Vodiy24 - LIVE

Yunusobod tumanidagi ko‘p qavatli uyning hovli qismi yomg‘ir natijasida yurib bo‘lmaydigan holga keldi Ushbu tasvirlarda Yunusobod tumani 6-mavzedagi 36-uy hovlisidagi holat aks etgan. Mahalliy aholining ma’lum qilishicha, har yomg‘ir yog‘gan vaqtda shu holat takrorlanadi. 👉https://t.me/vodiy24_live

Фарғонада 18 ёшли фуқаро ўзидан 6 ёш катта эркакни пичоқлади Йўлда турган одам пичоқланганлиги айтилган видео ижтимоий тармоқларга сиздирилди. Ушбу ҳолат юзасидан Фарғона вилояти ИИБ Матбуот хизмати хабар берди. Аниқланишича, жорий йилнинг 21 май куни 2006 йилда туғилган Марғилон шаҳрида яшовчи фуқаро С.Т. шаҳарнинг Б.Марғилоний кўчасида Янги боғи МФЙда яшовчи 2000 йилда туғилган фуқаро А.А.ни ўткир тиғли жисм билан ўнг орқа ва юз соҳасига уриб, ҳаёт учун хавфли бўлган тан жароҳати етказган. Шифокорлар томонидан ўз вақтида кўрсатилган тиббий муолажалар натижасида А.А.нинг ҳаёти сақланиб қолинган. Фуқаро А.А. ҳодиса жойидан қочиб кетиши натижасида С.Т. жиноий ҳаракатларини охирига етказа олмасдан, ҳодиса жойидан номаълум томонга яширинган. Ҳозирда шаҳар прокуратураси томонидан ҳолат юзасидан ЖКнинг 25,97-моддаси 1-қисми билан жиноят иши қўзғатилиб, гумонланувчи С.Т. ЖПКнинг 221-моддаси тартибида ушланган.

Фермерларга ижара ҳуқуқини сотишга рухсат берувчи қонун лойиҳаси қабул қилинди Қонунчилик палатасида иккинчи ўқишдан ўтган лойиҳада, қишлоқ хўжалиги майдонларининг иккиламчи ижара бозорини вужудга келтиришдан ташқари, дала четларидаги экин майдонлари ҳам 10 йилгача иккиламчи ижарага берилиши назарда тутилган. Эндиликда ер участкалари онлайн аукцион орқали ижарага берилади. 👉https://t.me/vodiy24_live

UzAuto Motors Lacetti ишлаб чиқариш давом этаётганига изоҳ берди Lacetti учун керак бўладиган эҳтиёт қисмлари ҳали ҳам заводларда мавжуд, бу эса ишлаб чиқаришни давом эттиришга имконият беряпти, дея маълум қилди “Ўзавтосаноат” ахборот хизмати. Компания вакили Lacetti ишлаб чиқариш қачонгача давом этишини аниқ айта олмади, лекин бу бирданига тўхтамаслигини таъкидлади. 👉https://t.me/vodiy24_live

Олис ҳудудларга қатнайдиган ўқувчилар учун бепул автобус йўлга қўйилади Президент фармонига кўра 2024 йил 1 сентябрдан бошлаб Қашқадарё ва Сурхондарё вилоятларида тажриба синов тариқасида умумий ўрта таълим муассасаларига олис ҳудудлардан қатнайдиган ўқувчилар учун аутсорсинг асосида бепул автобуслар йўлга қўйилади 👉https://t.me/vodiy24_live

UzAuto Motors яна шартномаларни очишга тайёрланмоқда экан Компания тўланмаган шартномалар яна тизимга жойланишини эслатди. Яқин кунларда Gentra ёки ҳатто Cobalt учун шартномалар яна очилиши мумкин.

Қашқадарёда банк хизматлари маркази раҳбари 304 млн сўмдан ортиқ кредит пулларини ўзлаштириб юборди У тижорат банки филиали бўлими бош менежери лавозимида ишлаган даврида 12 нафар фуқаро номига кредит расмийлаштириб, ажратилган пулларни ўзлаштириб юборган.

Яшил маконни "ўйин қилган" масъуллар жавобгарликка тортилди Андижонда аниқланган 19 та ҳолатда 1128 туп дарахт суғорилмайдиган ерларга экилганлиги ҳолати бўйича 6 нафар масъул шахслар, Қашқадарёда 12 та  ҳолатда экилмаган 48 348 туп дарахт қўшиб ёзилганилиги бўйича Касби, Миршикор, Чироқчи туман ҳокимларининг ўринбосарлари, Китоб ва Чироқчи туман экология бўлим бошлиқлари интизомий ҳамда 2 нафар масъул шахслар маъмурий жавобгарликка тортилди ва вилоят ҳокимлигига  қонунбузилиши ҳолатларини бартараф этиш юзасидан тақдимнома киритилди, дейилади Бош прокуратура хабарида.

Наманганда 63-халқаро гуллар фестивалига старт берилди 40 кун давомида иштирокчилар ноёб гул композициялари ва қизиқарли кўргазмалардан баҳраманд бўлиб, турли кўнгилочар тадбирлар ва танловларда қатнашиш имконига эга бўлади.

Қозоғистонда Ўзбекистон бизнеси Хитойни ортда қолдириб, учинчи йирик хорижий инвесторга айланди.  Бу ҳақда “Data Hub” хабар берди. Қайд этилишича, жорий йилнинг 1 май ҳолатига кўра, Қозоғистонда 4595 та асли Ўзбекистонлик юридик шахс рўйхатга олинган, бу йил бошига нисбатан 706 тага, яъни 18 фоизга кўпдир. Қозоғистон Республикаси Стратегик режалаштириш ва ислоҳотлар агентлигининг Миллий статистика бошқармаси маълумотларига кўра, 2023 йил 1 май ҳолатига нисбатан Қозоғистондаги ўзбек ташкилотлари сони бир ярим баробарга ошган.