ឯកសារច្បាប់​ រដ្ឋបាលសាធារណៈ

សេចក្តីប្រកាសព័ត៌មាន លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិជ្រាបពីស្ថានភាពនៅតាមបន្ទាត់ព្រំដែនកម្ពុជា-ថៃ នៅថ្ងៃនេះថា៖ វេលាម៉ោងប្រមាណ ១៥:៥០នាទី យោធាថៃបានបើកការបាញ់ប្រហារមកលើប្រជាពលរដ្ឋខ្មែរ នៅក្នុងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលយោងតាមព័ត៌មានបឋមពីអាជ្ញាធរមូលដ្ឋាន ករណីនេះបង្កការរបួសជនស៊ីវិលចំនួន ៥រូប។ ការបើកការវាយប្រហារនេះធ្វើឡើងបន្ទាប់ពីយោធាថៃបានធ្វើសកម្មភាពបង្កហេតុជាច្រើនរាប់មិនអស់ច្រើនថ្ងៃមកហើយ ក្នុងចេតនាញុះញង់ដើម្បីនាំដល់ការប៉ះទង្គិចគ្នា។ ក្រសួងការពារជាតិ នៃព្រះរាជាណាចក្រកម្ពុជា សូមប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ ដ៏សាហាវឃោរឃៅនេះ ហើយនេះបង្ហាញយ៉ាងច្បាស់កាលដែលភាគីថៃបានរំលោភបំពានលើ ”សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ” ដែលភាគីទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខា ដោយនាយករដ្ឋមន្ត្រីនៃប្រទេសកម្ពុជា និងថៃ ក្រោមសាក្សីរបស់ឯកឧត្តម ដូណាល់ ត្រាំ ប្រធានាធិបតីសហរដ្ឋអាម៉េរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន។ ក្នុងន័យនេះ កម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ ចំពោះការរំលោភបំពានសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ និងសកម្មភាពខុសច្បាប់របស់ថៃម្តងហើយម្តងទៀតនេះ ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដែលគំរាមកំហែងដល់សន្តិភាព និងស្ថិរភាពនៅក្នុងតំបន់។ ទន្ទឹមនឹងនេះ កម្ពុជាអំពាវនាវឱ្យភាគីថៃងាកមកគោរពកិច្ចព្រម ព្រៀមបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព និងកាតព្វកិច្ចទាំងឡាយនៅក្រោមច្បាប់អន្តរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ។ កម្ពុជាប្តេជ្ញាចិត្តយ៉ាងម៉ឺងម៉ាត់ក្នុងការគោរព និងអនុវត្តតាមលក្ខខណ្ឌនៃបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ព្រមទាំងកិច្ចព្រមព្រៀងទាំងឡាយដែលភាគីទាំងពីរសម្រេចបានកន្លងមក ប្រកបដោយសុច្ឆន្ទៈ និងការទទួលខុសត្រូវខ្ពស់បំផុត។ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការគំរាម ឬការប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តធម៌ ត្រឹមត្រូវ យូរអង្វែង និងស្របតាមច្បាប់អន្តរជាតិ។ អាស្រ័យដូចបានជម្រាបជូនខាងលើ សូមសាធារណជន អ្នកសារព័ត៌មានជាតិ និងអន្តរជាតិជ្រាបជាព័ត៌មាន៕ ថ្ងៃពុធ ៧រោច ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១២ ខែវិច្ឆិកា ឆ្នាំ២០២៥ ____ 🌐 គេហទំព័រ ក្រសួងការពារជាតិ 🌐 ក្រសួងការពារជាតិ 🌐 TEA Seiha/ទៀ សីហា 🌐 X(Twitter): ក្រសួងការពារជាតិ 🌐 YouTube: ក្រសួងការពារជាតិ 🌐 Tiktok: ក្រសួងការពារជាតិ

