرها أو محجبة يعني مش بس بتسيء لنفسك لا ولأختك كمان قبل الفقة الكبيرة دي . - احترم تُحترم . بسنت سيد .

I think إن أنا الكائن الوحيد اللي بينام مستغطي ومن غير أي مروحة . بسنت سيد .

قبل ما تفكر تبدأ حياة جديدة لازم دفتر الحياة القديمة يتقفل ويترمي حتى لو أتفضل صفح فاضية تكمل بيها القصة الجديدة . مش ذنب الشخص اللي معاك يعيش في بواقي مشاعر وطاقة وحياة لمجرد إنك اختارت غلط . - خد وقت مع نفسك تصفي فيه كل حساباتك وتشطب من القايمة أي حد من الماضي وتفتح دفتر جديد ومع أول سطر في أول صفحة تتكلم عن الحياة الجديدة . «لعلها بداية لا نهاية لها ويظل رُكنك مليء بالدفاتر لوجود أحدهم طيل العُمر» . بسنت سيد .