𝘾 𝘼 𝙇 𝙈

كنت لسه بتكلم مع فاضل من مشاهير هذه العوالم الافتراضية، وكنا في منتهى التعجب والاستغراب من ظاهرة تطبيع كثير من الناس مع الباطل، والمنكرات، والانحرافات بمنتهى الأريحية، وأنا هنا مش بتكلم على عوام، لا ، بتكلم على ناس منسوبين للدين والعلم والاستقامة، وإن ممكن حد سفيه يكتب منشور وهو محسوب على طلبة العلم فيه سب وقذف وتلاقي الغالبية داخله تهزر وتظيط مع المنشور، أو واحد بيذكر صحابية في مقام لا يليق، والناس داخله بردو تعلق وتهزر ولا واحد بيعلق يقوله اتق الله أو ينهاه، وآخر تابعته مؤخرا لإن اقتباساته الأدبية أعجبتني ألاقيه منزل صورة لشخص بفانله داخلية وهو مع الكتب في حجرة نومه، علشان يبين قد إيه إنه طالب علم مجتهد، ولا تعليق يقوله إن ده عيب وميصحش، وده مؤشر في منتهى الخطورة لإن كل ما الناس بتطبع مع الباطل، كل ما هيستشري في المجتمع أكتر، وهنتصدم بعد كام سنة من صعوبة حياتنا وسط المجتمع ده، وهي أصلا already صعبة بما فيه الكفاية. أو هنوصل احنا كمان لمرحلة التطبيع مع كل القرف ده ونضيع كل تعبنا اللي تعبناه، يا ريت بجد الأفاضل اللي نحسبهم على خير يجتهدوا في دفع هذه الظاهرة المرعبة، ويفوقوا الناس من الغيبوبه اللي هما فيها، عسى الله أن يُصلح بهم، وما ذلك على الله بعزيز.