شِيـمه .

‏خبرتك رحوم ولا خبرتك عديم أحساس ‏و أثاري ما كل حاجة .. بتبقى على خبري ‏ ‏زرعت الأمل في قلبك الممتلي . . بالياس ‏و يجزعني إنك زرعت الشوك من حدري ‏ ‏ماهي مشكلة الجفا وعن ما حصل لا باس ‏لكن ليه حطيت السكاكين . . في صدري:(

راح اصحح غلطتي واخذ قراري واترك الفرقا تجيب الي تجيبه بـ ابتعد وارد بالصد اعتباري لو حياتي من بعد وصلك غريبه لا رجوع لا خضوع ولا طواري لا حنين و لا ملاقاةٍ قريبه كل دار تلمنا ماهيب داري وكل درب يجمعنا الله حسيبه انفضي غبارك وانا بـ انفض غياري الجريح يطيب لافارق حبيببببه .

ياكثر صورّك الي ما نسّاها بالي النسّاي ‏لو ان عمري معك مرت سنينه مثل اسابيعه ‏يا سحر آخر قصيده في عيون الشاعر الغوّاي ‏ياوجهً مستعد اعيش عمري فــي تقاطيعه ‏امانه لاتغرك مررحبااي وضحكة محياي ‏ترى حزني مثل رمشك طويل وضيعتي ضيعه):

كن العيون من النظر عقبك ايتام ‏وكنّي ماريت الا انت من يوم ريتك ‏وكنك معي وانا فقدتك من أعوام ‏مع الخيال ألقاك كنّي لقيتك ):

‏جابك الله .. تمطر الدنيا و تزهرها رَحابه ‏يوم أظلّك من طرف قلبي وقلبي راس مالي ‏أنت مثل الدعوة اللي صادفت وقت أستجابه ‏و أنت مثل الليلة اللي .. ما تعوّضها الليالي

‏لا تلوم الصامت الي يقول الصمت زين ‏داخله هرج ٍ مبعثر مع انه ما حكا ‏عايش مابين يالله تعين ومل عين ‏لين صار الضيق فالصدر مامعه اشركا

ليلةٍ بارده . . و أوجس من الوقت خِيفه ‏كيف أبدفا ! و أنا أوْنس بردها في عظامي ؟

هونّي ضيق المسا يا مغاليق الصدور ‏تاقف الذكرى على البال لا خيّم مساي ‏و أتغافلها و انا بين درب و بين سور ‏لين صارت ضيقتي مبتداي و منتهاي ‏حزني الليلة مثل حزن زوّار القبور ‏و ضحكي الليلة مثل ضحكة الدنيا علي ‏من يرجّح كفة الحلم يا زيف الشعور ‏غير دمع عيوني اللي من الهقوة و جاي

"صرت ماحب التواجد ولا أحب الظهور ‏خاطري ماعرف علاجه وأنا أعرف علته".

ما عاد أعاين لا يسار ولا يمين ‏أمشي حذر وأقول يارب النجاه ‏اما الحضور اللي يسرّ الناظرين والا الغياب اللي ما يدرا وش وراه

‏اخطيت في حقي ولا زلت غالي ‏شفني على كبر الخطا ماكرهتك ‏خليتك لنفسك و سود الليالي ‏اقدر على جرحك لاكن ماجرحتك

تحريتك على رجوی وصالٍ ما بعدْه غياب ‏ وتمنيتك وأنا حزني عليك أكبر من الجيّه ‏ تراودني تعاليل المحبة والشعور أسراب ‏ وأغضّ البال لا منّي سرحت وقلت منسيّه ‏ على هون اليدين اللي على جرحي تطق الباب ‏وأنا بابي ذرى عابر سبيل وصوت طرقيّه .

عقب ذا العشره من المؤلم تبوّر ‏اتقهوى الحزن فنجالٍ مهيّل ‏حزن كبدي فاض من كثره وفوّر ‏مارضيت الذل والوضع الهزيّل