🖤 عَاَاَاَاَشَقَ 💔 اَلَوَحَدَهَ 🖤

احساس انك تبقا اعمي عن اخطاء الاخرين ده بيجعلو يشوف نفسو صح و بيتفاخر ب كده و لأسباب كتيير من ضمنها النقص و عدم التربيه الصحيحه #Omar_Khaled_Dahab

العلاقات ما بـ تتبنيش بـ الكلام المتزوق واللي إستخبىٰ جوه القلوب مسيره يتفضح أنا شوفت فـ حياتي كمية مواقف من أقرب ناس لـ ناس تخليني أفقد الثقة فـ اي حد ومع ذالك أنا زيك لسه بـ أفرض حسن النية فـ الناس لحد مايثبتوا العكس بس الفرق بيني وبينك إن أنا أخدت خطوتين لورا زي ما بـ تاخد كده خطوتين لورا وإنت قصاد المرايا علشان تشوف نفسك كويس لازم بردوا تاخد خطوتين لورا فـ علاقاتك وفـ حياتك علشان تقدر تشوف الناس كويس✋ #Mando

ما هانش عليا عارف الجملة دي ممكن تعمل إيه في اللي قدامك لو قولتهالوا عارف قد ايه بتجبر خاطر الإنسان المكسور لما تقول لحد ماهنش عليا زعلك ماهنش عليا أشوفك متضايق ماهنش عليا اسيبك كده وامشي إنت نفسك ماهونتش عليا قد ايه الكلمه دي سحريه وليها مفعول السحر بجد خليكوا خفاف على قلوب الناس اللي حواليكوا لو عندك كلمة حلوه هاتجبر بيها خاطر حد قولها وما تستهونش بيها يا إما تسكت وسكوتك يبقى أحسن الدنيا تقيله على قلوب الكل ومحدش ناقص يتوجع من حد وبجد الحياة بقت محتاجه ناس قلبها لين تمر على القلب من غير وجع وتمشي وهي سايبه الخير وبس✋ #Mando

أنا عايز بنت بسيطة طبيعية ، بنت ترضى باللي أنا أقدر أقدمهولها كمان فاهمة إحساسي ، فاهمة أفكاري ، مش فاهماني وبس لا ، وحاسة بيا وهي جوايا بحس وأنا في حضنها بالإطمئنان والراحة .. هي دي الحياة اللي أنا أحب أعيشها حياة بسيطة سهلة مفيهاش مشاكل .. وهي دي البنت اللي في عقلي وفي خيالي..🦋♥️ #Mando

"اللي بيسيب رسالتك بالساعات والأيام لحد ما يرد عليك "عشان مشغول"، عنده وقت يرد على حد غيرك ويكلمه بالساعات، واللي بيعتذرلك عن إنه يخرج معاك عشان مشغول، غالبًا بيعرف يلاقي وقت لشخص تاني عادي.. اللي بيتحججلك بالظروف لما تطلب منه شيء، بيقدر يلاقي لنفس الظروف دي حل مع إنسان تاني، عشان هو عاوز ومستعد يبذل شوية مجهود عشانه، بس أنت مش من أولوياته؛ البشر بيتعبوا عشان اللي شايفين إنه يستحق التعب.. مكانتك عند اللي قدامك ملهاش علاقة بأنت بتحبه اد إيه أو بتعمل إيه عشانه، ممكن تبقى بتقدمله كل شيء وبردو ميحبكش زي ما بتحبه.. منقدرش نجبر الناس علينا، ولا يصح أساسًا! أنت غالي عند اللي خلقك أوي، ولازم تبقى عزيز عند نَفْسك بردو؛ اللي عاوزك هيجيلك." #Mando

