АОКА | Namangan | Rasmiy kanal

Тазйиқ ва зўравонликка қарши биргаликда курашамиз Наманган шаҳар ҳокимлигининг мажлислар залида "Тазйиқ ва зўравонликдан жабрланган шахсларга ижтимоий хизматлар кўрсатишни такомиллаштириш бўйича қўшимча чора-тадбирлар тўғрисида"ги Ўзбекистон Республикаси Президентининг қарори ижроси юзасидан семинар  бўлиб ўтди. Мазкур семинарда Наманган вилояти ҳокимининг ўринбосари, Оила ва хотин-қизлар бошқармаси бошлиғи Д.Якубова, Ижтимоий ҳимоя миллий агентлиги вилоят бошқармаси бошлиғи И.Ходжиев, Аёлларни реабилитация  қилиш ва мослаштириш Республика маркази Наманган вилояти ҳудудий бўлими ҳамда бир қатор ҳамкор ташкилот вакиллари иштирок этдилар. Семинар давомида Аёлларни реабилитация  қилиш ва мослаштириш Республика маркази Наманган вилояти ҳудудий бўлими фаолияти ҳақида, оиладаги зўравонликдан жабрланганларга ҳуқуқий ёрдам кўрсатишда амалга оширилаётган чора-тадбирлар (ҳимоя ордери бериш тартиби) шунингдек, тазйиқ ва зўравонликдан жабр кўрган аёлларга тиббий хизмат кўрсатиш борасида маърузалар тингланди. Маълумот ўрнида айтиш лозимки, жорий йилнинг 5 ойи давомида тазйиқ ва зўравонликка учраган 1005 нафар хотин-қизларга ҳимоя ордери берилиб назоратга олинган. Шулардан 11 нафарини вояга етмаганлар ва 307 нафарини 30 ёшгача бўлган ёшлар ташкил этади. Семинар якунида мавзуга доир фикр-мулоҳазалар  билдирилди ҳамда иштирокчиларнинг саволларига жавоблар берилди. Ижтимоий ҳимоя миллий агентлиги Наманган вилоят бошқармаси матбуот хизмати. ✅Каналга уланиш: @aokanamangan

‼️Murojaat! G'alla yig‘ishtirib olish mavsumi boshlanishi munosabati bilan Ekologiya, atrof-muhitni muhofaza qilish va iqlim o‘zgarishi vazirligi g'alla o'rib olingan maydonlarda o‘simlik qoldiqlarini yoqish amaldagi qonunchilikka ko'ra javobgarlikka sabab bo'lishi to‘g‘risida ogohlantiradi. https://gov.uz/eco/news/view/13379/ ✅Kanalga ulanish: @aokanamangan

‼️Шаҳрисабз тумани ҳокими С.Ҳасанов ва Қашқадарё вилоят фавқулодда вазиятлар бошқармаси бошлиғи Ф.Мирзаев "Ҳисорак" сув омборидаги вазият бўйича сув омбори ёнидан маълумот берди. Мутасаддилар ваҳимага ўрин йўқлиги ва ҳолат назоратга олинганини таъкидлашмоқда. Батафсил видеода. ✅Каналга уланиш: @aokanamangan

Президент Шавкат Мирзиёев ҳузурида Туркия Республикаси ва Саудия Арабистони Подшоҳлиги билан иқтисодий ва инвестициявий ҳамкорлик бўйича келгуси режалар кўриб чиқилди. — При Президенте Шавкате Мирзиёеве рассмотрены дальнейшие планы по экономическому и инвестиционному сотрудничеству с Турецкой Республикой и Королевством Саудовская Аравия. #Mirziyoyev #yigilish #hamkorlik #investitsiya Prezident.uz|Facebook|Instagram|YouTube|X

#FlowerFestNamangan #flower_fest_63 63-халқаро "Гуллар фестивали" доирасида Наманганда яна бир йирик халқаро тадбир бошланди Бугун Наманган шаҳридаги «Баркамол авлод» спорт мажмуасида фестивал анъанасига айланган “Шотокан каратэ-до” спорт тури бўйича Халқаро очиқ турнирнинг жорий йил мусобақаларига старт берилди. 

