ALRISALAH | ibratli kanal

#ибрат Кўзи ожиз, лекин қалб кўзи равшан инсонлар… Кўзимиз кўриб турса-да, турли хил баҳона қилаётганларимиз, кўзингизни очинглар. Қиёмат куни Аллоҳдан албатта сўраламиз. «Кўриш неъматини бермаган бандам ҳам ўқишни ўрганди. Сенга кўриш неъматини берган эдим, нимага ўқишни ўрганмадинг?!» деса, нима деб жавоб берамиз? @quranuz-kanali @ALRISALAH_UZ

Брайл ёзувида Қуръонни таълим бераётган устоз Қозоғистонлик Асқар Саҳиров Брайл ёзувида Қуръонни таълим бериш бўйича Малайзия Халқаро Университетини тамомлаган. Ҳозирда бутун умрини кўзи кўрмайдиган инсонларга Қуръон ўқишни ўргатишга бағишлаган.  Илгари Брайл алифбосини ўқий оладиган қори йўқ эди, энди Малайзияда айнан шу йўналиш бўйича мутахассисликни эгаллаган Асқар Қозоғистонда дарс бошлади. Дарс жараёнларидан лавҳаларни видеода кўришингиз мумкин. #янгилик @quranuz-kanali @ALRISALAH_UZ

Брайл ёзувида Қуръонни таълим бераётган устоз Қозоғистонлик Асқар Саҳиров Брайл ёзувида Қуръонни таълим бериш бўйича Малайзия Халқаро Университетини тамомлаган. Ҳозирда бутун умрини кўзи кўрмайдиган инсонларга Қуръон ўқишни ўргатишга бағишлаган.  Илгари Брайл алифбосини ўқий оладиган қори йўқ эди, энди Малайзияда айнан шу йўналиш бўйича мутахассисликни эгаллаган Асқар Қозоғистонда дарс бошлади. Дарс жараёнларидан лавҳаларни видеода кўришингиз мумкин. #янгилик @quranuz-kanali @ALRISALAH_UZ

ҲАЙЗ КЎРГАНДА ҚАБРИСТОНГА БОРСА БЎЛАДИМИ? #қисқа_савол_жавоблар ❓CАВОЛ: Аёл киши ой кунлари келган вақтда қабристон зиёратига борса бўладими? 💬 ЖАВОБ: Бисмиллаҳир Роҳманир Роҳим. Бўлади. "Баҳрур роиқ" китобида қуйидагича келтирилади: (قولہ: ودخول مسجد) أی یمنع الحیض دخول المسجد وکذا الجبانة وخرج بالمسجد غیرہ کمصلی العید والجنائز والمدرسة والرباط فلا یمنعان من دخولہا، Ҳайз, аёл кишини масжидга киришдан ман қилади. Шунингдек жунублик ҳам. "Масжидга" дейиш билан ундан бошқа, ҳайитгоҳ, мадраса ва қабристон каби жойлар бундан мустасно бўлади.(1 жилд, 205 бет). Яъни ҳайз кўрган аёл мазкур жойларга ҳайз кўрган вақтларда ҳам кириши мумкин бўлади. Валлоҳу аълам. Ўзбекистон мусулмонлари идораси Фатво ҳайъати. 👇🏾👇🏾 @ALRISALAH_UZ

ТАЛОҚНИ ҚАНДАЙ АЙТАДИ? #қисқа_савол_жавоблар ❓CАВОЛ: Эркак киши аёли билан ажрашса талоқни қандай айтади? Уч талоқсан дейдими ёки талоқсан дейдими? 💬 ЖАВОБ: Бисмиллаҳир Роҳманир Роҳим. Талоқсан деса ҳам талоқ тушади. Уч талоқ деб бирданига учта талоқни бир лафзда айтиш гуноҳ саналади. Валлоҳу аълам. Ўзбекистон мусулмонлари идораси Фатво ҳайъати. 👇🏾👇🏾 @ALRISALAH_UZ

#Диний_савол_жавоб Эрим икки ҳафтада бир онамни кўриб келишга рухсат бермайди. Шу тўғрими?