الأن الساعة الثانية بعد منتصف الليل: تسعة و أربعون سيجارة ، و انا علي عتبه السيجارة الخمسين ، قبل أ ن اشعلها و أنام ، أود أن أقول أنني لا أريد المحاربه ثانية لأجل أي شيء، أود أن استريح للأبد ،لا أريد أستراحه مقاتل ، أريد أن يأتيني ما هو مكتوب لي دون عناء و بدون أن أري أشياء تؤلمني ، أو أيام ترعبني ، أريد أن يتوقف الشعور لدي، ويأتيني المكتوب كتعويض عن ما مضي ، وعن الأيام الثقال المطحنه التي سارت فوق جسدي ، مهما كتبت لا استطيع أن افسر شعورا واحدا حملته في صدري أحاول وضع نفسي في الأعلى علي رف مرتفع وبعيد ،لا تطاله الأيادي والأنفس لم تعد لدي القوه علي مواجهه حزن و قهر جديد ، خذوا من جسدي ماتبقي وما شئتم ، ولكن اضيئوا لي وجهي 22/1/2024 #Omar_Khaled_Dahab

الأن الساعة الثانية بعد منتصف الليل: تسعة و أربعون سيجارة ، و انا علي عتبه السيجارة الخمسين ، قبل أ ن اشعلها و أنام ، أود أن أقول أنني لا أريد المحاربه ثانية لأجل أي شيء، أود أن استريح للأبد ،لا أريد أستراحه مقاتل ، أريد أن يأتيني ما هو مكتوب لي دون عناء و بدون أن أري أشياء تؤلمني ، أو أيام ترعبني ، أريد أن يتوقف الشعور لدي، ويأتيني المكتوب كتعويض عن ما مضي ، وعن الأيام الثقال المطحنه التي سارت فوق جسدي ، مهما كتبت لا استطيع أن افسر شعورا واحدا حملته في صدري أحاول وضع نفسي في الأعلى علي رف مرتفع وبعيد ،لا تطاله الأيادي والأنفس لم تعد لدي القوه علي مواجهه حزن و قهر جديد ، خذوا من جسدي ماتبقي وما شئتم ، ولكن اضيئوا لي وجهي 22/1/2024 #Omar_Khaled_Dahab

الأن الساعة الثانيه بعد منتصف الليل :

مختصر الحياة عامله زاي عود كبريت من اول ميولع لغايه ميطفي دي بدايه حياتك و انجازاتك و تنتهي انك بقيت مجرد ذكري لا يبقي منك غير ما قد فعلته من اناره المضمون اعمل خير في حياتك علشان الناس تفتكرك بدعاء علي الاقل لأن مافيش حاجه هتبقالك بعد مماتك غير اعمال الخير بس #Omar_Khaled_Dahab

عايز أقولك إن أصعب حاجه ممكن تواجهها فـ حياتك وفـ الدنيا عمومآ هو إحساس إنك صعبان عليك نفسك صعبان عليك من كل حاجة من حياة بـ تعاندك لظروف بـ تيجي عليك لزعلك ع حالك ع إللي حصلك م الأيام والناس والمواقف وإنك مَا تستحقش كل ده كل حاجه من دول لوحدها بـ توجع ووجعها قاتل واما بـ تتجمع كلها مع بعض فـ وقت واحد وفـ لحظة واحده بـ تحس إنك متهان وتعبان وإن كل حاجه ماشيه معاك غلط وإن مفيش حاجة كده بتعدي جواك بالساهل كل وجع وكل لحظة ألم وكل موقف خُذلان سايب جواك وجع مؤلم مابيعديش ومش هيعدي✋ #Mando

مهما يتقالك ما تصدقش غير اللي بـ يتعمل علشانك ما هي مش بـ الكلام الحلو م كل اللي أذوك كان كلامهم حلو صدق الأفعال والتصرفات صدق وقفتهم معاك وقت الشدة صدق سندهم ليك وقت اما تقع وتحتاج حد جمبك المواقف يا صاحبي فضاحة لأ وبتبين حقيقة القلوب وزي ما بتبين المحبة بتبين بردوا السواد اللي جوه النفوس✋ #Mando

