Begzod JUMANOV ijodi
Юрак тўла, дил тўла ҳасрат, Ҳижрон, армон, аламларимга. Афсус энди сиғмаса керак, Бу дардларим, шеър дафтаримга. Murojaat uchun: +998993184603
إظهار المزيد147
المشتركون
لا توجد بيانات24 ساعات
لا توجد بيانات7 أيام
لا توجد بيانات30 أيام
- المشتركون
- التغطية البريدية
- ER - نسبة المشاركة
جاري تحميل البيانات...
معدل نمو المشترك
جاري تحميل البيانات...
СИНФДОШЛАРИМ
Хотиралар чертиб ўтганда дилни,
Бу ҳаёт ҳам олиб кетганда йилни,
Қўмсатиб қўйганда ғаюр кўнгилни,
Ўтмишда яшаманг қора қошларим,
Мени эслаб туринг, синфдошларим.
Муҳаббат бобида омад келмади,
Гўзаллар-ку биздан кўнгли тўлмади,
Баъзида назарга олди, олмади,
Бойга кўнгил берган эй бебошларим,
Мени эслаб туринг, синфдошларим.
Шўхликларда қолди куй-у, наволар,
Энди кўксимизга тегмас ҳаволар,
Ўрганган кўнгилни, ким ҳам даволар,
Пушаймонда юрманг, эй сирдошларим,
Мени эслаб туринг, синфдошларим.
Бечора юракка сўзим ўтмайди,
Баъзида сабрни ичга ютмайди,
Висолнинг талаби жонни қийнайди,
Севгимни билмаган, бағри тошларим,
Мени эслаб туринг, синфдошларим.
Севиб нигорига гуллар тутмаган,
Уялиб олдидан бир бор ўтмаган,
Нозик қўлларидан, аста тутмаган,
Афсусни қон ютманг, афсусдошларим,
Мени эслаб туринг, синфдошларим.
Бошим олиб энди Бегзодга борай,
Унинг қаламига дардимни ёрай,
Шу бой қизга кўнгил бермай, мен ўлай,
Дея алам чеккан парта дошларим,
Мени эслаб туринг синфдошларим.
Бегзод ЖУМАНОВ
1 май 2020 йил
НИМА ҲАМ ҚИЛАРДИНГ...!
Нима ҳам қилардинг мен сени севсам,
Оташдек қалбимни бир сенга берсам.
Нима ҳам қилардинг айтгинчи менга,
Уч дея мусаффо осмонинг бўлсам.
Қара мен қуёшман, қўшиқман, куйман,
Дардингни қалбингдан юлиб артгувчи.
Ақлингга сиғмаган рўёман, ўйман,
Севгимни шеърдайин тоза айтгувчи.
Шиддатли денгизман, ёлғиз юлдузман,
Томчиман кипригинг устига қўнган.
Мағрурман, ғурурман, ор ва номусман,
Жамолинг олдида самодек тинган.
Ёлғончи эмасман, ёмон эмасман,
Аслида бир ошиқ, шоир йигитман.
Гўзал қизчаларга ҳавасман орзу,
Сен учун муҳаббат, садоқат, бахтман.
Нима ҳам қилардинг, не қилар эдинг,
Лабингдан бўсангни ўғирлаб қочсам.
Нима ҳам қилардинг қалбим эшигин,
Санамларга эмас бир сенга очсам.
Бир дилман, кўнгилман, яна булбулман,
Тунда ҳам, тонгда ҳам сени куйлаган.
Фақат бу бечора, бу хаста юрак,
Энг сўнгги жонда ҳам сени ўйлаган.
Бегзод ЖУМАНОВ
@QashChl
ОДДИЙ ОДАМ
Мен оддий одамман, оддий фуқаро,
Шекспир эмасман, Пушкин ҳам эмас.
Аммо, улардайин шу олам аро,
Эртага ортимдан номим қолса бас.
Дантесдек зўравон эмасман асло,
Кимнидир ўлдириб яшай олмайман.
Ёки ул Пушкиннинг ҳуркак жаҳлини,
Ўзимнинг йўлимга тўшай олмайман.
Томпсоннинг йўрғаси керакмас менга,
Югуриб турса бас олтин қаламим.
Қайси бирин айтай дўстгинам сенга,
Отелло ўлдирса бегуноҳ ёрин.
Бошқача қарама кўзимга асло,
Бўшанггина дея, ўйлама мани.
Титратиб юборар билиб қўй ҳатто,
Баъзи ёзганларим Дездемонани.
“Қалдирғоч Қўшиғи” китобидан.
Бегзод ЖУМАНОВ
👇👇👇
@QashChl
«Бекажон» журналига шеъримни чоп этишибди, раҳмат каттакон, Бекажон ходимларига.
ҲАЙИТ МУБОРАК
Ниятингиз амалга ошсин,
Яна тўлсин орзуга юрак.
Эй менинг ҳур рўзадор дўстим,
Ҳайит айём сизга муборак.
Оллоҳимга шукурлар бўлсин,
Дилга солди сабру садоқат.
Рўза тутган эй ота-онам,
Ҳайит айём сизга муборак.
Армон билан бошламанг сўзни,
Ҳидоятга бўлинг муштарак.
Эй муҳтарам азиз юртдошим,
Ҳайит айём сизга муборак.
Эзгуликдан янграсин овоз,
Кўнгил кўзи очилсин фақат.
Муслима-ю муслим диндошим,
Ҳайит айём сизга муборак.
Бегзод ЖУМАНОВ
24 май 2020 йил
МУБОРАК БЎЛСИН
Янги кун дилларга киритсин қувонч,
Оппоқ орзуингиз нурларга тўлсин.
Юзингизга ажин бермасин ўкинч,
Ҳайит айёмингиз муборак бўлсин.
Ташвишингиз дилдан супуриб ташланг,
Ғамсиз, аламларсиз кўзингиз кулсин.
Роббимнинг олдида гуноҳсиз туринг,
Ҳайит айёмингиз муборак бўлсин,
Юракни янчмасин бир қора қуёш,
Уруш-жанжаллар ҳам муддати ўлсин,
Кўзингиздан сира тўкилмасин ёш,
Ҳайит айёмингиз муборак бўлсин.
Аллоҳ марҳамати бу буюк шу кун,
Сўкиш ҳам гуноҳли нодонлар билсин.
Худоим заминга тушган кун бу кун,
Ҳайит айёмингиз муборак бўлсин.
Бегзод ЖУМАНОВ
“Қалдирғоч қўшиғи” китобидан.
@QashChl