Mazzen.Wr

⁨ بسم الله.. الرواية الثالثة إن شاء الله دعواتكم❤️❤️❤️

جمعة مباركة من معرض الرباط الدولي للكتاب بدولة المغرب😍🇲🇦 حبيت أعرفكم إن أعمالي متوفرة حاليًا في المعرض بجناح دار تشكيل رقم D47📍 اتمنى ينولوا إعجاب كل من يقتنيهم، ومعرض كتاب موفق بإذن الله❤️

نتقابل على خير بكرة في اسكندرية✨ وإن شاء الله يكون يوم لطيف ولذيذ بكل بوجود كل شخص يحضر معانا❤️

⁨ ⁨في أحب المدن لقلبي.. مدينة الأسكندرية هيكون حفل التوقيع الأول لرواية "أعمق ممّا ترى"❤️ إن شاء الله نتقابل على خير في مكتبة the book wizzard متحمس لليوم ده جدًا، وفي انتظار كل شخص يحب إنه ينور ويكون موجود.. والأهم الرواية تنول كل إعجابكم✨ يوم الجمعة ١٣ فبراير/ الساعة ٦ ان شاء الله🫶 📍 عنوان المكتبة بالتفصيل.. ٦ شارع ابراهيم العطار / زيزنيا مكتبة @the_book_wizzard

أنا بعتبركم صحابي.. وحبيت أشارككم إنجاز بجد مفرحني بس الغريب رد فعلي الهادي، لأني كنت فاكر إني هبقى بتنطط من الفرحة😂 لكن ملقيتش غير الشخص الحالم اللي جوايا بيبتسم ابتسامه عريضة وبيقول الحمدلله، وعاوز اللي جاي يكون أحسن.. يمكن علشان كل ما بتكبر بتفهم أكتر إن المكانة لو كبيرة فديي بحد ذاتها مسؤولية وثقة من الناس فيك لازم تكون قدها.. علشان كده حبيت أشارككم الانجاز ده وانا بقول الحمدلله لانه بفضل ربنا ثم دعمكم وحبكم وتقديركم للي بقدمه دا بنسبة كبيرة مكانش هيحصل.. وهو إني لأول مرة في حياتي وفي تجربتي التانية من الكتابة ادخل قائمة الأكثر مبيعًا في معرض الكتاب ٢٠٢٦🌟 فشكرًا ليكم ولكل شخص منكم كان سبب ولو بكلمة حلوة إني أكمل❤️

تقدروا تطلبوا دلوقتي رواياتي من رقم الواتساب الخاص بدار تشكيل http://wa.me/201055700754 أو من على الموقع الخاص بيهم وهيوصلوا لغاية عندك✨ https://tashkeel-eg.com/product/deeper-than-you-see/

هستناكم بكرة إن شاء الله😍 في جناح دار تشكيل قاعة 1-B59📍 متحمس أشوفكم، وأخيرًا هيتجدد اللقاء❤️❤️❤️

أيها السيدات والسادة أقدم لكم وبكل فخر.. روايتي ورائعتي الثانية "أعمق مّما ترى" تصدر قريبًا عن دار تشكيل للنشر والتوزيع بمعرض الكتاب الدولي بالقاهرة ٢٠٢٦ 📚 "لم يكن يعلم أن الأحلام قد تتحول إلى كوابيس تطارد صاحبها ما بقي من عمره. فبعد أن خلد إلى نومه مطمئنًا، استيقظ ليجد نفسه متهمًا بجريمة هزت الرأي العام، بعدما اصبح الرجل الذي كتبت عنه الصحف؛ الأب الذي قتل عائلته بيده." - أعمق مما ترى | مازن محمد دعواتكم بالتوفيق، واتمنى تنول كل إعجابكم.❤️

السادة الأعزاء كونوا في انتظار خبر ومفاجأة هامة بعد قليل👀😂❤️

حط في بالك إن الخير اللي بتعمله فين ما كان عمره ما هيروح.. ممكن يعدي عليه سنين وتكون أنت نسيته ويجي موقف يحصل تلاقيه بمثابة الرد من ربنا على الخير اللي أنت عملته في يوم من الايام ده، ولو حتى بكلمة حلوة أو جبر خاطر لشخص أنت متعرفهوش. صدقوني الخير مع ربنا كسبان والله.. حتى لو كان باينلك عكس كده.. في وقت ما هتلمس ده. بس أنت خلي عندك "يقين" بالله.. يقين بإن الخير اللي جواك هتتجازى عليه بكل الخير واعمله وأنت مش مستني أي مقابل.. والقدر هيثبتلك يومًا ما🤍