BREAKING: ទាហានថៃប្រើកាំភ្លើងបាញ់ប្រហារចូលដែនអធិបតេយ្យកម្ពុជា បណ្ដាលឲ្យពលរដ្ឋមួយចំនួនរងរបួស នៅភូមិព្រៃចាន់ (បន្ទាយមានជ័យ)៖ លោក អ៊ុ រាត្រី អភិបាលខេត្តបន្ទាយមានជ័យ បានប្រាប់បណ្ដាញព័ត៌មាន Fresh News នៅមុននេះបន្ដិចថា នាវេលាម៉ោងជិត ៤រសៀល ថ្ងៃទី១២ ខែវិច្ឆិកា ឆ្នាំ២០២៥នេះ ទាហានថៃ បានប្រើប្រាស់កាំភ្លើងបាញ់ប្រហារចូលដែនអធិបតេយ្យកម្ពុជា បណ្ដាលឲ្យពលរដ្ឋកម្ពុជាចំនួន៥នាក់រងរបួស ក្នុងភូមិសាស្ដ្រភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ៕

បទល្មើសគ្រឿងញៀន និងទោសទណ្ឌ ប្រែប្រួលទៅតាមបរិមាណ ប្រភេទគ្រឿងញៀន និង សកម្មភាព🧑‍⚖️

អាជ្ញាយុកាលនៃបណ្ដឹងអាជ្ញា៖ - បទឧក្រិដ្ឋ មានថិរវេលា ១៥ ឆ្នាំ - បទមជ្ឈិម មានថិរវេលា ៥ ឆ្នាំ - បទលហុ មានថិរវេលា ១ ឆ្នាំ (ស្រាលជាងគេ) តែ... ចំពោះអាជ្ញាយុកាលនៃស្នេហាពិតវិញ គឺគ្មានថិរវេលាទេ ត្រូវអត់? ដរាបណាជនទាំងពីរលែងជារូបវន្តបុគ្គល ដែលបានរលត់នូវសិទ្ធិ កាតព្វកិច្ច (និយាយជាខ្លីគឺអស់ដ្ហើម) 😆 អ្វីទៅជាអាជ្ញាយុកាល? 🤔 👉អាជ្ញាយុកាល គឺជាថិរវេលាជាក់លាក់មួយដែលត្រូវបានកំណត់ដោយច្បាប់ ហើយសិទ្ធិទាមទារឬផលប្រយោជន៍ណាមួយអាចត្រូវបានធ្វើឡើងតែក្នុងថិរវេលានេះតែប៉ុណ្ណោះ។ ក្នុងករណីដែលផុតថិរវេលានេះ នឹងត្រូវចាត់ទុកជាមោឃៈ។ អាជ្ញាយុកាល ត្រូវបានបែងចែកជាពីរប្រភេទផ្សេងគ្នាគឺ អាជ្ញាយុកាលនៃបទល្មើស ឬអាជ្ញាយុកាលនៃបណ្ដឹងអាជ្ញា និងអាជ្ញាយុកាលនៃទោស។ ❗️អាជ្ញាយុកាលនៃបទល្មើស ឬអាជ្ញាយុកាលនៃបណ្ដឹងអាជ្ញា: អាចធ្វើការចោទប្រកាន់បានលុះត្រាតែនៅមានអាជ្ញាយុកាល៖ - បទឧក្រិដ្ឋ (crime) មានអាជ្ញាយុកាល ១៥ ឆ្នាំ - បទមជ្ឈិម (misdemeanor) មានអាជ្ញាយុកាល ៥ ឆ្នាំ - បទលហុ (petty offence) មានអាជ្ញាយុកាល ១ ឆ្នាំ (ស្រាលជាងគេ) + អាជ្ញាយុកាលនេះ ចាប់រាប់ពីថ្ងៃបទល្មើសបានប្រព្រឹត្ត។ =>ឧទាហរណ៍: បុគ្គល ក បានលួចទូរស័ព្ទមួយគ្រឿង (បទល្មើសលួចស្ថិតក្នុងបទមជ្ឈិម) នៅថ្ងៃទី ១ មករា ឆ្នាំ ២០០៥។ លុះមកដល់ថ្ងៃទី ២ កុម្ភៈ ឆ្នាំ ២០១២ បុគ្គល ក ទើបត្រូវបានគេរកឃើញមានពិរុទ្ធភាពទាក់ទងនឹងបទល្មើសនេះ ក្នុងករណីនេះបុគ្គលកត្រូវបានរួចផុតពីការចោទប្រកាន់របស់ព្រះរាជអាជ្ញា ព្រោះអាជ្ញាយុកាលនៃបទល្មើសបានហួសថិរវេលាកំណត់។ ❗️ចំណែកឯ អាជ្ញាយុកាលនៃទោសវិញ: អាចធ្វើការអនុវត្តទោសបានបើកំពុងស្ថិតនៅក្នុងអាជ្ញាយុកាល: - បទឧក្រិដ្ឋ មានអាជ្ញាយុកាល ២០ ឆ្នាំ - បទមជ្ឈិម មានអាជ្ញាយុកាល ៥ ឆ្នាំ - បទលហុ មានអាជ្ញាយុកាល ១ ឆ្នាំ + អាជ្ញាយុកាលនៃទោស ចាប់រាប់ពីថ្ងៃដែលសាលក្រមបានប្រកាសជាស្ថាពរ។ *ចំណាំ: បទល្មើសមួយចំនួនដែលមានលក្ខណៈធ្ងន់ធ្ងរ ព្យសនកម្មទ្រង់ទ្រាយធំ គឺគ្មានអាជ្ញាយុកាលទេ។ ឧទាហរណ៍: បទឧក្រិដ្ឋប្រឆាំងមនុស្សជាតិ បទឧក្រិដ្ឋប្រល័យពូជសាសន៍ ជាដើម។ ✍️សរុបមកវិញ តាមភាសាសាមញ្ញងាយយល់ អាជ្ញាយុកាលនៃទោស សំដៅដល់ថិរវេលាសម្រាប់អនុវត្តទោស រីឯអាជ្ញាយុកាលនៃបទល្មើស សម្រាប់ធ្វើការប្ដឹងចោទប្រកាន់។ ថិរវេលាអាជ្ញាយុកាលទាំងពីរនេះ ស្ទើរតែដូចគ្នា ខុសត្រង់អាជ្ញាយុកាលនៃទោសលើសពីអាជ្ញាយុកាលនៃបទល្មើសត្រង់បទឧក្រិដ្ឋ ៥ ឆ្នាំ (មួយ ២០ ឆ្នាំ មួយទៀតត្រឹម ១៥ ឆ្នាំ) ។ សូមបញ្ជាក់បន្តិច: ចំណេះដឹងខ្ញុំនៅស្ដួចស្ដើង ចឹងប្រហែលជាមានចំណុចចន្លោះប្រហោងច្រើន ម្យ៉ាងទៀតនេះក៏មិនមែនជាឯកសារផ្លូវការអ្វីដែរ គ្រាន់តែសរសេរកម្សាន្តឲ្យមានភាពទាក់ទាញចង់អាន និងរំឭកមេរៀនប៉ុណ្ណឹងឯង។ ហើយមួយវិញទៀត អ្នកដែលនៅមិនទាន់យល់ពីអាជ្ញាយុកាល អាចអានអត្ថបទនេះលេងៗបាន ព្រោះខ្ញុំសរសេរជាភាសាសាមញ្ញចឹងងាយយល់😆។ សូមរក្សាសិទ្ធិកែប្រែ និងទទួលយកមតិរិះគន់កែលម្អផ្សេងៗ❗️ បើគិតថាមានប្រយោជន៍អាចចែករំលែកបាន😉 សរសេរដោយ: Leangheng

សាលាជម្រះក្តីនៃព្រះរាជាណាចក្រកម្ពុជាមាន៣ថ្នាក់ Facebook : https://www.facebook.com/dldt.moj Instagram : https://www.instagram.com/dldt.moj TikTok : https://www.tiktok.com/@dldt_moj YouTube : https://www.youtube.com/@dldt_moj Telegram : https://t.me/dldt_moj #ក្រសួងយុត្តិធម៌ #នាយកដ្ឋានផ្សព្វផ្សាយនិងបណ្តុះបណ្តាលច្បាប់ #យុត្តិធម៌សង្គម #យុត្តិធម៌ #ពាក្យច្បាប់

ស្វែងយល់ពី «ពន្ធលើចំណេញមូលធន (Capital Gains Tax)» ដែលគ្រោងនឹងដាក់អោយអនុវត្តនាដើមឆ្នាំ២០២៦។