ДИЛФАЙЗ психологик канали.

Фарзанд учун яшаманг! Барча ота-оналарга эслатма! Болам учун яшаяпман деб ўзингизни эсдан чиқарманг. Бу бола учун хавфли, бу болага жуда катта зиён келтиради. Қандай дейсизми, унда мана бу мақолани бир ўқиб чиқинг. Ҳаётимиз давомида кўплаб синган тақдирлар, тушунмовчиликларга гувоҳ бўламиз. Кейин эса ҳамма нарсаси етук бўлсин деб ўлғалтирилган болаларнинг тақдирларига гувоҳ бўламиз. Она Абдувоҳидни бир ўзи катта қилди. Турмушга чиқмади. Ҳамма нарсани ўғли учун тикди, университетини тўлади. Абдувоҳид ажойиб инсон бўлиб ўлғайди, ўқимишли бўлди. Лекин ҳеч турмуш қурмади, она олдидаги қарздорлик ҳисси уни бутун умр тинч қўймади. Мунисанинг отаси эртаю кеч ишлар эди. Унинг қизи ҳақидаги орзулари буюк эди, ота қизининг шифокор бўлиши истар эди, лекин Муниса катта бўлиб шифокор бўлишни ҳохламади, ўз ҳаёти билан яшашни афзал кўрди. Ота бундан жаҳли чиқди ва қизига шунча йилдан бери қилинган барча харажатларни тўлаб қўйишни талаб қилди. Шундан бери 30 йил ўтди, ота ва қиз бир-бири билан кўришмайди. Ироданинг ойиси қизи учун ҳамма нарсадан кечди, турмушидан ажрашгандан сўнг бирор марта ҳам бошқа турмуш ҳақида ўйлаб ҳам кўрмади. Қиз катта бўлди, лекин ойисини ташлаб кетолмади, умуман ҳеч ким билан учрашувга ҳам чиқмади. Ироданинг ёши қирқда. Бирор марта турмушга чиқмади, болалари ҳам йўқ. Отабек ва Мафтунанинг ота-онаси жуда иноқ яшашарди, улар фарзандлари учун ҳамма нарсани қилиб беришди, оила доимо тотувдек яшарди, лекин улар турмуш ўртоқдек эмас, ота-онадек яшашди. Уларни бошқа ҳеч нарса боғлаб турмас эди. Улар ота-она сифатида 30 йил яшашди, болалар ўз турмушларини қуришгач улар ҳам ажрашиб кетишди. Бундай воқеалар ҳамма жойда истаганча топилади. Фарзанд ҳаётнинг мазмунига айланганда, бу у учун жуда ҳам оғир юк бўлади. Худдики, сиз бир хонада ўтирибсиз ва хонада борган сари ҳаво камайиб бораверади. Инсон мана шу муҳаббатдан борган сари буғилиб боради. Лекин масаланинг бошқа томони бор, бола улғайгач, доимо қарздорлик ҳисси билан яшайди. Шунинг учун болалар учун яшаманг, ўзингиз учун ҳаётдан бошқа бир маьно топинг. Болалар бу дунёга келиб сизнинг уларга бўлган “муҳаббатингиз” асири бўлиб қолмасин. Қандай хоҳласар, шундай яшасинлар. Уларни у тўгаракдан бу тўгаракка ташиб юрманг, бола ўзи хоҳлаган нарсасини ўргансин. Математикани билмаса, айб эмас, балки унинг ҳаётида бу умуман керак бўлмас. Турмуш ўртоғингизни севинг, токи болалар катта бўлганда оила қуришни хоҳлашсин. Уларга ўрнак бўлинг, ўзингизни севинг. Косметологни репититорга, дам олишни дарслик китобларга алишманг. РУҲИЙ БАРКАМОЛЛИК

Балки эрталаб таққан соатингни (сен вафот этиб) меросхўринг қўлингдан ечар... Балки машинангни эшигини қулфлайсану, уни тез ёрдам ходими очар... Балки кўйлагинг тугмаларини қадарсан, уни ғассол сендан ечиб олар... Балки хонангни шифтига тикилиб кўзингни юмасан-у, қиёмат куни •Еру осмонларнинг Жаббори бўлган Аллоҳнинг ҳузурида кўз очарсан... Тавозели, камтар бўл, умр қисқадир.... РУҲИЙ БАРКАМОЛЛИК

