Nairi Hokhikyan / Նաիրի Հոխիկյան

⚡️ՀԱՅՏԱՐԱՐՈՒԹՅՈՒՆ Հարգելի՛ հայրենակիցներ, «Տավուշը հանուն հայրենիքի» շարժմանն (Սրբազան պայքար) աջակցելու համար գործատուի կողմից (պետական կամ ոչ պետական համակարգում) Ձեր հանդեպ իրականացված որևէ ոչ իրավաչափ գործողության դեպքում՝ ներառյալ աշխատանքից ազատումը կամ աշխատանքից ազատման սպառնալիքը, կարող եք դիմել «ԹԵԺ ԳԻԾ» նշված տարբերակներից որևէ մեկով՝ հեռ.՝ 096 492984, էլ. հասցե՝ [email protected] «Թեժ գիծը» հավաքագրում է տեղեկատվությունը՝ Ձեր խնդրի անհատական քննարկման և աշխատանքի վերականգնման ապահովմանն աջակցելու նպատակով: Տեղեկատվության հանրայնացումը կարող է տեղի ունենալ միայն Ձեր ցանկությամբ կամ համաձայնությամբ: «Թեժ գիծը» գործում է ամեն օր 9:00-22:00:

Մի կողմից իշխանության մանկլավիկները գյուղերում փորձում են վախեցնել Արցախցիներին, թե մայիսի 26-ի մեծ հանրահավաքին մասնակցելու դեպքում նրանց կվտարեն գյուղից, մյուս կողմից իշխանության իրավապահները սարքովի գործեր են հարուցում Արցախում պաշտոն ունեցած և ներկայումս Արցախցիների վրա ազդեցություն ունեցող մարդկանց նկատմամբ։ Նախորդ օրը ձերբակալեցին Ասկերանի քաղաքապետին, այս գիշեր էլ' Մարտակերտի քաղաքապետին։ Չի բացառվում, որ առաջիկա օրվա ընթացքում կփորձեն շարքից հանել Մարտունու, Շուշիի, Ստեփանակերտի վարչակազմերի ղեկավարներին, քաղաքապետերին։ Այս ձերբակալությունների նպատակն է մեկուսացնել ակտիվ Արցախցիներին, ինչի հետևանքով սովորական մարդիկ կարող են վախենալ և զերծ մնալ Սրբազան պայքարին մասնակցելուց։ Բայց խնդիրն այն է, որ Նիկոլն ու նրա մանկլավիկները լավ չեն ճանաչում Արցախցիներին։ Սրանք չգիտեն, թե ով է Արցախցին, ինչպես է թշնամուն ծնկի բերել ու եթե չլիներ Նիկոլի դավադիր գործարքը, Արցախը չէր հանձնվի։ Սրանք նաև չգիտեն, որ Արցախցիները սպառնալիքից չեն վախենում ու կարող են ավելի բորբոքել։ Երեկ Արարատի մարզի գյուղերից մեկում բնակվող մի Արցախցի հայրենակից ասում էր' գյուղապետը կանչել էր և մատ էր թափ տալիս, թե չմասնակցեք հավաքներին։ Ասացինք, այս սպառնալիքից հետո հաստատ գնալու ենք , դու էլ մատդ ներս քաշիր, այլապես հակառակ ուղղությամբ կգնա... (էթիկայից ելնելով' շարունակությունը թողնում եմ ձեր երևակայությանը): Արարատի մարզի Նոր կյանք գյուղում ինչ-որ մանր-մունր խաղամոլներ են ակտիվացել, փորձում են վախեցնել մարդկանց։ Արամ անունով մի ջահել համարձակվում է մարդկանց սպառնալ։ Անձամբ եմ զբաղվելու դրա հարցերով։ Միայն օրենքի շրջանակում, բայց խստագույնս։ Սիրելի Արցախցիներ, շան տեղ չդնեք դրանց սպառնալիքները։ Ոչինչ չեն կարող անել' ոչ տներից վտարել, ոչ էլ զրկել պետական սոցիալական աջակցությունից։ Իրենց հոր տնից չեն բերել, որ զրկեն։ Գյուղն էլ իրենց սեփականությունը չի, որ թողնեն կամ վտարեն։ Հերները կանիծվի, մեկը փորձի մի Արցախցու վտարել մի տեղից։ Հիշեք, կծան շունչը հաչան չի լինում։

