Huquqiy axborot | Lotin

#Qonunchilikdagi_yangiliklar

❗️Bolalar sog'lomlashtirish oromgohlarida dam oladigan bolalar qamrovi kengaytiriladi

“Bolalar sog'lomlashtirish oromgohlarida dam oladigan bolalar qamrovini kengaytirishga qaratilgan chora-tadbirlar to'g'risida”gi Prezident Qarori (PQ-199-son, 29.05.2024 y.) qabul qilindi 🔰Qarorga ko'ra, tadbirkorlik subyektlari va xo'jalik yurituvchi subyektlarni jalb etgan holda belgilangan statsionar bolalar sog'lomlashtirish oromgohlari negizida quyidagi mexanizmlar orqali o'zaro manfaatli hamkorlik loyihalari amalga oshiriladi: 🔹oromgohlar hududining bir qismida yangi binolarni qurish yoki mavjud binolarni ta'mirlash va jihozlash sharti bilan oromgohlar bino-inshootlari va yer uchastkalarining bir qismini 15 yilgacha muddatga hamkorlarga ijaraga berish; 🔹oromgohlar hududida yangi binolarni qurish yoki mavjud binolarni ta'mirlash va jihozlash sharti bilan oromgohlar bino-inshootlari va yer uchastkalarini yozgi mavsumdan tashqari paytda foydalanish uchun 10 yilgacha muddatga hamkorlarga ijaraga berish; 🔹oromgohlar hududida yangi binolarni qurish yoki mavjud binolarni ta'mirlash va jihozlash, shuningdek, yozgi mavsum paytida oromgohlar tashkil etish sharti bilan oromgohlar bino-inshootlari va yer uchastkalarini 10 yilgacha muddatga hamkorlarga ijaraga berish. ✔️Bunda mazkur nazarda tutilgan hamkorlik loyihalari O'zbekiston kasaba uyushmalari Federatsiyasi tomonidan ishlab chiqiladigan shartlar asosida hamkorlarga “E-auksion” elektron savdo platformasi orqali taklif etiladi. 🔍 Shuningdek, belgilangan oromgohlarning bino-inshootlari va yer uchastkalarini yozgi mavsumdan tashqari paytda hamkorlarga ijaraga berish orqali ularni o'zini o'zi moliyalashtirish tizimiga o'tkaziladi. Kanalga ulanish👇👇👇 https://t.me/huquqiyaxborot_lotin

#Qonunchilikdagi_yangiliklar

❗️Fiskal huquqbuzarliklar sodir etganlik uchun qo'llaniladigan moliyaviy sanksiyalar miqdorlari kamaytirildi

Qonun (O'RQ-927-son, 29.05.2024 y.) bilan Soliq kodeksiga o'zgartirish kiritildi 🔰Unga ko'ra: ✔️Fiskal belgilarni aks ettirish yoxud avtomatlashtirilgan hisobga olish o'lchov vositalari bilan jihozlash yoki soliq organlarining axborot tizimlari bilan integratsiya qilinishini ta'minlash bo'yicha qonunchilikda belgilangan talablarni yoki tartibni buzish, shuningdek tovarlarni (mahsulotlarni) ishlab chiqaruvchilar, import qiluvchilar va sotuvchilar tomonidan identifikatsiya vositalari orqali majburiy raqamli markirovkalash qoidalarini buzish: 🔹realizatsiya amalga oshirilgan oxirgi hisobot choragida olingan sof tushumning 2 foizi miqdorida jarima solishga sabab bo'lishi belgilandi. Ilgari realizatsiya amalga oshirilgan oxirgi hisobot choragida olingan sof tushum miqdorida jarima solishga sabab bo'lgan. ✅ Shuningdek, xuddi shunday huquqbuzarlik jarima qo'llanilganidan keyin bir yil davomida takroran sodir etilgan bo'lsa: 🔹realizatsiya amalga oshirilgan oxirgi hisobot choragida olingan sof tushumning 20 foizi miqdorida jarima solishga sabab bo'lishi belgilandi. Ilgari bu qoida mavjud emas edi. ❗️Qonun rasmiy e'lon qilingan kundan e'tiboran kuchga kiradi. Kanalga ulanish👇👇👇 https://t.me/huquqiyaxborot_lotin

#2024_yil_1_iyundan 🔰Qonunchilikka ko'ra, “mahalla yettiligi” tavsiyasi asosida Kambag'allikdan chiqarish dasturiga kiritilgan va uy-joy sharoitini yaxshilashga muhtoj bo'lgan shaxslarga ipoteka kreditlarini ajratish amaliyoti joriy etiladi. 🔘Bunda: ➖ipoteka kreditlari 120 million so'mgacha miqdorda, 20 yilgacha muddatga, Markaziy bankning asosiy stavkasidan to'rt foiz bandga yuqori stavkada yakka tartibdagi uy-joyni qurish, rekonstruksiya qilish va ta'mirlash maqsadlari uchun ajratiladi; ➖ipoteka krediti bo'yicha dastlabki badalning bir qismini qoplash uchun – ajratiladigan kreditning 15 foizi miqdorida hamda foiz to'lovlarining bir qismini qoplash uchun – kredit muddatining birinchi 5 yili davomida 12 foizdan oshgan qismiga subsidiya to'lanadi. Kanalga ulanish👇👇👇 https://t.me/huquqiyaxborot_lotin

