اشعار رضایت رضایی سرجویی

وختی نزیکین دوسیت دَم دَمه دویریت ارا من بار کوله‌ی خَمه تون‌که رَحم نیرین وَی اَسر چَمه ار لیوه‌تیژ بوم وَ بینم کَمه «سراینده رضایت رضایی سرجوبی» 💖🌺🥀💖🌺🥀💖🌺🥀💖🌺🥀💖🌺🥀

کم دان بپشکن وَ وَر پامه‌وه دل من وَ دَس تو بیسه دامه‌وه میهرت آمانت هر ها لامه‌وه نه تون داوات کرد نه من دامه‌وه تون وَی هوا خوش برزای بامه‌وه کَم نمک بپاش وَ روی زامه‌وه وَی لهجه‌ی شیرین‌‌ شکر تامه‌وه پیخام کَل بکین وژمه مامه‌وه ✍️ «رضایت رضایی سرجوبی» 🌼💔🌿🌼💔🌿🌼💔🌿🌼💔🌿🌼💔🌿 @rzait1

«🌸 افسوس 🌸» افسوس من پیرم تون شوخ‌و سرمَس هر چی هانات کَم نماین وه دس رَس قوس قاس کیشیا ار من هاینه قَص باور نمه‌کَم پات بنین وَ پَس بَنیتم ژَ بند تَنگنای قَفَس دَر امید وَ من دریاس وَ بن‌بَس وَ گوشم بخوَن سزام هَر چی هَس تاگر قبول کَم تو حَقت ها دَس صَد اَفسوس دی پیرو اُفتاده حالم نه تین وَ پام مَن نه هاز وَ بالم کَمر خم وَ جور زمانه‌ی ظالم چوی ژرنگ وَ کام نازاران تالم تون هَر هاین وَ دون چَن ساله‌ی ورین مَمانین وَ حور سکنات ها برین یه‌ی پا ار تمام هَام سالان سَرین هیمان هَر وَ تام شیرو شَکَرین دَریغا پیر بیم‌و بی مال‌و مَنزل بار خَم وَ دوش‌و داخ دوس وَ دل پژاره‌م توین درو چه حاصل کشتی خیالم پی تو نیشت وَ گل صد البت سرکار احوالت خوشه خاطرت ار خم دنیا بی بَشه هم چاره‌ت چَرمی‌و هم چَمت رَشه طَولت شادی بخش‌و سازت دل کَشه حسرتا پیر بیم فرسوده‌و بی‌ حال‌ خیال پر تشویش مجنونان مثال هوای لیل وَ سَر بیزارم ژَ مال زوان دی وَ ذکر نام نازاران لال تو میلت تا سر وَ لای کس نوی همراه‌ت همیشه وَ دس رس نوی ار کارت تمام وَ روی قَص نوی کلهَ‌ت چوی وَ جام ادب مَس نوی چه سود بار کوله‌ی خم بیسه بارم زویخ زامان چاشت شام‌و ناهارم هر چوی «رضایت» تارن تومارم هر شو تا دَم دَم شَفَق بیدارم «سراینده رضایت رضایی سرجوبی» 💖🌼🌸💖🌼🌸💖🌼🌸💖🌼🌸💖🌼🌸💖🌼 @rzait1

«چرخ چاو مَس» چرخ چاو مَسی بیه‌سه پژاره‌م خم کرد وَ خوراک صبح‌و ایواره‌م له دیشت در وَ در له شار آواره‌م چارَنویس چمای چفت نویساس چاره‌م قوس دو قاصی له لیم هانه قَص هر جای بچودن م هام له دَس‌رَس نه دل پیش دیرم نه پا ارای پَس مدارام نیه‌کید شوخ دیده مَس کمان هه‌ل کیشاس چمای شکارم کَم کَم درآورد دوید له دَمارم دوس وَ دویری خوی خَم کرده بارم چوی طاقت له ژیر بار خم بارم روژان ها خیال شو تیده خواوم بی خم خواو نیه‌تید وَ بان چاوم چوی ماهی محتاج یه‌ی قطره‌ی آوم ار لیل لجوج بود پاکه حساوم سر کاوان لیزم بی ماواو منزل نا امید له ژین خار خَم له دل فقط «رضایت» پَر پَر بی چوی گُل وَ جای شهد نوشاس ژار هلاهل «سراینده رضایت رضایی سرجوبی» 🌺💖💐💖🌺💖💐💖🌺💖💐💖🌺💖 @rzait1

