لهَفة
"فأنا بالشِعر أحيا كالغدير المطمئن.."
إظهار المزيد3 347
المشتركون
+524 ساعات
+207 أيام
+8130 أيام
- المشتركون
- التغطية البريدية
- ER - نسبة المشاركة
جاري تحميل البيانات...
معدل نمو المشترك
جاري تحميل البيانات...
Repost from N/a
العمر يمضي مابين ذنوب فعل وكلام
والرابح اللي كسب ثنتين دنيا و دين
ياربي ابي أمنية يوسف عليه السلام
توفني مسلمً .. وألحقني بالصالحين
«على قطار الصبا مرّت عجاف السنين
يذكرك بالخير يا زهرة سنين الصبا
عيني تبي شي ياعيني وش اللي تبين
وقلبي يبي شي ياقلبي وش اللي تبا؟
نشدت هدهد سبا عن عودة الراحلين
قال انتظر لين ياتيك الخبر من سبا
الأرض في عين غير المهتوي ما تزين
لو إنها جنةٍ خضرا؟ تصير شهبا»
"كبار ما حنّا من أهل التلّفات
ونفوسنا من بعض الأشياء عيوفه
نقدّر اللي يبيّن وقت المهمات
واللي ما كنّه يشوفنا ما نشوفه
والحاجة اللّي ننتظرها ولا جات
إن جات ولا ما عليها حسوفه"
"فداك الشِعر والشاعر و قافٍ ما عليه خلاف
وفداك القلب يوم إنه لدربك — صار متبوعي"
"إذا مالت بك الدنيـا، وحطت بك على مركاك
تأمل بالفرج ضحكة رفيق، وزور محرَابي"
«اما جلوس العز بين الاجاويد
ربعٍ على المذهب ونعم البطانه
ولا لحالك سج رجلك مع البيد
واحذر جلوس المهزله والمهانه»
"بدسّك عن سفوح الدّمع لو موج الليالي عال
لو كْفوف المحاني من خضاب الهمّ ممتلّه"
"يمر الوقت وأيامك تشابه والسنين تطوف
ولا لك غير مشـوارٍ قـديم بسـكّة الـذكرى
عليه تمرْ لا بان الحزن في وجهك المخطوف
من الشكّ الوشيك اللي ليا مرّ الوهم يِطرى
غريبٍ كل ما طاح الظلام وبان فيك الخوف
هربت من إرتيابك والأرق للشعر والمسرى
تفكّر في لياليك القِدام وحلمك المكتوف
وأمانيك البسيطة في زنازين الظروف أسرى
نسى وجه المدينة وجهك المتوهج المألوف
وفقد درب المرابي خطوتك بـ الليلة الغدرى
بهت وجه الحياة بداخلك وأستنزفتك حْتوف
بهوتٍ ما شْعله ضحكة صغير وسلهمة عذرى"