ក្រុមមេធាវី ឌឹ ខ័រ ll THE CORE Law Group

អបអរសាទរ ខួប ១ឆ្នាំ​ នៃការចុះបញ្ជីបូជនីយដ្ឋាន​​ចង​ចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និង សន្តិភាព ទៅក្នុងបញ្ជីបេតិកភណ្ឌពិភពលោក ។ ការចុះញ្ជីបូជនីយដ្ឋាន​​ចង​ចាំនៃកម្ពុជា មានគោលបំណងការពារបូជនីយដ្ឋានចងចាំនៃកម្ពុជា និងគាំទ្រដល់ដំណើរការរៀបចំដាក់ទីតាំងចំនួនបី ទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ រួមមាន អតីតមន្ទីរឃុំឃាំង១៣ (ខេត្តកំពង់ស្ពឺ) សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលឧក្រិដ្ឋកម្មប្រល័យពូជសាសន៍ជើងឯក (ស្ថិតនៅរាជធានីភ្នំពេញ)។ ១១ កក្កដា ២០២៥ - ១១ កក្កដា ២០២៦

រីករាយខួបកំណើត លោក ស៊ុន លៀងហេង ប្រធានក្រុមមេធាវី ឌឹ ខ័រ —————————————— នៅក្នុងឱកាសដ៏វិសេសវិសាលនេះ សមាជិក សមាជិកា ព្រមទាំងក្រុមជំនួយការទាំងអស់នៃ «ក្រុមមេធាវី ឌឹ ខ័រ» សូមលំឱនកាយគោរពជូនពរជ័យ សិរីសួស្ដី មហាប្រសើរ ជូនចំពោះ លោកប្រធានមេធាវី សូមទទួលបាននូវភាពជោគជ័យដ៏ត្រចះត្រចង់ និងការរីកចម្រើនកាន់តែខ្លាំងក្លាក្នុងគ្រប់ភារកិច្ចការងារ មានសុខភាពល្អបរិបូរណ៍ កម្លាំងពលំមាំមួន និងសូមបួងសួងជូនពរ លោកប្រធានមេធាវី ព្រមទាំងក្រុមគ្រួសារ ជួបប្រទះតែនឹងពុទ្ធពរទាំង ៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

អបអរសាទរខួបលើកទី ១៨ប្រាសាទព្រះវិហារ ត្រូវបានដាក់ចូលក្នុងបញ្ជីបេតិកភណ្ឌពិភពលោករបស់អង្គការយូណេស្កូ ០៧ កក្កដា ២០០៨ - ០៧ កក្កដា ២០២៦

