Rasul Kusherbaev

Соғлом ақлга қайтиш ёҳуд видеоларга "лайк" босиш айб эмас, деб топилди Ўзбекистон одил судлов тизимидаги шармандали ҳолатлардан бири диний материалларга лайк босганлик учун ҳам фуқароларнинг судланаётгани билан боғлиқ эди. Масалан, ўтган йили Навоийлик кекса аёлга беш йил олдин, яъни 2018 йили "Одноклассники" тармоғида таъқиқланган диний маърузага "лайк" босгани учун 3 йилга озодликни чеклаш жазоси берилганди. Бироқ "лайк" босиш аслида тарқатишга бўлган уриниш эмас, балки хайрихохлик, ўзига ёққанлигини билдирувчи алгоритм эканлигини бугун мактаб ўқувчиси ҳам яхши билади. Куни кеча эса Нарпай туманида ИИБ 20 ёшли йигитга нисбатан "диний мазмундаги материалга лайк босиш"да ифодаланган ҳаракати учун маъмурий баённома расмийлаштириб, судга юборганида судда қатнашган мутахассис ва ниҳоят "You tube’да лайк босиш қўллаб-қувватлаш экани, тарқатишга кирмаслиги" ҳақида хулоса берибди. Суд ҳам йигитга нисбатан тўпланган иш материалларини таҳлил этиб, унинг содир этган ҳаракати ИИБ томонидан МЖтКнинг 184-2-моддаси билан нотўғри малакаланган деб ҳисоблаб, ишни тугатиш ҳақида қарор қилган. Ишқилиб судга "ДУХ" қайтаётгани рост бўлсин! 👉 @rasul_kushebaev

“Ҳукумат соати”да Олий таълим вазири Конгратбай Шарипов 2024/2025 ўқув йили кириш имтиҳонларидаги “аввал тест, сўнг танлов” тартиби ҳақида маълумот берди. 👉 @rasul_kushebaev

16 июнь Қурбон ҳайити куни 2024 йилда Қурбон ҳайитининг биринчи куни 16 июнь – якшанбага тўғри келиши муносабати билан юртимизда 16 июнь Қурбон ҳайити байрами сифатида нишонланади. Қурбон ҳайитининг биринчи куни дам олиш кунига тўғри келиши муносабати билан ушбу дам олиш куни 17 июнь – душанба кунига кўчирилади, 18 июнь – сешанба куни барча ходимлар учун қўшимча дам олиш куни бўлади. Президент қарорига кўра, олти кунликлар кетма-кет 3 кун, беш кунликлар 4 кун дам олишади. Шунда 17 июнь, душанба — барча учун дам олиш куни, 18 июнь, сешанба — барча учун қўшимча дам олиш куни. 👉 @rasul_kushebaev

❗️Ўзгидромет прогнозига кўра, бугун республика марказий текислик ҳудудлари ҳамда жанубий вилоятларда ҳаво ҳарорати +41°С га етади.

🌱«Менинг боғим» лойиҳаларини амалга оширишда иштирок этинг! Бунда фуқаролар 2024 йилнинг 10–20 июнь кунлари оралиғида «Очиқ бюджет» порталида «Менинг боғим» лойиҳалари бўйича ўз таклифларини киритади. Сўнгра 23 июндан 3 июлга қадар саралашдан ўтган лойиҳаларга овоз беришлари мумкин бўлади. 👉 @rasul_kushebaev

❗️Хоразмда тунги хизмат олиб бораётган миллий табиат боғи инспектори маст ҳолдаги фермер томонидан калтакланиб, тан жароҳати етказилди. Инспекторга шифохонада зарур тиббий ёрдам кўрсатилмоқда. 👉 @rasul_kushebaev

Солиқчилар ичидаги порахўрлари қўлга олинган Жумладан, Қарши тумани солиқ инспекцияси бош инспектори 2300 доллар, Ғиждувон тумани солиқ инспекцияси катта инспектори 8 млн сўм, Яккасарой тумани солиқ инспекцияси бош инспектори ва шўъба бошлиғи ҳамда Юқори Чирчиқ тумани солиқ инспекцияси собиқ шўъба бошлиғи коррупция жинояти устида қўлга олинган. 👉 @rasul_kushebaev

