𝐎𝐃𝐔𝐔 𝐈𝐒𝐏𝐎𝐎𝐑𝐓𝐈𝐈

“Latii.. Lalisee… Yeroo…wajjin…An immoo sin jaalladha” hafuura dhumaan kana jechaa, seeqa dhumaa ana rifaasise seeqxee onneekoo irra waa keessee, keessaa waa fudhattee sokkite Burtukaan, ana Latii jaallataa ishee yeroo maraa dhiiftee karaa buute. Walleen Giiftii Maaramee sammuu keessaa sagalee olkaafatee natti guungume, Akka waan isheen dhageessuun anis hangan yaadadhu ittiin boo’ee ittiin guungume bosona sana walakkaatii, halkan sana, halkan hamaa… sagaleen Laliseefaas ana irraa fagaateera. “Jaalala ganamaa essatti argamaa Ulfinni ganamaa essatti argamaa Du’a biyya lafaa eenyuutu irraa hafaa Biyyee biyya lafaa maaltu sirratti hafaa? Ituu akka waldanda’uutii du’a irraa wal hambifanna Lubbuu du’arraa hambisuuf ulaaga essatti arganna? Ulaagaadhaan kan walbarree Du'arra wal hin hambisnuu Dhuqquba irraa fayyu malee Namuu du’a irraa hin hafuu Jireenyi biyya lafaa irraa Bashannanaa fi gidira Keessummummaa ni raawwannaa Achumatti wal agarra Naanis dabareen na ga’ee Hangan si bira ga’utti Keessummummaa biyya lafaa…