កម្មវិធី The Flexi សប្តាហ៍ទី១៦ នៃឆ្នាំ២០២៦៖ ប្រធានបទ «ប្រវត្តិសាស្រ្តខ្មែរក្រោយសម័យអង្គរ» ដែលធ្វើបទបង្ហាញដោយ កញ្ញា ធឿន ស្រីពេជ្រ និងកញ្ញា អ៊ុង ពេជ្រដារីកា ជំនួយការនៃក្រុមមេធាវី ឌឹ ខ័រ។ ------------------------------------------- នាថ្ងៃសុក្រ ១២កើត ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៦ ខែមិថុនា ឆ្នាំ២០២៦ វេលាម៉ោង ១០ព្រឹក នៅទីស្នាក់ការក្រុមមេធាវី ឌឹ ខ័រ កញ្ញា ធឿន ស្រីពេជ្រ និងកញ្ញា អ៊ុង ពេជ្រដារីកា ជំនួយការមេធាវីនៃក្រុមមេធាវី ឌឹ ខ័រ បានលើកយកប្រធានបទ «ប្រវត្តិសាស្រ្តខ្មែរក្រោយសម័យអង្គរ» ដកស្រង់ចេញពីសៀវភៅ «ប្រវត្តិសាស្រ្តខ្មែរក្រោយសម័យអង្គរ» ដែលនិពន្ធដោយសាស្រ្តាចារ្យ ត្រឹងងា ក្រោមកម្មវិធី The Flexi (Reading Club)។ តាមរយៈបទបង្ហាញនេះ កញ្ញា ធឿន ស្រីពេជ្រ និងកញ្ញា អ៊ុង ពេជ្រដារីកា បានលើកយកនូវចំណុចសំខាន់៤ រួមមាន៖ ១. ការផ្លាស់ប្តូររបត់ប្រវត្តិសាស្ត្រ៖ ក្រោយការដួលរលំនៃមហានគរឆ្នាំ១៤៣១ ខ្មែរបានផ្លាស់ប្តូររាជធានីមកភាគខាងត្បូង និងចាប់ផ្តើមកសាងក្រុងចតុមុខ (ភ្នំពេញ)។ ២. វិបត្តិផ្ទៃក្នុង និងឥទ្ធិពលបរទេស៖ ជម្លោះដណ្តើមអំណាចដ៏ស្រួចស្រាវក្នុងរាជវង្ស បានបើកផ្លូវឱ្យប្រទេសជិតខាងចូលមកជ្រៀតជ្រែកកិច្ចការផ្ទៃក្នុងជាតិ។ ៣. មោទនភាពសម័យលង្វែក៖ ក្នុងរជ្ជកាលព្រះបាទច័ន្ទរាជា ខ្មែរបានពង្រឹងកម្លាំងមហាសាល និងវាយរំដោះដែនដីភាគខាងលិចត្រឡប់មកវិញយ៉ាងមានឥទ្ធិពល។ ៤. មេរៀនប្រវត្តិសាស្ត្រដ៏ជូរចត់៖ ការបែកបន្ទាយលង្វែកឆ្នាំ១៥៩៣ គឺជាការបាត់បង់ដ៏ធំធេងទាំងក្បួនខ្នាត និងធនធានមនុស្ស ដែលធ្វើឱ្យប្រទេសជាតិចុះទន់ខ្សោយ។ កម្មវិធី The Flexi នេះត្រូវបានបង្កើតឡើងតាមគំនិតផ្តួចផ្តើមរបស់ប្រធានក្រុមមេធាវី ឌឹ ខ័រ ក្នុងគោលបំណងចែករំលែកចំណេះដឹងគ្នាទៅវិញទៅមក រវាងសមាជិកនៃក្រុមមេធាវី ពាក់ព័ន្ធនឹងសៀវភៅផ្សេងៗដែលមានដូចជា សៀវភៅចំណេះដឹងទូទៅ សៀវភៅសេដ្ឋកិច្ច សៀវភៅជំនួញ សៀវភៅអាជីវកម្ម សៀវភៅយុទ្ធសាស្ត្រទីផ្សារ សៀវភៅទាក់ទងផ្នែកច្បាប់ និងសៀវភៅចំណេះដឹងផ្សេងៗជាច្រើនទៀត។ “អានច្រើន ចេះច្រើន យល់ច្រើន ស្តាប់ច្រើន រួមគ្នារីកចម្រើន និងទទួលផលច្រើន!”

ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា​ ២០២៦ ————————————————— រួមគ្នាប្រយុទ្ធប្រឆាំងនឹងគ្រឿងញៀន ដើម្បីអនាគតភ្លឺស្វាង និងសង្គមដែលមានសុវត្ថិភាព។ ការយល់ដឹង និងការចូលរួមពីមនុស្សគ្រប់រូប គឺជាកម្លាំងដ៏សំខាន់ក្នុងការទប់ស្កាត់ និងលុបបំបាត់គ្រោះថ្នាក់នៃគ្រឿងញៀន។

រីករាយទិវាលោកឪពុក Happy Father’s Day ! ——————————————- ទិវាលោកពុក ត្រូវបានប្រារព្ធធ្វើឡើងដើម្បីរម្លឹក និងឧទ្ទិសដល់គុណូបការៈរបស់ឪពុក និងបុរសដែលដើរតួនាទីជាអ្នកចិញ្ចឹមបីបាច់គ្រប់រូប។ ទិវាលោកឪពុក មិនមែនជាប្រពៃណីរបស់ខ្មែរយើងនោះទេ ប៉ុន្តែជារៀងរាល់ឆ្នាំមានមនុស្សម្នានៅក្នុងប្រទេសជាច្រើនលើពិភពលោក រួមនឹងកម្ពុជាផងដែរ បាននាំគ្នាប្រារព្ធទិវានេះឡើងតាមរូបភាពផ្សេងៗគ្នា។ ទិវាលោកឪពុក មិនមានកំណត់កាលបរិច្ឆេទក្នុងការរៀបចំច្បាស់លាស់នោះឡើយ គឺខុសគ្នាទៅតាមប្រទេសនានាជាច្រើន ប៉ុន្តែនៅសហរដ្ឋអាមេរិក និងប្រទេសមួយចំនួនធំ គេនិយមប្រារព្ធទិវានេះ នៅចំថ្ងៃអាទិត្យ សប្តាហ៍ទី៣ នៃខែមិថុនា ហើយឆ្នាំនេះ ត្រូវចំថ្ងៃអាទិត្យ ទី២១ ខែមិថុនា ឆ្នាំ២០២៦។ ទិវាលោកឪពុក ដំបូងបំផុត ត្រូវបានគេប្រារព្ធធ្វើឡើងនៅថ្ងៃទី១៩ ខែមិថុនា ឆ្នាំ១៩១០ ក្នុងរដ្ឋវ៉ាស៊ីតោន ពោលគឺមានរយៈពេល ១១៦ឆ្នាំហើយ គិតមកដល់ឆ្នាំ២០២៦នេះ។

