وَعَجِلْتُ إِلَيْكَ رَبِّ لِتَرْضَىٰ.

إن شاء الله لما ابني (سيف الدين) يشد عوده شوية كده، هفحت اللي خلفوه تمارين مواي تاي وملاكمة وسباحة، عيط في التمرين واتعب، لحد ما أشوف ثمرته بعدين. هخليه يجلس مع أصحابي الكبار يتعلم مننا كيفية الحوار والمناقشة وهبلغ أصحابي يتعاملوا معه على إنه صاحب رأي يحتذى به عادي ولو غلط يتصحح له. والتصحيح هنا مش لازم يكون إيجابي بالمعنى الحديث اللي بنشوفه، لازم شوية تصحيح مع ألم وعناء علشان يعرف قيمة الرأي والفعل بعدين. هتعيط؟ عيط عادي بس اتعلم. مع الحفاظ على اللعب والترفيه ويعيش سنه عادي جدا. أختك (زينة) شيلها في عينك، اتكلم مع أمك بعناية شديدة، هخليهم هما الاتنين يشوفوا مني كل خير مع معاملتي مع أمهم إن شاء الله. وكذلك هعلمه يعرف معارف كتير، لكن مش شرط يعمل أصحاب كتير ومش أي حد يطلق عليه صاحب. على قد ما أقدر مش هخليه نموذج سيء ولا هفرط في تربيته وهعلمه مع اختلافه ده مع الزمن اللي إحنا فيه إنه ميتغرش ولا يتكبر ويحنو على غيره ويتناصح فيما بينهم بالحسنى. ربنا يرزقني بس الصبر على ذلك؛ لأن الكلام سهل، بس ربنا واسع، وأفضل استثمار كأب تعمله في حق نفسك؛ هو الاستثمار في عائلتك. - أ. إسلام منصور.

قرأت إن فيه بنوته بتقول إنها كانت في تجمع عائلي وقررت تفتح الموبايل شوية وتقرأ قرآن؛ وكانت مركزة مع الآيات ومحستش بحاجة غيره خالص وفجأة لقت حواليها دربكة وصوت عالي! والأشخاص اللي كانوا قاعدين في نفس المكان معاها كان باين عليهم الفزع والخوف وكانوا واقفين في أماكن متفرقة بتسألهم بقلق مالكم إيه اللي حصل؟! قالولها معقول محستيش بحاجة؟ مسمعتيش حاجة؟ لأ مسمعتش كنت مركزة مع الآيات؛ هو حصل إيه؟ قالولها ده احنا كنا هنموت كلنا كمان كام ثانية : ) الغاز إتسرب والنار ولعت وعملت صوت عالي واحنا كنا بنصرخ وصوتنا عالي إزاي مسمعتيش؟! ده حتى فلانة المريضة ومبتتحركش قامت تجري! وهي بتسمعهم مستغربة، وفعلا محستش بحاجة من كل ده وكأنها بيتحكليها موقف في مكان وفي وقت تاني خالص؛ هي مكنتش موجودة فيه أصلا! )'" حاولت تشرح إنها فعلا محستش بكل ده لقت إنه محدش هيفهم فـ رجعت بصت تاني للقرآن بعيون دامعة وتذكرت قول الله: (وهم من فزعٍ يومئذٍ آمنون ..))!! يؤمن القرآن صاحبه في الدنيا والآخرة! يأتي القرآن في أشد لحظات صاحبه فزعًا ورهبةً فيقول: (أنا صاحِبُك القرآن..) فإذا به أشدُّ الناس أمنًا.. سبحان الله المؤمن اللطيف بعباده! هو ده معنى التدبر والعيش مع القران إنك تعيش مع الآيات وأنت بتقراها أو بتسمعها وكأنك تراها و ساعتها هيفصلك وتحس انك مش حاسس بلى حواليك.

