ڤِينْكَا

https://passant213.sarhne.com لو كنت سيبت أثر بسيط لأي حد يعرفني ..🤍 هخلي اللينك شوية والاتشانل لو حد أحتاج ياخد منها حاجة ..🤍 شكرًا لدعمكم ليا دايما حقيقي أنتوا ناس جميلة أوي ..🤍🤍''

مساء الخير🤍 جيالكم من قلب الحدث وبقولكم اوعوا تفكروا في بكرة أبدًا . سلموا أمركم لله وخلوا دايما يقين في قلوبكم إن رب الخير لا يأتي إلا بالخير . الخير من عند الله والشر من أنفسنا مفيش أي حاجة وحشة بتحصل في حياتنا وبتكون وحشة فعلا حتى لو دا الظاهر قدامنا، ورا كل حاجة بتحصل خير كبير أوي ربنا شايلهولنا واللي عند ربنا أبدا مش بيروح ..🤍 من أسبوعين بس كانت حياتي مستقرة وجميلة نمت صحيت لقيتني بنقل في بيت جديد وشغلي أتغير وانفصلت عن شريك حياتي بس في لحظة بتعدي كنت متأكدة فيها إن دا الخير اللي ربنا كاتبهولي آه زعلت شوية إن كله جي في نفس الوقت بس يقيني بالله قواني لدرجة خليتني مبسوطة جدا بكل تغير وكنت هندم لو مكنتش أخدت القرارات دي . في لحظة الموقف عقلنا بيغفل عن الزاوية الصح اللي المفروض نشوف منها الوضع بس لما بيعدي بنشوف أد إيه حب ربنا لينا كبير للدرجة اللي رتبلنا فيها حياة كاملة وإحنا هناك بنبكي من قلة الحيلة . ⚠️ يمكن دي تكون آخر حاجة هقولها هنا - حقيقي متزعلوش على حاجة الدنيا أبسط من إن الإنسان ياخدها معركة لازم ينتصر فيها، إحنا متخلقناش عشان نحارب بالعكس عشان نأدي رسالتنا ونحافظ على نقاء قلوبنا من أي سواد حوالينا . - ادعوا ربنا يقدملكم اللي فيه الخير دايما متدعوش باللي أنتوا عايزينه وبس، مش كل حاجة عايزينها بتكون هي دي الخير لينا . - ومن قلبي شكرا لكل حد كان معايا من الأول وكمل لدلوقتي وكلكم عموما ..🤍🤍

لو حد يعرف طريقة أحفظ بيها الحاجات دي قبل م أحذف الأبلكيشن ياريت يقولي @passantsayed

كل عام وأنتم بخير جميعًا ♥️

في وسط عزلتي عن دوشة البني آدمين بلحظة صفاء مع نفسي بعد تفكير كتير انتهى بيا الأمر إني أتشجع وأفتح الشباك أخد جرعة هوا حلوين لقيت رياح الخماسين هبت عليا، أنا كنت فاكرة إني هتأقلم عليها بدل ما أنا مقفلة كل حاجة لقيتني بتخنق بالبطيء ومكاني بيتبهدل فقفلت الشباك تاني . من هنا أدركت أن كل قرار وليه وقته، وإن مش أي حاجة عايزاها أختبر فيها قوة تحملي في حاجات كتير من بعيد بتدي بشايرها، وإن لو في أيدي أصلح اللي باظ حتى لو هبدأ من الصفر هرجع ولا إني أكمل وأنا بستنزف، وإن العزلة أحسن بكتير من المشاركة الغلط . - لو المرادي كان في رياح فأنا قفلت أحسن الوضع علشان لما أفتح الشباك تاني أخد نفس بثقة وراحة نفسية . بسنت سيد .

أنت تاني😂؟ أنا كنت بفكر إني أمسح ال channel عشان ك أبلكيشن عموما مبقتش حباه ولسا مفكرتش في بديل لا يوجد خطة 👈🏻👉🏻 ف أنا بنزل أي حاجة خوف منها بس 😂

صباح الخير . - المكان اللي متلاقيش نفسك فيه سيبه وأمشي ومتبصش وراك . متضيعش وقت في فرص بتستنزف روحك، نفسك أولًا وثانيًا وأخيرًا . بسنت سيد .

