Карим Худайқулов

Бу одам журналист эмас. Ҳеч бўлмаса, соғлом фикрламайди ҳам. Комментларда негатив ёзадиган футболни ўта юзаки кузатадиганлардан фарқи йўқ.

Сариқ карточкалар онлайн платформаларда 6тадан кўрсатилган бўлса ҳам, Словенияда аслида 7 та экан!

"Евро-2024" "D" гуруҳида қизиқ ҳолат вужудга келди. 3 очкодан тўплаган Дания ва Словениянинг қўшимча кўрсаткичлари ҳам бир хил (2 тадан урилган голлар, 2 тадан ўтказиб юборилган голлар, ўзаро ўйинда ҳам дуранг 1-1) Мазкур ҳолатда Словения учинчи ўринда қолди. Сабаби, сариқ карточкалар фактори инобатга олиняпти. Бир қизиқ гап айтайми. Бу икки терманинг сариқ карточкалари ҳам бир хил - 6 та. Менимча, ўзаро ўйинлардаги сариқ карточкалар инобатга олинган. Унда Словения 2 та, Дания эса 1 та сариқ карточка олган. Ана шунқа гаплар!

Оддий ҳақиқат. Модрич 39 ёшда ва ҳамон мағлубиятлар учун ўзини шу ҳолатда тутаётгани бу унинг нақадар курашувчи ва мақсадлари юқори футболчи эканлигини кўрсатади. Нечи маротаба ЕЧЛни ютди, клуби билан бутун дунёни забт этиб чарчамади. Бироқ ўзи шундоқ ҳам таркиби анча "ювош" ва имкониятлари паст баҳоланган Хорватия билан муваффақиятсизлиги уни йиғлатди ва бир неча дақиқа шок ҳолатига тушириб қўйди. Вақтида тўхтатиш яхши. Лекин салкам 40 ёшида тўхтатмасдан, давом этиб, муҳим ўйинларда гол уриб, ғалабалардан қувониб, мағлубиятлардан бош чангаллаб қолиш ҳам - даража дейилади. Собиқ (Роналду ҳамда Пепе) ва амалдаги "Реал"чиларни ДНКсига қойил қолмасдан иложимиз йўқ. Булар қаримади. Мақсадлари ўзгармаяпти!

#shunchaki Muhabbat kamdan-kam odamga nasib qiladi va ular bilan ham umrbod qolmaydi. Bu juda xudbin va oʻz qadrini biladigan tuygʻu. U hech kimning hayotida uzoq qolmaydi. U borligida yer quyosh atrofida aylanadimi yoki quyosh yer atrofidami, biz uchun ahamiyatsiz boʻladi. U ketgach esa hayot bilan yuzlashamiz. Katta maqsadlar qoʻyamiz oldimizga. Kasbiy faoliyatda yuksalamiz. Pulimiz, nufuzimiz oshadi. Qorin qoʻyamiz. Hamma narsaga erishamiz. Faqat ba'zida qandaydir muhim narsani boy berganimizni elas-elas his qilamiz. Nimadir kamday, koʻnglimizning bir cheti boʻm-boʻshday... Muhabbat – chiroyli kapalak! Qoʻrqaman shoʻrlikni tutgani. Kapalak quvganim yodimda. Yodimda yoʻq ammo yetganim. @salimov_blogi

"Челси" Кукурельянинг Испаниядаги қойилмақом ўйинидан сўнг унга қизиқиб қолди ва Испанияга 100 миллион евро таклиф қилди. Испания футбол федерацияси эса Кукурелья "Челси" футболчиси эканлигини ва Евродан сўнг уни Лондон жамоасига қайтаришини айтди. П.С: Шунчаки, юмор :)

Испаниянинг ўйинида динамика, тезлик, тартиб - умуман олганда ҳамма муҳим деталлар бор. Фақат реализация сал оқсаяпти. Таркибга қараб, Франция ва Англияни яққол фаворит дегандик. Фикримиз тобора ўзгаряпти шекилли. Энг сифатли футболни ҳозирча немислар ва испанлар бизга тақдим этяпти. Нико ва Ямални алоҳида таъкидлаш керак. Қанотларда қанот қоқишди, шоввозлар. Италия эса... Тўғриси, таркиб жуда бўш. Ўйин ҳам. Хорватия улардан яхшироқ ўйнаганди. Шунчаки, бугун кўп вазиятларда Доннарумма қутқарди.