افكار حلوة للخبيئة ‏" العمل الصالح سرا مع الله " ‏ ‏١) ادخل أي جامع هتلاقي على رف المصاحف، مصاحف قديمة، امسك كل مصحف اقرأ فيه ٥ دقايق وبعدين امسك المصحف اللي بعده، ودا عشان الناس لما بتدخل الجامع بياخدوا المصاحف الجديدة وأصحاب المصاحف المركونة من زمان ماحدش بيتجة ليهم، فاقرؤا بنية ثواب لكم وثواب لأصحابهم، ياعالم عايشين ولا متوفيين، وفي الحالتين أكيد محتاجين ثواب ويكون جاي من ناحيتك ليه لا ‏ ‏٢) سدد فلوس من على ناس غير مقتدرة ف الصيدلية / سوبر ماركت /مصاريف مدارس .. ‏ ‏٣) في فكرة جميلة كنت قرأتها. ‏نشتري صابونة مثلاً ونسيبها في مسجد ونحط نية فيها إن يارب كما سهلت على عبادك الطهارة يارب طهرني من ذنوبي ونوايا كتير. ‏ ‏٤) قرأت بوست قبل كده لحد كان بيعمل كالاتي ‏كفن كل شهر يحطه ف جامع او جمعية شرعية او مستشفي. ‏ييجي الميت يشهدلك عند ربنا بانك كنت سبب ف ستره ‏ ‏ومرة تطلع رجالي ومرة اطفال ومره حريمي ‏ ‏٥) ممكن تشتري تفاسير للقرءان و تسيبها ف اي مسجد عشان تكون قراءة بفهم و تدبر ‏ ‏٦) اشتري مصاحف و اذكار الصباح و المساء و سيبهم في الجامع ‏ ‏٧) لما تشتري طلبات بيتك حاول ميكنش من سوبر ماركت كبير خليه من شخص بسيط بنيه جبر خاطره وتوسيع رزقه ، ف كلتا الحالتين هتشتري ونفس المبلغ بس الفرق كبير ‏ ‏٨) بدخل علي اي أكونت حد متوفي واقرأ بوستاته الدينية وأسمع فيديوهات القرآن اللي فيه ولو قابلني فيديو ب اغنية اقلبه ومسمعهوش وبدعي ليه بالمغفرة والرحمة ‏ ‏٩) لما تعمل حاجه حرام طلع صدقه بعدها علطول ‏ ‏١٠) اي حاجة اتعلمتها اعلمها لغيري وافضل معاه لحد مايتقنها حتى لو نفس مجال شغلي ‏ ‏١١)كل ما سمعت أو علمت ب وفاة أحد قريب أو غريب اُخرج له صدقه بنية أن يرحمه الله ويخفف عنه الحساب وظلمة القبر ووحشته ‏ ‏١٢)فيه فكره صدقة جارية تأثيرها كبير في الأطفال والثواب ‏نشتري أجزاء صغيرة من القرآن زي جزء عمّ او العشر الأخير تكلفتها من ٨-١١ ج ‏نوزعها على مدرسة او فصل او درس . ‏كده ثواب علي حفظ وقراءه القران ‏ ‏ويبقى لنا أجر عظيم كل مرة يتعلموا أو يقرأوا فيها. ‏ويكون أثرها كبير في الدنيا والآخرة. ‏ ‏١٣) ادعي دعوة سيدنا عمر بن الخطاب ف السجود "اللهم ارزقني الشهادة ف سبيلك و الدفن ف بلد رسولك " ‏ ‏١٤)توزيع سبح عادية او إلكترونيه علي امهاتنا وقرايبنا ومحبين الذكر وتشجيعهم عليه ‏حيكون هدية حلوة وصدقة جارية ‏كتير منهم بيسبحو بالالاف ‏ ‏١٥)لو طفل صغير بيبيع حلويات أو سمسمية أو أى حاجة تتاكل، إشتري منه وإفتحله واحدة ياكلها من اللي إشتريتها، هيفرح أوي وهتجبر بخاطره ‏ ‏١٦)مصلية تحطها فى مكان شغل او فى الجامعة هتاخد ثواب اي حد هيصلي عليها ان شاء الله ‏ ‏١٧)تطبع دعاء الخروج من المنزل و تحطه على بوابة عمارتك ف هتاخد ثواب اي حد يقرأه بسببك ان شاء الله ‏ ‏١٨)لو لقيت اي قطة عند اي محل بتدور على أكل اشتري علبة زبادي و حطها عند المحل و هتاخد ثواب اي قطه هتاكل منها بسببك ان شاء الله ‏ ‏اللهم اجعل أعمالنا صالحة ولوجهك الكريم خالصة ولا تجعل للناس ولا للشيطان منها حظا ولا نصيبا وتقبلها منا بقبول حسن يا ارحم الراحمين ‏ ‏اول متعدي بقي عليها ادعي لخوك وانت بتصلي ربنا يرضي عني وعنك. منقول