#Amal_qiling 🔰 Sanitariya normalarini, qoidalari va gigiena normativlarini buzish: 🔹fuqarolarga BHMning 5 baravaridan 10 baravarigacha (1 mln 700 ming so'mdan 3 mln 400 ming so'mgacha); 🔹mansabdor shaxslarga esa 15 baravaridan 20 baravarigacha miqdorda (5 mln 100 ming so'mdan 6 mln 800 ming so'mgacha) jarima solishga sabab bo'ladi. ✅ Shuningdek, sanitariyaga oid qonunchilikni buzish, odamlarning ommaviy kasallanishi yoki zaharlanishi real xavfini keltirib chiqarsa yoxud odamlarning ommaviy kasallanishiga yoki zaharlanishiga olib kelsa, quyidagi jazo choralaridan biri qo'llanilishi mumkin: ➖BHMning 50 baravaridan 100 baravarigacha miqdorda jarima solish; ➖5 yilgacha muayyan huquqdan mahrum qilish; ➖2 yilgacha axloq tuzatish ishlari; ➖1 yildan 3 yilgacha ozodlikni cheklash; ➖5 yilgacha ozodlikdan mahrum qilish. ‼️Qonunni bilmaslik javobgarlikdan ozod qilmaydi... Kanalga ulanish👇👇👇 https://t.me/huquqiyaxborot_lotin

#Qonunchilikdagi_yangiliklar

❗️Akademiya bitiruvchilariga davlat namunasidagi diplom beriladi

🗓 Qarorga ko'ra, Akademiyada o'quv jarayoni 2025/2026-o'quv yilidan boshlanadi. ✔️ Akademiyaga talabalarni qabul qilish parametrlari Respublika oliy ta'lim muassasalariga o'qishga qabul qilishning davlat buyurtmasi doirasida belgilanadi. 📝 Akademiya talabalarining kontingenti, birinchi navbatda, olimpiya va paralimpiya sport turlariga tayyorlash markazlarida rivojlantirilayotgan sport turlari bo'yicha so'nggi bir yilda Jahon, Osiyo va O'zbekiston chempionatlarida g'olib va sovrindor bo'lgan olimpiya va paralimpiya kollejlari, shuningdek, umumiy o'rta, o'rta maxsus va professional ta'lim muassasalarining bitiruvchilari orasidan ularning sport natijalariga qarab, saralash (seleksiya) asosida shakllantiriladi. ▶️ Bunda, Olimpiya va paralimpiya kollejlaridan saralab olingan bitiruvchilar Akademiyaga to'g'ridan-to'g'ri ikkinchi bosqichga qabul qilinadi. 📄 Akademiya bitiruvchilariga O'zbekistonda oliy ta'lim to'g'risidagi hujjat sifatida tan olinadigan davlat namunasidagi diplom beriladi. ✅ Akademiya talabalari sport va ommaviy jismoniy tarbiya tadbirlarining kalendar rejasiga muvofiq o'tkaziladigan respublika musobaqalarida to'g'ridan-to'g'ri ishtirok etadi. 📜 Akademiya bitiruvchilariga trenerlik faoliyati bilan shug'ullanish uchun malaka sertifikati, istisno tariqasida, to'g'ridan-to'g'ri 6 yilga beriladi. Kanalga ulanish👇👇👇 https://t.me/huquqiyaxborot_lotin

#Qonunchilikdagi_yangiliklar

❗️O'zbekiston davlat sport akademiyasi tashkil etiladi

“O'zbekiston davlat sport akademiyasi faoliyatini tashkil qilish chora-tadbirlari to'g'risida”gi Prezident Qarori (PQ-197-son, 28.05.2024 y.) qabul qilindi 🔰Qarorga ko'ra, Oliy sport mahorati instituti negizida O'zbekiston davlat sport akademiyasi (Akademiya) tashkil etiladi. 📁Quyidagilar 2025/2026 o'quv yilidan Akademiya huzuriga o'tkaziladi: 🔹Jismoniy tarbiya va sport ilmiy tadqiqotlar instituti; 🔹Jismoniy tarbiya va sport bo'yicha mutaxassislarni qayta tayyorlash va malakasini oshirish instituti hamda uning tegishli filiallari. ✔️ Sport sohasida natijalari yuqori bo'lgan davlatlarning yetakchi oliy sport-ta'lim tashkilotlari tajribasi asosida zamonaviy kadrlarni tayyorlash Akademiyaning asosiy vazifalaridan biri etib belgilandi. 🏢 Akademiya tizimida davlat muassasasi shaklidagi Davlat sport tibbiyoti ilmiy-amaliy markazi tashkil etiladi. ▶️ Davlat sport tibbiyoti ilmiy-amaliy markazi sport tibbiyoti sohasida yagona davlat siyosatini amalga oshiruvchi, sport turlari bo'yicha O'zbekiston milliy terma jamoalari a'zolarini tibbiy jihatdan musobaqalarga tayyorlashni tashkil qiluvchi davlat tibbiyot muassasasi hisoblanadi. ✅ Sportchilarga xorijiy tillar va O'zbekiston tarixini chuqurlashtirilgan holda o'rgatish maqsadida Akademiya tuzilmasida Axborot-kutubxona markazini o'z ichiga oluvchi yuridik shaxs maqomiga ega bo'lmagan O'zbekiston tarixi va xorijiy tillarni o'qitish markazi tashkil etiladi. Kanalga ulanish👇👇👇 https://t.me/huquqiyaxborot_lotin