مفيش حد يستاهل؛ جملة دايما كل الناس بتقولها بعد كل مرة بيتعرضوا فيها لخذلان من حد . - بس الحقيقة إن في لسا ناس تستاهل ..! لازم ندرك أن الحياة مستمرة بسبب اختلاف البني آدمين كل واحد بيكمل التاني في اللي ينقصه، كل إنسان ليه رأي، وجهة نظر، مهارة، كيان .. إلخ . مش معنى أننا متفقناش في دايرتنا يبقى إحنا وحشين في كل الدواير . زي ما في ناس متستحقش نقف علشانها ثانية واحدة، في ناس تستاهل نقف ليها نديها من طاقتنا ومشاعرنا ونبذل مجهود ونتعبلها . - العلاقات محتاجة تفاهم ومعرفة وصبر، ضغوطات الحياة أحيانا بتغير في لحظات معينة لكن الكويس بيرجع لأصله مهما اتحط عليه كل حمل الدنيا ..! بسنت سيد .

Rule 110 . محدش هيتعامل معاك بمبدأ خدوهم بالصوت وببجاحة غير لما يكون عامل حاجة غلط وبيداريها . - وقبل ما يسيبلك الفرصة تدور وراه هيقلب التربيزة على دماغك علشان ميتكشفش . بسنت سيد .

أهم سبب لاستمرار أي علاقة في الدنيا سواء حب جواز صداقة دفى العيلة هو التقدير ..! أنت اديتني مساحة أتكلم أسند عليك وأنا واثق إني مش هقع بالتالي دوري أنا ألتمسلك ألف عذر وأقف جمبك وأنت تقف جمبي نهون على بعض مش مهم حل المشكلة أد ما مهم إنك تلاقي حد تفضفض معاه كأنه نفسك بدل ما دماغك تاكلك . أنت راجل واضح بتتكلم عن أزماتك عامل كل اللي عليك عشان تبني حياة مستقرة ملقتش مقابل يبقى تنسحب الست اللي متقفش جمب جوزها أو شريك حياتها عموما أخرها شوية شاي تعملهم لأهلها بعد الغدا وخلاص الحياة مش ناقصة ظلم وأجيال معقدة نفسيا . لكن تعالى أنت شخص مصدر دايما إن مفيش منك اتنين وأد الدنيا أنا مش عايز حاجة من حد تيجي هي تحتاجك أنت متبقاش موجود إيه الحل؟ مش أنت اللي حطيت نفسك في الزون دي ؟ بيغيظني بقا بجاحة الهجوم أنت مش جدعة طب يعم اديني فرصة أبقى جدعة وأنت تبقى جدع مش كدا😂 الجواز يا جماعة مسؤلية تقيلة أوي إذا مكنش الراجل والست في ضهر بعض في كل حاجة العلاقة عمرها ما هتكمل والبيت دايما هيبقى مهدد بالخراب أصل كله مبني على الاحتياج أهلنا أدونا حب صحابنا دعم شريك/ة الحياة مساندة هي ماشية كدا رايح جاي إنما رايح بس أو جاي بس كل حاجة مع الوقت بتجف 👈🏻👉🏻

أنا من أنصار الناس الواضحة وأتفق جدا إن في بنات كتير مش support خالص للراجل لأن المجتمع دايما بيحاول يثبت إن الراجل ده من جبال الألب مثلا دي فقة واطية مليش دعوة بيها لأن في الأخر دا بيرجع للتربية البيت اللي في أصل مش هيطلع أجيال قليلة الأصل . أما بقا في قناتي العزيزة أنا بخاطب فئة معينة . في رجالة كتير مش واضحة دلوقتي أنا اختارت أبني حياة إذن أنا مبقتش لوحدي لازم المشاركة حتى عشان نتجنب سوء الفهم . أنا دلوقتي معرفش حاجة عنك وأنت سايبني هلتمسلك عذر إزاي؟ طب جيت عاتبتك قلتلي اغبطي رأسك في الحيط هقدرك وهقدر الجانب المظلم بتاعك إزاي؟؟ يا جماعة إحنا مش منجمين العلاقات بتتبني على مشاركة ووضوح وحب ودا كله أساسه من الراجل إنه بيدي المساحة والتقدير للست اللي معاه أنها موجودة، دعمها بيفرق، وجودها بيفرق، شعورها أنها خايفة عليك وشايلة همك ك راجلها حتى لو مش هتحل حاجة بيفرق . إنما أنت قررت تعيش مع نفسك كل حاجة هي لازمتها إيه مجرد واحدة موجودة؟ فين الأمان هنا لما هي دايما مهددة أنها عادي تتساب أي وقت..؟! الراجل لو مداش للست اللي معاه حقها أنها تبقى أكبر جزء من حياته عمرها ما هتديله حاجة والست نفس الكلام 🤍

حضرتك كنت خاطبني قبل كدا؟ كنا في relationship وأنا معرفش؟ تعرفني أصلا عشان أعرف أرد عليك بس 👈🏻👉🏻

لما تركب القطر وتفوتك محطتك وتلاقي نفسك ضيعت وقت ومجهود مترجعش ..! - كمل وأبدأ من الأول . الفرصة الحقيقية عمرها ما بتضيع، كل اللي بيروح محطات عابرية . بسنت سيد .