សូមថ្វាយព្រះរាជសព្ទសាធុការពរ បវរមហាប្រសើរថ្វាយ សម្តេចព្រះមហាក្សត្រី នរោត្តម មុនិនាថ សីហនុ ក្នុងឱកាសព្រះរាជពិធីចម្រើនព្រះជន្មាយុ ៩០ យាងចូល ៩១ ព្រះវស្សា សូមទ្រង់ព្រះប្រកបដោយព្រះរាជសុខភាពល្អបរិបូរណ៍ ព្រះកាយពលំមាំមួន ព្រះជន្មាយុយឺនយូរជាងរយព្រះវស្សា ដើម្បីទ្រង់គង់ប្រថាប់ជាម្លប់ដ៏ត្រជាក់ត្រជំ និងសេចក្តីសុខក្សេមក្សាន្ត ដល់ប្រជានុរាស្ត្ររបស់ព្រះអង្គជានិច្ចនិរន្តរ៍តរៀងទៅ។

សេចក្ដីជូនដំណឹង ស្ដីពី ការឈប់សម្រាកក្នុងឱកាស ព្រះរាជពិធីបុណ្យចម្រើនព្រះជន្ម សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ————————————————— ក្រុមមេធាវី ឌី ឌ័រ (The CORE Law Group) សូមជម្រាបជូនដំណឹងដល់មេធាវី ទីប្រឹក្សា ជំនួយការ ក្រុមហ៊ុនជាដៃគូ អតិថិជន និងសាធារណជនទាំងអស់ឱ្យបានជ្រាបថា៖ ក្រុមមេធាវី ឌឹ ខ័រ នឹងឈប់សម្រាកសម្រាប់រយៈពេល ០១(មួយ)ថ្ងៃ គឺថ្ងៃទី១៨ ខែមិថុនា ឆ្នាំ២០២៦ ហើយនឹងបើកដំណើរការវិញជាធម្មតានៅថ្ងៃទី១៩ ខែមិថុនា ឆ្នាំ២០២៦។ សេចក្ដីដូចបានជម្រាបជូនខាងលើ សូម មេធាវី ទីប្រឹក្សា ជំនួយការ ក្រុមហ៊ុនជាដៃគូ អតិថិជន និង សាធារណជនទាំងអស់មេត្តាជ្រាបជាព័ត៌មាន។

អបអរសាទរខួបលើកទី ៦៤ ថ្ងៃដែលតុលាការយុត្តិធម៌អន្តរជាតិ (ICJ) ក្រុងឡាអេ បានសម្រេចឱ្យព្រះរាជាណាចក្រកម្ពុជា ឈ្នះក្តីលើប្រទេសថៃក្នុងសំណុំរឿងក្តី ប្រាសាទព្រះវិហារ និងជាម្ចាស់កម្មសិទ្ធិលើ ប្រាសាទព្រះវិហារ។ សាលក្រម ICJ ថ្ងៃទី១៥ មិថុនា ១៩៦២ បានសម្រេចថា ប្រាសាទព្រះវិហារ ស្ថិតនៅក្នុងទឹកដីក្រោមអធិបតេយ្យភាពរបស់កម្ពុជា ដោយផ្អែកលើការបកស្រាយ មាត្រា ១ និងមាត្រា ៣ នៃសន្ធិសញ្ញាបារាំង–សៀម ឆ្នាំ១៩០៤ និងសុពលភាពនៃផែនទីឧបសម្ព័ន្ធទី១ ដែលបង្ហាញខ្សែព្រំដែនដាក់ប្រាសាទព្រះវិហារនៅក្នុងទឹកដីកម្ពុជា។ ១៥ មិថុនា ១៩៦២ - ១៥ មិថុនា ២០២៦ #PreahVihearTemple