Навоийдаги навбатдаги шубҳали давлат хариди ҳақида Ревизорнинг ёзишича, Навоий вилояти Спорт бошқармасига қарашли спорт мактаби «Навоий шаҳар бўйича ўтказилган ташаббусли бюджет жараёнида ғолиб бўлган лойиҳани амалга ошириш бўйича харид қилинадиган товарлар» юзасидан танлов эълон қилган. Танловга жами иккита талабгорлар томонидан тижорат таклифлари билдирилган бўлиб, харид комиссиясининг 2024 йил 6 июнь кунидаги баённомасига мувофиқ энг яхши таклифни аниқлаш орқали 165,5 млн сўм нарх таклифи билан «POLARIS INTER TECH» МЧЖ танлаш ғолиби, «YASRIB 571» МЧЖ эса заҳира ғолиби деб топилган. Мазкур давлат харидида ўзаро аффилланган шахсга тегишли икки тадбиркорлик субъекти иштирок этиб, улардан бири ғолибликни қўлга киритган бўлиши мумкин. Хусусан, очиқ манбаларга кўра, танлов иштирокчиларни айни бир шахс боғлаб туради. Яъни, «POLARIS INTER TECH» МЧЖнинг раҳбари ва таъсисчиси (50 фоиз) Давлатов Ғанишер Ғиязович — бир вақтнинг ўзида «YASRIB 571» МЧЖнинг ҳам тасисчиси (50 фоиз) ҳисобланади. Бундан ташқари, ўзаро аффилланган шахсга тегилши мазкур икки тадбиркорлик субъекти Навоий вилояти спорт бошқармасига қарашли спорт мактаби томонидан эълон қилинган жами 3 та лотда иштирок этгани маълум бўлди. Танловларнинг барчасида «POLARIS INTER TECH» МЧЖ танлаш ғолиби, «YASRIB 571» МЧЖ эса заҳира ғолиби деб топилган. Шундай қилиб, «POLARIS INTER TECH» МЧЖ юқорида кўрсатилган танловларда ғолибликни қўлга киритиш орқали бир миллиард сўмдан зиёд давлат харидлари бўйича шартномалар тузилишига эришиши мумкин. ☝️Ваколатли органлар мазкур давлат хариди бўйича текширув ўтказадилар, деган умиддамиз. 👉 @rasul_kushebaev

Шу кунларда Ҳиндистоннинг кўплаб штатларида аҳоли юқори иссиқлик стресслари, ҳаддан ташқари юқори ҳароратлар ортидан ҳушидан кетмоқда. Кеча Ҳиндистон пойтахти Деҳлида хам тарихий иссиқлик рекорди янгиланди. 29 май куни Деҳлидаги асосий метеорологик таянч кузатув станциясида ҳаво харорати максимуми +49.9°С га етган. Бу, пойтахт Деҳли учун олдинроқ қайд этилган мутлақ рекорд иссиқ ҳароратдан 0.7°С юқори дегани... Манба

❗️Хушхабар❗️ТКТ ва ТESOL ҳам рўйхатда бор: педагогларга устама белгилашда қўлланадиган чет тили сертификатлар рўйхати тасдиқланди Қўшма қарорининг 3-бобида педагогларга устама белгилашда қўлланиладиган хорижий тилларни билиш даражасини белгиловчи миллий ва халқаро тан олинган сертификатлар рўйхати тасдиқланди. Кўпчилик педагогларнинг таклифлари инобатга олиниб, рўйхатга ТКТ ва ТЕSOL сертификатлари ҳам киритилган. Мактабгача ва мактаб таълими вазирлиги тизимидаги педагоглардан TKT, TESOL, TEFL, TESL сертификатлари Common European Framework of Reference (CEFR) тизимининг B2 сертификати билан биргаликда қабул қилинади ва Мактабгача ва мактаб таълими вазирлиги тизимидаги педагоглари учун устама тўланади. Барча TESOL, TEFL, TESL сертификатлари ўқитувчи (тренер) билан камида 100 контакт соат шуғулланиши ва камида 40 соатлик ўқитувчи-педагогик амалиётини қамраб олиши, бунда амалиёт қисми инструктор томонидан кузатилиб баҳоланиши зарур. Қарор иловасининг 3-боби икки ойдан кейин кучга киради. 👉 @rasul_kushebaev