بسم الله: - الأذكار ..غالبها أدعية وهي مهمة للتحصين لأنك مستهدف في هذا الوقت الثمين - الأدعية الواردة في القرآن والسنة ومعها مطالبك ومطالب أحبابك - الصلاة والسلام على رسول الله صلى الله عليه وسلم كلما شعرت بأنك ستتوقف - الإلحاح على الله تعالى بما هو خير لك في دنياك ودينك لا تنسى صلاحك..علاج آفاتك ..الغيبة ..الذنوب العالقة..عدم شكر النعم..التقصير..الإجرام والظلم بحق النفس

- ياااه ده أنا محضرة دعوات ليوم عرفة لا تعد ولا تحصي = طب هتعملي اي في يوم عرفة؟ - هصلي قيام وادعي = طب اسمعيني بقي ..هديكِ جدول تمشي عليه علشان تغتنمي اليوم العظيم ده وميضيعش منك ثانيه فيه.. أول ما المغرب أذن تعرفي إنك بدأتي في يوم تحديد مصير.. يوم غفران الذنوب..ومن أعظم أيام الدنيا 1-هتفطري وتصلي المغرب وتقعدي تهللي وتكبري وتسبحي لحد العشاء 2- هتصلي العشاء وتخطفيلك ساعتين تنامي وتظبطي المنبه ولازم تقومي قبل 2 3-هتقومي تتسحري وتتوضي وتجهزي الأوضة الي هتصلي فيها وتقفليها بحيث تعرفي تصلي ومحدش يدخل يخليكِ تسرحي ف الصلاة 4-لو نمتي هنبدأ بركعتين خفاف كده علشان منصَعبش علي نفسنا وهمتنا تنزل من الأول وكده 5-لازم نُكتب من المقنطرين.. أيوه لازم نصلي ب1000 آيه.. هنقرأ من الملك لأخر القرآن .."جزء عم ، وتبارك" 6-القيام عدد ركعاته غير محدودة بس النبي صلي الله عليه وسلم كان بيصليهم 11 ركعه مثني مثني ويختم بركعة. 7-تكوني مجهزة كل حاجة ف الغرفة الي هتصلي فيها بحيث متخرجيش وتنشغلي بحاجة. 8-ندعي بخيري الدنيا والآخره الي هو متدعيش للدنيا وتنسي الاخره وخلي دايما في بالك " ربنا آتنا في الدنيا حسنة وفي الاخره حسنة وقنا عذاب النار" 9- خلصنا ال1000 آيه! نبدأ بقي في الاستغفار ونخليه قبل الفجر بربع ساعه علشان نُكتب من "المستغفرين بالاسحار" 10- "الله اكبر الله اكبر" الفجر أذن.. نصلي الفجر جماعة '' ومننساش السنه'' بعد ما تصلي اوعي تقومي من مكانك قبل ما تغتنمي دعاء الملائكه لكِ ورددي" لا إله الا الله وحده لا شريك له له للملك وله الحمد يحي ويميت وهو علي كل شئ قدير" عشراً ده قبل ما تتحركي من مكانك بعد التحيات ونقرأ آيه الكرسي وأذكار الصلاة. 11-خلصنا الفجر..ندخل تاني لمكان قيام الليل ومصحفنا في ايدينا ونقرأ قرآن لحد الشروق وبعدين نصلي الضحي " علشان تكتب حج وعمره " 12-حطي ف قلبك يقين بإجابة كل دعواتك 13-ايه دا عايزه تنامي! هنستغل النوم ونحط في نيتنا إنها تقويه للإستِمرار في طاعة الله.. "قولنا مش هنضيع ثانيه." 14-الظهر أذن هنصليه بالنوافل.. وهنقعد نقرأ قرآن لحد العصر 15-نحاول نتصدق بقدر الإمكان. 16- العصر هنصليه ونقول أذكار المساء ونقرأ قرآن شويه لحد قبل المغرب بساعة.. 17-ولو بتحضري الفطار ف هتهللي وتكبري وتسبحي وتدعي لنفسك وأنتِ بتحضريه 18- نتصل بأقربائنا ونعيد عليهم بنيه صِلة الرحم 19-نحاول نقعد كلنا فِي مكان ونذكر الله ونذكر نعمته علينا. وخلي ف بالك أنه سبحانه وتعالى بيذكركم في ملأ أكبر منكم وأجل 20-المغرب أذن.. هنفطر وندعي لأنفسنا وعائلاتنا وللمسلمين وكُل عام وانتم بخير.. منقول