Хўш, Фоден, Сака, Кейн, Беллингем ва 4 та аниқ зарба! Тўп назорати ҳам, зарбалар борасида устунлик ҳам Данияда. Саутгейт қўлидаги "Iphone 15"ни фақат фонарик ёқиш функциясидан фойдаланяпти!

Килиан Мбаппе бурнидан жароҳат олганидан сўнг ўз ижтимоий тармоғида қуйидаги фикрни ёзиб қолдирди. - Маска учун варианлар борми Хўп, мана вариант :) Айтиш керак, футболчи бурнидан олган жароҳати боис операция қилинади. Унинг 3-турга қадар сафга қайтиши тахмин қилинмоқда.

Кеча Англиянинг ўйини кўриб, гап фақат юлдузларда эмаслигини кўпчилик тушуниб етди. Гарчи, улар ўта пик формада бўлса ҳам, гарчи юлдузлар ҳар битта позицияда ва ҳатто захирада ҳам тўлиб тошиб ётган бўлса ҳам жамоа бу бошқа масала. Мисол учун, Франция нимани эвазига Жаҳон чемпионатини ютган ва Англиядан яхшироқ ўйин кўрсатади. Сабаби, бу ерда тезкорлик биринчи планга қўйилади. Асосий таркибнинг ўзида камида 4-5 та "учар тулпорлар" ҳаракат қилади. Яна нимага Аргентина сўнгги пайтларда яхши натижалар қайд этяпти. Сабаби, бу термада агрессив футбол, курашувчанлик бор. Умуман олганда, бирор катта турнирни ютмоқчи бўлган терма жамоа маълум бир шаклга кирган ҳолда, ўйнаши талаб этилади. Ҳар бир ўйинга алоҳида ёндашиш ёки юлдузларнинг маҳоратига ишониш бир ойлик турнир учун риск. Битта учрашувда ҳам нимадир ўхшамай қолса, кеч бўлиши мумкин. Охирги марта Германия, ундан олдин эса Испания услуб билан, ҳақиқий механизм сифатида ҳаракат қилиб, катта турнирни ютган. 2016 йили Еврони ютган Португалия ўта курашувчан (яна қисман омадли), 2018 йили Мундиални ютган Франция ўта тезкор (яна юлдузли), 2021 йили Еврони ютган Италия жуда энергияга бой ва 2022 йилда Жаҳон чемпиони бўлган Аргентина ҳаддан зиёд ёввойи эди. Фақатгина 2018 йили Мундиалда зафар қучган Франция ростмана қўрқинчили эди (таркиб ва ўйин томонлама) Қолганларида ҳаммани бирлаштириб турувчи аниқ бир йўналиш бўлган. Ҳозирги Англиянинг йўналиши нима ўзи? "Сити" ва "Арсенал" футболчилар майда пасларни қумсаб турган бир пайтда Пикфорд тўпни тепиб юбораверса, яна Кейн кўпроқ тўп билан муомала қилганда фойдали эканлигини инобатга олсак, уни "скилл"ларидан фойдаланишдан кўра, ҳужумда фақат қанот инструментларидан фойдаланилса, Беллингемга "Реал"даги ўйинидан келиб чиқиб, ҳаддан зиёд кўп индивидуал ҳаракатларига "яшил чироқ" ёқилса, терма жамоа ўйинидаги баланс бузилади. Балки Пикфордга пас беришни ўргатиш керакдир. Яна ўзи ҳужумкор футболчиларга бой Англияда Беллингем ва Райсни таянчга қўйиб, "хаос"га бироз барҳам берилса, ҳужум уюштиришда фақат Сакадан эмас, балки Кейннинг креативидан (марказдан ёриб киришга ҳаракат) фойдаланилса, инглизлар яна ҳам хавфли бўлиши мумкин. Бу термада ҳамма юлдуз. Бироқ шуниси аниқки, ҳамманинг индивидидан фойдаланиб бўлмайди. Жамоа бўлиш керак мана шунақа пайтларда. Бу шунчаки биринчи ўйин учун хулоса. Балки Саутгейт бизга кейинги беллашувларда бутунлай бошқа Англияни кўрсатар... @Lordlarpalatasi