Obidxon Sobitxon Abdulhamid

📚 t.me/ObidxonSobitxon

"ﻛﺎﻥ ﻋﺒﺪ اﻟﻠﻪ بن مسعود -رضي الله عنه- إﺫا ﺻﻠﻰ اﻟﻔﺠﺮ ﻟﻢ ﻳﺪﻉ ﺃﺣﺪا ﻣﻦ ﺃﻫﻠﻪ ﺻﻐﻴﺮا ﻭﻻ ﻛﺒﻴﺮا ﻳﻘﻮﻡ ﺣﺘﻰ ﺗﻄﻠﻊ اﻟﺸﻤﺲ". قاله طارق بن شهاب رحمه الله. Ториқ ибн Шиҳоб раҳимаҳуллоҳ айтади: Абдуллоҳ ибн Масьуд разияллоҳу анҳу бомдодни ўқигандан кейин оиласидан каттами, кичикми, бирортасини то қуёш чиққунча жойидан тургизмас эди". Эрталабки дуо, зикрлар инсоннинг кун бўйи ҳаёти учун жуда ҳам муҳим. Ибн Таймия раҳимаҳуллоҳ : эрталабки зикрлар мен учун нонушта кабидир. Улар бўлмаса тоқатим етмай қолади, дер эканлар. Аллоҳнинг зикри ҳадисларда айтилишича қалбларнинг жилосидир. Инсон юраги билан инсон. Юрак бутун бўлса ҳамма нарсага илож топади. Юракнинг саодати, куч-қуввати эса Аллоҳнинг муҳаббати билан, зикри биландир. Зеро инсон яхши кўрган нарсани кўп эслайверади, тилига олаверади. Зикрларнинг инсонга берадиган маънавий кучини тажриба қилган одам ҳис қилади. Кунни қуръон тиловати билан бошлаган одамда бошқача кайфият ҳосил бўлади. Кун бўйи ҳаётидан мамнун бўлиб юради. Лекин яна бир муҳим жойи, занглаган темир ҳам бир икки ишқалаш билан тоза бўлиб қолмаганидек, юраклар занги ҳам бир икки марта зикр билан тоза бўлиб қолмайди. Олдинига ўзингизни мажбурлайсиз, аста аста Аллоҳнинг зикри қалбингиз учун ҳамма нарсадан ширинроқ, унинг розилиги излаш эса энг лаззатли ишингиз бўлиб қолади. Ана унда Аллоҳ таоло томонидан келадиган футуҳотларни асти сўраманг. Аллоҳ олийжанобдир ва У ҳар нарсага қодирдир. Аллоҳ билан сидқидилдан муомала қилган одам ҳеч қачон юткизмайди. Аллоҳ таоло ўзини ёд этиб зикр қилишимизга, шукр қилишимиз, бандалик вазифамиз, ибодатни энг чиройли суратда адо этишимизга Ўзи кўмакчимиз бўлсин.

Мағлубиятга учраган халқлар ғолибга тақлидчи бўлишга берилиб кетади. Ибн Халдун

📚 t.me/ObidxonSobitxon

📚 t.me/ObidxonSobitxon

Ассалому алайкум Иншааллоҳ бироздан кейин Бақара сурасининг 11- оятдан бошлаб, Саъдий тафсирларидан ўқиймиз.

📚 t.me/ObidxonSobitxon