طول منت مشغول برزقك وعملك وحياتك هتعيش ديما مستور وميسور الحال.. طول منت مبتبصش علي حاجة حد حاجتك هتحلو في عينك وربنا هيطرحلك فيها البركه.. انت فاكر ان الناس اللي بتكنز علي قلوبها ملايين خايفين من بكره.. بالعكس دول مش شايفين اللي بين ايديهم وشايفين اللي في ايد غيرهم علي انه احلي واجمل من اللي معاهم .. الناس اللي ماشيه ومبتبصش لحاجتها والله العظيم ما مرتاحين في حياتهم ابدا وديما بيبصوا علي اللي اقل منهم انهم احسن منهم بكتير وعمرهم ما بيحمدوا ربنا علي اللي في ايديهم .. لو كنت شخص قنوع وبيرضي باللي ربنا اداهوله احمد ربك ديما واياك تبص للي في ايد غيرك لان زوال النعم شئ مش لطيف.. 🙂👌 #Mando

خليك عارف إن كل واحد فـ حياتك بيشوفك بـ عين مختلفة يعني في حد بيشوفك طيب حد تاني شايفك لئيم حد شايفك رخم.. حد شايفك خفيف في ناس بـ تشوفك فـ قمة الجدعنه وفي ناس تانية بتشوفك عنوان للنداله ومهما كنت طيب وبتحب الخير للناس فـ انت حد شرير عند بعض الناس ومهما كانت تصرفاتك تلقائية وبسيطه فـ هي مقصوده عند ناس تانيين ومهما كانت نيتك سليمة هـ تفضل نيتك مشكوك فيها مهما كنت أصيل فـ أنت قمة فـ قلة الأصل عند قليل الأصل الشاهد إن الناس بتشوفك بودانها مش بعنيها ولا بـ قلبها فـ م تحزنش✋ #Mando

الشبعان بس هو اللي يقولك كتر خيرك وألف شكر ولو عملت موقف جدعنه هـ يفضل شايلهولك جميل الناقص بقى عمره ما يفتكرلك فضل او دقة مجدعه دايمآ هتلاقيه بيدور ع الحتة الناقصه اللي عنده إزاي يعوضها ف عاشر الأصيل وعلم ع الناقص واشكر الظروف اشكر المواقف اللي مرت وفوقتك إشكر الناقص إنه علمك درس عمرك م هـ تنساه اشكر الأيام علشان دواره وريتلك ازاي القلوب بتتغير واشكر الظروف اللي فضحت الوشوش وخليتك تشوفهم على حقيقيتهم✋ #Mando

الفرق بين إللى بيحبك ، وإللى جاى حياتك يتسلى ويضيع وقت ، إن إللى بيحبك بيتحمل مودك المُتقلب ، وحالاتك النفسيه ، والأوقات الصعبه إللى بتمُر بيها ، وإللى بتفضل تكون لوحدك فيها ، تلاقيه مراقبك مِن بعيد ! إللى بيحبك بيصمم أنهُ يكون حاجه مُهمه فى حياتك ، وبيرهن سعادتهُ فى وجودك جمبهُ ، أما التافهين نفسهُم قصير ، وأول ما تتعرض العِلاقه بينكُم لشرخ بيشيل أنانيتهُ على كتفهُ ويهرب ويحلف إن ده هوا الصح ! ☝️ #Mando

السند... يعني الشخص اللي بـ يدعمك الشخص اللي بـ يعيش معاك ع الحلوه وع المره وحافظ كل تفاصيلك اللي بيفهمك من غير ما تحكي ومن غير ما تقول اللي بيحس بنبرة صوتك وبيعرفك من عنيك اللي بيحس بيك من أول نظره وبيفهمك اللي بيعرفك مهما داريت إنت زعلان ولا فرحان الوحيد فـ الكون كله اللي هـ يحس بيك وبـ مشاعرك يوم ما تتحول الوحيد اللي مستعد يعمل أي حاجه وكل حاجه علشان يشوفك بس مبسوط إفهم بقىٰ✋ #Mando