Машҳур ёлғонлар: • Ўтирсангиз, ош пишаётган эди; • Ўртоқ командир, мен яшилда ўтдим; • Ҳозир миллионлаб томошабинлар бизни томоша қилишмоқда; • Аёлларнинг хунуги бўлмайди; • Эшик тагида 2 соат кутиб турдим, ҳеч ким очмади; • Сени ўйлаб, туни билан ухлай олмадим; • Сен мени ёшлик пайтимда кўрганингда; • Сени лайлаклар олиб келган; • Бу мен олган ҳадяларнинг энг яхшиси; • Ҳамма бир киши учун, бир киши ҳамма учун; • Мен ея олмайман, доктор тақиқлаган; • Ишимни битиргач, ўзим қўнғироқ қиламан; • Охиргисини сизга сотяпман, бундан бошқа қолмади. • Мен ҳам сенга энди телефон қилмоқчи бўлиб турган эдим. • Бизни таклиф қилишди, лекин биз бормадик. • Совқотаётган бўлсанг, костюмимни кийиб тура қол. • Аёлларга кал эркаклар ёқади; • Орқасидан гапирмаяпман, шу ерда бўлса, юзига ҳам айтардим; • Мен шундай бўлишини билар эдим; • Мен учун энг муҳими қалб гўзаллиги, юз гўзаллиги эмас; • Худди сиз учун тайёрлангандай. Сизга жуда ҳам ярашди; • Буни менга ҳам совға қилишган, бўлмаса сизга жон деб бериб юборар эдим; • Фалончи ака мажлисда эдилар. Ким сўради деб қўяй? • Мен ҳеч ёлғон гапирмайман. РУҲИЙ БАРКАМОЛЛИК

ЯХШИЛИК  ҲАҚИДА ​​Биласизми, қадрдон, яхшиликнинг яралиши осон иш эмас! Нафснинг хоҳишларини кесишингиз керак,  шайтоннинг бўйнини узишингиз керак, ҳар томонга тўзғиб, сочилиб ётганлардан бир-биридан узилмас занжирлар тўқишингиз керак... Овқат едирадиган қўлларгина тишланади, бу дунёда! Бир куни яхшиликни билмаганларнинг надоматига ҳам кўнишингиз керак... Ёмонликнинг,  зулмнинг- ижодкорлари яъни ташаббускорлари анча чапдаст ишлайди,  яхшиликнинг бино бўлиш дақиқалари эса секин... Аммо... Яхшини учратган кунига ҳеч ким пушаймон эмас,  бу дунёда! Ҳеч ким яхши одамнинг юзига боқиб "қайдан ҳам сенга йўлиқдим? "  демайди... Кунларингиз яхшилар ташрифидан обод,  кўнглингиз эса яхши гаплардан шод бўлсин дойимо... Жаннатда ҳам яхшиларга қўшни бўлиб яшанг,  дилингиз ғам, кўзларингиз нам кўрмасин! РУҲИЙ БАРКАМОЛЛИК

Аёллар армияга бормайди, лекин бир умр аскардай яшайди! Баъзан кема эшкаги турмушда аёлга ўтади, баъзан унинг ўзи довулда елканга айланади, ўша кенг елкали полвони- ёрининг ортида кичкина жуссаси билан "тирговуч" лик қилади. Аёл эркагига қаттиқ ишонса- бу Ишончни ташқаридан ҳеч ким бузиб кира олмайди, лекин қалъалар баъзида ичкаридан олинади, шуниси изтиробли... Кучли аёл-хиёнатни кечирмайди, лекин ўзини кечиргандай, унутгандай тутади, гарчи у учун кечиришдан кўра кечиш, унутишдан кўра ўлиш осонроқ туюлса ҳам... У ҳаммасини босди-босди қила олади, лекин бир умр енги ичида "синиқ қўли" борлигини унутмайди! Кўринмай турган ўша қўлни хиёнатчи қачондир албатта яна кўради, атрофда ҳеч ким қолмаганда ўша қўл Аллоҳ йўлида уни суяш учун енг ичидан яна чиқади... РУҲИЙ БАРКАМОЛЛИК

Кимки ўз қалбини англаган бўлса, инсонларнинг хатолари билан эмас балки ўз қалбини ислоҳ қилиш билан банд бўлади. РУҲИЙ БАРКАМОЛЛИК

🩷 Farzandingizga aytish yaxshi oqibatga olib kelmaydigan besh jumla... 1️⃣ Meni uyimda yashayapsan, qoidalarga amal qilishing kerak - O'zingizga shunday munosabatda bo'lishsa yoqmaydi. Bu aniq! 2️⃣ Shu qilig'ing otangga (onangga) o'xshaydi - Bolaning yonida ona yoki otasini yomonlash eng yomon xotiralardan biri bo'lib qolishi mumkin. 3️⃣ Palonchining bolasidan o'rnak olsang bo'lmaydimi? - Bolalarni bir-birlari taqqoslash, boshqa bir bolani o'z farzandiga tenglashitirish eng yomon tarbiya deb o'ylayman 4️⃣ Shunaqangi aqllisana - Bolangiz sizga biror ishni o'rgatsa yoxud gapirsa, unga darrov yomon javob qaytarmang, uni tinglang, eshiting. 5️⃣ Qo'lingdan kelmaydi - Bolani ishtiyoqini har qanday holatda ham tushirmang. Albatta uning qilayotgan ishi halol va qonunda taqiqlanmagan bo'lsa... https://t.me/ayolruhiyati