សេចក្តីប្រកាសព័ត៌មាន ស្តីពីការពង្រឹងសមត្ថភាព និងការចែករំលែកចំណេះដឹង រៀបចំឡើងដោយ ក្រុមមេធាវី ឌឹ ខ័រ (THE CORE LAW GROUP) ប្រចាំខែឧសភា ឆ្នាំ២០២៦

កម្មវិធី The Flexi សប្តាហ៍ទី១៥ នៃឆ្នាំ២០២៦៖ ប្រធានបទ «ប្រវត្តិសាស្ត្រខ្មែរសម័យអង្គរ » ដែលធ្វើបទបង្ហាញដោយ កញ្ញា ទេព សុខម៉ារី និងលោក ហេង សុខគង់ ជំនួយការនៃក្រុមមេធាវី ឌឹ ខ័រ។ ------------------------------------------- នាថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦ វេលាម៉ោង ១០ព្រឹក នៅទីស្នាក់ការនៃក្រុមមេធាវី ឌឹ ខ័រ កញ្ញា ទេព សុខម៉ារី និងលោក ហេង សុខគង់ ជំនួយការមេធាវីនៃក្រុមមេធាវី ឌឹ ខ័រ បានលើកយកប្រធានបទ «ប្រវត្តិសាស្ត្រខ្មែរសម័យអង្គរ» ដកស្រង់ចេញពីសៀវភៅ « ប្រវត្តិសាស្រ្តខ្មែរ » ដែលនិពន្ធដោយលោកសាស្ត្រាចារ្យ ត្រឹង ងា ក្រោមកម្មវិធី The Flexi (Reading Club)។ តាមរយៈបទបង្ហាញនេះ កញ្ញា ទេព សុខម៉ារី និងលោក ហេង សុខគង់ បានចែករំលែកនូវចំណុចសំខាន់មួយចំនួនអំពី៖ ១.- ការឆ្លងកាត់យុគសម័យដ៏រុងរឿង អរិយធម៌ខ្មែរបានបន្សល់ទុកនូវមរតកវប្បធម៌មិនអាចកាត់ថ្លៃបាន។ ចំពោះខ្លឹមសារគឺបានបង្ហាញកាន់តែស៊ីជម្រៅអំពីរបត់ប្រវត្តិសាស្ត្រសំខាន់ៗ ចាប់តាំងពីដំណាក់កាលនៃការកកើតឡើងនៃអាណាចក្រអង្គរ រហូតដល់យុគសម័យនៃការអវសាន។ ២.- អ្វីដែលជាចំណុចស្នូល គឺការបង្ហាញពីវីរភាព និងស្ថាបត្យកម្មដ៏មហស្ចារ្យរបស់បុព្វបុរសខ្មែរជំនាន់ដើម តាមរយៈការកសាងមហាប្រាសាទអង្គរវត្ត ដែលជាអច្ឆរិយវត្ថុដ៏ល្បីល្បាញក្នុងពិភពលោក និងជាសម្បត្តិបេតិកភណ្ឌមនុស្សជាតិ ព្រមទាំងការកសាងប្រាសាទបុរាណដទៃទៀតជាច្រើនពាសពេញផ្ទៃប្រទេស។ ៣.- បន្ថែមលើស្នាដៃផ្នែកសំណង់ស្ថាបត្យកម្ម ខ្លឹមសារនេះក៏បានបើកលាតត្រដាងយ៉ាងលម្អិតអំពីទិដ្ឋភាពទូទៅនៃអរិយធម៌ខ្មែរនាសម័យនោះផងដែរ រួមមាន៖ ប្រព័ន្ធនៃការបែងចែកវណ្ណៈ និងឋានានុក្រមក្នុងសង្គម ទំនៀមទម្លាប់ប្រពៃណី ការគោរពប្រតិបត្តិផ្នែកសាសនា ព្រមទាំងជំនឿបុរាណ ដែលជាគ្រឹះយ៉ាងរឹងមាំក្នុងការដឹកនាំសង្គមជាតិ។ កម្មវិធី The Flexi នេះត្រូវបានបង្កើតឡើងតាមគំនិតផ្តួចផ្តើមរបស់ប្រធានក្រុមមេធាវី ឌឹ ខ័រ ក្នុងគោលបំណងចែករំលែកចំណេះដឹងគ្នាទៅវិញទៅមក រវាងសមាជិកនៃក្រុមមេធាវី ពាក់ព័ន្ធនឹងសៀវភៅផ្សេងៗដែលមានដូចជា សៀវភៅចំណេះដឹងទូទៅ សៀវភៅសេដ្ឋកិច្ច សៀវភៅជំនួញ សៀវភៅអាជីវកម្ម សៀវភៅយុទ្ធសាស្ត្រទីផ្សារ សៀវភៅ។ “អានច្រើន ចេះច្រើន យល់ច្រើន ស្តាប់ច្រើន រួមគ្នារីកចម្រើន និងទទួលផលច្រើន!”