الحب مش بس إنك تشيل مع اللي بتحبّه مسؤوليّة المستقبل ؛ لكن انكم تشيلوا مع بعض مسؤوليّة ماضيكوا كل واحد فيكم جاي للتاني بشيلة وتجارب وخبرات ومخاوف .. كل واحد فيكم خد قرارات في الماضي لوحده ؛ دلوقتي لازم تشيلوا مع بعض مسؤولية نتايج الماضي ؛ تتفهّموا بعض ؛ تصبروا على بعض ؛ تستوعبوا مخاوف بعض تقدّروا ضعفات وخبرات بعض ؛ من غير ما تستعجلوا على بعض دي القوة . . مش في قوّة كل واحد لوحده لكن في حضن كل واحد منكم لضعف التاني والشِّفا مش في صحّة كل واحد لوحده ؛ لكن في احتواء كل واحد منكم لجروح التاني ♥️🖇️,, #Mando

لما تجي تختاري راجل ، إتجاهلي للحظه كل الصفات العظيمه اللي بتتمنيها وركزي في اعظم صفه ممكن تلاقيها في بني ادم "الحنيه" شوفي حنين عليكِ ولا لا ❤ .. بيعرف يطبطب على قلبك ، لما تضيق بيكِ الحياه بغض النظر عن مين الغلطان هو ولا انتي هتلاقيه وقف في صفك برضو ولا لا .. بيشيل الحمول مهما كانت تقيله وكبيره ولا هتتسابى لوحدك .. شوفي بيحتويكِ لما تتشتتي ! بيقويكى لما تضعفي وبيسندك لما تقعي ولا هتشيلى الحمل دة مع نفسك .. شوفي زعلك بيهون علية ؟ ضحكتك بتفرق معاه ؟؟ حافظ مقامك حتى في عز الخلافات ولا بيتغير مع المشاكل وازاى ثابته في عيونه مهما اختلفتوا ، وقاعد يحبك في كل الاوقات والظروف بنفس الاحساس الثابت .. اختاري الحنيه دايماً وابداً "الراجل الحنين رزق"❤✨ #Mando

ياللى بتدور على النسب شوف الأصيلة فين طيبة وجدعنة وأدب وعيونها دايما …مليانين دور عليها فى البلاد أصل ولاد الأصول قليلين خد بنت الأصول….. ولو أبوها فقير ..ومسكين الأصل.. مش قصر عالى ولا عزبة من الفدادين بنت الأصول تصونك وتشيلك فى ننى العين وبثوب الستر تسترك وتؤمرها تقولك …أمين ولو حمل الزمن وقعك تشيلك على… الكتفين ولو ضاق بيك الحال لا تشتكى ولا تقول محتاجين ولا يطلع من لسانها غير الحمد لله …مستورين بنت الأصول فى الشدة تطبطب عليك بالود والحنين وتواسيك بالكلمة الطيبة ولا يهون عليها تبات حزين ناسب بنت الأصول….. تصونك لو غبت عنها سنين ولا تناسب بنت الخسيس لو وراها الجناين والبساتين وبتركب الخيل تؤمر وتنهى والحرس أدامها على الصفين بنت الخسيس تذلك بأموالها وإن زعلتها تبيعك فى غمضة عين #Mando

● أختاري اللي لما تقوليله سيبني لوحدي لما اهدي وافوق هكلمك ؛ يقولك وأنا لزمتي إيه ف حياتك أختاري اللي لما تقوليله أنا محدش بيستحملني وأنا مضايقة ؛ يقولك وماله أنا هستحملك أنا غير الكل وهستحملك أختاري اللي تقوليله مش عارفة إيه اللي مضايقني ؛ يقولك قولي كل اللي ف قلبك ؛ وارتاحي فتقولي وتتكلمي وتحكي وممكن تغلطي فيه هو شخصياً وأنتي بتحكي وهو سامعك وبيهزر كمان ؛ أختاري اللي ف عز خنقتك وقرفك وإحساسك إنك لوحدك ؛ يضحكك من قلبك أختاري اللي يفضي نفسه علشانك مع إنه مشغول و وراه حاجات كتير بس بيقولك أنا فاضي إتكلمي أنا سامعك أختاري اللي تطمني معاه أختاري اللي يومه ميكملش من غيرك من الآخر أختاروا ناس شايفينكم إستثناء سواء كنتوا صحاب أو حبايب أختاروا اللي وسط الناس كلها مش شايفين غيركم أختاروا اللي شايفينكم انتم الدنيا بالنسبالهم 🤎🖇️,, ✍ #Mando