الحياة عمرها ما تمشي فردية كل يوم بيعدي بيكون بظروف أصعب من اللي قبلها، واللي بيهون صوت تكات عقرب الساعة وجود ناس دافية حوالينا . محدش بياخد كل حاجة بس كل واحد مننا ربنا معوضه بشيء مكان شيء . أهل حنينين، صحاب جدعين، شريك حياة وجوده يغني عن الباقيين . لو بصينا حوالينا هنعرف أد إيه إحنا محظوظين بوجود الناس اللي عمرنا ما ركزنا أنهم السبب في تخطي الأيام المُرة اللي بنواجهها . - الحياة الفردية مهلكة مش هتعدي غير بونس نمسك في إيديه ونوصل سوا . بسنت سيد .

الحب دا حاجة حلوة أوي - تخيل يبقى في حياتك حد متهونش عليه أبدا، - تبقوا كتف في كتف في كل حاجة، - الركن اللي بتهرب ليه من دوشة الأيام، - يبقى عارفك أكتر من نفسك مش محتاج تخاف ولا تبرر ولا تفكر أمان .. أمان وبس، - تتحب من غير تكليف مش محتاج تخلص طاقتك علشان تتصدق ..! - الحب عمره ما كان وسيلة لبقاء أي علاقة؛ الحب أساس وعمود العلاقات . الحب الحقيقي مبينتهيش مع فترة فقدان الشغف والزهق، مبيتأثرش بمسافات . - قلة الاهتمام والمشاعر والكلام وتقلب المزاج وقسوة القلب كافيين لتحطيم كل حاجة . الحب بيولد أمان واستقرار وقوة وصبر وتضحيات محدش بيحب حد يسيبه لدماغه تفتفته ..! - فيا بخت اللي لقىٰ نصيبه في الحب، ويا بخت اللي لقىٰ مُحب متبت فيه . بسنت سيد .

أوشكت أنسىٰ كيف ينام المرء بأمانٍ . - فتارةٌ بحلمٍ جميل يُنير عتمة الظلام، وتارةٌ بكابوسٍ شديد يُظلم ضوء النهار ..! أصبحت أخشىٰ النوم والاستيقاظ أيضًا لما سوف أراه . بسنت سيد .

Rule 112 . فاقد الشيء لا يعطيه . مفيش حد هيقدم حاجة مبيعترفش بيها . متستناش من حد يديلك حاجة هو مش مقدر وجودها . - اسند نفسك بنفسك؛ لما تقوم بطولك أحسن من إنك تمد إيدك ومحدش يمسكها فتقوم وأنت متفتفت من الندم ..! بسنت سيد .

on sound of Umm Kalthum " أغدًا ألقاك " 🤍

يا غُلبك يا ريّا🥲 المسدج دي كتبتها بقلب بطلة الرواية اللي اضطرت تمشي من غير ما تقول ولا كلمة علشان مكنش هيتغير حاجة اختارت الرحيل في صمت بدل ما تفضل قصاد حبها ضعيفة ومكسورة والتكملة في الرواية بقا مش هنا أبقى تابعي يمكن تلاقيني كاتبة قصة حياتك 🥲

أنا خايفة أسأل عندك كام سنة تطلعي ٢٠ أو أقل هتنقط يا حبيبتي أي إنسان في الدنيا مهما كان كويس ونضيف ومتربي مليون مرة فهو إنسان خطاء تفكير البني آدم كل يوم بيتغير مهما كنتوا كويسين هو متقبلش تغييرك وفضل واقف عند صورتك القديمة أنت هتفضلي مستنية يعملك أب ديت ولا أي مش مطلوب منك حاجة غير إنك تحتفظي بالوقت الكويس عشان يبقى هو ليكي ذكرى كويسة في المستقبل وافتكري إن الإنسان مبياخدش اللي هو عايزه غير لو خير ليه لأن ربنا موجود ابعتيلي برايفت يستي أقولك على بلان تمشي عليها هتنسيه في يومين 😂