لو عملت 5 حاجات بس لمدة 6 شهور، حياتك ممكن تتغير بجد👌 دي حاجات صغيرة، لكن تأثيرها تراكمي وخطير. 1. اختار كل يوم 3 مهام فقط في علم النفس فيه حاجة اسمها الإرهاق المعرفي. لما تحط لنفسك 20 مهمة، مخك بيتشل قبل ما يبدأ. لكن لما تختار 3 مهام أساسية وتقول: مش هنام النهارده غير لما أعملهم. أنت كده بتدي دماغك اتجاه واضح بدل الزحمة. 3 مهام في اليوم لمدة 6 شهور يعني حوالي 540 مهمة مؤثرة. وده رقم كفيل يغير حياتك فعلاً. 2. اقرأ أو اسمع حاجة مفيدة كل يوم 20 دقيقة 20 دقيقة يومياً لمدة 6 شهور يعني حوالي 60 ساعة تعلم. 60 ساعة ممكن تفتح لك باب جديد في شغلك، تفكيرك، فلوسك، أو علاقتك بنفسك. لأن عقلك زي جسمك بالضبط. لو أكلته تفاهة طول اليوم، هينتج لك قلق وتشتت وضعف قرار. 3. نام بدري شوية علمياً، النوم مش راحة بس. أثناء النوم، المخ بيرتب الذكريات، ينضف نفسه من مخلفات اليوم، ويعيد ضبط الهرمونات والأعصاب. عشان كده ساعات بتصحى مش بس مرتاح، بتصحى شايف المشكلة أوضح. 4. قلل الناس اللي بتستنزفك في علم النفس الاجتماعي، فيه فكرة اسمها العدوى العاطفية. يعني مشاعرك ممكن تتأثر باللي حواليك أكتر مما تتخيل. الشخص السلبي، كثير الشكوى، كثير الدراما، ممكن يسرق من طاقتك وأنت فاكر إنك بس بتسمعه. مش لازم تقاطع حد. بس قلل الجرعة. احفظ سلامك الداخلي. 5. اشتغل كل يوم ساعة على حاجة تخص مستقبلك ساعة واحدة يومياً لمدة 6 شهور تساوي حوالي 180 ساعة. 180 ساعة كفاية تتعلم مهارة، تطور مشروع، تبدأ محتوى، تحسن لغة، أو تبني عادة تفتح لك باب جديد. وفيه مبدأ مشهور اسمه الأثر المركب. يعني النتائج الكبيرة مش بتيجي من مجهود خارق يوم واحد. بتيجي من مجهود صغير يتكرر كل يوم. الحياة مش بتتغير بضربة واحدة. الحياة بتتغير بعادات صغيرة، تتكرر في صمت، لحد ما في يوم تبص لنفسك وتقول: أنا اتغيرت فعلا. منقول.