Muhammad Ayyub domla HOMIDOV

👇🏾👇🏾 @ALRISALAH_UZ

#Қироат 📖 Гўзал тиловатдан баҳраманд бўлинг! 📖 МУРСАЛААТ сураси (Маккада нозил бўлган, 50 оятдан иборат) 🎙 Хуршид қори Аҳлиддин ўғли Мир Араб олий мадрасаси талабаси 👇🏾👇🏾 @ALRISALAH_UZ

«Одамзоднинг асли-зуваласи сувдан ва тупроқдандир. Бир кишининг табиатида сув унсури ғолиброқ бўлади. Уни латифлик ва риёзат билан тарбият қилмоқ лозим. Агар унга дағаллик билан муомала қилинса, у ўзгаради – айнийди, сўнг мақсадга етиб бўлмайди. Бошқа бир кишининг табиатида эса тупроқ унсури ғолиброқ бўлади, уни оёқ билан тепкилаб, унга қаттиқлик билан муомала қилмоқ лозим, токи у бир нарсага ярасин». Ҳазрат Абу Бакр Варроқ Термизий 👇🏾👇🏾 @ALRISALAH_UZ

ГАРОВДА ЮТИБ ОЛИНГАН НАРСА ҲАЛОЛМИ? #ҳалол-ҳаром ❓352-CАВОЛ: Дўстларим бир нарсадан баҳслашишган экан. Ютганга уч почка писта (семечка) олган экан. Мен аралашмаган эдим. Баҳс боғлаш ҳаром эканини биламан. Ютган шу пистадан менга ҳам беришган эди. Бу менга ҳам ҳаром ҳисобланадими? Агар шундай бўлса, бунга қандай чора кўрай? 💬 ЖАВОБ: Бисмиллаҳир Роҳманир Роҳим. Баҳс боғлаш (гаров)нинг қуйидаги тури ҳаром ҳисобланади: агар сен ютсанг мен сенга 1000 сўм (масалан) бераман, агар мен ютсам сен менга 1000 сўм берасан, дейиш. Мана шундай гаров боғлаш қимор ҳисобланади. Берган ҳам, олган ҳам гуноҳкор бўлади. Ҳадиси шарифда Расули акрам саллаллоҳу алайҳи васаллам: ... ومن قال لصاحبه تعال أقامرك فليتصدق (رواه الإمام البخاري عن أبي هريرة رضي الله عنه) Яъни: “Ким шеригига кел қимор ўйнаймиз, деса, дарҳол садақа қилсин”, – деганлар. (Имом Бухорий ривоятлари). Шу гапни айтишни ўзи учун садақага буюриляпти. Ўйнашни ўзини нақадар гуноҳ эканини тасаввур қилаверинг. Сиз билмай еган бўлсангиз, истиғфор айтинг. Билиб еган бўлсангиз, қимор билан топилган маблағ ютиб олган томоннинг мулкига кирмагани учун, ютқазганга маблағини қайтариб бериш керак бўлади. Чунки у нарсалар ютқазганнинг мулки ҳисобланади. Валлоҳу аълам. Ўзбекистон мусулмонлари идораси Фатво ҳайъати. 👇🏾👇🏾 @ALRISALAH_UZ