Шу муносабат билан тантанали очилиш маросими бўлиб ўтди. Байрамона бошланган тадбирда сўзга чиққанлар Наманган вилоятида спортнинг мазкур турига бўлган эътибор йил сайин ортиб бораётганини таъкидлаб, иштирокчиларга омад тиладилар.  Бир гуруҳ меҳмонларга эсдалик совғалари топширилди.

Шундан сўнг мусобақа бошланди. Эслатиб ўтамиз, мазкур турнирда Ўзбекистон билан бир қаторда Қозоғистон, Туркманистон, Тожикистон ҳамда Қирғизистон каби кўплаб давлатлардан 500 дан зиёд спортчилар иштирок этиши кўзда тутилган. Наманган вилояти ҳокимлиги Ахборот хизмати. ✅Каналга уланиш: @aokanamangan

Наманган вилоятида болалар ёзги дам олиш оромгоҳлари ✅Каналга уланиш: @aokanamangan

#Тайинлов Наманган вилояти Божхона бошқармаси бошлиғи ўзгарди Бугун Наманган вилояти ҳокимлигида ташкилий масалага бағишланган йиғилиш бўлиб ўтди. Вилоятдаги барча ҳуқуқни мухофаза қилувчи идоралар раҳбарлари иштирок этган йиғилишни Наманган вилояти ҳокими Шавкатжон Абдураззоқов бошқарди ва кун тартибидаги масала юзасидан сўзни Республика Давлат Божхона қўмитаси раисининг ўринбосари Нодир Мусамуҳамедовга берди. Божхона қўмитаси раисининг 2024 йил 6 июндаги 233-сон буйруғи билан Қодиров Умиджон Суҳбатжонович Наманган вилояти Божхона бошқармаси бошлиғи лавозимига тайинлангани эълон қилинди.

У.С.Қодиров 1983 йилда Фарғона вилоятида туғилган. 2006 йилдан буён божхона тизимида турли вазифаларда фаолият кўрсатиб келмоқда. 2022 йилдан мазкур тайинловга қадар Фарғона вилояти божхона бошқармаси бошлиғининг биринчи ўринбосари бўлиб ишлаб келаётган эди. Божхона хизмати подполковниги унвонига эга.

Йиғилишда вилоят божхона тизимининг янги раҳбари ишига омад ва муваффақиятлар тиланди. Наманган вилояти ҳокими ҳудуд инвестицион салоҳиятини янада мустаҳкамлаш, экспорт амалиётларини ривожлантириш, қўшни давлатлар билан чегарада жойлашган божхона постлари фаолиятини кучайтириш борасида амалга оширилаётган ишлар, уларни изчил давом эттириш юзасидан белгилаб олинган вазифаларга тўхталди. Наманган вилояти ҳокимлиги Ахборот хизмати. ✅Каналга уланиш: @aokanamangan

Pop tumanida “Ijtimoiy profilaktika” yo‘nalishida amalga oshirilayotgan ishlar muhokama qilindi Pop tumani Madaniyat markazida “Obod va xavfsiz mahalla” tamoyili asosida Respublika mahallalarida xavfsiz muhitni yaratish mexanizmlarini belgilash to‘g‘risidagi qo‘shma qaror ijrosi yuzasidan yig‘ilish o‘tkazildi. Unda mazkur qo‘shma qaror talablariga asosan mahalla yettiligining ijtimoiy profilaktika yo‘nalishida amalga oshirayotgan ishlari sektor rahbarlari tomonidan tanqidiy muhokama qilindi. Ushbu yo‘nalishda mahallalar masʼul xodimlari tomonidan yo‘l qo‘yilayotgan kamchiliklarga alohida to‘xtalinib, kelgusida bunday holatlarni oldini olish maqsadida tegishli ko‘rsatma va topshiriqlar berildi. Namangan viloyati IIB Axborot xizmati ✅Kanalga ulanish: @aokanamangan