Ethiopian Trading Businesses Corporation (ETBC)

የኮርፖሬሽኑ የበላይ አመራሮች በለሚ ሁለገብ የገበያ ማዕከል የተከፈተውን ሱፐር ማርኬት ጎበኙ የኢትዮጵያ የንግድ ሥራዎች ኮርፖሬሽን  ዋና ሥራ አስፈጻሚና የዘርፍ ም/ዋና ሥራ አስፈጻሚዎች ሰሚት በሚገኘው በለሚ ሁለገብ የገበያ ማዕከል ውስጥ ኮርፖሬሽኑ በቅርቡ የከፈተውንና አገልግሎት በመስጠት ላይ የሚገኘውን ዘንቢል ዘመናዊ ሱፐር ማርኬት ሰሚት ቅርንጫፍን ሐምሌ 23 ቀን 2018 ዓ.ም ጎበኙ፡፡ ሱፐር ማርኬቱ የአትክልትና ፍራፍሬ እንዲሁም የኢንዱስትሪ ውጤቶችን በብዛት፣ በዓይነትና በጥራት የያዘ ሲሆን ቦታው ለተገልጋዮች ምቹና የተቀላጠፈ አገልግሎት ለመስጠት የሚያስችል ነው፡፡ ኮርፖሬሽኑ ጥራት ያላቸውን ምርቶች በተመጣጣኝ ዋጋ ለሕብረተሰቡ የሚያቀርብባቸውን አማራጮች በማስፋትና በማዘመን በሁሉም አካባቢዎች ተደራሽ ለመሆን የሚያስችል ዕቅዱን እውን ለማድረግ በከተማዋ በተለያዩ አካባቢዎች ተጨማሪ ሚኒ ማርኬቶችን እና ሱፐር ማርኬቶችን ለመክፈት እየሰራ ይገኛል። በቅርቡ አገልግሎት መስጠት የጀመረው ይህ ሱፐር ማርኬት ሰፊ የምርት አማራጮችን በበቂ ሁኔታ የያዘና ምርቶቹን በተመጣጣኝ ዋጋ ያቀረበ ሲሆን ለአካባቢው ህብረተሰብ ፈጣንና የተቀላጠፈ አገልግሎት በመስጠት ላይ ይገኛል። ይምጡ፣ ይጎብኙን፣ በምቾት ሸምተው ይመለሳሉ!