#Qonunchilikdagi_yangiliklar

❗️Futzal bo'yicha Jahon chempionati yuqori darajada tashkil etiladi

“2024 yilgi futzal bo'yicha Jahon chempionatiga tayyorgarlik ko'rish va o'tkazish chora-tadbirlari to'g'risida”gi Prezident Qarori (PQ-195-son, 28.05.2024 y.) qabul qilindi 🔰Qarorga ko'ra, Andijon, Buxoro hamda Toshkent shaharlarida 2024-yil 14-sentyabr – 6-oktyabr kunlari bo'lib o'tadigan 2024-yilgi futzal bo'yicha Jahon chempionatiga munosib tayyorgarlik ko'rish, uni yuqori darajada tashkil etish va o'tkazish maqsadida quyidagilar tasdiqlandi: 🔹2024-yilgi futzal bo'yicha Jahon chempionatiga tayyorgarlik ko'rish va o'tkazish bo'yicha tashkiliy qo'mita tarkibi; 🔹2024-yilgi futzal bo'yicha Jahon chempionatiga tayyorgarlik ko'rish va o'tkazish bo'yicha chora-tadbirlar rejasi. ✔️ Shuningdek, 2024-yil iyun va avgust oylarida Jahon chempionati bosh sovrini – Jahon kubogini ommaga tanishtirish uchun respublika bo'ylab “Trophy experience” futzal turi marshruti ishlab chiqiladi va amalga oshiriladi. 🔍 Jahon chempionatida akkreditatsiyadan o'tgan shaxslarni identifikatsiyalovchi va chiptalarni zamonaviy texnologiyalar (QR-kod) yordamida ro'yxatga oluvchi va tekshiruvchi maxsus onlayn platforma ishlab chiqiladi. 🗓 2024-yil avgust – oktyabr oylarida Jahon chempionatida akkreditatsiyadan o'tgan shaxslar, shuningdek, Jahon chempionati o'yinlariga chiptalari mavjud bo'lgan xorijiy va mahalliy muxlislar uchun temir yo'l chiptalariga 50 foiz miqdorida chegirmalar joriy qilinadi. ✅ Jahon chempionatida akkreditatsiyadan o'tgan shaxslar hamda o'yin kunlari chiptalari mavjud bo'lgan shaxslar uchun jamoat transport vositalaridan (avtobus, metro) bepul foydalanish imkoniyati yaratiladi. Kanalga ulanish👇👇👇 https://t.me/huquqiyaxborot_lotin

❗️Boquvchisini yo‘qotgan ko‘p bolali oilalar yer solig‘i to‘lamaydi

Manba: Soliq kodeksi. Kanalga ulanish👇👇👇 https://t.me/huquqiyaxborot_lotin

#Amal_qiling 📦 Bojxona nazoratini chetlab yoki bojxona nazoratidan yashirib yoxud bojxona hujjatlari yoki vositalariga oʻxshatib yasalgan hujjatlardan aldash yoʻli bilan foydalangan holda yoki deklaratsiyasiz yoxud boshqa nomga yozilgan deklaratsiyadan foydalanib, tovar yoki boshqa qimmatliklarni koʻp miqdorda bojxona chegarasidan oʻtkazish, shunday harakat uchun maʼmuriy jazo qoʻllanilganidan keyin sodir etilgan boʻlsa, quyidagi jazo choralaridan biri qoʻllanilishiga sabab boʻladi: ➖BHMning 300 baravarigacha miqdorda jarima; ➖480 soatgacha majburiy jamoat ishlari; ➖2 yilgacha axloq tuzatish ishlari; ➖2 yildan 5 yilgacha ozodlikni cheklash; ➖5 yilgacha ozodlikdan mahrum qilish bilan jazolanadi. ‼️Qonunni bilmaslik javobgarlikdan ozod qilmaydi... Kanalga ulanish👇👇👇 https://t.me/huquqiyaxborot_lotin

#Qonunchilikdagi_yangiliklar

❗️Olis hududlardagi mahallalarda har oyda kamida ikki marotaba sayyor davlat xizmatlari ko'rsatiladi

Kanalga ulanish👇👇👇 https://t.me/huquqiyaxborot_lotin