ДИН НОМИДАН ЁЛҒОН ТЎҚИШ #ҳалол-ҳаром ❓351-CАВОЛ: Ҳурматли устозлар. Мана шундай хабар тарқалди. Бу қанчалик асосга эга? Хабар матни қуйидагича: “3-25 тонгда ой Кааба атрофидан айланиб утади ва осмон ерик булади! Бу кабул вакти булиб, 100 минг йилда бир келади! Оллохдан хохлаганини сураса булади!! Буни хамма якинларингизга юборинг, хамма билсин! Бугун тулик ой кунлари бошланяпти- дардларга шифо бериладиган вакт боши! Хеч нарса сураманглар, оддий кабул этинглар...эй улуг Зот, дуне Хукумдори, хамма нарсани содир килган, сендан илтижо киламан мени едингда тут, мендан ва менинг хонадонимдан утиб кетма! Мендан хамма ташвишларим ва дардларини олиб, менга ва ойилам дардларимизага даво бер! Омин! Бу жуда кучли дуо! 12 нафар якинларингизга жунатинг”. Илтимос шунга аниқлик киритиб берсангиз? 💬 ЖАВОБ: Бисмиллаҳир Роҳманир Роҳим. Бу қандай бир жаҳолат, қандай бир одамларни диндан чалғитиш бўлди?! Ўзи мелодий йил бўйича 2 минг йил ўтган бўлса, мелоддан аввал ҳам 2 минг йил ўтган дейлик, ажабо 100 минг йилда бир келадиган воқеа қандай аниқланибди?! Бунинг устига дуоларимизнинг қабул бўлиши бирор сайёранинг ерга яқинлашишига боғлаб қўйилганми?! Бирорта ояти карима ёки ҳадиси шарифда дуоларнинг сайёралар ҳаракатига боғланган жойи борми?! Сайёрамизга қандайдир бошқа сайёра яқинлашди ҳам дейлик, буни динимизга нима алоқаси бор? Айнан ўша пайтда дуо қилишга чақиришга қандай асос бор?! Пайғамбаримиз алайҳиссалом омонат билан бизга барча дуолар ижобат бўладиган вақт, ҳолат ва маконларни баён қилганлар. Дуо қабул бўлиши учун 100 минг йил кутиш шарт эмас. Ҳар соатда, ҳар бир мақбул ибодатдан кейин, ҳар кундуз, ҳар кечада дуо ижобат бўлади. Фақат бунинг учун шариатга мувофиқ дуо қилинса бўлгани. Дин мавзусида бирор гапни айтиш Аллоҳ ва Унинг Расули тарафидан гапириш ҳисобланади. Бунда ўта эҳтиёткор бўлиш керак. Бу каби асоссиз маълумотларни тўқиш ёки аслини суриштирмай бу каби сафсаталарни гапириш Аллоҳ ва Унинг Расулига ёлғон тўқиш бўлади. Бу ҳақида эса Аллоҳ таоло Қуръони каримнинг “Анъом” сурасида шундай деган: وَمَنْ أَظْلَمُ مِمَّنِ افْتَرَى عَلَى اللّهِ كَذِبًا أَوْ قَالَ أُوْحِيَ إِلَيَّ وَلَمْ يُوحَ إِلَيْهِ شَيْءٌ وَمَن قَالَ سَأُنزِلُ مِثْلَ مَا أَنَزلَ اللّهُ وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ وَالْمَلآئِكَةُ بَاسِطُواْ أَيْدِيهِمْ أَخْرِجُواْ أَنفُسَكُمُ الْيَوْمَ تُجْزَوْنَ عَذَابَ الْهُونِ بِمَا كُنتُمْ تَقُولُونَ عَلَى اللّهِ غَيْرَ الْحَقِّ وَكُنتُمْ عَنْ آيَاتِهِ تَسْتَكْبِرُونَ۝ “Аллоҳга нисбатан ёлғон тўқиган ёки унга ҳеч нарса ваҳий қилинмаса ҳам, «Менга ваҳий қилинди», деган ёхуд «Аллоҳ нозил қилган нарсага ўхшаш нарсани мен ҳам нозил қиламан», деган кимсадан кўра золимроқ ким бор? Золимларнинг ўлим талвасасида турган пайтларини, фаришталарнинг «Жонингизни чиқаринг! Бугунги кунда Аллоҳга нисбатан ноҳақ гап айтганларингиз учун ва Унинг оятларидан мутакаббирлик қилиб юрганингиз учун хорлик азоби ила жазоланурсиз», – дея уларга қўл чўзиб турганларини кўрсанг эди". Шунингдек, Аллоҳ таоло “Ҳуд” сурасида шундай марҳамат қилган: وَمَنْ أَظْلَمُ مِمَّنِ افْتَرَى عَلَى اللّهِ كَذِبًا أُوْلَئِكَ يُعْرَضُونَ عَلَى رَبِّهِمْ وَيَقُولُ الأَشْهَادُ هَؤُلاء الَّذِينَ كَذَبُواْ عَلَى رَبِّهِمْ أَلاَ لَعْنَةُ اللّهِ عَلَى الظَّالِمِينَ۝ “Аллоҳга нисбатан ёлғон тўқиган кимсадан кўра золимроқ ким бор? Ана ўшалар Роббларига рўбарў қилинурлар ва гувоҳлар айтурлар: «Манавилар Роббларига нисбатан ёлғон гапирганлардир. Огоҳ бўлингким, Аллоҳнинг лаънати золимларгадир”. Аслини олганда, ёлғон катта гуноҳ. Энди ўша ёлғон улуғ Зотнинг – Аллоҳ таолонинг шаънига айтилса, яна ҳам катта гуноҳ бўлади. Ундай ишни қилган кишилар золимларнинг золими бўлади. Хуллас, мана шундай ботил, ёлғон хабарлар тарқатувчилар ўзларини ўнгласинлар ва қаттиқ тавба қилсин. Диний мазмундаги турли хил тўқима маълумотларни тарқатиб, уни бошқаларга улашишга тарғиб қилишлари Қиёматда ўзларининг зарарларига ҳужжат бўлади. Валлоҳу аълам. Ўзбекистон мусулмонлари идораси Фатво ҳайъати. 👇🏾👇🏾 @ALRISALAH_UZ