وما ضرني إلا الذين عرفتهم جزى الله خيرًا كُل مَن لستُ أعرف.

هقولك تاني .. " حتى وإن دنّسْتَ خلواتك بما لا يرضيه ،، فلا تنسَى أن تخلو به ثانيةً فتسترضيه ،، وزاحم السيئة بالحسنة لتقضي على ما فات ،، فإن الحسنات يذهبن السيئات. "

ما ينفعش تتأخر يوم الرؤية الشرعية من غير سبب قوي.. يعني ما يكونش الميعاد 8 مساءً وسيادتك تروح 9 أو 10، من غير ما تعتذر عن التأخير وتذكر السبب، وتيجي تقعد وتتكلم وتطول في القعدة بلا مبالاة ولا كأنك عملت حاجة! أنت مش متخيل إلى أي مدى بتكون الأسرة متوترة ومرتبكة والعروسة في حالة غير طبيعية وقلقانة.. مش صح أنك تزيد توتر العروسة وأهلها بتأخيرك وعدم التزامك بالميعاد.. زي ما هم قدروك واستعدوا وجهزوا البيت لاستقبالك وتفرغوا من أجلك، لازم تقدرهم وتكون على نفس المستوى من الاهتمام.. الانطباع الأول مهم جدا لتقييمك بشكل صحيح. سئل الإمام أحمد بن حنبل: كيف تعرف الكذابين؟ قال: بمواعيدهم. هناء المداح