(اول آخر یار) حق نما توین حق نما توین جامَک جلوه‌ی حق نما توین وصی‌و وارث مصطفی توین منیرو مرشدو مرتضی توین رحیم‌و رئوف‌و راه گشا توین ولی او قادرو توانا توین سیدو سالارو یدالله توین شاهی گسیل در وَ گدا توین مدیرو مومن‌و مقتدا توین داورو دادگر روژ عقبا توین راهبرو راسخ‌و راهنما توین ولی او قادرو توانا توین بی مثل‌و مثال بی مانا توین شریف‌و شاهد‌و شکیبا توین پر نورو پرزورو پادشاه توین تسکین هر درد بی دوا توین مرهم هر دل بی نوا توین ولی او قادرو توانا توین خلیل‌و کلیم‌و روح الله توین درکند خیبرو لافتی توین دلیل‌و درمان‌و دلربا توین حیدرو صفدرو بی ریا توین امین‌و امیرو باوفا توین ولی او قادرو توانا توین کاشف اسرار کبریا توین دُر حق نیشان ژَ دریا توین عادل‌و فاضل‌و اولیا توین صابرو صادق‌و با صفا توین کریم‌و کاتب‌و حق گرا توین ولی او قادرو توانا توین ناجی گمراهان ژه بی راه توین پناه پی هر فرد بی پناه توین سر مشق اشعار ادبا توین عالم هر علم‌و علماء توین هلال هر مشکل و معما توین ولی او قادرو توانا توین نجات دهنده‌ی هر گمراه توین سلطان بر حق دو دنیا توین شیر او دانای بی همتا توین مولود کعبه‌ی مبینا توین کسی که راز حق مزانا توین ولی او قادرو توانا توین امید هر داراو ندارا توین ساقی حوض کوثر گوارا توین رضایت خوش حال تامولا توین ناجی ژَ کیفر هر گناه توین گواه وجود. ماوراء توین ولی او قادر توانا توین ( هو یاعلی مدد ) ( شعر از رضایت رضایی سرجوبی از ایل بزرگ جلالوند ساکن شهرک رسالت کرمانشاه )

ای تیره چس اَرا مِ هم ها چله‌ کمانت دس نیده بان ماشه خیدَمه وَر چوانت قسم وَ اَو دو زلفه شورّه وَ بانِ شانت ار تو صلا بزانی گیان کَم وَ نذر گیانت ✍️رضایت رضایی سرجوبی 💖🌹🍂💖🌹🍂💖🌹🍂💖🌹🍂💖🌹🍂 @rzait1

ای درده چَه بی وَر دایده گیانم چوی شَم آو کردید پوس‌و سوخانم بار بار خَم وَ دَس خوَد نایده شانم بَدَن نیمه گیان خاک کیده بانم مَر خوَد بزانید چه کَید وَ گَردم وَ دَس خوَد خوراک خم دَیده خوَردم هَر دَم دَردی تر افزون وَ دردم بی سوده حَسرت وَ حال مردم هیمان زَم‌زمه‌ی خَم ها له گوشم له داخ دوریت قطرانی پوشم گوش نیاید وَ عرضم درد خوم بوشم باری ترَک نیاید وَ بان دوشم خوراکم فقط خَم‌و خوصه‌و ژان فشار خوینم له چل داسه‌و بان نه حالی خوش هَس نه داری درمان هر آنه وَ مَفت تَسلیم بکَم گیان دام زلفت چَس وَ شانه‌و شورّ کید سالی صد نَفر زنده وَ گورّ کید له صَد صَدَقه‌ت دوانی تورّ کَید بی گناه و حال «رضایت» نورّ کید ✍️ رضایت رضایی سرجوبی 🍃💔🍃💔🍃💔🍃💔🍃💔🍃💔🍃💔🍃💔

کم دان بپشکن وَ وَر پامه‌وه دل من وَ دَس تو بیسه دامه‌وه میهرت آمانت هر ها لامه‌وه نه تون داوات کرد نه من دامه‌وه تون وَی هوا خوش برزای بامه‌وه کَم نمک بپاش وَ روی زامه‌وه وَی لهجه‌ی شیرین‌‌ شکر تامه‌وه پیخام کَل بکین وژمه مامه‌وه ✍️ «رضایت رضایی سرجوبی» 🌼💔🌿🌼💔🌿🌼💔🌿🌼💔🌿🌼💔🌿

سر دَم له بانِ داری زلفِ تونه طنافی لیلی له پای اَرا مِن طَنّافِ دار بافی وَ گیانِ اَو غزاله کِه مشک ها له نافی مجنون‌و شیت بیمه لَه عَین‌و شین‌و قافی ✍️رضایت رضایی سرجوبی 💖🌺💖🌸💖🌺💖🌸💖🌺💖🌸💖🌺💖🌸 @rzait1

«ای درده چَه بی وَر دایده گیانم» شاعر رضایت رضایی سرجوبی دکلمه زیبا از استاد رمضان شمسی 💖🌺🌼💖🌺🌼💖🌺🌼💖🌺🌼💖🌺🌼