انتهت الرحلة.. شكرًا لكل شخص بينكم كان بيشجعني وبيدعمني دايما، إيمانكم بيا كان أكبر دافع لإني أكمل في ظل كل حاجة كانت عكس التيار معايا وبتقولي لا.. سبتمبر ٢٠٢٥ | الحمد لله❤️ - مازن محمد

تتوفر روايتي بدولة العراق الشقيقة😍 خلال معرض بغداد الدولي للكتاب من ١٠/٩ حتى ٢١/٩ بجناح دار تشكيل رقم (i12) 🫶 وعقبال كاتب الرواية يومًا ما إن شاء الله😂❤️

صباح الخير.. أنت إنسان جميل.. وصدقني فرصتك جاية.. يمكن محدش شايفك دلوقتي، لكن محاولاتك المستمرة هي أجمل ما في القصة.. كمل، متيأسش، أقع وقوم عادي.. حتى لو الوقعة طولت شوية.. ايه يعني؟ لسه فينا نفس.. وطول ما فينا نفس يبقى لسه في أمل.. وقول لنفسك اللي بتخوفك من الفشل والخسارة.. إن ربنا كبير وفي إيده كل شيء، وملناش غير إننا نسعى ونتوكل عليه .. وخلي عندك يقين إنه هيجبر بخاطرك ومش هيسيبك أبدًا❤️

| عزيزتي آسيا "ذات مرة أخبرتِني أنكِ لا تحبين الورد، ولذا، لم أُهْدِكِ يومها باقة الورود التي قطفتُها لكِ بيدي. لكن بعد فراقنا.. ظللت أُراقبك من بعيد من حينٍ لآخر، حتى رأيت صورتكِ ذات ليلة، وقد أهداكِ أحدهم وردةً، يُعبّر بها عن حبه لكِ، تأملتُ عينيكِ في تلك اللحظة.. بريقهما، ابتسامتك، وسعادتك بتلك الوردة، وحينها أدركت ما لم أدركه من قبل.. أنتِ لم تكرهي الورود يومًا يا آسيا، ولكنكِ فقط لم تُحبيني أنا". - مازن محمد | رسالة ( ٤ )

| عزيزتي آسيا "أشعر أن الكلمات لم تَعُد تُجدي نفعًا معي؛ فروحي أصبحت في أمسّ الحاجة إلى العِناق، عِناق يداوي روحي من شقاء الأيام، ويُعيد إليَّ ابتسامتي التي تبخّرت، كأنه يُرمم روحي المنهكة، ويُشعرني أنني ما زلت بخير… طالما كنتِ بجانبي. لكن ما يجعلني أرتطم أرضًا في كل مرة أتذكّره، هو أنكِ.. لم تعودي هنا." - مازن محمد | رسالة ( ٣ )

| عزيزتي آسيا "تجتاحني رغبة عارمة في مغادرة الأشياء.. الطرق، الأماكن، الأحاديث، الأحلام، البشر، والعالم بأكمله. لا أعلم ما الذي أصابني حقًا.. ربما لم يعد شيء في هذا العالم أجد فيه ملاذي.. حتى كل ما كنت أحبه، وأحرص على فعله دومًا، اصبح في عيني فجأة بلا معنى.. ولا أدري على وجه التحديد أين تكمن العقدة! لكن ما يجعلني باقٍ حتى الآن، هي تلك اللحظة التي اكتب لكِ بها، ويقيني بأن عينيكِ ستقرأ كلماتي ذات يوم؛ وستشعرين بي، وهذا يكفيني." - مازن محمد | رسالة ( ٢ )

