Elçin Əfəndi🇦🇿

Maraqlı dialoq

Adambaşına maliyyələşmə orta ümumi təhsil müəssisələrində hər şagirdbaşına düşən vəsaitin hesablanmasıdır “Adambaşına maliyyələşmə orta ümumi təhsil müəssisələrində hər şagirdbaşına düşən vəsaitin hesablanmasıdır”.   "Azərbaycan müəllimi" xəbər verir ki, bunu elm və təhsil nazirinin müşaviri Elnur Əliyev mətbuata açıqlamasında bildirib. Onun sözlərinə görə, orta ümumi təhsil müəssisələrində adambaşına maliyyələşməyə keçid “Azərbaycan Respublikasının 2022-2026-cı illər sosial-iqtisadi inkişaf Strategiyası”nda öz əksini tapıb. Sənəddə bu məsələ Elm və Təhsil Nazirliyinə verilmiş tapşırıqlar içərisində yer alıb: “Ənənəvi modeldə ümumi vəsait hansısa xərc maddələrinə görə bölünürdü. Adambaşı maliyyələşmədə vəsait hər şagirdə hesablanır. Kənd və ya şəhər məktəbində təhsil almasından asılı olmayaraq, şagirdlərə bərabər vəsait, bərabər imkanlar ayrılır”.   E.Əliyevin fikrincə, bu, həm də o deməkdir ki, məktəblərdə hesabatlılıq və məsuliyyət artacaq: “Yəni şagird hara getsə, vəsaiti də özü ilə ora aparır. Şagird bir məktəbdən çıxanda həmin müəssisəyə ayrılan vəsait də azalır. Bu, şagirdlərin tədrisinə daha həssas yanaşmaq üçün əlavə məsuliyyət hissi yaradacaq. Həmçinin bu, pilot layihə gedişində onlara müvafiq təlimlər mütləq veriləcək".   E.Əliyev adambaşına maliyyələşməni hesabatlılıq baxımından çox müsbət layihə hesab edir: “Paralel olaraq qeyd edim ki, bu tip yanaşma ilə məktəbin özünəməxsus ehtiyacları ola bilər. İndiki halda resurslar mərkəzdən paylanır və hamıya bəlli resurslar verilir. Amma adambaşına maliyyələşmədə müəssisələrin özünün şagird sayına görə büdcəsi var və bu, resurs ehtiyacına görə spesifik istiqamətlərə xərclənir. Məsələn, hansısa fənn istiqamətində əlavə diqqət, yaxud resurs ayırmaq istəyirsə, məktəb idarəçilərinin muxtariyyəti olur. Bu da onlara büdcədən istifadə imkanları verir ki, nəticədə bu, təhsilin keyfiyyətinin artırılmasına xidmət edir. Yəqin ki, adambaşına maliyyələşməyə keçid məktəblərin idarəetmə strukturlarına yanaşmanın da dəyişməsinə gətirib çıxaracaq”.    Nazir müşaviri adambaşına maliyyələşmədə müəlimlərin maaşının haradan və necə ödəniləcəyinə də münasibət bildirib: “Bir məktəb buna spesifik yanaşa bilməz. Layihəyə tam keçiddən sonra, yəqin ki, məktəblərin büdcəsi olacaq və məktəb rəhbərlərinin əlavə müəllim cəlb etmək, müəllimə əlavə mükafat vermək kimi imkanları olacaq”.    O həmçinin 2026-cı ilə qədər pilot olaraq nəzərdə tutulan layihənin hələlik bir neçə məktəbdə başlayacağını diqqətə çatdırıb: “Strategiyada hədəf olaraq 100 məktəbə çatdırılması nəzərdə tutulub”.

Canlı yayım rəsmi instagram hesabımda olacaq. https://www.instagram.com/elchin_efendi/

Növbəti vətəndaş sualı: Ödənişli əsaslar qəbul olduğumuz zaman təhsil haqqı nə zaman ödənilir? Cavabım: Təhsil haqqı nəzərdə tutulan qeydiyyat dövrü ərzində ödənməlidir. Əgər tam ödəmə mümkün deyilsə, müəyyən hissə edib, qalığı dərs başlananadək ödəyə bilərsiniz.

Vətəndaş sualı: 9 illik bazadan kolleclərə ixtisas seçimi nə zaman olacaq? Sizə müraciət edə bilərik? Cavabım: Cari ayın sonu, avqustun əvvəli üçün gözlənilir. Bəli, edə bilərsiniz. Bunun üçün 0554949487 nömrəsinə WhatsApp platforması üzərindən yaza bilərsiniz.

Vətəndaş sualı: Magistraturaya ikinci tur nə zaman gözlənilir? Cavabım: Avqustun əvvəli üçün.

Vətəndaş sualı: Əgər ikinci cəhddə nəticəmiz yaxşı olsa biz onun əsasında seçim edəcəyik? Csvabım: Bəli. Ümumiyyətlə, cəhdlər üzrə hansında nəticəniz yaxşıdırsa, onu seçə bilərsiniz!

Növbəti sual: I və IV ixtisas qruplarının imtahana buraxılış vərəqi nə vaxt veriləcək? Cavabım: Cari həftənin sonunadək gözlənilir.

Başqa bir vətəndaş sualı: Deyilənə görə buraxılışdan 200 balı keçsək, amma blokda 50 bal toplasaq ümumi balımız 200 balı keçdiyi üçün dövlət sifarişli yerləri qeyd etmək olar. Bu nə dərəcədə doğrudur? Cavabım: Belə bir hal bütün ixtisas qrupları üçün keçərli deyil. Yalnız I və IV ixtisas qruplarında, əsasən, aqraryönümlü ixtisaslarda yalnız dövlət sifarişli yerlər mövcud olur ki, onu da ümumi balı 150+ olan və bu balın ən azı 50-sini blok imtahanından yığan abituriyentlər seçə bilərlər. Yəni, şərt o deyil ki, sizin ümumi balınız 200 balı keçsin deyə, o ixtisasları qeyd edəsiniz. 150-160 balla da o ixtisasları qeyd etmək olar!