Արարատի մարզից այսօր արդեն 4-րդ ահազանգն եմ ստանում, որ տեղական իշխանիկները հանդիպում են գյուղերում բնակվող Արցախցիների հետ ու պահանջում հանկարծ չմասնակցել մայիսի 26-ին սպասվող Սրբազան պայքարի մեծ հանրահավաքին։ Սպառնում են, թե մասնակցելու դեպքում Արցախցիներին կվտարեն տվյալ գյուղից։ Արդեն որոշ պաշտոնյաների անուններ կան մոտս։ Սիրելի Արցախցիներ, խնդրում եմ նման դեպքերում ինձ կոնկրետ անուններով տեղյակ պահեք, նաև թքեք այդպիսի պաշտոնյայի դեմքին ու ասեք, որ իրենք էդքան չկան, որ կարողանան հային վտարել Հայաստանի որևէ վայրից։ Արցախցի տղամարդկանց առաջարկում եմ ամենավերջին հայհոյանքը տալ այդ սպառնալիքը հնչեցնողին։ Դիմում եմ ՀՀ իրավապահ մարմիններին։ Շուտով հանցագործության մասին հաղորդում են տալու ազգամիջյան թշնամանք հրահրելու և պաշտոնական դիրքի չարաշահման համար։ Կոնկրետ պաշտոնյաների անուններ են տրվելու։

Էգոիզմը, եսակենտրոնությունը մարդկային բնույթի ամենամերժելի երևույթներից մեկն է, երբ սեփական անձը և նրա ցանկությունները վեր են դասվում ամեն ինչից։ Էգոիզմը կործանարար հետևանքներ է ունենում ամենուր' անձնական հարաբերություններից մինչև պետական կառավարում և քաղաքականություն։ Արցախի հանձնումը ևս էգոիզմի հետևանք էր, երբ կոնկրետ մարդիկ իրենց անձի փրկության համար զոհաբերեցին հայրենիքը։ Այսօր էլ տեղի ունեցող իրադարձությունները էգոիզմի դրսևորում են։ Մարդիկ վախենում են կորցնել իրենց հարստությունը և թիկնապահներին, դրա համար պատրաստ են զոհաբերել ամբողջ երկիրը։ Էգոիզմը կուրացնում է մարդուն։ Կույր մի եղեք։ Սեփական անձից առավել սիրեք ուրիշներին, սիրեք ձեր մտերիմ մարդկանց, սիրեք հայրենիքը։ Այլապես ես-ը մենակ է մնում, երբ կենտրոնանում եք միայն ես-ի վրա։

Կիրանցում մարդիկ այրում են իրենց տները․ Կրկին նույն իրողությունն է, ինչ եղավ Աղավնոյում, Բերձորում և Արցախի շատ ու շատ այլ բնակավայրերում։ Մարդկանց հանում են իրենց տներից, խլում տասնամյակների ընթացքում ստեղծածն ու տալիս թշնամուն։ Եվ դա արվում է Հայաստանի իշխանության ձեռքով։ Դա արվում է, քանի որ Հայաստանի ղեկավարները դարձել են թշնամու ոտքի տակի փալաս և անում են այն, ինչ իրենց հրահանգում են Բաքվից ու Անկարայից։ Տավուշի մարզի Կիրանց գյուղում մարդիկ սկսել են քանդել իրենց կառույցները, այրել տները, իսկ հայտնի կամրջի մոտ, որտեղով մենք միշտ անցնում ենք դեպի Նոյեմբերյան գնալիս, արդեն խանութն են հանում։ Այսպես հանձնվում է ամեն ինչ․․․ ամեն ամեն ինչ։ Վառվում են մարդկանց կենսագրություններն ու կյանքի իմաստը։

ՀՀ Քննչական կոմիտեն ավելի վատ է հիմար ու ծիծաղելի տեսանյութեր տարածում, քան նույնիսկ Perfect TV-ն։ Մի քանի օր առաջ էլ տարածել էին, թե մարդկանց 3000 դրամ տալով՝ շրջագայության անվան տակ խաբել տարել են Կիրանցի ընդդիմադիր ակցիային։ Այսինքն մարդուն համ փող տան, համ էլ տանեն շրջագայության։ Հիմարությունն ինչքան մեծ է, այնքան շատ են հավատում դրան։ Քննչական կոմիտեին մի հուշում անեմ։ Մի քանի շաբաթ առաջ ես էլ ավտոբուս վերցրի ու 20-ից ավելի մարդկանց տարա սկզբում Կիրանց, մի քանի օր հետո էլ՝ Դիլիջան՝ միանալու Սրբազանի առաջնորդած երթին։ Կարող եք ինձ վրա էլ քրեական գործ հարուցել։ Մանավանդ դրա փորձը ունեք, համ էլ ձեր գործողությունները տրամաբանության հետ կապ չունեն և ուղիղ վարչապետի գրասենյակից են գալիս։ Բայց մի խնդիր կա։ Լևոն Քոչարյանին ո՞նց գտնենք, որ մի կադր նկարեք միասին։Բայց կարող եք մոնտաժել։ Իսկ հեգնանքը եթե մի կողմ թողնենք։ Մի բանի համար եմ ափսոսում։ Որ Գոռ Աբրահամյանի նման կայացած մասնագետն ու մարդը աշխատում է այդ անորակ համակարգի մամուլի քարտուղար։ Գոռը կարգին մարդ է, անկեղծորեն ափսոս է, որ Քննչական կոմիտեի այդ անբարո և հիմար տեսանյութերը հետո կապվելու են նրա անվան հետ։