مازلت انتظر تلك اللحظة التي احتسي بها مشروبي المفضل مع شخصي المفضل.. نتساير سويًا حول كل ما يدور في أذهاننا دون التفكير في شيء سوا أنتا معًا، نقضي أوقاتنا وكأننا وحدنا في هذا العالم لا نُبالي بشيء حولنا.. تنظر هي إليَّ وهي تُحدثني عن كل ما يأتي في خاطرها كطفلة صغيرة لديها ابتسامة تُسعدني كلما شاهدتها، واسترق أنا النظرات إلى عينيها لأنني لا أريد أن أرى إلا سواها.❤️ - مازن محمد

أنت تستحق شخص يكون "مُنبهر" بيك.. حتى لو أنت كنت شخص "عادي" في عين كل العالم. إياك تقبل تكون في علاقة مع شخص شايفك "عادي"، الانسان لو مكانش حاسس انه متشاف بنظره مميزة في اكتر مكان المفروض إنه بتاعه لوحده.. يبقى لازمة وجوده فيه إيه! وركز كويس على كلمة "أنت تستحق".

الشخص اللي معاك طول ما هو مش منور في وجودك.. اعرف إن انت مش المناسب ليه، حتى لو كان بيقولك عكس كده، اتعلم تشوف الحقيقة من ردود افعال اللي قدامك و "إحساسك". ولو أنت مش "مُعجب بنفسك" في وجود الشخص اللي معاك اعرف إنه مش المناسب ليك.. مصطلح مُعجب بنفسك في وجود شخص ده يمكن أخدت وقت علشان أدرك حقيقة وجوده وألمسه. هنا الكلام علشانك، وعلشان اللي معاك.. لأننا ناس ناضجة وواعية ومدركة إن العلاقة علشان تنجح لازم يكون كل طرف مبسوط.. ومرتاح، والكلام ده للناس اللي بتؤمن بالحُب وإنه أهم سبب في العلاقة عشان تكمل أو تنتهي. وايوا أنا معنديش استعداد ابقى مع شخص مش معجب بنفسي معاه.. حتى لو توفرت أسباب منطقية تانية من بتاعة الناس. يهمني اعيش كل يوم مرتاح ومبسوط في وجوده، يهمني روح كل خص مننا منور بوجود التاني معاه.. ولو أنت مش شايف ده، انهيها بإيدك، قبل ما تلاقي نفسك مُجبر على ده.. لأن صدقني أجمل شيء في الحياة "الحب". ممكن يبقى معاك فلوس، ومكانة، وواصل لحاجات كتير أوي بس شخص مطفي وروحه مش موجودة! وممكن تبقى شخص عايشها على قده عادي، بيعاني علشان يحقق حاجة واحدة.. بس مبسوط ومنور وعنده دافع يحاول كل يوم بكل نفس مفتوحة وراضية.. دا اسمه "سحر العشق" سحر مش هيوفرهولك أي فلوس، وأي شيء ممكن يتحقق أو تمتلكه؛ بس هيوفرهلك شخص "بيحبك بجد" شخص تكون "مُعجب بنفسك معاه".❤️

صباح الخير. بطل تستنى إجابات من ناس مشيت خلاص ومصمم تعرف ازاي قدروا يعملوا كده! بطل تستنى رد اعتبار من شخص آذاك، وإنه عرف قيمتك وهيرجعلك زي ما بتتمنى من جواك. بطل تستنى إنك ترجع بنفس مشاعرك القديمة كويس وزي الفل من تاني بنفس الطريقة زمان مع ناس مبقيتش موجودة. "اللي بيحبك بجد كان هيقدملك الإجابات ومكانش هيسيبك لدماغك، حتى لو قرر يمشي" "اللي بيحبك وعارف قيمتك بجد مكانش هيأذيك من الأول حتى لو قرر يبعد" "شخصيتك القديمة مش هترجع تاني حتى لو نفس الناس دي رجعت لأن كل حاجة فيك وفيهم اتغيرت؛ فركز على شخصيتك الجديدة واخلق ليها فرص جديدة، وحياة تنتقي فيها اختياراتك بشكل أفضل، وتلاقي شخص يستاهلك ويحبك بجد". متنستناش من الماضي حاجة تصلحك لأن لو فيها أمل مكانتش باظت من الأول، فـ ركز على حاضرك علشان تقدر في اللي جاي تكون أفضل من أي وقت فات. واللي مشي؟ ارمي طوبته للأبد. - مازن محمد