من فترة كدا أيام الجيش، كنت مُضطر أغتسل بمياة ساقعة طول فترة الشتاء، ومفيش أي رفاهية للسخان والفنيخة العظيمة دي، وكنت بدخل تحت الدُش وأنا مِستعوض ربنا، ومُقتنع تمامًا إن الطلعة دي آخرها دور برد مُحترم هيكسر عضمي! بس الغريب إني كنت بطلع كل مرة فايق ورايق ودفيان دفا غير طبيعي وبيبقى عندي سلام نفسي رهيب، وفضلت مِستغرب الحال دا لحد ما عيني وقعت على آية في قصة سيدنا أيوب، لمّا قعد ١٨ سنة مُبتلى بموت أولاده وبيعاني من المرض الشديد، والألم الجسدي والنفسي اللي هدّ حيله واستنزِف طاقته، ربنا أمره وقاله: ﴿ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ﴾ يعني اضرب الأرض برجلك، واستحمَّى واشرب من المياة الباردة دي! والسؤال البديهي اللي بيطرح نفسه.. ليه يا رب: مُغْتَسَلٌ بَارِدٌ؟ ليه مايسخِّنش مياة أو يدفِّيها مثلاً.. علشان سيدنا أيوب تعبان ومريض جدًا، وجسمه وجلده وعضمه مُنهكين من المرض! والإجابة الطبيّة هنا بتتلخّص في إن المياة الساقعة بتعمل صدمة كهربية خفيفة للجسم، والصدمة دي بتعمل إعادة ضبط مصنع للجهاز العصبي كله، وأول ما المياة الباردة بتلمِس جسمك بتجبر الأوعية الدموية إنها تنقبض بسرعة؛ فبيحصل تنشيط للدورة الدموية، والمناعة بتضرب في السما؛ لأن الجسم بيبدأ يفرز كرات دم بيضاء أكتر علشان يدافع عن نفسه! والعلم أثبت إن الماية الباردة بتعمل إيقاف لإنتاج هرمون الكورتيزول بتاع الضغط والتوتر، وبتجبر المخ إنه يفرز شلال من الدوبامين والإندورفين.. علشان كدا الشاور البارد دلوقتي بيستخدموه كأقوى علاج طبيعي للاكتئاب! وسيدنا أيوب كان محتاج الصدمة دي جدًا علشان يُبرأ من المرض. ولمّا تيجي نبص على مُعلِّمنا وطبيبنا ﷺ لمّا كان يجي يغتسل، كان بيتوضى الأول زي ما بيتوضى للصلاة، وكالعادة العلم بيكتشف أفعال النبي قال يعني اكتشاف وكدا! وقالوا إنك لو نزلت تحت المياة الساقعة بجسمك كله مرة واحدة، الصدمة الحرارية دي ممكن -لا قدّر الله- توقَّف قلبك ويقولوا الواد راح آة يانا ياما! لكن الوضوء بيعمل تمهيد فيزيائي عظيم؛ لأنك بتبدأ تغسل الأطراف الأول، يعني إيدك، وشك، دراعاتك، رجلك، فالأطراف دي بتبعت إشارات سريعة للمخ وبتقوله خد بالك، لمؤاخذة هيحصل تغيير في درجة الحرارة، فالمخ يبدأ يظبط حرارة الجسم الداخلية ويستعد، ولمّا تنزل تحت الماية، جسمك بيتكيّف وبتاخد أحلى شاور علاجي وروقاني من غير ما تتأذي! وبالمناسبة -من باب الأمانة- صدمة الفوقان دي ليها استثناءات طبيّة، خصوصًا للناس اللي عندها مشاكل في القلب والضغط وبعض الأمراض؛ فالمياة الدافية أأمن وأرحم ليهم بكتير! والموقف دا كان اضطراري، ولمّا فهمت الحكمة اتعودت. فسبحان الله الشافي المُعافي، الذي لا يُعجزه شيءٌ في الأرض ولا في السماء! #عبدالرحمن_مهدي

الساعه ستتقدم ساعه النهاردة بليل لما تكون ١٢ ستتقدم ل ١ وتوقيت الصلاة سيكون: صلاة الفجر: 4:46 صباحاً. صلاة الظهر (والجمعة): 12:53 ظهراً. صلاة العصر: 4:29 عصراً. صلاة المغرب: 7:28 مساءً. صلاة العشاء: 8:51 مساءً.

من أسباب تأخر الزواج: مبالغة الفتاة في "العزلة" المنزلية وترك حضور: المناسبات العائلية واللقاءات النسائية والخلطة ببنات جنسها بالمباح. فلا تُعرف ولا تُذكر ولا يجول في أذهان النساء شيء من محاسنها وأخلاقها ولا يُدرى بأن في بيت فلان: فتاة مؤهلة للزواج. والزواج رزق يأتي بفعل الأسباب. د. بدر بن علي العتيبي.