រីករាយថ្ងៃខួបកំណើត កញ្ញា ទេព សុខម៉ារី​ ជំនួយការមេធាវីនៃក្រុមមេធាវី ឌឹ ខ័រ —————— ស្ថាបនិកប្រធាន ប្រធានក្រុមមេធាវី មេធាវី សមាជិក-សមាជិកានៃក្រុមមេធាវី​ រួមទាំងជំនួយការ និងសហការីទាំងអស់ សូមចូលរួមរីករាយក្នុងថ្ងៃកំណើត។ ក្នុងឱកាសដ៏ពិសេសនេះ​​ សូមជូនពរកញ្ញាឱ្យជួបតែសំណាងល្អគ្រប់ជំហាន នាំមកនូវភាពជោគជ័យ កិត្តិយស និងការកោតសរសើរពីអ្នកនៅជុំវិញ។​ សូមឱ្យកញ្ញាមានសុខភាពរឹងមាំ កម្លាំងចិត្តល្អ និងបន្តទទួលបានជោគជ័យក្នុងភារកិច្ចការងារទាំងឡាយ។

កម្មវិធី ឌឹ ហ្វឡិច ស៊ី សប្ដាហ៍ទី១៥ ក្រោមប្រធានបទស្តីពី ប្រវត្តិសាស្ត្រខ្មែរនៅសម័យអង្គរ ដែលធ្វើបទបង្ហាញដោយ កញ្ញា ទេព សុខម៉ារី និងលោក ហេង សុខគង់ ជំនួយការនៃក្រុមមេធាវី ឌឹ ខ័រ —————————————————- សូមជូនដំណឹងដល់ លោក/លោកស្រី ជាមេធាវី និងជំនួយការនៃក្រុមមេធាវី ឌឹ ខ័រ ទាំងអស់ មេត្តាជ្រាបថា៖ នៅថ្ងៃសុក្រ ទី២២ ខែឧសភា ឆ្នាំ២០២៦ វេលាម៉ោង ១០ព្រឹក កញ្ញា ទេព សុខម៉ារី និងលោក ហេង សុខគង់ នឹងធ្វើបទបង្ហាញស្តីពី ប្រវត្តិសាស្ត្រខ្មែរនៅសម័យអង្គរ ក្រោមកម្មវិធី ឌឹ ហ្វឡិច ស៊ី/The Flexi។ អាស្រ័យដូចនេះ សូម លោក/លោកស្រី ជាមេធាវី និងជំនួយការទាំងអស់ មេត្តាអញ្ជើញចូលរួមកុំបីអាកខាន។ សូមអរគុណ

សារលិខិតជូនពរ ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងឱកាសខួបកំណើតជន្មាយុគម្រប់ ៤៥ឆ្នាំ ឈានចូល ៤៦ឆ្នាំ សូមគោរពជូនពរឯកឧត្តម មានសុខភាពល្អបរិបូណ៍ កម្លាំងពលំមាំមួន ប្រាជ្ញាឈ្លាសវៃ ដើម្បីបន្តរួមចំណែកអភិវឌ្ឍន៍ប្រទេសជាតិ កាន់តែរីកចម្រើន។ សូមឯកឧត្តម និង លោកជំទាវ ព្រមទាំងបុត្រ ជួបតែវិបុលសុខ និងប្រកបដោយពុទ្ធពរ ទាំងបួនប្រការ គឺ អាយុ វណ្ណៈ សុខៈ និង ពលៈ កុំបីឃ្លៀងឃ្លាតឡើយ។