Ազգային ժողովի իշխանական պատգամավոր Խաչատուր Սուքիասյանը, անդրադառնալով «Տավուշը հանուն Հայրենիքի» շարժման ընթացքին, այսօր հայտարարել է, որ շարժման առաջնորդները, ընդդիմադիր գործիչները և այլն, կարող են, մեռնել կամ բանտարկվել, կամ այլ կերպ հալածվելլ։ Իշխանական պատգամավորն, ըստ էության, Ազգային Ժողովի ամբիոնն օգտագործում է ժողովրդին ու մեզ սպառնալու համար։ Այն նույն ժողովրդին է սպառնում, որի հազարավոր զավակներ այդ նույն իշխանությունների ապաշնորհ կառավարման արդյունքում զոհվել են սահմանին։ Նաև արցախցիներին է սպառնում՝ ասելով, որ եթե շարունակեն մասնակցել ցույցերին կզրկվեն նպաստներից ու ապագայում բնակարան ստանալու հնարավորությունից։ Իրենք սպառնում են ունեզրկմամբ ու սպանությամբ։ Դա պարզ պատկերն է, թե մենք ինչ ենք ուզում, իրենք ինչ են ուզում։ Այդ վարքագիծը, որը մինչ այդ թաքնված էր, հիմա դրսևորվում է։ Բայց գիտե՞ք ինչն է ամենահետաքրքիր և կարևոր հանգամանքը։ Այն, որ մեզ միայն Սուքիասյանը չի սպառնում։ Նման սպառնալիքներ մենք ավելի վաղ ենք ստացել։ Բացեք թուրքական մամուլը և տեսեք, թե ինչ է գրում Էրդողանի զարմիկ Զենգիզ Էրիկին պատկանող «SüperHaber.com» էլեկտրոնային պարբերականը։ Ահա վերնագիրը. «Ո՞վ է սպանելու Բագրատ սրբազանին... Մեղքը գցելու են թուրքերի վրա»: Հոդվածում նշվում է, իբր հենց հայերն են սպանելու Բագրատ Սրբազանին ու մեղքը գցեն Թուրքիայի կամ Ադրբեջանի հատուկ ծառայությունների վրա։ Ու հիմա երբ համադրում ենք Սուքիքասյանի ասածն ու Էրդողանի ընտանեկան թերթի գրածը, պատկերը շատ ավելի հստակ է դառնում։ Մեր ժողովրդի թշնամիները լավ են հասկանում, թե ինչի մասին է այս պայքարը։ Նրանք լավ են գիտակցում, որ հայ ժողովուրդն ուղղելու է իր մեջքը և ճշմարտությունը հաղթելու է ստին։ Նրանք լավ գիտեն, որ Հայաստանի ու հայ ժողովրդի անվերջ ստորացման այս շղթան շուտով կտրվելու է։ Դրա համար էլ սպառնում են։