قولت أشارككم رابع محاولة ناجحة للتخلص من عادة بقالها معايا سنة ونص قررت أبطلها علشان حسيتها عملالي ضغط أو مبقتش مناسبة لظروف حياتي الحالية .. المحاولة الرابعة نجحت بعد 5 محاولات فاشلين لأنها عادة يومية وسنة ونص وقت كافي تكون جزء أساسي من يومي الطريقة ونصائح إضافية: 1- الدعاء .. الدعاء.. الدعاء حقيقي مينفعش الواحد يعمل حاجه في الحياة بدون الدعاء، ومش هيقدر بدون معية الله وتوفيقه أنا بالدعاء تخلصت من عادة ملازماني كانت ل 5 سنوات ومفيش حاجه بعدتني عنها غير الدعاء 2- الصدق في التخلص من الشيء دا ، سواء كان ذنب أو عادة علشان " إن يعلم الله في قلوبكم خيرا يؤتكم خيرا " 3- البُعد عن الشيء أو المصدر اللي بيخليك تعمل العادة دي، وليكن لو ذنب بسبب استخدام الهاتف يبقى نبعد عن الهاتف قدر المستطاع 4- استبدال الوقت اللي كان مشغول بالعادة دي بحاجه تانيه ( وليكن رياضة، سماع بودكاست، قراءة كتاب، إلخ..) لأنه الفراغ مغناطيس الذنوب 5- مش عيب الإنسان يقع ويرجع، المهم يفضل يحاول ومصمم على هدفه 6- لما الإنسان يقرر يتخلص من حاجه، هتتزين له علشان يرجعلها، دا اختبار لو ثبت فيه هتكمل بسهولة إن شاء الله 7- الحوقلة، لأنه الاستعانة بالله بتهون كل الشدائد 8- بدأت أعدد الأثر السلبي اللي بيجيلي من ورا العادة دي واخليه حاضر في ذهني علشان أتشجع 9- لو العادة دي كانت كثرة استخدام الهاتف أو الريلز، فببدأ بالتدرج أعمل مؤقت واثبت عليه وكل كام يوم أقلل الوقت اللي مفروض أقضيه على التليفون وكل وقت أحس إني ضعفت وهمسك الفون استبدله بالقرآن، بكتاب، أروح اعمل أكل، إلخ 10- مفيش حاجه في الدنيا تستاهل تسرق عمرك، حسناتك، راحتك النفسية طبيعي الإنسان يتعب لما يبعد عن الحجات اللي في نظره مريحة لكن تشتري أيام من مجاهدة النفس وترتاح العمر كله عايش حياة مريحه أو بدون الذنب دا. ( الطريقة تنفع في التخلص من الذنوب جدا، مع كثرة الاستغفار ). منقول.

‏ولا تبتليني في مطالبي واجبرني في الأشياء التي أقصدها وأسعى إليها. وامنن عليَّ بلطفك في كل خطوة وامنن عليَّ بقرّة عينٍ غير منقطعة وارزقني نور البصيرة ووفقني للخير الخير الذي ترضاه لي وتحبه وارضَ عني ارضَ عني رضًا لا أشقى بعده أبدًا يا ربّ.

بين أيديكم الآن أوَّل ليلة من اللَّيالي العشر وإن كان رمضان هو خير الشهور فهذه العشر هى أفضل ما فيه وأعظم لياليه فهى فضل الفضل وخير الخير، فيها ليلة خير من ألف شهر وهى "ليلة القدر" ليلة فيها تفتح الأبواب ويسمع الخطاب ويرفع الحجاب ويستجاب فيها الدُّعاء ويتحقق الرجاء وقد خص الله تعالى هذه اللَّيالي بمزايا لا توجد في غيرها وبعطايا لا سبيل في سواها لتحصيلها وكان رسول الله صلى الله عليه وسلم يجتهد بالعمل فيها أكثر من غيرها فعن أم المؤمنين عائشة رضي الله عنها أنها قالت: "كان رسول الله صلى الله عليه وسلم إذا دخل العشر أحيا اللَّيل وأيقظ أهله وجدَّ وشدَّ المئزر" فـ استدركوا في آخر شهركم ما فاتكم من أوله، وأحسنوا خاتمته فإنما الأعمال بالخواتيم، ومن أحسن فيما بقي غفر له ما قد مضى، أروا الله من أنفسكم الجد في تحري الخير في هذا الثلث الأخير واغتنموا ما فيه من الخير الوفير وتعرضوا لنفحات الغفور الحليم فإن المغبون حقًا من صُرف عن طاعة الله والمحرُوم من حرم العفو، والمأسوف عليه من فاتته نفحات الشهر، ومن خاب رجاؤه في ليلة القدر! فـ اللهمَّ إنّك عفوّ تحب العفوَ فاعفُ عنا.