راديو قديم .📻

المره الوحيده اللي سيبت ايدي فيها عشان اشوف هيمسك فيا ولا لأ، علاقتنا انتهت.

بس انا منسيتش صداقتنا، منسيتش لما كنت بستني اخر كل ليله عشان اجي احكيلك عن اللي حصل ف يومي، عشان اجي اشاركك المزيكا الجديده اللي جبتها، عشان اجي ابعت صوري الجديده اللي اتصورتها وننقي منها ايه ينزل وايه مينزلش، مكنتش اتخيل اني اقعد دلوقتي واكتب كده دلوقتي واقولك انتي مبقتيش هنا ليه، صعبان عليا كل حاجه عيشتها معاكي اشوفك بتعمليها مع غيري وكأن قلبك ناس داخله وناس خارجه بس الثابت هو فعلك، اللي كنتي بتقوليلي انتي غيرهم، انتي كفه والعالم كفه، نفسي اقولك دلوقتي يغور العالم بس الدنيا بينا تصفي، بس انتي مش هينفع تبقي هنا تاني، انتي خسرتي شخص كان مستعد يديلك نن عينه لو شافك محتاجاه، بس انتي مقدرتيش، اشبعي بيهم.

الأحضان أحلى وأدفى حاجة في الحياة، تبقى حزين وخايف ومرهق فيجي قصادك حد بتحبه يحضنك فتلاقي الدنيا كلها ألوان وتحس السما بتطبطب عليك وكل حاجة حواليك بتديك احساس بالأمان

الأصعب من الوحدة هو كونك وحيد وانت وسط ناس ، وسط أهل وصحاب مع ذلك انت حاسس بعدم الانتماء للمكان ومفيش ركن تلجأ له ، العلاقات الباهتة دي اصعب من الوحده.

مهما كان مدي حبك للي قدامك مينفعش تقوله خاف على زعلي وقدرني، مينفعش بعد ما تعاتبه مرة واتنين على حاجة ضايقتك تقوله: أنت ليه بتعمل كدة؟ ولا ينفع تطلب منه يحبك إزاي ويخليك حاسس بوجودك في حياته.. لأنها حاجات بسيطة أوي؛ دة حقك من المحبة اللي مينفعش تعاتب عليه، علشان دي الحاجة الوحيدة اللي لو مطلعتش من القلب واضحة وصريحة وتلقائية، عمرها ما هتبسطك.

جماعة معلش إنتوا إزاي بتعرفوا تخبوا مشاعركوا لِشخص بتحبوه؟ دا أنا بفضل كل شوية أهتم وأسأل وأحاول أعمل حاجات تفرَحُه وأحب التفاصيل إللي بيحبها وبفضل أوصفلُه هو أد إيه جميل ويتحب وأتحِشر معاه في كل التفاصيل ومعنديش مشكلة خالص إني حتى أفضَلُه عن نفسي وعن إهتماماتي. ومبشوفش نفسي مدلوقة ولا أي حاجة من الكلام دا لأن دي مشاعر ربنا خلقها جوايا ومعنديش مشكلة إني أظهرها والله.♥️

.⁦❤️⁩

قيل في الأُلفةِ بين المُتحابين: 'حين كُنت بصحبته، لَمْ أكنْ ألقي بالًـا أبدًا لما أقول، كان الحديث معه سلسًا دون جُهدٍ كما التنفس.💙'

خُد عيني شوف بيها، هتلاقي جواك جميل. إسكندرية كمان وكمان، 1990.

دي أكتر مرة محتاجك تبقي سامعاني فيها لأني عمري ما كنت حاسس إني تايه كده ! - ما وراء الطبيعة.

‏وجود حد في حياتك يفهمك وتبقي قادر تتكلم معاه وانت مش حاسس بأي عبء ولا بتفكر في الكلام مليون مره قبل ما تقوله، ده أهم من وجود ناس كتير في حياتك بيحبوك بس من بعيد، و أهم من وجود ناس كتير في حياتك بس مش قريبين منك بالقدر الكافي اللي يخليهم يفهموك.

صباح الخير! عاوزة اقول ان مفيش حاجة مضمون وجودها ابدا، اي حاجة ممكن تمشي في اي وقت حتي لو الحاجة دى اتفه من التفاهه، مش شرط يكون انسان! ممكن تكون حياه كامله، حيوان، مكان عزيز عليك ، حاجة ماديه او معنوية كمان, خليك دايما لطيف وقدر قيمه كل حاجة حواليك وحبها انهاردة علشان جايز مفيش وجود ليها بكرة! اتمنالك يوم لطيف زيك ❤

قرأت بوست جميل أوي من شوية بيقول: ''في ناس و إنت بتتخانق معاهم بتبقي عامل حسابك قبل الخناقه إنكوا هتتصالحوا'' ودا ببساطه لانكوا ملكومش غير بعض وناضجين بما فيه الكفايه وعارفين إن الخلافات لابد منها بس مرجعكوا فالآخر لبعض زي ما عبد الحليم قال كدا: '' وأكيد لو ههرب منك يبقى إليك.❤️

.🍂

وعندما تشعر أنَّ كل الأماكنِ لا تناسبك تعالي إلى هُنا وتأكد أنه سيتّسع لك دائمًا -قلبي الصغير- إنّهُ بيتك.

أنا مبخاصمش الشوارع ولا الأماكن اللي مشيت فيها مع حد مشي من حياتي بالعكس كل ما بمشي في شارع مشيت فيه مع حد مبقاش موجود بفتكره وبفتكر مواقف معينة وأقول يااااه مشيت هنا أو كنت باجي هنا أنا وفلان، وأبتسم وأكمل طريقي.

"‏الحاجه الوحيدة اللي محدش هايختلف فيها في العلاقات هي إحساس الأمان، إنك تحس إن مكانك محدش يقدر ياخدُه غيرك مهما بذل من مجهود، وإن مفيش زيك ولا هايكون ومهما ظهر حد تاني أحسن منك هايتقابل بالرفض، وإن غيابك كفيل مايخليش اليوم يعدي، وإنك مهما تعبت أو إنطفيت لسه مِتشاف أحسن حد."

-‏ تيانا.. أنا بحب شكلك وأنتِ منورة لما بتتكلمي عن حلمك، وحلمك دة جميل جدًا، وأوعدك هعمل المستحيل عشان حلمك دة يتحقق. ♥🌿

عندي اقتناع تام بان اللي بيحب حد و باقي عليه بجد عمره ما هيسيبه و يمشي مهما حصل ، ساعات بننعزل و بنتصرف تصرفات غريبه عشان مش بنبقي عارفين نعبر عن اللي جوانا بس اللي بيحبنا بجد هيدور علينا و هيلاقينا و يوصلنا و يتكلم معانا و هنقعد نتخانق للصبح و نشد في شعر بعض بس مش هيشوفني بمشي و هيقف يتفرج عليا ابداً ولا هيدي فرصة للبعد اصلاً ♥.

‏انا مبحبش اخسر حد كان بيني وبينه عشرة بسهولة بديلو فرصه وإتنين وده مش معناه إني مليش غيره بس الفكرة إني مدخلتكش حياتي عشان في الأخر أخسرك وبزعل أكتر لما الشخص ده يجبرني أغير مكانته عندي واخليه كأنه شخص مدخلش حياتي في يوم ومبندمش علي ده كل واحد بيختار حجمه بأفعاله.