اختبار فني محاسبة CAT

👇🏼 نماذج أسالة للتدريب ✍️

———————————————-

☝🏻تجارب المختبرين☝🏻 في اختبار فني محاسبة دفعة 2 عام 2022

تكاليف الانتاج التام كثير اسأله عليه

اقدر اقول ثلث الاختبار عباره عن محاسبة التكاليف والاوامر الانتاجيه والمراحل

بصراحة الاختبار اسهل من الدوره الاولى في شهر فبراير او يمكن لاني اخذت فكره عن الاختبار سابقاً واستسهلت اختبار اليوم، الاسئله متنوعه وفيها نصيب من النظري، المراحل الانتاجيه والاوامر جات اسئله كثير عليها سؤال نهاية الخدمة وسؤال صافي التدفقات النقديه بالطريقه الغير مباشره، نصيب شريك، حساب المدينون بعد التسويات، جاء كم سؤال عن التغير في التقديرات، برضو كم سؤال عن الاثر في القوائم الماليه، سؤال عن نقطة التعادل، تسويه بنكيه وكان غير مباشر( رفع ضغطي شويه)، فيه سؤال جاء كذا ايش البند الغير متضمن من قائمة الدخل الشامل، سؤال عن معيار الاطراف ذو العلاقه

الاختبار اليوم بصراحة الاسئله كانت ثقيلة وأول شي الأسئلة اللي جات كلها أسئلة غير مباشرة ما هي نفس أسئلة نهاية الوحدة الموجودة في كتاب فني محاسبة جايبينها بطريقة غير جدا فيها مليانة تركات و بطريقة غير مباشرة ويجيب لك أشياء معكوسة مثلا يجيب لك الرصيد النهائي في نهاية السنة حق الإيرادات المقدمة وحق ايرادات الخدمات ويعطيك معطيات ويقول لك أبغاك تقول لي كم كان رصيد الإيراد المقدمة ويقلك خلال ربع سنة السابقة بدء من هناك الايراد هذا ويسالك ايش هيا قيود الي حتنعمل في نهاية سنة يعني جايبها معكوسة مافي ابدا اسلوب زي كذا في الكتاب يعني اذا مو فاهم وكمان مركز وما عندك قدره عاليه من الاستنتاج الافكار المختلفه حتعاني مره لاتحسب حيجيك بنفس اسلوب الكتاب الى في فصل تكاليف فقط جات بنفس اسلوب الاسالة الي جات👇🏼👇🏼👇🏼 ‏جاء سوال عن تعريف شجرة الحسابات ‏قائمة المركز المالي ما جاء عليها ولا سؤال قائمة الربح والخسارة ما جاء عليها أي سؤال قائمة التدفق فقات النقدية جاء عليها سؤال واحد بالطريق الغير مباشره قائمة دخل الشامل الاخر جاء سؤال اعطاك ٤ بنود ويقلك اي واحد فيهم ليس من صمن القائمة. ‏قائمة التغيرات في حقوق الملكية جاء سؤال عن الأرباح المبقاة في حالة كان في صافي ربح في توزيعات ارباح ‏جاء سؤال عن التغيرات في السياسات في حالة انه عندك أصل تستخدم استخدام شخصي وبعد مرور كم سنة قررت إنك أنت تبيع لشخص آخر فهل في هذه الحالة يعتبر تغيير في السياسات أم تغير في التقديرات أو لا يعتبر واحدة منهم التسوية، النقدية جاء عليها سؤال واحد اعطاني رصيد النقدية بعد التسوية ويبغى منك رصيد النقدية قبل التسوية وأعطاك معطيات ‏بالنسبة للفصل حق حقوق الملكية ما جاء أي سؤال على انضمام شريك أو انسحاب شريك بالشهره او بعدم شهرة كل هذا ما جاء جاء فقط سؤال واحد عن موضوع طريقة توزيعات الأرباح في حاله ان شريكين يملكونها وكل واحد عنده راس مال مختلف وصار عمليات خلال السنه عليهم ‏جاء سؤال عن ايجاد قيمه مصروف الديون آخر المدة ، والمعطيات كانت: حساب المديون وفي مخصص مديون وفي نسبة معينة لي حساب مخصص الديون حقت السنه الحالية وفي ديون معدومه وديون حصلت مبالغها ‏جاء سؤالين في الاستهلاك كانت على طريقة القسط المعجل والثاني قسط ثابت ويطلبك منك مصروف الاستهلاك او القيمه الدفترية للاصل وفي واحد منهم قلك بعد مرور سنتين تم تغيير التقدير للعمر الاصل واتغير العمر الانتاجي للاصل ويبغى منك تجيب كم حيكون مصروف استهلاك🤦‍♂️ فصل ‏الأصول غير الملموسة و فصل الالتزامات كااااملا المتداولة والغير متداولة ما جاء عليهم أي سؤال تم السحب عليييه شيء غريب مع انه فصل دسم وطويل في كتاب فني ‏جاء سؤال عن احتساب مكافأة نهاية الخدمة مثال 10 موظفين بدء براتب معين وخلال السنه 5 منهم اترقو وبعد فترة معينه واحد من الخمسه كمان اترقى كم راح تكون مكافئتهم كلهم بعد 10 سنوات جات تقريبا ثلاث أسئلة عن عقود الإيجار ‏جاء سؤال واحد عن الأطراف ذات العلاقة والإجابة كانت أنه كل هذه الشركة تعتبر ذات علاقة مع شركتنا بسبب ان بعضهم كان يملكها شخص موجود في الشركة حقتنا وبعضهم هم الوحيدين كانوا نحن نورد لهم ‏وبالنسبة لي فصل التكاليف جا منه طبعا أسئلة جدا تقريبا 40% من الأسئلة كانت كلها تكاليف فما أقدر اتكلم بالضبط عن ايش لكن كل شي جاء منه ‏وبالنسبة لفصل النسبة المالية جاء سؤال واحد فقط عن نسبة معدل تغطيه الفوائد وكان مباشر وبسيط من تجربتي للاختبار في فترة الحاليه وتجارب الناس السابقه للاختبار الاساله قاعد تتغير كل فترة فلا تعتمد بشكل كبير على الموضوع هاذ ولكن في شي ثابت ان قسم التكاليف يشكل جزء كبير من الاختبار. مع الشكر