𝐆𝐨'𝐳𝐚𝐥 𝐗𝐮𝐥𝐪𝐥𝐚𝐫

Ibn Rajab rohimahulloh shunday dedilar: “Gʻariblar ikki xil boʻladi. Biri odamlar buzilib ketgan davrda ham oʻzini isloh qilib yuradi. Ikkinchisi esa odamlar buzib yuborgan narsani isloh qiladi. Mana shunisi oliy va afzaldir”.

Solih salaflar baʼzan tahajjud namozini oʻqimay uxlab qolishsa, farzandidan ajralib qolgandek yigʻiga tushishar, “Bu kecha oʻqilmay qolgan tahajjud Alloh huzuridagi martabamning pasayishiga sabab boʻladi”, deyishar edi.

Zaiflashib qolsang, oʻzingni Qurʼon bilan kuchaytir. Kuchli boʻlsang, oʻzingni Qurʼon bilan yanada mustahkam qil. Gʻam tashvishga botgan boʻlsang, oʻzingga Qurʼon bilan tasalli ber. Qurʼonning turgan bitgani rahmatdir.

Kambagʻallikda yashab, shu holatda vafot topishing senga rizq bitilmaganini anglatmaydi. Ehtimol, Alloh kambagʻallikka sabr qilganing uchun senga jannatni rizq qilib bergandir? Haqiqiy kambagʻallik mol dunyosi kam boʻlish emas, balki yaxshi amallari kam boʻlishdir.

Bir kishi Abu Dardoga: “Menga nasihat qiling” dedi. Abu Dardo: “Sirlar va maxfiy ishlar oshkor boʻladigan kunni unutma!” dedilar.

Naqadar buyuk nasihat!

Qalb ikki narsa tufayli zanglaydi: 1. Gʻaflat. 2. Gunoh. Uning zangini ikki narsa ketkazadi: 1. Istigʻfor. 2. Zikr.

Ibn Qoyyim rohimahulloh dedi: “Salomat qalb yomonlikni bilmaydigan, undan bexabar qalb emas! Balki yomonlikni biladi, lekin uni xohlamaydi. Aksincha yaxshilik va ezgulikni xohlaydi (mana shu salomat qalbdir)”. (“Iʼlamul muvaqqiiyn”, 6/189).

#Mendan_sizlarga