Անգեղակոթի 2021-ի դեպքի մասին ճշմարտությունը․ Նիկոլի քարոզիչները պարբերաբար մեջտեղ են գցում «Անգեղակոթի կռիվ» արտահայտությունը՝ փորձելով մարդկանց մեջ ապատեղեկատվություն տարածել իբր թե Սիսիանի այդ գյուղում իմ կամ ընկերներիս դեմ ինչ-որ հարձակման մասին։ Ի՞նչ է եղել իրականում։ 2021թ․ նոյեմբերի 20-ին գաղափարակից ընկերների հետ մեկնել էինք Գորիս՝ իրազեկման ակցիաներ անելու և ավտոերթով Երևան վերադառնալու համար։ Գորիսում ոստիկանության որոշ ծառայողներ «պոչ» էին նստել մեր մեքենաներին ու հետևում էին, թե ուր ենք գնում, ում հետ ենք հանդիպում։ Արդյունքում մենք կանգնեցրինք այդ ապիկար ոստիկաններին ու ամոթանք տվեցինք, իրենք բառացիորեն փախան։ Տեսանյութ էլ կա։ Երևան վերադարձին Սիսիանի Անգեղակոթ գյուղի մոտ մեր ընկերներից Մարինա Խաչատրյանը որոշեց ուղիղ եթերում պատմել Անգեղակոթին սպառնացող վտանգների մասին՝ շեշտելով այսպես կոչված «Զանգեզուրի միջանցքի» գործարքը, որի մասին այն ժամանակ անթաքույց խոսում էին վարչապետ Նիկոլ Փաշինյանը և ԱԱԽ քարտուղար Արմեն Գրիգորյանը։ Մարինայի ուղիղ եթերի ժամանակ ինձ մոտեցավ Անգեղակոթի մի տղամարդ բնակիչ ու հարցրեց մանրամասները։ Դժգոհեց, որ մեծ պայքար չի լինում Նիկոլի դեմ, որ իրենք էլ վստահեն ու դուրս գան։ Այդ պահին մեկ այլ մեքենա մոտեցավ։ Դա տեսնելով՝ Անգեղակոթի բնակիչ տղամարդը ինձ ասաց, որ զգուշանամ այդ մեքենայի վարորդից։ Ասաց, որ Սևակ անունով այդ մարդը դպրոցի տնօրեն է կամ նման մի բան ու մոլի նիկոլական։ Իրոք, մոտեցավ Սևակը և Մարինային սկսեց վիրավորել, ապա շրջվեց իմ կողմը և ինձ ստախոս անվանեց։ Մարինա Խաչատրյանի ուղիղ եթերում էլ տվյալ անձին սկսեցի հանդարտ տոնով բացատրել, որ ինքը հիմար է։ Այդ ընթացքում էլի մարդիկ եկան, որոնք Սևակ անունով այդ սադրիչին բառացիորեն քաշեցին տարան՝ ասելով, որ մարդիկ զզվել են նրա նիկոլական արարքներից։ Ու մինչ ես բարեկամաբար զրուցում էի Անգեղակոթի մի խումբ բնակիչների հետ՝ սպասելով Մարինայի ուղիղ եթերի ավարտին, հանկարծ մեծ արագությամբ մի սմբուկագույն ժիգուլի մոտեցավ, կանգ առավ, և միջից իջան 4-5 հոգի 60-70 տարեկան տղամարդիկ։ Սրանք սկսեցին մեզ հայհոյել ու փորձեցին քարերով հարվածել։ Ակնհայտ էր, որ սադրանք է։ Տեղացիները զգուշացրին, որ դրանք գյուղի հարբեցողներից են, որոնց հաջողությամբ օգտագործում են Նիկոլի պաշտոնյաները։ Մեզ համար պարզ էր, որ դրանց ուղարկել են կռիվ հրահրելու, ապա այդ կռվի պատճառով մեզ վրա քրեական գործեր կարելու համար։ Ու քանի որ սադրիչները տարեց մարդիկ էին, փորձել էին նրանց միջոցով անել ամեն տեսակի անամոթություն։ Ես մոտեցա այդ սադրիչներից մեկին ու հանգիստ տոնով ասացի, որ չշարունակի հայհոյել, այլապես ես իրենից ավելի խայտառակ բառեր կարող եմ ասել։ Այդ պահին նկատեցի, որ 2 հոգի հարձակվել են մեր Արթուր Գրիգորյանի վրա և փորձում են նրան խփել։ Արթուրը կարող էր ամեն մեկին մի մուշտիով գետնին տապալել, բայց համառորեն զսպում էր իրեն։ Սկսվեց հրմշտոց, որին մոտ 100 մետրից հանգիստ հետևում էին ոստիկանները՝ սպասելով ծեծկռտուքի։ Անգեղակոթի խելամիտ բնակիչների հետ ճիշտ գնահատելով իրավիճակը՝ սադրիչներին հրեցինք մի կողմ, ապա իմ ընկերներին համոզելով նստեցրի մեքենաները, որ շարժվենք։ Ես ինքս մոտեցա Անգեղակոթցիներին և ներողություն խնդրեցի պատահածի համար։ Իրենք էլ իրենց կողմից ներողություն խնդրեցին համագյուղացի հարբեցող մի քանի հոգու արած սադրանքի համար։ Թե հետո այդ տարեց մարդկանց տարան գյուղում ինչ դաստիարակչական աշխատանք արեցին, չգիտեմ։ Մենք վերադարձանք Երևան, իսկ Սիսիանի ոստիկանները այդպես էլ չստացան իրենց սպասած կռիվը, որ ձերբակալեին մեզ։ Սա է եղել ամբողջը, որը փչելով տարածում են Նիկոլի քարոզիչները, իբր թե Անգեղակոթում չգիտեմ ինչ բախումներ են եղել։ Հուսով եմ, այս տարեց սադրիչները գոնե հիմա հասկանում են, թե Նիկոլի սրիկաները իրենց ինչպես են օգտագործել։ Թեպետ հարբեցող մարդկանց համար կարևորը հասկանալը չէ, հարբելն է։